17 გარდაცვლილი , 12 იდენტიფიცირებული და 17 დაკარგული – ასეთია 6 აგვისტოს 11 საათის მონაცემებით შოვში დატრიალებული ტრაგედიის შედეგები.
სტიქიის ეპიცენტრია კოტეჯების ტერიტორია, სადაც მაშველებმა ყველაზე მეტ ცხედარს მიაგნეს. სამძებრო სამუშოები უწყვეტად გრძელდება – ადგილზე მუშაობს ცოცხალი ძალა და მძიმე ტექნიკა.
უმძიმესია მდგომარეობა, რომელიც გვაქვს შოვში. მდგომარეობა, რომელიც არავის დატოვებს გულგრილს არც ქვეყანაში და არც ქვეყნის გარეთ ამ მოვლენების მიმართ, ენით აღუწერელი ტრაგედიაა. გვყავს გარდაცვლილები, რომელთაგან ზოგიერთის იდენტიფიცირებაც კი ჭირს. აქ სიტყვები ზედმეტია, ყველას თანავუგრძნობთ, ყველას გულწრფელი სამძიმარი, – განაცხადა „ქართული ოცნების“ აღმასრულებელმა მდივანმა, მამუკა მდინარაძემ, შოვში მომხდარ ტრაგედიაზე საუბრისას. მისი თქმით, არსებული მძიმე ვითარების პარალელურად, მტკივნეულია იმის გააზრება, რომ ხელისუფლებას კამპანიური ხასიათის დეზინფორმაციასთან უწევს ბრძოლა. როგორც მდინარაძემ აღნიშნა, ბოლო დღეების განმავლობაში, ხელისუფლებას ხან კომუნისტების დროს აგებული კოტეჯების მშენებლობის ნებართვის გაცემა დააბრალეს, ხან ვერტმფრენის თემით შეეცადნენ სიცრუის გავრცელებას. მისი განცხადებით, აღნიშნული დეზინფორმაციებით, რადიკალური ოპოზიცია სტიქიის შედეგებით სარგებლობის მიღებას ცდილობს. „ძალიან მტკივნეულია იმის გააზრება, რომ სტიქიის შედეგებთან ბრძოლასთან ერთად, ხელისუფლებას უწევს, ებრძოლოს დეზინფორმაციას. ხელისუფლებას უწევს იბრძოლოს იმ კამპანიური დეზინფორმაციის წინააღმდეგ, რომელიც სოციალურ ქსელებში თუ ნაცმოძრაობის ტელევიზიებში გვაქვს. ყოველ დღე, დღეში 3-4-ჯერ სხვადასხვა ახალ-ახალი კამპანიები იწყება, ხდება სტიქიით და მისი შედეგებით სარგებლობა -სამწუხაროდ, ამის თქმა გვიწევს, შეუძლებელია სხვანაირი შეფასება, სიღრმეებში არ შევდივართ. ხელისუფლებას ხან კოტეჯებზე ნებართვების გაცემას აბრალებენ, რომელიც კომუნისტების დროიდან იქ დგას რამდენიმე ათეული წელიწადია და ჩვენზე უფროსებიც კი ამბობენ, რომ ბავშვობაში ამ კოტეჯებში ისვენებდნენ. ხან ვერტმფრენებზეა საუბარი, რომლის საჭიროება რაც იყო, აბსოლუტურად აღმოფხვრილი იყო და არანაირი დამატებითი ვერტმფრენი იქ სამუშაოს ვერ ჩაატარებდა როგორი ხედვის კამერითაც არ უნდა ყოფილიყო. ჩვენი გმირი ბიჭები, მაშველები, პოლიციელები, უკვე ჯარისკაცებიც, ყველა შესაბამისი უახლესი აღჭურვილობით, სპეცტექნიკით არიან შეიარაღებულები და პროფესიონალურ დონეზე მიყვებიან იმ სამუშაოს, რაც კი თეორიულ დონეზეც კი შეიძლება ადამიანმა წარმოიდგინოს“, – განაცხადა მამუკა მდინარაძემ.
საქართველოს უმსხვილეს კოლექტიური მართვის ორგანიზაციას, რეპუტაციის დაკარგვასთან ერთად ფინანსური კრახი ელის.
პარლამენტის კულტურის კომიტეტმა პროკურატურას GCA-ს აუდიტორული შემოწმების მასალები გადასცა.
