ოფიციალურმა პეკინმა ქვეყანაში ჟოზეფ ბორელის ვიზიტი გააუქმა

68
spot_img

ოფიციალურმა პეკინმა ქვეყანაში საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის, ჟოზეფ ბორელის ვიზიტი გააუქმა. ინფორმაციას ამის შესახებ სააგენტო Reuters-ი ავრცელებს.

აღსანიშნავია, რომ ჩინეთის მთავრობაში ვიზიტის გაუქმების მიზეზები ამ დრომდე არ დაუსახელებიათ.

„სამწუხაროდ, ჩინელმა კოლეგებმა შეგვატყობინეს, რომ მომავალ კვირაში დაგეგმილი ვიზიტი არ არის შესაძლებელი და ახლა ჩვენ უნდა ვეძებოთ ალტერნატივა“, – განუცხადა Reuters-ს ევროკომისიის სპიკერმა, ნაბილა მასრალიმ.