საქართველოს ყოფილი პრეზიდენტი მიხეილ სააკაშვილი „ნაციონალურ მოძრაობას“ ინიციატივით მიმართავს, შეიქმნას პოლიტიკური აქტივობების და ერთობის კომიტეტი.

როგორს სააკაშვილმა სასამართლო პროცესზე, კლინიკა „ვივამედიდან“ ჩართვისას აღნიშნა, ეს უნდა იყოს პოლიტიკური სათათბირო, რომელიც ეროვნული თანხმობისა და კონსენსუსის გზით იქნება ახალი იდეების გენერატორი. სააკაშვილი მიიჩნევს, რომ აღნიშნულ პოლიტიკურ სათათბიროში 20-25 წევრი უნდა შევიდეს. მან თავადაც გამოთქვა მსგავსი გაერთიანების წევრობის სურვილი.

„გარდა იმისა, რომ ჩვენ გვჭირდება ოპოზიციის სრული კოორდინაცია, მიუხედავად სხვადასხვა შეხედულებებისა, ამ კოორდინაციის გარეშე საქმე არ კეთდება. ძალა ერთობაშია! მე ამაში ვარ აბსოლუტურად დარწმუნებული. მე ასევე მინდა შევთავაზო „ნაციონალურ მოძრაობასთან“ ერთად პოლიტიკური აქტივობებისა და ერთობის კომიტეტის შექმნა, როგორც არის ამერიკაში. აქ უნდა შევიდეს „ნაციონალური მოძრაობის“ თავმჯდომარე, ფრაქციის თავმჯდომარე, გენერალური მდივანი, პოლიტსაბჭოს თავმჯდომარე, მაგრამ ასევე უნდა შევიდნენ საზოგადოებისთვის ცნობილი პირები, უნდა შევიდეს სოფო ჯაფარიძე, რომელიც იქნება ჩემი წარმომადგენელი ამ კომიტეტში. მე მინდა ვუთხრა ყველას, რომ ამ კომიტეტის “სუპერ პაკტთან” ერთად, ეს უნდა იყოს იდეების გენერირების ადგილი, ეს უნდა იყოს, პრაქტიკულად, ყოველგვარი ბიუროკრატიისგან თავისუფალი, მოქნილი, ეროვნული თანხმობის სტრუქტურა, პოლიტიკური სათათბირო, რომელიც ეროვნული თანხმობის და კონსენსუსის გზით იქნება ახალი იდეების გენერატორი, ჩქარი რეაგირებისა და სხვებთან დიალოგის ადგილი, იმიტომ, რომ ჩვენ არავითარ შემთხვევაში არ შეიძლება ჩავიკეტოთ. მე მინდა, რომ შევიდე თქვენთან ერთად ამ კომიტეტში, თქვენთან ერთად ვითათბირო და თქვენთან ერთად შევქმნა ის სიტუაცია, რომელიც სრულად არაორაზროვანს ხდის ჩვენს ბრძოლისუნარიანობას და ამ მიმართულებით ყველაფერი ერთად უნდა გავაკეთოთ და ძალიან სწრაფად წავიწევთ წინ. 20-25 ადამიანი უნდა შევიდეს მასში და იყოს მუდმივი სათათბირო. შეიძლება, მომავალში თავმჯდომარეც ავირჩიოთ, როგორც გადავწყვეტთ ყველა ერთად“,- განაცხადა სააკაშვილმა.

მან მომავალი არჩევნების მნიშვნელობაზეც გაამახვილა ყურადღება და აღნიშნა, რომ დღევანდელი ხელისუფლების მიზანია ძალაუფლება შეინარჩუნოს, თუმცა ევროპა სწორედ ხელისუფლების ცვლაა.

