დიასპორისა და კავკასიის საკითხთა კომიტეტის თავმჯდომარემ ბექა ოდიშარიამ და კომიტეტის წევრებმა: ნოდარ ტურძელაძემ, რესან კონცელიძემ და ფრიდონ ინჯიამ, ირლანდიის რესპუბლიკაში სამუშაო ვიზიტის ფარგლებში შეხვედრა გამართეს ირლანდიაში მოღვაწე ქართული დიასპორის წარმომადგენლებთან.

საპარლამენტო დელეგაცია შეხვდა ცნობილ სპორტსმენს და მწვრთნელს, ზაურ ანთიას, ქართული კულტურის ცენტრის ხელმძღვანელს, ლელა შურუპოვას და ქართული სოციალური პლატფორმის ხელმძღვანელს, თამარ ბერიშვილს.

შეხვედრაზე დისკუსია გაიმართა იმ გამოწვევებზე, რომლის წინაშეც ევროპის ქართული დიასპორები, მათ შორის ირლანდიის ქართული დიასპორა დგას.

ისაუბრეს დიასპორის როლზე, არა მარტო უცხოეთში საქართველოს პოპულარიზაციის, არამედ ქვეყნის აღმშენებლობაში დიასპორული პოტენციალის გამოყენების მიმართულებით.

„უკანასკნელ პერიოდში, სახელმწიფოს პოლიტიკა დიასპორის მიმართ რადიკალურად შეიცვალა. ადრე არსებობდა სამწუხარო ნარატივი, რომ დიასპორა არის მხოლოდ დიდი გამოწვევა და ხალხის, ადამიანური რესურსის გადინება. ბოლო პერიოდში ეს დამოკიდებულება შეიცვალა. დღეს, სახელმწიფო დიასპორას უყურებს არა მხოლოდ როგორც გამოწვევას, არამედ, როგორც უდიდესი პოტენციალის მქონე შესაძლებლობას, რომელსაც აქვს უნარი საკუთარი განსაკუთრებული წვლილი შეიტანოს ჩვენი ქვეყნის მკვეთრად გაძლიერებასა და განვითარებაში“ – განაცხადა ბექა ოდიშარიამ.
ბექა ოდიშარიამ დიასპორის წარმომადგენლები დიასპორის დიდ ეკონომიკურ ფორუმზე მოიწვია, რომელიც მომავალი წლის მაისში, თბილისში იგეგმება.

შეხვედრაში მონაწილეობდნენ: ირლანდიის რესპუბლიკაში საქართველოს საგანგებო და სრულუფლებიანი ელჩი გიორგი ზურაბაშვილი და საელჩოს წარმომადგენლები.

ჩვენ, წლების მიხედვით გვაქვს გაწერილი რეგულაციების შესრულება. წელსაც გარკვეული რეგულაციები შემოვიღეთ, არსებობს კონკრეტული გეგმა და ჩვენ მუდმივად ვაკონტროლებთ, რომ დათქმულ ვადებში შესრულდეს ყველა ვალდებულება, – ამის შესახებ გარემოს დაცვისა და სოფლის მეურნეობის მინისტრმა, ოთარ შამუგიამ „ქრონიკაში“ განაცხადა.

მინისტრის თქმით, რეგულაციების აღსრულებისთვის აუცილებელია ფერმერებისა და ბიზნესის დახმარება.

„თვითონ სახელმწიფო უწყებებსაც, ვინც აღსრულება უნდა განახორციელოს, სჭირდება შემდგომი განვითარება, ცოდნის გაძლიერება და ა.შ. ჩვენ ჩვენი პარტნიორების მხარდაჭერით ვახორციელებთ ამ ყველაფერს და ამიტომაც გვაქვს დღეს 15-ამდე მოქმედი პროგრამა, რომლის ფარგლებში ღირებულებათა ჯაჭვის მთელ სპექტრში ვეხმარებით ფერმერებს დაწყებული პირველადი წარმოებიდან, გადამუშავება, შემნახველი რგოლი. თანადაფინანსებით ჩვენ ვეხმარებით ჩვენს მეწარმეებს, რომ მათ შეძლონ ახალი სტანდარტების დანერგვა.

