„ლელოც“ და ნიკა მელიაც „ნაციონალური მოძრაობის“ სტრატეგიული დინებაა, „ლელოზე“, როგორც სერიოზულ ალტერნატიულ ძალაზე საუბარი ვერ იქნება, საუბარია მხოლოდ იმაზე, რომ რამენაირად ისე დალაგდნენ, 5%-იანი ბარიერი მაინც გადალახონ, – ამის შესახებ „ქართული ოცნების“ წევრმა, ირაკლი ქადაგიშვილმა განაცხადა.

მისი თქმით, იმის გამო, რომ კოლექტიური „ნაცმოძრაობის“ მიერ არჩეულმა გზამ ფიასკო განიცადა და ყველა რევოლუციური სცენარი ჩავარდა, წინასაარჩევნოდ სხვადასხვა ფლანგებმა გამოყოფა, სეპარირება და იმის უარყოფა დაიწყეს, რომ „ნაცმოძრაობასთან“ ოდესმე რაიმე კავშირი ჰქონდათ.

„ბუნებრივია, რომ ახლა ისინი ერთმანეთთან ავტონომიურ რეჟიმში დალაგებას ცდილობენ. ამავდროულად, ალბათ მათ შორისაც მიმდინარეობს პოლიტიკურ და ფინანსურ საკითხებზე ვაჭრობა, მოახერხებენ თუ არა ერთ სიაში გაერთიანებას. დიდი კოლექტიური „ნაცმოძრაობა“ წარუმატებელი პოლიტიკის შედეგად სეგმენტირებულია, მაგრამ გარკვეულ ნაწილებს ერთმანეთთან კავშირის ქონის სურვილი აქვთ“,- განაცხადა ქადაგიშვილმა.

არცერთ პოლიტიკურ პარტიასთან არ გავერთიანდებით და არჩევნებზე გავალთ, როგორც დამოუკიდებელი ძალა, – ამის შესახებ პარტია „საქართველოსთვის“ წევრმა მიხეილ დაუშვილმა განაცხადა.

დაუშვილის თქმით, მისი პარტიის მიზანია, ყველაფერი გააკეთოს „ოცნების“ ოპოზიციაში გადასაყვანად.

„ხაზარაძე მელიასთან თანამშრომლობას როგორ გეგმავს, არ ვიცი, მაგრამ ეს თანამშრომლობა გუშინ არ დაწყებულა და არც ხვალ დაიწყება. ფაქტია, რომ ხაზარაძე იყო ის, ვინც მელიას მოადგილეობას სთავაზობდა თვითმმართველობის არჩევნებზე. მათი საქმეა, ითანამშრომლონ, ვინ უშლით? რა შედეგზე გავლენ, ვნახავთ. ყველაფერს რომ თავი დავანებოთ, მზად იყო, მელიას მოადგილე ყოფილიყო. ჩვენ არცერთ პოლიტიკურ პარტიასთან არ გავერთიანდებით და არჩევნებზე გავალთ, როგორც დამოუკიდებელი ძალა. ვის მეორე, ვის მესამე და მეხუთე ადგილი უნდა, ეს არ გვაინტერესებს. ჩვენი მიზანია, ჩვენს ქვეყანასა და ხალხს დავეხმაროთ, რომ ევროკავშირთან მოლაპარაკებების ეტაპზე გადავიდეთ. ჩვენი მიზანია, ყველაფერი გავაკეთოთ „ქართული ოცნების“ ოპოზიციაში გადასაყვანად“, – განაცხადა მიხეილ დაუშვილმა.

პოლიტიკოსები მამუკა ხაზარაძის გადაწყვეტილებას აფასებენ, რომელმაც „ხაზარაძეების ფონდი კულტურისთვის“ დააფუძნა. „გირჩის“ ლიდერი იაგო ხვიჩია „ლელოს“ დამფუძნებელს ძველ პროფესიაში დაბრუნებას ურჩევს.

„როგორც ჩანს, „ლელოს“ ლიდერებმა იციან ფულის შოვნა, მაგრამ პოლიტიკასა და ხელოვნებაში ეგეთი მაგრები ვერ არიან. ყოფილ პროფესიაში დაბრუნებას ვურჩევდი ამ ხალხს და პოლიტიკაში თუ მაინცდამაინც რამე აინტერესებთ, სხვაზე ფსონის დადებას.

ის რასაც „ლელო“ აკეთებს იმას მაგონებს, ბიზნესმენები ფულს რომ იშოვიან, ფეხბურთი რომ უყვართ თან. მაგრამ ნაცვლად იმისა, რომ საფეხბურთო კლუბი იყიდონ და ფეხბურთელად სხვა ათამაშონ, თვითონვე ჩაიცვან „ტრუსიკები“ და დაიწყონ მოედანზე სირბილი“, – მიიჩნევს ხვიჩია.

