ადრე თუ გვიან დადგება დრო, როდესაც საქართველო იზეიმებს დეოკუპაციას, – განაცხადა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ.მ მისი თმით, ნებისმიერი ოკუპანტის ყოფნა საქართველოში არის არალეგიტიმური, რაც საფრთხის მატარებელია.

„ამას სტრასბურგის ადამიანის უფლებათა ევროპულმა სასამართლომ, და არა მხოლოდ მან, კონკრეტული სამართლებრივი სახელი დაარქვა და კონკრეტული შეფასება მისცა, რომ საქართველოს ტერიტორიაზე რუსეთის ფედერაცია არის პასუხისმგებელი ადამიანის უფლებების დარღვევაზე. იუსტიციის სამინისტრომ თეა წულუკიანის ხელმძღვანელობით გაიმარჯვა 2021 წელს და სტრასბურგის სასამართლომ გამოიტანა აღნიშნული გადაწყვეტილება. ეს იყო უმნიშვნელოვანესი გამარჯვება, რაც გვაძლევს იმედიანად ყოფნის საფუძველს იმისთვის, რომ არცერთი ბარბაროსული ფაქტი არ დარჩება დაუსჯელი“, – აღნიშნა სარჯველაძემ.

მისი თქმით, ყველაფერი მაქსიმალურად კეთდება იმისთვის, რომ დეოკუპაცია რეალურად განხორციელდეს, თუმცა ხაზი გაუსვა, რომ ეს ხდება ომის გარეშე.

„ომის გამოცხადება ცხელი საბრძოლო მოქმედებებით არ ხდება. ომის მიღმა ხდება უკლებლივ ყველაფერი, რაც შეიძლება დეოკუპაციისთვის გაკეთდეს და ეფექტი ჰქონდეს“, – აღნიშნა სარჯველაძემ.

რუსეთის პრეზიდენტის პრესმდივანმა დიმიტრი პესკოვმა თქვა, რომ გორის მუნიციპალიტეტის სოფელ კირბალის მიმდებარედ, რუსი ოკუპანტების მიერ საქართველოს 1 მოქალაქის მოკვლის და 1-ის გატაცების შესახებ ინფორმაცია არ აქვს.

„არა, მე არ მაქვს ინფორმაცია ამ საკითხთან დაკავშირებით, არ არსებობს ინფორმაცია“, – განუცხადა კრემლის სპიკერმა ჟურნალისტებს.

Ekho Kavkaza წერს, რომ სამხრეთ ოსეთის თვითაღიარებული რესპუბლიკის კგბ-მ საქართველოს მოქალაქეები დაადანაშაულა ე.წ. საზღვრის უკანონოდ გადაკვეთაში, რომლებიც მათი მტკიცებით, „მთვრალ მდგომარეობაში“ იმყოფებოდნენ. რუსმა მესაზღვრეებმა კი ჰაერში გასროლის შესახებ „არაკანონიერი ქმედებების ჩასახშობად“ მათი მანქანის ბორბლების მისამართით გაისროლეს. სტატიაში აღნიშნულია, რომ მათ განცხადებაში გინტურის სასიკვდილო ჭრილობაზე არაფერი წერია.

შეგახსენებთ, რომ 6 ნოემბერს სროლა იყო საოკუპაციო ხაზთან. სახელმწიფო უსაფრთხოების სამსახურის ცნობით, სოფელ კირბალის მიმდებარედ ადგილობრივი მცხოვრების უკანონოდ დაკავების მცდელობისას, რუსეთის საოკუპაციო ძალების მიერ ცეცხლსასროლი იარაღიდან გასროლისას დაიღუპა საქართველოს მოქალაქე, როგორც შემდგომში გახდა ცნობილი ის ადგილობრივი მცხოვრები, 2008 წლის რუსეთ-საქართველოს ომის ვეტერანი, თამაზ გინტურია. რუსმა ოკუპანტებმა ასევე უკანონოდ დააკავეს ერთი მოქალაქე – ლევან დოთიაშვილი.

ჩვენ დავთმეთ რაიმე?! თქვენ რა დაუთმეთ და რა დაკარგეთ, ის შეიძლება კიდევ ერთხელ ჩამოვთვალოთ დღეს – 200-ზე მეტი სოფელი დაკარგეთ, საკუთარი მოსახლეობა ომში მიატოვეთ ევაკუაციის გარეშე, შეიარაღება ჩააბარეთ რუსეთის ჯარს, ჯარი დატოვეთ ხელმძღვანელებმა და გაიქეცით. თქვენ გვეუბნებით, რომ დათმობის პოლიტიკა გვაქვს რუსეთთან?, – ასე გამოეხმაურა პარლამენტის თავმჯდომარის მოადგილე არჩილ თალაკვაძე „ქრონიკაში“ ოპოზიციის ბრალდებებს ხელისუფლების მიმართ კირბალში მომხდარ ინციდენტთან დაკავშირებით.

არჩილ თალაკვაძემ იმ შემთხვევებზე ისაუბრა, როდესაც წინა ხელისუფლების დროს ოკუპანტებმა საქართველოს მოქალაქეები დაჭრეს, ან მოკლეს, თუმცა ამაზე რეაგირება ხელისუფლებას არ ჰქონია.