ერთ-ერთი გამოწვევაა ის, რომ ჩვენი ჩვენი ფერმერები უფრო პროდუქტიულები გავხადოთ. თითოეულ რეგულაციას, რასაც ვიღებთ, მათთან და დარგის სპეციალისტებთან ერთად ვყალიბდებით როდიდან იყოს თითოეული მუხლი, კონკრეტული დეტალები ამოქმედებული, რათა გონივრული ვადები ჰქონდეს ბიზნესს, რომ ეს არის იყოს მათთვის შემაფერხებელი“, – აღნიშნა ოთარ შამუგიამ.

ძველი პარტიები და ძველი მენტალიტეტი უნდა დამთავრდეს ამ ქვეყანაში! ამის რეალური ალტერნატივა ვართ ჩვენ! ეს არის პარტია „ლელო“ – ამის შესახებ პარტია „ლელოს“ ერთ-ერთმა ლიდერმა მამუკა ხაზარაძემ პარტიის ყრილობაზე განაცხადა.

როგორც ხაზარაძემ აღნიშნა, პასუხისმგებლობა პარტია „ლელომ“ უნდა აიღოს.

„არ დაგვავიწყდეს, რომ არავითარ შემთხვევაში არ შეიძლება იმ პოლიტიკოსების მოშვება ხელისუფლებაში, რომლებმაც უხეშად დაარღვია ქართველი ადამიანის, მოქალაქეების უფლებები უახლოეს წარსულში. ყველა ხვდებით ვისზეა საუბარი. არავითარ შემთხვევაში არ შეიძლება მათი მოიშვება ხელისუფლებაში! ამიტომ ძველი პარტიები და ძველი მენტალიტეტი უნდა დამთავრდეს ამ ქვეყანაში. ამის რეალური ალტერნატივა ვართ ჩვენ! ეს არის პარტია „ლელო“. დიახ, ჩვენ უნდა ავიღოთ ხელში პასუხისმგებლობა, რომ დავამთავროთ ძველი პოლიტიკა და ის, რაც აქამდე ხდებოდა ამ ქვეყანაში. ეს არის უცილობლად გასაკეთებელი საქმე“, – განაცხადა ხაზარაძემ.

ამასთან, ხაზარაძემ განმარტა, რა ნაბიჯებს გადადგამს პარტია საქართველოში რუსეთის ქმედებების შესაჩერებლად.

„მინდა გითხრათ რას ნიშნავს იყო ალტერნატივა და რას ნიშნავს ემსახურო შენს ხალხს. ჩვენ 3 წლის წინ დავწერეთ მარშალის გეგმა. ძალიან დეტალური, ძალიან გასაგები და ისეთი, რომელიც ჩვენ ქვეყანას ჰაერივით სჭირდება. მის განახლებულ ვერსიას შემოგთავაზებთ მომავალ წელს, მაგრამ გამოვყოფ 4 ძირითად საკითხს, რომელიც უმნიშვნელოვანესია და უნდა განვახორციელოთ ამ ქვეყნისთვის. ეს კანონპროექტი „ქართულმა ოცნებამ“ დაბლოკა. პირველი პუნქტია, რომ კანონი ხელახლა უწესებს მკაცრ ვიზებს რუსებს, რათა მათ არ წალეკონ საქართველო. 2. საქართველოში რუსებს უნდა შეეზღუდოთ მუშაობის უფლება, ჩვენ გვჭირდება მეტი სამუშაო ადგილი ქართველებისთვის. 3. ვერცერთი რუსი ვერ იყიდის ჩვენ მიწას, სანამ რუსეთი ოკუპანტია. 4. საქართველოში რუსულნომრიანი მანქანების შემოყვანა და რეგისტრაცია უნდა აიკრძალოს. 5. ჩვენ ავკრძალავთ რუსული კომპანიების სახელმწიფო ტენდერებში მონაწილეობას. „ქართული ოცნება“ ჩვენი გადასახადების გადამხდელებისგან მოსკოვში მილიონებს აგზავნის და ეს უნდა შევაჩეროთ. 6. ჩვენ დავაწესებთ დამატებით გადასახადებს რუსული ბიზნესისთვის. და შევუერთდებით ევროკავშირის სანქციებს რუსეთის წინააღმდეგ, რათა რუსეთმა გადაიხადოს ფასი სხვა ქვეყნებში შეჭრისთვის. 7. ჩვენ ავკრძალავთ საქართველოში რუსული ფონდების მუშაობას, რომელიც რუსეთის დეზინფორმაციისა და ოკუპაციის გეგმის ნაწილია. 8. ჩვენ ავკრძალავთ საქართველოში რუსული ტელეარხების მაუწყებლობას. 9. ჩვენ დაუყოვნებლივ შევწყვეტთ პირდაპირ ფრენებს რუსეთთან“, – განაცხადა ხაზარაძემ და აღნიშნა, რომ ინიციატივას „ლელო“ კანონის ძალას აუცილებლად მისცემს.