ეს არის ერთ-ერთი უმძიმესი პროექტი ამ ქალაქის ბოლო წლების ისტორიაში. „ლაგუნა ვერეს“ მიმდებარედ ორი 50-სართულიანი ცათამბჯენის მშენებლობა იქნება ჩვენი ქალაქის ისტორიულ იერსახეში წარუშლელი, უდიდესი ზიანი, – ამის შესახებ პარტია „ლელოს“ ერთ-ერთმა ლიდერმა და საკრებულოს წევრმა, საბა ბუაძემ ჟურნალისტებთან საკრებულოს სხდომის შემდეგ განაცხადა.

მისი თქმით, ეს პროექტი ყველა არგუმენტის მიუხედავად დამტკიცდა, რაც ნიშნავს იმას, რომ „პარტიული და კორუფციული ინტერესი უპირატესია ამ ხელისუფლებისთვის“.

„წინასაახალწლოდ კალაძემ და „ქართულმა ოცნებამ“ ამ ქალაქს მოუწყვეს უმძიმესი დღე. ეს არის ერთ-ერთი უმძიმესი პროექტი ამ ქალაქის ბოლო წლების ისტორიაში და „ლაგუნა ვერეს“ მიმდებარედ ორი 50-სართულიანი ცათამბჯენის მშენებლობა იქნება ჩვენი ქალაქის ისტორიულ იერსახეში წარუშლელი, უდიდესი ზიანი. ეს არის პროექტი, რომელიც მთლიანობაში შეიცავს ძალიან ბევრ რისკს. სამწუხაროდ, ამ ხელისუფლებას და თბილისის მერს ეს არ აინტერესებს, ვინაიდან ამ ტრანზაქციიდან შემოსავალი მიიღო ივანიშვილმა. ამ ტრანზაქციიდან, დიდი ალბათობით, იხეირეს ასევე თავად მერიის წარმომადგენლებმა, ვინაიდან, სწორედ კორუფციაა, რაც ამ ქალაქში იწვევს ამ დამანგრეველ გადაწყვეტილებებს და ეს უნდა დასრულდეს, მაგრამ ვერ დასრულდება ამ ხელისუფლების არჩევნების გზით ჩამოშორების გარეშე. ეს არის მართლაც შავი დღე ჩვენი ქალაქის ისტორიაში, როდესაც ჩვენი ქალაქის ისტორიულ ნაწილში მოხდა ამ სავალალო პროექტის დამტკიცება, რომელსაც თან ახლავს უდიდესი რისკები უსაფრთხოების თვალსაზრისით, სატრანსპორტო თვალსაზრისით და ისტორიულ-კულტურული თვალსაზრისით. ეს პროექტი ყველა არგუმენტის მიუხედავად დამტკიცდა, რაც ნიშნავს იმას, რომ პარტიული და კორუფციული ინტერესი უპირატესია ამ ხელისუფლებისთვის“, – აღნიშნა საბა ბუაძემ.

ლელოც“ და ნიკა მელიაც „ნაციონალური მოძრაობის“ სტრატეგიული დინებაა, „ლელოზე“, როგორც სერიოზულ ალტერნატიულ ძალაზე საუბარი ვერ იქნება, საუბარია მხოლოდ იმაზე, რომ რამენაირად ისე დალაგდნენ, 5%-იანი ბარიერი მაინც გადალახონ, – ამის შესახებ „ქართული ოცნების“ წევრმა, ირაკლი ქადაგიშვილმა განაცხადა.

მისი თქმით, იმის გამო, რომ კოლექტიური „ნაცმოძრაობის“ მიერ არჩეულმა გზამ ფიასკო განიცადა და ყველა რევოლუციური სცენარი ჩავარდა, წინასაარჩევნოდ სხვადასხვა ფლანგებმა გამოყოფა, სეპარირება და იმის უარყოფა დაიწყეს, რომ „ნაცმოძრაობასთან“ ოდესმე რაიმე კავშირი ჰქონდათ.

„ბუნებრივია, რომ ახლა ისინი ერთმანეთთან ავტონომიურ რეჟიმში დალაგებას ცდილობენ. ამავდროულად, ალბათ მათ შორისაც მიმდინარეობს პოლიტიკურ და ფინანსურ საკითხებზე ვაჭრობა, მოახერხებენ თუ არა ერთ სიაში გაერთიანებას. დიდი კოლექტიური „ნაცმოძრაობა“ წარუმატებელი პოლიტიკის შედეგად სეგმენტირებულია, მაგრამ გარკვეულ ნაწილებს ერთმანეთთან კავშირის ქონის სურვილი აქვთ“,- განაცხადა ქადაგიშვილმა.