„ჩვენი მოთხოვნა არის, რომ გათავისუფლდეს უკანონოდ დაკავებული, ტყვეობაში მყოფი ადამიანი და გამოძიებული იქნას ეს დანაშაული და პასუხისგებაში მიეცეს დამნაშავე, ან დამნაშავეები. როცა რუსეთის მიერ ჩადენილი დანაშაულების კრიტიკას მოვრჩებით, პასუხს გავცემთ რადიკალური ფარისეველ წარმომადგენლებსაც, რომლებმაც იკადრეს გუშინ და საკუთარი ხელისუფლება და სამშობლო კიდევ ერთხელ დაადანაშაულეს მომხდარში. თურმე რუსეთთან დათმობის პოლიტიკა არ მუშაობსო, ამათ რომ მოუსმინო. ამას ამბობენ ადამიანები, რომლებიც ხელისუფლებაში ყოფნის და შემდეგ, ოპოზიციაში ყოფნის დროსაც აკეთებდნენ რუსულ საქმეს. რამდენიმე ფაქტს გეტყვით.

2009 წლის 7 თებერვალს გალში, ნაბაკევში დაჭრეს ჩვენი თანამოქალაქე. სახელებს და გვარებს არ ვიტყვი, რომ ოჯახებს კიდევ ახალი ტრავმა არ მივაყენო იმის შეხსენებით, თუ რა მოხდა. 2010 წელს, 21 ივნისს ცემით და წამებით მოკლეს ჩვენი თანამოქალაქე. 2011 წლის 18 მაისს საჩხერის მიმდებარედ ორი ადამიანი დაჭრეს, ერთ-ერთი ძალიან მძიმედ. 2011 წელს კიდევ ერთი შემთხვევა იყო გალის რაიონში როდესაც მოკლეს ჩვენი მოქალაქე მამაკაცი.

ამ შემთხვევებზე, ადამიანებს, რომლებიც დღეს ბედავენ და გამოდიან კრიტიკით საკუთარი ქვეყნის და ხელისუფლების წინააღმდეგ, ერთი რეაგირებაც არ გაუკეთებიათ. რომ დაძებნოთ ეს შემთხვევები, მედიაში ვერ იპოვით განცხადებებს, არც გამოძიება დაუწყიათ, არც საერთაშორისო მასშტაბით აუტეხავთ განგაში. არც პრემიერ-მინისტრს, არც პარლამენტის თავმჯდომარეს და მითუმეტეს პრეზიდენტს განცხადებები არ გაუკეთებიათ ამაზე. ეს ოთხი შემთხვევაა, რაც მე მაგალითად მოგიყვანეთ, თუმცა მათი რაოდენობა გაცილებით მეტია. ეს ადამიანები გვეუბნებიან, ხომ ხედავთ დათმობის პოლიტიკა არ მუშაობს რუსეთთანო. ჩვენ დავთმეთ რაიმე?! თქვენ რა დაუთმეთ და რა დაკარგეთ, ის შეიძლება კიდევ ერთხელ ჩამოვთვალოთ დღეს – 200-ზე მეტი სოფელი დაკარგეთ, საკუთარი მოსახლეობა ომში მიატოვეთ ევაკუაციის გარეშე, შეიარაღება ჩააბარეთ რუსეთის ჯარს, ჯარი დატოვეთ ხელმძღვანელებმა და გაიქეცით. თქვენ გვეუბნებით, რომ დათმობის პოლიტიკა გვაქვს რუსეთთან? ეს არის ფარისევლობა, სიცრუე და ამ სიცრუის გამო შემდეგ არჩევნებში კიდევ ერთხელ მიიღებთ საზოგადოების პასუხს“, – აღნიშნა თალაკვაძემ.

სახელმწიფო უსაფრთხოების სამსახურის ინფორმაციით, სოფელ კირბალის მიმდებარედ, ოკუპირებულ ტერიტორიაზე, ადგილობრივი მცხოვრების უკანონოდ დაკავების მცდელობისას რუსეთის საოკუპაციო ძალების მიერ სროლის შედეგად გარდაიცვალა საქართველოს მოქალაქე და უკანონოდ დააკავეს ერთი ადამიანი.

საქართველოში ისრაელის საელჩო კირბალში, რუსი ოკუპანტების მიერ საქართველოს მოქალაქის მკვლელობას გამოეხმაურა და მომხდარი დაგმო.

„ისრაელი გმობს რუსეთის ძალების მიერ სოფელ კირბალთან საქართველოს მოქალაქის თამაზ გინტუნის მკვლელობას და მოუწოდებს დაკავებული მოქალაქის, ლევან დოთიაშვილი გათავისუფლებისკენ.

ღრმა მწუხარებით თანავუგრძნობთ დაღუპულთა ოჯახებს, მეგობრებსა და სრულიად საქართველოს.ისრაელი კიდევ ერთხელ ადასტურებს საქართველოს ტერიტორიული მთლიანობისა და სუვერენიტეტის სრულ მხარდაჭერას,“ – აღნიშნულია საელჩოს განცხადებაში.

„ფრანკლინის კლუბის“ ორგანიზებით, ლენტეხიდან, მესტიიდან და ცაგერიდან ახალგაზრდები თბილისში ტრენინგებზე ჩამოიყვანეს, რასაც სკოლის მოსწავლეების მშობლების პროტესტი მოჰყვა. ისინი აცხადებენ, რომ მათ არასწორი ინფორმაცია მიაწოდეს და არ იყვნენ ინფორმირებული იმის შესახებ, თუ ვინ ატარებდა ტრენინგს.

ოჯახის წევრების მოთხოვნის შემდეგ, ღონისძიების ორგანიზატორებს სკოლის მოსწავლეების სახლში დაბრუნება მოუწიათ.