ისრაელი შეცდომით მოკლულ საკუთარ მოქალაქეებზე განმარტებებს აკეთებს

27
spot_img

ისრაელის თავდაცვის ძალები ჩრდილოეთ ღაზაში, შეცდომით მოკლულ ისრაელელ მძევლებთან დაკავშირებით დამატებით ინფორმაციას ავრცელებს.

სამხრეთ სარდლობის უფროსი ოფიცრის თქმით, ინციდენტი მას შემდეგ მოხდა, რაც „ჰამასის“ მიერ ტყვედ აყვანილი ბიჭები შენობიდან გამოდიოდნენ, ისინი ტანს ზემოთ შიშვლები იყვნენ და თეთრ დროშას აფრიალებდნენ.

ისრაელის შეიარაღებული ძალების წარმომადგენლის თქმით, მას შემდეგ, რაც ერთ-ერთმა ისრაელელმა ჯარისკაცმა ეს ფაქტი იხილა „საშიშროება იგრძნო, ცეცხლი გახსნა და დაიყვირა ტერორისტები“.

გამოძიების თანახმად, ამ ჯარისკაცმა ორი კაცი მოკლა, ხოლო მესამე, რომელიც  დაიჭრა, ისევ შენობაში დაბრუნდა, თუმცა, მოგვიანებით, ისიც გარდაიცვალა.

„ისრაელელმა ჯარისკაცებმა მოგვიანებით გაიგონეს, როგორ ითხოვდა ვიღაც დახმარებას ებრაულად და მეთაურმა მაშინვე გასცა ცეცხლის შეწყვეტის ბრძანება“, – აცხადებენ ისრაელის შეიარაღებულ ძალებში და ირწმუნებიან, რომ სამხედრო პირს ბიჭები ტერორისტები ეგონა.

ისრაელელი ოფიცრის თქმით, ბოლო დღეებში შეჯაიაში ჯარებმა მოკლეს სულ მცირე 38 პალესტინელი ტერორისტი.