კვლევის თანახმად გამოკითხულთა 40% არავითარ შემთხვევაში არ მისცემდა ხმას “ერთიან ნაციონალურ მოძრაობას,” 29% – “ქართულ ოცნებას”, ამის შესახებ საერთაშორისო რესპუბლიკური ინსტიტუტის (IRI) გამოკითხვის შედეგებიდან გამომდინარეობს.

კერძოდ, კითხვაზე, რომელ პარტიებს არ დაუჭერს მხარს  არავითარ შემთხვევაში, ასეთის არსებობის შემთხვევაში:

გამოკითხულთა 40% არავითარ შემთხვევაში არ მისცემდა ხმას “ერთიან ნაციონალურ მოძრაობას,” , 29 – “ქართულ ოცნებას”, 18% – “გირჩსა და დროას”, 16% – “გირჩს”, 13% – “ევროპულ საქართველოს”, 12% – “კონსერვატიულ მოძრაობა – ალტ-ინფოს”, 11% – “ლეიბორისტულ პარტიას”, 10% – “ლელოს”, „სტრატეგია აღმაშენებელს“ 9%, „პატრიოტთა ალიანსს“ – 9 %, „საქართველოსთვის“ – 8%, „მოქალაქეები“ 6%, „ხალხის ძალა“ 4 %, „ხალხისთვის“ 2%.

გამოკითხულთა 8%-მა განაცხადა, რომ არც ერთს, 12% – არ იცის და 5%-მა უარი განაცხადა პასუხზე. სულ 3 პასუხამდე იყო დაშვებული.

კვლევა ჩატარდა 2023 წლის 14 სექტემბერი – 14 ოქტომბრის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ. კვლევის საველე სამუშაოები ჩატარდა „IPM“-ის მიერ. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1200 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი – 73%. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.

„ნაცმოძრაობაში“ არაერთხელ ჩამოჰკრა უბედურების ჟამმა. პრაქტიკულად, ახლა ხაბეიშვილი და მელია დაჭერობანას თამაშობენ, – ამის შესახებ „ხალხის ძალის“ ერთ-ერთმა ლიდერმა გურამ მაჭარაშვილმა განაცხადა.

მისი თქმით, „ნაციონალურ მოძრაობას“ ახლა კიდევ ერთი პრობლემა აქვს, რომ ხაბეიშვილი ვერ რიცხავს პარტიიდან ნიკა მელიას.

„ახლა კიდევ ერთი პრობლემა აქვთ, ხაბეიშვილი ვერ რიცხავს მელიას. პრაქტიკულად, ახლა ხაბეიშვილი და მელია დაჭერობანას თამაშობენ. ხაბეიშვილი დაიხუჭება და იტყვის, არ დავინახო მელია. ეს კი ამბობს, „დაგასტუკეო“. პარტიის წევრს რომ ვერ რიცხავ პარტიიდან და გჭირდება არაფორმალური მმართველის მიერ ტრაქტატებისა და მანიფესტების მომზადება, უკვე ნიშნავს, რომ ამ პარტიაში სერიოზული კრიზისია“, – აღნიშნა გურამ მაჭარაშვილმა.

„კინოინდუსტრია ის დარგია, სადაც წარმატების საუკეთესო მოდელი დამყარებულია საჯარო – კერძო პარტნიორობაზე. ვფიქრობ, რომ ერთი მხრივ, წამყვანი ქართული და ამერიკული კომპანიების, მეორე მხრივ კი ეკონომიკის სამინისტროს მონაწილეობა ამ პროექტში მოგვცემს წარმატების ფორმულას. ამ შემთხვევაში, წარმატება იქნება ის, რომ გვქონდეს მეტი საქართველო ჰოლივუდში და მეტი ჰოლივუდი – საქართველოში,” – განაცხადა ეკონომიკისა და მდგრადი განვითარების მინისტრის მოადგილე ირაკლი ნადარეიშვილმა პრესკონფერენციაზე, რომელიც წინანდალში, ურთიერთთანამშრომლობის მემორანდუმის ხელმოწერის შემდეგ გაიმართა. საქართველოს მთავრობის მხარდაჭერით, ეკონომიკისა და მდგრადი განვითარების სამინისტრომ, ქართულმა „სილქ როუდ ჯგუფმა”, ამერიკულმა კინოსტუდიამ WonderHill Studios და ამერიკულმა საინვესტიციო და საკონსულტაციო კომპანიამ ESTech,  ხელი მოაწერეს მემორანდუმს საქართველოში ერთობლივი საწარმოს – WonderSilk Studios (WSS) დაარსების შესახებ, რომელიც კინოწარმოებისა და კინოს დაფინანსების სფეროში იმუშავებს.