კოლექტიური მართვის ორგანიზაციის თავმჯდომარის, გიგა კობალაძის სისხლის სამართლებრივი დევნა საავტორო ჰონორარების გაფლანგვასა და მითვისებაზე -უახლოესი დღეების საკითხია. თუმცა, ბევრად უფრო მნიშვნელოვანი თავად GCA-ის ბედია.
შეძლებს თუ არა ორგანიზაცია 14 მილიონიანი ხვრელის ამოვსებას და გაკოტრების თავიდან აცილებას? სწორედ ესაა ამ სფეროში ერთ-ერთი მთავარი სადისკუსიო თემა.
შეგახსენებთ, რომ აუდიტორულმა შემოწმებამ, რომელიც ავტორებისა და დეპუტატების მრავალჯერადი მოთხოვნის საფუძველზე, საქპატენტის დაკვეთით ჩატარდა, GCA-ს შემოსავლებსა და მის ადმინისტრაციულ ხარჯებს შორის გასაოცარი შეუსაბამობა გამოავლინა.
წესდების თანახმად, კოლექტიური მართვის ორგანიზაციას საკუთარი აპარატის არსებობისთვის შეგროვილი ჰონორარებიდან მხოლოდ 20%-ის გახარჯვა შეუძლია. როგორც გაირკვა, ამ ხარჯების რეალურმა წილმა კი 47% შეადგინა. მხოლოდ 2021-2022 წწ. შეგროვილი 3 822 000 ლარიდან, „მენეჯმენტის ხარჯებზე“ 1 791 597 ლარი
დაიხარჯა.
თვალსაჩინოებისთვის, გადახარჯვის რამდენიმე ეპიზოდის მოყვანა შეიძლება. 2021 წელს GCA-ს თავმჯდომარემ სარგებელის სახით 233 062 ლარი მიიღო, ხოლო 2022 წელს უკვე 336 569 ლარი (ხელფასი – 143 750 ლარი, პრემია – 27 500 ლარი, ბონუსი – 37 500 ლარი და სარგებელი 127 819 ლარი). ლოგიკურია, რომ ჩნდება კითხვა: მსოფლიო ქვეყნების რეიტინგის ქვედა საფეხურზე მყოფი კიდევ რომელი ქვეყნის, უფლებების მმართველი კოლექტიური ორგანიზაციის თავმჯდომარე იღებს წელიწადში 128 000 დოლარს? იქნებ ბატონი კობალაძე ავტორებისთვის იმდენად დიდ თანხებს კრებდა, რომ სინდისის ქეჯნის გარეშე შეეძლო თავადაც კარგად ეცხოვრა? და კვალავ, არა – ყველაზე ცნობილი მუსიკოსები ხშირად კვარტალში მხოლოდ 15 ლარს იღებდნენ ან წლების განმავლობაში სამ თვეში ერთხელ ერთიდაიგივე თანხა ერიცხებოდათ.
“წლების განმავლობაში მიჩნდებოდა კითხვა, რატომ ვიღებდით მე და ჩემი კოლეგა სამ თვეში ერთხელ ზუსტად თანაბარ X თანხას.”- იხსენებს ნინი ბადურაშვილი, მომღერალი.
ცხადია, რომ კობალაძის საქმეს ბანალური დანაშაულებრივი ნიშნები აქვს. ყველაფერი კანონიერი გზით წავა – GCA-ს თავმჯდომარის ბედს გამოძიება და სასამართლო განსაზღვრავენ.
თუმცა, ქვეყნისა და კულტურის სფეროს წარმომადგენელთათვის არსებობს ბევრად მნიშვნელოვანი საკითხი: შეძლებს თუ არა კოლექტიური მართვის ორგანიზაცია, ამჟამინდელი მენეჯმენტისგან მიყენებული კოლოსალური დანაკარგების შემდეგ, ფეხზე დადგომას?
როგორც ექსპერტი ეკონომიკის საკითხებში, ოთარ ანგურიძე აღნიშნავს, აუდიტის მიერ აღმოჩენილი დანაკარგების კომპენსაცია შეუძლებელია: „ჩემი აზრით, არც ერთი ბანკი არ მისცემს GCA-ს სესხს, რადგან არავითარი გარანტიები არ ექნებათ.