„ჩვენ ვიცით მათი განზრახვები რა არის – მათი განზრახვაა, რომ ნებისმიერ ფასად მუდმივად იყვნენ ხელისუფლებაში, მაგრამ ევროპა ნიშნავს ხელისუფლების ცვლილებას. ამიტომ, მე წარმომიდგენია შემდეგი არჩევნები ძალიან კონკრეტულად, ჯერ ერთი ეს უნდა იყოს ოპოზიციის სრულ კოორდინაციაში. ეს არის ყველაზე ისტორიული არჩევნები 1990 წლის შემდეგ“, – განაცხადა სააკაშვილმა.

მიხარია, რომ ჯანზეა, სუპერ პაკ-ზე ფიქრობს და ხელმოცარულებს გაერთიანების შესახებ მიმართავს, – ამის შესახებ საპარლამენტო უმრავლესობის წევრმა, ირაკლი ზარქუამ მიხეილ სააკაშვილთან დაკავშირებით განაცხადა.

„ეს მიუთითებს, რომ ჯიგარი ჯანზეა და მადლობა „ვივამედს“, რადგან გამოაჯანმრთელეს ისე, რომ პოლიტიკაზე ფიქრობს, ამ ხელმოცარულებს სტრატეგიასა და სუპერ პაკ-ს უმუშავებს. მივესალმები, მოვუწოდებ, რომ ყურად იღონ მათი ბელადის დაკვეთა და ეს ლუზერები გაერთიანდნენ“, – აღნიშნა ირაკლი ზარქუამ.

ამასთან, ზარქუას თქმით, ქართველ ამომრჩეველს გაუმარტივდება არჩევანის გაკეთება ხელმოცარულებსა და „ქართულ ოცნებას“, სიბნელესა და განვითარებას, ქაოსსა და მშვიდობას, ლუზერებსა და „გამარჯვების პლატფორმას“ შორის.

„უპირველეს ყოვლისა, ქართველი ამომრჩევლის ინტერესშია ორ ბანაკად დაყოფა, სადაც იქნება „ქართული ოცნება“, ხოლო იქეთ – გაერთიანება სუპერ პაკ-ი. გაერთიანდით სუპერ პაკ-ში, ბელადის დაკვეთაა – გაერთიანდით, შემოდით სუპერ პაკ-ში, ბიჭებო – ჭიჭე, ხაბე, დანარჩები, ხოშტარა და გიჟი ჯაფარა, მიაწექით სუპერ პაკ-ს“, – განაცხადა ირაკლი ზარქუამ.

საქართველოს ყოფილი პრეზიდენტი მიხეილ სააკაშვილი ოპოზიციას პოლიტიკური აქტიურობის ერთიანობის კომიტეტის შექმნას სთავაზობს. „ოპოზიციას ვთავაზობ, შეიქმნას პოლიტიკური აქტიურობის ერთიანობის კომიტეტი, სუპერ პაკ-ი“, – განაცხადა სააკაშვილმა დღევანდელ სასამართლო პროცესზე დისტანციურად ჩართვისას.

ქართველმა ხალხმა გაიმარჯვა „ქართულ ოცნებაზე“, ვართ ევროკავშირის წევრობის კანდიდატი ქვეყანა. ამაზე იყო ხაზგასმული სააკაშვილის განცხადებაშიც. ახლა ან არასდროს, ნამდვილად ასეა, – ამის შესახებ „სტრატეგია აღმაშენებლის“ ლიდერმა გიორგი ვაშაძემ განაცხადა.

აღნიშნული კომენტარით გიორგი ვაშაძე მიხეილ სააკაშვილის მიერ დღევანდელ სასამართლო პროცესზე დისტანციურად ჩართვის დროს გაკეთებულ განცხადებებს გამოეხმაურა.

„ქართულმა ოცნებამ“ მტკიცება დაიწყო, რომ ევროკავშირმა არ იცის, რა არის საარჩევნო რეფორმა, ანტიკორუფციული რეფორმა და თურმე მიქანაძემ, კობახიძემ იციან საარჩევნო და ანტიკორუფციული რეფორმები. ასე ჩვენ ევროკავშირში ვერ შევალთ. ეს არის ცალსახა. იმისთვის, რომ სწრაფად, უმოკლეს ვადებში გავხდეთ ევროკავშირის სრულუფლებიანი წევრი, უნდა გავუშვათ ეს ხალხი, ვინც ამდენი ხანი გვაჭიდავა და ძლივს მივაღწიეთ კანდიდატის სტატუსს“, – განაცხადა გიორგი ვაშაძემ.