დღეს ამ ქვეყანაში პოლიტიკური პროცესიც არის მიტაცებული. თუ პოლიტიკური პროცესი არ არის ხალხთან, ის ვერ იმუშავებს ადამიანისთვის და ქვეყანას წინ ვერ წაიყვანს. ამიტომ უნდა დავიბრუნოთ პოლიტიკური პროცესი, – ამის შესახებ „ლელოს“ ერთ-ერთმა ლიდერმა ანა ნაცვლიშვილმა პარტიის ყრილობაზე განაცხადა.

როგორც ნაცვლიშვილმა აღნიშნა, „პოლიტიკური პროცესი უნდა დაბრუნდეს ადამიანებთან და არა ცალკეულ ერთ, ორ ან თუნდაც სამ ლიდერთან“.

„დავიბრუნოთ ჩვენი ქვეყანა! რას ნიშნავს ეს? – ჩემთვის ეს ნიშნავს, რომ დღეს, ისევე, როგორც ბევრი რამ, ამ ქვეყანაში პოლიტიკური პროცესიც არის მიტაცებული. თუ პოლიტიკური პროცესი არ არის ხალხთან, ის ვერ იმუშავებს ადამიანისთვის და ქვეყანას წინ ვერ წაიყვანს. ამიტომ ჩვენ ბევრ რამესთან ერთად უნდა დავიბრუნოთ პოლიტიკური პროცესი. არ შეიძლება პოლიტიკურ პროცესს მართავდეს და დომინირებდეს ერთი ორი ან თუნდაც 10 ადამიანი. თქვენია პოლიტიკა, თქვენია ეს ქვეყანა, რაც ხდება პოლიტიკაში, პირდაპირ აისახება, რაც ხდება თქვენს სახლში, ქუჩაში, სკოლაში, უნივერსიტეტში, სამუშაო ადგილას, თუ ის არსებობს და რა ხდება საქართველოს აეროპორტებში. როდესაც საქართველოდან ადამიანები გარბიან, ყველა არგუმენტი იმის შესახებ, რომ ქვეყანა თურმე ვითარდება, უძლურია. თუ ქვეყანა ვითარდება, ამას აქვს რამდენიმე მკაფიო მაჩვენებელი – შობადობის მაჩვენებელი მათ შორის და ის, რომ ადამიანები კი არ გარბიან ქვეყნიდან, არამედ ბრუნდებიან. ჩვენ ასეთი ქვეყანა გვინდა, ამიტომ უნდა დავიბრუნოთ პოლიტიკური პროცესი. პოლიტიკური პროცესი უნდა დაბრუნდეს ადამიანებთან და არა ცალკეულ ერთ, ორ ან თუნდაც სამ ლიდერთან. ეს არის „ლელოს“ მთავარი შეთავაზება.

ბევრს ვშრომობ“ლელოს“ გუნდთან ერთად იმისთვის, რომ საქართველოს პოლიტიკაში დაბრუნდეს ახალგაზრდების ხმა, დაბრუნდეს მარტოხელა ადამიანების ხმა, დაბრუნდეს ხანდაზმული ადამიანების ხმა, დაბრუნდეს შშმ პირების ხმა, დაბრუნდეს მშობლების ხმა, დაბრუნდეს პენსიონერების ხმა, ვეტერანების ხმა და ყველა იმ ადამიანის ხმა, ვინც არის საქართველო. თქვენ ხართ საქართველო, თქვენია პოლიტიკური პროცესი. ვიაროთ ერთად გამარჯვებისკენ და ეს გამარჯვება აუცილებლად იქნება“, – განაცხადა ანა ნაცვლიშვილმა.