გარანტორად არც სახელმწიფო დაუდგება და არც არავინ. შეიძლება დადგეს – ორგანიზაციის ბანკროტობა. გაკოტრებულად გამოცხადდეს და შეიქმნას ახალი, ალტერნატიული ორგანიზაცია. სხვა შემთხვევაში რატომ უნდა დაფაროს ის ვალდებულებები? მე რომ კობალაძის ადგილზე ვიყო, გამოვაცხადებდი ბანკროტად
ორგანიზაციას. აუდიტს ჩავატარებდი, ვალებთან მიმართებაში ვიტყოდი, რომ ვერ ვფარავ და გავაკოტრებდი ორგანიზაციას. ჩამომეჭრებოდა ვალები. ავტორ-შემსრულებლებს შეუძლიათ ითანამშრომლონ სხვა ალტერნატიულ ორგანიზაციასთან, მაგრამ, სავარაუდოდ, იმ თანხებს ვერ დაიბრუნებენ.
ეკონომისტი რამაზ გერლიანის თქმით, აუდიტორული შემოწმების მასალებმა ნათლად აჩვენა, რომ გიგა კობალაძის ბოლო 12 წლიანი ხელმძღვანელობის დროს, GCA-ში თავიდანვე მანკიერი ბიზნეს-მოდელი ჩამოყალიბდა, რომელიც პროცესების გაუმჭვირვალობაზე, კერძოდ კი ტოპ-მენეჯმენტის კონტროლის არ არსებობაზე იყო დაფუძნებული:
„იმ პირებს, ვისი ცუდი მენეჯმენტის გამოც მოხდა გადახარჯვა, პასუხისგება უნდა მოეთხოვოთ. ეკონომიკური დანაშაულის სფეროში არსებული კანონმდებლობით, თუ ორგანიზაციას არ აქვს სახსრები, ეს არ ნიშნავს, რომ დირექტორი არ იქნება პასუხისმგებელი მისი ქონებით ან თუნდაც მისი ნათესავების ქონებით.აშკრადაა საჭიროა კრიზის- მენეჯმენტი. ვალების რეკონსტრუქციის გეგმა უნდა იყოს შემუშავებული. მე ზოგადად სკეპტიკურად ვარ განწყობილი სახელმწიფოს ჩარევების მიმართ, მაგრამ იქნებ მედიაცია გასწიოს სახელმწიფომ, იმიტომ რომ ადამიანები ზარალდებიან. სულ ცოტა, დროებითი მმართველის დონეზე ჩარევა საჭიროა.“
როგორც ექსპერტებმა განაცხადეს, უნდა არსებობდეს მექანიზმი, რათა მენეჯმენტის მხრიდან კვლავ არ მოხდეს ფულის ფლანგვის პრეცენდენტი, თორემ ყველა დახარჯავს ფულს, შემდეგ გადადგება, და ვალდებულებები დარჩება ვალდებულებად. GCA-ს არ აქვს ისეთი აქტივები, რომლის ლიკვიდაცია შესაძლებელია, რადგან საუბარია
ინტელექტუალურ საკუთრებაზე. ექსპერტების თქმით, შესაძლებელია, GCA-ს ჰქონდეს გარკვეული აქტივები, მაგრამ ეს იმდენად მცირედი იქნება,რომ ვალდებულებების შესრულებას ვერ შეძლებენ.
რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ქალაქ ლანჩხუთში, დავით აღმაშენებლის ქუჩაზე (კმ75 პკ4-ში) მდებარე დაცულ სარკინიგზო გადასასვლელზე სავალი ფენილის შეკეთების სამუშაოების წარმოებისთვის 2023 წლის 08 აგვისტოს 00:00 საათიდან 06:00 საათამდე აღნიშნულ სარკინიგზო გადასასვლელზე საავტომობილო გზის სავალი ნაწილი დროებით ჩაიკეტება.
დროის აღნიშნულ პერიოდში შიდასახელმწიფოებრივი მნიშვნელობის ჯაპანა-ლანჩხუთის (ასაქცევი) საავტომობილო გზიდან ავტოტრანსპორტის მოძრაობა გადაერთვება დროებით საერთაშორისო მნიშვნელობის სამტრედია-ლანჩხუთი-გრიგოლეთის საავტომობილო გზის ჯაპანა (კმ15)- ლანჩხუთის (კმ31) მონაკვეთზე.
სტიქიის ზონაში, მთელი ღამის განმავლობაში, სპეციალური განათებებით, უწყვეტ რეჟიმში მიმდინარეობდა ძებნა-შველის ღონისძიება.
შსს-ს ცნობით, შინაგან საქმეთა სამინისტროს საგანგებო სიტუაციების მართვის სამსახურის თანამშრომლები ონის მუნიციპალიტეტში მეოთხე დღეა, უწყვეტ რეჟიმში აწარმოებენ სამაშველო ღონისძიებას.