2020 წელს ამომრჩეველს დავპირდით, რომ სტატუსის მიღების მიზნით მოთხოვნას გავაგზავნიდით, 2023 წელს კი, ეს პირობა არათუ შევასრულეთ, არამედ კანდიდატის სტატუსი მივიღეთ, – ამის შესახებ საპარლამენტო უმრავლესობის წევრმა, რატი იონათამიშვილმა განაცხადა.

მისი თქმით, „ქართული ოცნების“ საარჩევნო პროგრამაში აღნიშნული მიზნის ჩაწერისთანავე, რადიკალური ოპოზიციის მხრიდან დაიწყო პროცესების განსაკუთრებული რადიკალიზაცია.

„2020 წელს ამომრჩეველს დავპირდით, რომ სტატუსის მიღების მიზნით მოთხოვნას გავაგზავნიდით, 2023 წელს კი, ეს პირობა არათუ შევასრულეთ, არამედ კანდიდატის სტატუსი მივიღეთ. საარჩევნო პროგრამაში როცა ჩავსვით ეს საკითხი, სწორედ იმ დღიდან დაიწყო პროცესების განსაკუთრებული რადიკალიზაცია რადიკალური ოპოზიციის მხრიდან, რაც რუსეთის მიერ უკრაინაში აგრესიის შემდეგ გაძლიერდა და ეს ადამიანები ომისა და ღალატის პარტიის წევრები გახდნენ. როგორ რთულ გზაზე გავიარეთ, საზოგადოებამ ყველაზე კარგად იცის. ვინმეს თუ ჰგონია, რომ პასუხისმგებლობას ასცდება, ასე ნამდვილად არ იქნება და 2024 წელს ყველა საკადრისს პასუხს მიიღებს,“ – განაცხადა რატი იონათამიშვილმა.

ირაკლი კობახიძეს მოვუსმინე, რომელიც ვენეციის კომისიის დასკვნასთან დაკავშირებით ამბობდა, ადრე ცუდი სისტემა შემოგვტენეს და ამ შემოტენილ ცუდ სისტემას არ მივიღებთო, კორექტული არ არის, რომ იმ ხალხს, ვინც ეს-ესაა კანდიდატის სტატუსი მოგვცა, უთხრა, შენ რომ ცოტა ხნის წინ კანდიდატის სტატუსის მისაღებად მეხმარებოდი და პირობებს მიყენებდი, თურმე ის უპრეცედენტოდ უვარგისი ყოფილა და მის გამოსწორებაზე ვზრუნავთ, – ამის შესახებ „გირჩის“ წევრმა, იაგო ხვიჩიამ განაცხადა.

ხვიჩიას თქმით, ეს არც ერთი ნორმალური ადამიანისთვის მისაღები არგუმენტი არ არის.

„პრობლემას იმაში ვხედავ, რომ სხვადასხვა თანამდებობის პირები, რომელთაც სხვადასხვა პარტიების მხრიდან მაღალი ნდობა სჭირდება, კონსენსუსის გარეშე ინიშნებიან. საარჩევნო ადმინისტრაციის მთავარი პრობლემა არის არის ცესკო-ს თავმჯდომარისა და წევრების დანიშვნის წესი, მთავარი პრობლემაა 5%-იანი ბარიერი და პარტიების დაფინანსების არსებული წესი“, – განაცხადა ხვიჩიამ.

საქართველოს ყოფილი პრეზიდენტი მიხეილ სააკაშვილი „ნაციონალურ მოძრაობას“ ინიციატივით მიმართავს, შეიქმნას პოლიტიკური აქტივობების და ერთობის კომიტეტი.