„ჩვენ, სააგენტოს „აწარმოე საქართველოში” ბაზაზე, მზად ვართ, მონაწილეობა მივიღოთ სხვადასხვა ტიპის ინფრასტრუქტურული პროექტების განვითარებაში. ფილმის წარმოება რთული და კომპლექსური ღირებულებათა ჯაჭვისგან შედგება. ჩვენი, როგორც ეკონომიკის სამინისტროს, ამოცანაა, ფილმის წარმოების უფრო დიდი ნაწილი ხდებოდეს საქართველოში –  ეს ეხება არა მხოლოდ გადაღებას, არამედ ფილმზე მუშაობის შემდგომ პროცესს, რისთვისაც საჭიროა სათანადო ინფრასტრუქტურა. სახელმწიფო მზადაა, მონაწილეობა მიიღოს ასეთი საინვესტიციო პროექტების განხორციელებაში,” – განაცხადა მინისტრის მოადგილემ. მისი თქმით, ეკონომიკის სამინისტრო 6 წელია, აქტიურად არის ჩართული კინოინდუსტრიის ხელშეწყობაში. „ჩვენ შექმენით სხვადასხვა ტიპის პროგრამები სააგენტოს „აწარმოე საქართველოში” ბაზაზე – 40 ფილმზე მეტია ამ პორტფელში, ათეულობით მილიონი დოლარის ინვესტიცია განხორციელდა და შექმნა ასობით სამუშაო ადგილი. ჩვენ ძალიან აქტიურად ვმუშაობთ, რომ ადგილობრივ საპროდიუსერო კომპანიებს საერთაშორისო ბაზრებზე ჰქონდეთ წვდომა. ჩვენ ყველა საერთაშორისო პროფილურ გამოფენაზე ვართ წარმოდგენილი, როგორც ქვეყანა და ქართველ პროდიუსერებს აქვთ შესაძლებლობა, ესაუბრონ საერთაშორისო კომპანიებს იმის შესახებ, რატომ შეიძლება იყოს საქართველოში საინტერესო და მომგებიანი ფილმის გადაღება,” – აღნიშნა ირაკლი ნადარეიშვილმა.

აღნიშნული პარტნიორობის მიზანია შესთავაზოს ჰოლივუდის სტუდიებსა და დამოუკიდებელ პროდიუსერებს ადგილობრივი სივრცეების, საგადასახადო შეღავათების, პერსონალის და სხვა ადგილობრივი რესურსის გამოყენების მკაფიო და მოწესრიგებული სქემა. 2023-2024 წლის განმავლობაში ერთობლივი საწარმო WSS გეგმავს საქართველოსა და ყაზახეთში 200 მლნ აშშ დოლარზე მეტი ღირებულების კინოპროექტების შემოტანას.

97 ხმით ერთხმად, დეპუტატებმა პარლამენტის წევრების: იაგო ხვიჩიას, ალექსანდრე რაქვიაშვილის, ვახტანგ მეგრელიშვილის და ჰერმან საბოს მიერ მომზადებულ „საქართველოს ორგანულ კანონში „საქართველოს საარჩევნო კოდექსი“ ცვლილების შეტანის შესახებ“ კანონპროექტს მხარი დაუჭირეს.

ცვლილების თანახმად, პარტიებს საშუალება ექნებათ საპარლამენტო და ადგილობრივ არჩევნებზე დაარეგისტრირონ პარტიული სია იმ რაოდენობის კანდიდატებით, რა რაოდენობასაც თვითონ ჩათვლიან საჭიროდ.

კანონპროექტის ინიციატორთა მოსაზრებით, წარმოდგენილი ცვლილება საქმეს გაუმარტივებს საარჩევნო ადმინისტრაციას, რომელსაც პარტიების მიერ წარდგენილი პარტიული სიების და მისი დანართების ადმინისტრირება შეზღუდულ დროში უწევს.