მაშველების მიერ ამ დროისთვის 17 ცხედარია ნაპოვნი. სამაშველო ღონისძიების ფარგლებში უსაფრთხო ადგილას გადაყვანილია 200-ზე მეტი ადამიანი.
პარლამენტის თავმჯდომარე შალვა პაპუაშვილი, საპარლამენტო უმრავლესობის ლიდერთან, ირაკლი კობახიძესთან, პარლამენტის წევრებთან და ადგილობრივ მაჟორიტარ დეპუტატთან, გოჩა ენუქიძესთან ერთად, სტიქიის ზონაში რჩება, – ამის შესახებ ინფორმაციას პარლამენტის პრესსამსახური ავრცელებს.
როგორც პარლამენტის თავმჯდომარემ მედიასთან საუბარში აღნიშნა, ძებნა-შველის ღონისძიება გრძელდება.
„გზის გაკვალვა ნელ-ნელა ნაწილობრივ ხდება, იმისთვის, რომ ტექნიკამ მეორე ნაპირზე შეძლოს სრულად მუშაობა. თავდაცვის სამინისტროს ძალებიც ადგილზე არიან და ხედავთ, თუ რა მდგომარეობაა კურორტ შოვში – ფაქტობრივად, აღარ არის ის ტერიტორია ისეთი, რომელიც ჩვენ გვახსოვს და კიდევ ერთხელ, ეს განსაკუთრებულ მწუხარებას იწვევს ჩვენში“, – განაცხადა შალვა პაპუაშვილმა.
მან ასევე მიმართა საზოგადოებას, არ გაავრცელონ გადაუმოწმებელი ინფორმაცია, რასაც მოაქვს დაბნეულობა,
„ახლა არის სოლიდარობის და კონსოლიდირების დრო და ყველას ვთხოვ გადაუმოწმებელი ინფორმაცია არ გაავრცელონ“, – აღნიშნა პარლამენტის თავმჯდომარემ.
საპარლამენტო უმრავლესობის ლიდერმა კი კიდევ ერთხელ გამოუცხადა სამძიმარი სტიქიის შედეგად გარდაცვლილების ოჯახებს და განაცხადა, რომ ყველაფერი კეთდება, როგორც სპეცტექნიკის ჩართულობის თვალსაზრისით, ისე ვერტმფრენების უზრუნველყოფით, ყველა საჭირო რესურსის სრული მობილიზაციით, იმისათვის, რომ სამაშველო სამუშაოებზე დაბრკოლება არ ყოფილიყო.
ირაკლი კობახიძემ მადლობა გადაუხადა როგორც მაშველებს, ისე პოლიციელებს, ჯარისკაცებს, რომლებიც დღეს და ღამეს ათენებენ, რომ რაც შეიძლება მეტი ადამიანის გადარჩენა მოხდეს.
სტიქიის ზონიდან ამ დროისთვის 210 ადამიანია გამოყვანილი, ამ დროისთვის არსებული მონაცემებით, დაღუპულია 17 პირი.
შოვში მომხდარი ტრაგედიის გამო, 7 აგვისტო გლოვის დღედ გამოცხადდა.
საქართველოში მეწყერის დროს ცნობილი უკრაინელი ჟურნალისტი ალინა პოლიკოვსკაია გარდაიცვალა. იქ იყო თავის რჩეულთან და სამ შვილთან ერთად – ასე გამოეხმაურა უკრაინული მედია ზაზა მესხის უკრაინელი მეუღლის დაღუპვას.
„პოლიკოვსკაიას ცხედარი უკვე იპოვეს. გადარჩნენ თუ არა ბავშვები და ჟურნალისტის მეუღლე, ჯერჯერობით ინფორმაციას არ ვრცელდება, ძებნა გრძელდება. ფეისბუქზე უამრავი პოსტი გაჩნდა, სადაც მომხმარებლები ჟურნალისტს იხსენებენ და ტრაგედიაზე სევდიანად საუბრობენ.
პოლიკოვსკაიას ფეისბუქის გვერდზე წერია, რომ ის მუშაობდა უკრაინაში, ერთ-ერთ ტელეარხზე და დაიბადა ნიჟინში. რამდენიმე წლის წინ ჟურნალისტი ნიდერლანდებში გადავიდა საცხოვრებლად.
„ალინა იყო კეთილი, ჭკვიანი, ლამაზი. ალინას და ზაზას ნიდერლანდებში, უტრეხტში დიდი შესანიშნავი ოჯახი ჰქონდათ“, – წერს ჟურნალისტი ოლგა არტიუშენკო.