როგორს სააკაშვილმა სასამართლო პროცესზე, კლინიკა „ვივამედიდან“ ჩართვისას აღნიშნა, ეს უნდა იყოს პოლიტიკური სათათბირო, რომელიც ეროვნული თანხმობისა და კონსენსუსის გზით იქნება ახალი იდეების გენერატორი. სააკაშვილი მიიჩნევს, რომ აღნიშნულ პოლიტიკურ სათათბიროში 20-25 წევრი უნდა შევიდეს. მან თავადაც გამოთქვა მსგავსი გაერთიანების წევრობის სურვილი.

„გარდა იმისა, რომ ჩვენ გვჭირდება ოპოზიციის სრული კოორდინაცია, მიუხედავად სხვადასხვა შეხედულებებისა, ამ კოორდინაციის გარეშე საქმე არ კეთდება. ძალა ერთობაშია! მე ამაში ვარ აბსოლუტურად დარწმუნებული. მე ასევე მინდა შევთავაზო „ნაციონალურ მოძრაობასთან“ ერთად პოლიტიკური აქტივობებისა და ერთობის კომიტეტის შექმნა, როგორც არის ამერიკაში. აქ უნდა შევიდეს „ნაციონალური მოძრაობის“ თავმჯდომარე, ფრაქციის თავმჯდომარე, გენერალური მდივანი, პოლიტსაბჭოს თავმჯდომარე, მაგრამ ასევე უნდა შევიდნენ საზოგადოებისთვის ცნობილი პირები, უნდა შევიდეს სოფო ჯაფარიძე, რომელიც იქნება ჩემი წარმომადგენელი ამ კომიტეტში. მე მინდა ვუთხრა ყველას, რომ ამ კომიტეტის სუპერპაკეტთან ერთად, ეს უნდა იყოს იდეების გენერირების ადგილი, ეს უნდა იყოს, პრაქტიკულად, ყოველგვარი ბიუროკრატიისგან თავისუფალი, მოქნილი, ეროვნული თანხმობის სტრუქტურა, პოლიტიკური სათათბირო, რომელიც ეროვნული თანხმობის და კონსენსუსის გზით იქნება ახალი იდეების გენერატორი, ჩქარი რეაგირებისა და სხვებთან დიალოგის ადგილი, იმიტომ, რომ ჩვენ არავითარ შემთხვევაში არ შეიძლება ჩავიკეტოთ. მე მინდა, რომ შევიდე თქვენთან ერთად ამ კომიტეტში, თქვენთან ერთად ვითათბირო და თქვენთან ერთად შევქმნა ის სიტუაცია, რომელიც სრულად არაორაზროვანს ხდის ჩვენს ბრძოლისუნარიანობას და ამ მიმართულებით ყველაფერი ერთად უნდა გავაკეთოთ და ძალიან სწრაფად წავიწევთ წინ. 20-25 ადამიანი უნდა შევიდეს მასში და იყოს მუდმივი სათათბირო. შეიძლება, მომავალში თავმჯდომარეც ავირჩიოთ, როგორც გადავწყვეტთ ყველა ერთად“,- განაცხადა სააკაშვილმა.

მან მომავალი არჩევნების მნიშვნელობაზეც გაამახვილა ყურადღება და აღნიშნა, რომ დღევანდელი ხელისუფლების მიზანია ძალაუფლება შეინარჩუნოს, თუმცა ევროპა სწორედ ხელისუფლების ცვლაა.

„ჩვენ ვიცით მათი განზრახვები რა არის – მათი განზრახვაა, რომ ნებისმიერ ფასად მუდმივად იყვნენ ხელისუფლებაში, მაგრამ ევროპა ნიშნავს ხელისუფლების ცვლილებას. ამიტომ, მე წარმომიდგენია შემდეგი არჩევნები ძალიან კონკრეტულად, ჯერ ერთი ეს უნდა იყოს ოპოზიციის სრულ კოორდინაციაში. ეს არის ყველაზე ისტორიული არჩევნები 1990 წლის შემდეგ“, – განაცხადა სააკაშვილმა.