ვერძი
დღეს მოგიწევთ რამდენიმე საქმესთან შეჭიდება, მთავარია, სწორად დაგეგმოთ დრო და დაახარისხოთ პრიორიტეტები. აქტიური დღის შემდეგ, სჯობს, სასიამოვნო გარემოში დაისვენოთ.
კურო
ნელნელა ყველაფერი ლაგდება, თქვენც უფრო მოტივირებული და აქტიური ხართ. იფიქრეთ მატერიალური რესურსების განმტკიცებაზე.
ტყუპები
შეგიძლიათ, თამამად შეუდგეთ პრობლემური საკითხების მოგვარებას, ახლა გაქვთ შესაბამისი ძალა და ენერგია, რათა მიხედოთ და გათავისუფლდეთ ყველაფრისგან, რაც აქამდე დაბრკოლებას ქმნიდა.
კირჩხიბი
არაკეთილმოსურნეებისა და კონკურენტების მიერ შექმნილმა შეზღუდვებმა და ინტრიგებმა, შესაძლოა, შეაფერხოს თქვენი ახალი იდეების განხორციელება და კარიერული წინსვლა. ყურადღებით იყავით და ემოციები აკონტროლეთ.
ლომი
მოვლენები, შეხვედრები თუ ცვლილებები მეტად მნიშვნელოვან როლს ითამაშებს უახლოესი დროის მონაკვეთში, გამოიყენეთ მოცემული შანსი და შექმენით კომფორტული გარემო.
ქალწული
სიახლეების დროა, შეიძლება წამოიწყოთ ახალი საქმეც, ან ახალი ფერები და მიდგომები შეიტანოთ თქვენს ძველ გეგმებსა და სტრატეგიებში.
სასწორი
საქმიანი ურთიერთობებიც კი მეტ სასიამოვნო ემოციას მოგგვრით, მეტად წარმოაჩინეთ თქვენი უნარები.
მორიელი
თქვენი აზრები და ინტერესები სახლისა და ოჯახის ირგვლივ ტრიალებს, ახლა შესაფერისი დროა გადადებული საქმეებისა და პროექტების რეალიზებისთვის.
მშვილდოსანი
ახლა ყველაზე მნიშვნელოვანი თემაა ჯანმრთელობა, თუმცა, შესაძლოა ძალების მოზღვავებაც იგრძნოთ, ამიტომ, კარგი იქნება თქვენი ენერგია კარიერულ წინსვლას მოახმაროთ.
თხის რქა
თქვენი შეუპოვრობა კონკურენტებთან და მოწინააღმდეგეებთან წარმატების მიღწევაში დაგეხმარებათ. კომუნიკაციებში იყავით წინდახედული.
მერწყული
ფერადი დღეა: ახალი შთაბეჭდილებები, სიყვარულის საკითხებში წარმატებები, სიახლეები შემოქმედებითი კუთხით…მიჰყევით სამყაროს მიერ ბოძებულ შემოთავაზებებს.
თევზები
პროფესიულ საკითხებში ახლა სიახლეებია მოსალოდნელი, მთავარია, არ იჩქაროთ. გააფორმეთ ხელშეკრულებები, იყავით პოზიტიურად მომართული და მეტი ყურადღება მიაქციეთ დეტალებს.
შოვში, სტიქიის ზონაში ძებნა-შველის ღონისძიება სპეციალური განათებების საშუალებით, ამ წუთებშიც უწყვეტ რეჟიმში მიმდინარეობს. ინფორმაციას საქართველოს შინაგან საქმეთა სამინისტრო ავრცელებს.
შინაგან საქმეთა სამინისტროს საგანგებო სიტუაციების მართვის უფროსი თემურ მღებრიშვილი, ჯანდაცვის მინისტრი ზურაბ აზარაშვილი და მთავრობის ადმინისტრაციის რეგიონებთან ურთიერთობის დეპარტამენტის ხელმძღვანელი ლერი ბარნაბიშვილი, მედიის წარმომადგენლებთან ერთად სტიქიის ეპიცენტრში იმყოფებოდნენ, სადაც ძებნა-შველის ღონისძიება ამ წუთებშიც, სპეციალური განათებების საშუალებით მიმდინარეობს.
სამაშველო ღონისძიება ონის მუნიციპალიტეტში, სტიქიის ზონაში, მესამე დღეა, უწყვეტ რეჟიმში მიმდინარეობს. სამუშაოებში ჩართულია საგანგებო სიტუაციების მართვის სამსახურის მეხანძრე- მაშველები, პოლიციის დანაყოფები, დრონები, სპეცტექნიკა და სასაზღვრო პოლიციის ვერტმფრენი. ასევე, სამუშაოებში ჩართულია საგანგებო სიტუაციების მართვის სამსახურის კინოლოგთა ჯგუფი.
მაშველების მიერ ამ დროისთვის 17 ცხედარია ნაპოვნი. სამაშველო ღონისძიების ფარგლებში უსაფრთხო ადგილას გადაყვანილია 200-ზე მეტი ადამიანი.
შოვში მეწყერი 3 აგვისტოს ჩამოწვა. ამ დროისთვის არსებული მონაცემებით, სტიქიის ზონაში კი 18 ადამიანს ეძებენ.
აშშ-ის ექს-პრეზიდენტი დონალდ ტრამპი სასამართლოში 3 აგვისტოს გამოცხადდა 2021 წლის 6 იანვარს კაპიტოლიუმზე თავდასხმის საქმეზე და ასევე 2020 წლის არჩევნების შედეგების გაუქმების მცდელობაზე. ტრამპი ბრალს არ აღიარებს და აცხადებს, რომ ის პოლიტიკური დევნის ქვეშ იმყოფება.
შემდეგი სასამართლო სხდომა 28 აგვისტოს არის ჩანიშნული და შეერთებულ შტატებში მძვინვარე ვნებებია, არის თუ არა ექს-პრეზიდენტის სასამართლო პროცესი ამერიკული დემოკრატიის გადარჩენა, თუ პირიქით, ემუქრება მის საფუძვლებს?
გავლენიანმა პოლიტიკურმა ანალიტიკოსმა ფარიდ ზაქარიამ გამოაქვეყნა სტატია The Washington Post-ში, სადაც ამტკიცებს, რომ “ტრამპის შოკი” უფრო დიდი გამოწვევაა შეერთებული შტატებისთვის, ვიდრე ეკონომიკური მეტოქეობა ჩინეთთან. ფარიდ ზაქარიას თქმით, ჩინეთის ეკონომიკა ნელდება და მომავალში მას ხანგრძლივი სტაგნაციის პერიოდი ემუქრება, ხოლო აშშ-ს ეკონომიკა ზრდის ტემპს აჩვენებს. თუმცა, მომავალი საპრეზიდენტო არჩევნების დროს შეერთებული შტატების პოლიტიკური სისტემის შესაძლო დესტაბილიზაციამ შეიძლება დიდი ზიანი მიაყენოს ქვეყანას. „აშშ მოწმე გახდა პოპულისტი დემაგოგის აღზევების, რომელიც ემუქრება განადგურებით ყოველ ამერიკულ ინსტიტუტს, რომელიც მას წინ აღუდგება… თუ ის მიიღებს პარტიის მხარდაჭერას, რაც ძალიან სავარაუდოა, ამან შეიძლება გამოიწვიოს ბევრად უფრო დიდი არეულობა, ვიდრე ჩვენ ვნახეთ ბოლო არჩევნების დროს“, – წერს ზაქარია. https://www.washingtonpost.com/opinions/2023/08/04/america-survive-china-not-trump/
CNN-ის პოლიტიკური ანალიტიკოსი ჯულიან ზელიცერი პრობლემის სათავეს აშშ-ს პრეზიდენტის ჯერალდ ფორდის მიერ შექმნილ პრეცედენტში ხედავს. უოტერგეიტის სკანდალის შემდეგ აშშ-ის პრეზიდენტი რიჩარდ ნიქსონი სასამართლოს წინაშე წარსდგებოდა. მაგრამ ნიქსონი გადადგა და ჯერალდ ფორდმა შეიწყალა იგი, რათა თავიდან აეცილებინა ხანგრძლივი სასამართლო პროცესი, რაც ზიანს მიაყენებდა აშშ-ს პრესტიჟს და ორად გაყოფდა ამერიკულ საზოგადოებას. ზელიცერის თქმით: „როდესაც სავარაუდო დანაშაულები იმდენად საშინელია, რომ საფრთხეს უქმნის ჩვენი დემოკრატიის სტაბილურობას, ანგარიშვალდებულება სასიცოცხლოდ მნიშვნელოვანია. საბრალდებო დასკვნა არის მხოლოდ ერთი ნაბიჯი გრძელვადიან პროცესში, რომელიც საჭიროა საპრეზიდენტო ძალაუფლებისთვის ბოლო ათწლეულების განმავლობაში დარღვეული ბარიერების აღსადგენად”.
ავტორიტეტულმა გამოცემამ The Wall Street Journal-მა გამოაქვეყნა აარონ ზიტნერისა და ენი ლინსკის სტატია, რომლებიც წერენ შეერთებულ შტატებში 2020 წლის საპრეზიდენტო არჩევნებით გამოწვეულ „დემოკრატიის კრიზისზე“. ავტორებს CNN-ის დაკვეთით ჩატარებული სოციოლოგიური გამოკითხვის მონაცემები მოჰყავთ, რომლის მიხედვითაც რესპუბლიკელი ამომრჩეველთა 69%-ს მიაჩნია, რომ ტრამპმა 2020 წელს ბაიდენს არჩევნები მოუგო. რესპუბლიკელები ასევე შიშობენ, რომ 2024 წელს მათ გამარჯვებას წაართმევენ. ამავდროულად, მრავალი გამოკითხვა აჩვენებს, რომ ამერიკელი ამომრჩევლების სრული რაოდენობის 60% აღიარებს ბაიდენის გამარჯვებას ლეგიტიმურად.
დონალდ ტრამპს შოუბიზნესში დიდი გამოცდილება აქვს და სარჩელს ოსტატურად აქცევს სპექტაკლად, რომელშიც ის „მსხვერპლის“ როლს თამაშობს. ტრამპი და მისი პოლიტიკური კონსულტანტები იყენებენ „შეთქმულების თეორიის“ ტექნოლოგიას აშშ-ს ექს-პრეზიდენტის მხარდამჭერების მობილიზებისთვის. ტრამპის სასამართლო პროცესს მისი გუნდი ასევე გამოიყენებს როგორც „მტკიცებულებას“ კორუმპირებული ვაშინგტონის ელიტების მიერ დონალდ ტრამპის წინააღმდეგ „შეთქმულების“.
თუმცა, დემოკრატიული პარტიის მხარდამჭერებიც ატარებენ თავიანთ პოლიტიკურ ნაბიჯებს და ცდილობენ ამომრჩევლის სიმპათიის მოზიდვას. აშშ-ს კონგრესის 38 დემოკრატთა ჯგუფმა წერილი გაუგზავნა ფედერალური სასამართლოების ადმინისტრაციული ოფისის სასამართლო კონფერენციის მდივანს, როსლინ მაუსკოფფს, სადაც მოითხოვა დონალდ ტრამპის სასამართლო პროცესის პირდაპირი ტრანსლაცია. „აუცილებელია, რომ სასამართლომ დროულად უზრუნველყოს ზუსტი და სანდო ინფორმაცია ამ საქმეებთან და ყველა მათ წარმოებასთან დაკავშირებით, ჩვენი დემოკრატიული ინსტიტუტების უკიდურესი ეროვნული მნიშვნელობისა და გამჭვირვალობის აუცილებლობის გათვალისწინებით“, – ნათქვამია კონგრესმენების წერილში. https://www.interfax.ru/world/914771
The Wall Street Journal-ის სარედაქციო სტატიაში კრიტიკა გამოითქვა დემოკრატების სურვილზე, გადაექციათ ტრამპის სასამართლო ხანგრძლივ პროცესად, როგორც ამერიკელი მსახიობის ო.ჯ. სიმპსონის სკანდალურ შემთხვევაში. გამოცემის რედაქტორების თქმით, სატელევიზიო მაუწყებლობამ შეიძლება უარყოფითად იმოქმედოს სამართლიანი გადაწყვეტილების მიღებაზე, იმის გათვალისწინებით, რომ ტრამპის სასამართლო პროცესი „ნებისმიერ შემთხვევაში გახდება გლობალური მედია ცირკი“. https://www.wsj.com/articles/donald-trump-trial-cameras-courtroom-roslynn-mauskopf-adam-schiff-democrats-b24375e2?mod=opinion_lead_pos2
პუბლიკაცია გამოხატავს მსხვილი ამერიკული ბიზნესის ინტერესებს, რისთვისაც ტრამპის სასამართლო პროცესის მედიის სკანდალმა შესაძლოა ზარალი გამოიწვიოს. თუმცა, ეს არ არის პირველი შემთხვევა, როცა შეერთებული შტატების პოლიტიკური სისტემა მსგავს სტრეს-ტესტს ექვემდებარება.
ჩვენ უკვე აღვნიშნეთ უოტერგეიტის სკანდალის შედეგები რიჩარდ ნიქსონისთვის. ასევე უნდა გავიხსენოთ Monicagate, რომლის დროსაც ბილ კლინტონმა სასწაულებრივად მოახერხა იმპიჩმენტის თავიდან აცილება.
ამერიკული საზოგადოების პოლარიზაცია და მედია ბრძოლის ინტენსივობა დონალდ ტრამპის სასამართლო პროცესის გარშემო ეჭვს არ ტოვებს, რომ ეს იქნება დრამატული და ამაღელვებელი „რეალითი-შოუ“, რომელსაც მთელი მსოფლიო მიადევნებს თვალს. სასამართლო პროცესის განმავლობაში ტრამპის პრეზიდენტის საქმიანობის მრავალი ეპიზოდი გახდება ცნობილი, რაც მსოფლიო საზოგადოებისთვის მოულოდნელი იქნება.
ამერიკული სასამართლო სისტემის გამჭვირვალობა ხშირად შოკში აგდებს სხვა ქვეყნების მოქალაქეებს. მაგალითად, Monicagate-ის დროს გამოქვეყნდა ბილ კლინტონისა და მონიკა ლევინსკის სექსუალური ურთიერთობის ინტიმური დეტალები. მაგრამ დონალდ ტრამპის შემთხვევაში საუბარია უფრო სერიოზულ საკითხებზე, რომლებიც დაკავშირებულია აშშ-ს ეროვნულ უსაფრთხოებასთან და ექს-პრეზიდენტის მიერ კონსტიტუციური წყობის საფუძვლების ხელყოფასთან. წინ – ბევრი სენსაციაა, რომელიც საარჩევნო კამპანიის ტემპერატურას უმაღლეს წერტილამდე მიიყვანს.
მსოფლიოში შეერთებული შტატების როლის გათვალისწინებით, ტრამპის შოუ არა მხოლოდ შეარყევს ამერიკული პოლიტიკური სისტემის საფუძვლებს, არამედ გლობალური მასშტაბის მძლავრ გამოძახილს მოახდენს. ამერიკული პოლიტიკური სპექტაკლი მთელ მსოფლიოს ჩაითრევს.
ავთანდილ წულაძე
პოლიტოლოგი, პოლიტოლოგიის დოქტორი
საქართველოს მთავრობის ადმინისტრაციის რეგიონებთან ურთიერთობის დეპარტამენტის უფროსი, ლერი ბარნაბიშვილმა ჟურნალისტებთან საუბარში ამბობს, რომ გუშინ 4 აგვისტოს სტიქიის ზონაში კონტაქტი 2 ადამიანთან დამყარდა, რომლებიც მანამდე კავშირზე არ გამოდიოდნენ.
„შანსი[ცოცხალი ადამიანების პოვნის] ყოველთვის არსებობს. შესაძლებელია, როგორც გუშინ მოხდა, რომ ადამიანებს ვეძებდით ჩვენ და არ გამოდიოდნენ კონტაქტზე, ორი ადამიანი გამოვიდა და მაგის იმედი გვაქვს ყოველთვის. იქიდან ვისთანაც კონტაქტს ვერ ვამყარებდით მათთან დამყარდა კონტაქტი”, – თქვა ლერი ბარნაბიშვილმა.
“ზოგიერთი ცხედრის სხვადასხვა ნაწილები იქნა აღმოჩენილი”, – ამის შესახებ დევნილთა, შრომის, ჯანმრთელობისა და სოციალური დაცვის მინისტრმა ტიქიის ზონაში, მედიასთან საუბრის დროს განაცხადა.
ზურაბ აზარაშვილის თქმით, დაკარგულთა შორის, სავარაუდოდ, 8 ბავშვია.
“მიმდინარეობს ამოცნობითი სამუშაოები, აქტიური სამუშაოები მიდის ღამეც და ვცდილობთ, რომ მიუხედავად ამ რთულიპირობებისა, გარდაცვლილი ადამიანების თუ ცოცხალი ადამიანების ამოყვანის შესაძლებლობა მაქსიმალურად გამოვიყენოთ. ზოგიერთი ცხედრის სხვადასხვა ნაწილები იქნა აღმოჩენილი და იქ სხვადასხვა ეტაპებია გასავლელი, ასეთი მაგალითად დეენემის ანალიზია. დასახიჩრებული ცხედრებიც გვაქვს. დაკარგულებს შორის სამწუხაროდ 7 თუ 8 ბავშვია. ინფორმაციასთან დაკავშირებით, რომლის მიხედვითაც ამ სტიქიის არიდება შეიძლებოდა, მინდა სრული პასუხისმგებლობით გითხრათ, რომ ეს დეზინფორმაციაა”, – განაცხადა ზურაბ აზარაშვილმა.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge