ვერასოდეს წარმოვიდგენდი, თუ „ხალხის ძალა“ ბიძინა ივანიშვილის წინააღმდეგ გამოძიების დაწყებას მოითხოვდა, რადგან რასაც ისინი ამბობენ, თუ ეს აღასრულეს, საქართველოს ყველა პრემიერ-მინისტრის მიმართ საქმეა აღსაძრავი, – ამის შესახებ „გირჩის“ ერთ-ერთმა ლიდერმა, იაგო ხვიჩიამ განაცხადა.

იაგო ხვიჩიამ უპასუხა კითხვას „ხალხის ძალის“ მიერ აგვისტოს ომის გამოძიებასთან დაკავშირებით დღეს გავრცელებულ განცხადებაზე.

„აქამდე სად იყვნენ, თუ ეს იცოდნენ? 11 წელია, ხელისუფლებაში არიან და აქამდე რას აკეთებდნენ? ამ ხნის განმავლობაში ვინ არ იყო პრემიერი, დაწყებული ივანიშვილით, დამთავრებული გახარიათი, ყველა პასუხისგებაშია მისაცემი, „ხალხის ძალას“ რომ დავუჯეროთ. ყურებს არ ვუჯერებდი, ეს რომ მოვისმინე – რა დაუშავა ბიძინა ივანიშვილმა გურამ მაჭარაშვილს ისეთი, რომ მის წინააღმდეგ გამოძიების დაწყებას ითხოვს?“, – განაცხადა იაგო ხვიჩიამ.

აგვისტოს ომის გამოძიებასთან დაკავშირებით მოძრაობა „ხალხის ძალამ“ დღეს განცხადებაც გაავრცელა, სადაც აღნიშნულია: „ხელისუფლებამ სახელმწიფოს და ჯარის ინტერესები ეფექტიანად დაიცვა, ახლა გვაქვს შესაძლებლობა, გავარკვიოთ, მოხდა თუ არა ის, რაზეც „ნაცმოძრაობა“ და სალომე ზურაბიშვილი შეთანხმებული არიან – რომ 2008 წელს ომი სააკაშვილმა დაიწყო“.

“არსებობს პასუხისმგებლობისგან დაცლილი, სტერილური ოპოზიციური სპექტრი, რომელსაც ქართველი ხალხის მხარდაჭერა სრულიად სამართლიანად არა აქვს”-ასე უპასუხა უმრავლესობის დეპუტატმა ალუდა ღუდუშაური ოპოზიციის პიარ კონსულტანტებთან დაკავშირებით დასმულ კითხვას.

მისი თქმით, ოპოზიციას, როგორ სცენარსაც დაუწერენ როზნერები და როზნერის უკან მდგომი სცენარისტები, იმას გააკეთებენ – მათ არც პრინციპები და არც მორალი გააჩნიათ.

ღუდუშაურის შეფასებით, „ეტყვიან გახარიებს სადღაც წადი – წავა, ეტყვიან უღალატე საკუთარ ხალხსა და გუნდს – უღალატებენ, თქვი უარი კანონის აღსრულებაზე და გააკეთებენ ამას. ამის შემდეგ არავის არაფერი უკვირს.

ოპოზიციის წარმომადგენლები სადაც არ უნდა გადავიდნენ და როგორც არ უნდა გადაჯგუფდნენ და გაერთიანდნენ, ამ ყველაფერს არანაირი შედეგი არ ექნება, რადგან მათ ხელზე აქვთ სისხლი, რომელსაც ძალიან დიდი ხნის განმავლობაში ვერ ჩამოირეცხავენ.

თუ ორი ნიკა გაერთიანდება და გახდება ერთი, წარმოუდგენელია, რა დივიდენდი და წონა შეიძლება ჰქონდეს მათ გაერთიანებას. ზურა გირჩი ჯაფარიძემ ქართველ ხალხს თავი საოკუპაციო ჯარებთან შარვლის ჩახდით და უკანალის ჩვენებით დაამახსოვრა – რასაც ისტორიის განმავლობაში ჩვენი ქვეყნის მოქალაქეები თავს სწირავდნენ, ამან საპირისპირო გააკეთა და ახლა ამ ადამიანებზე მეუბნებით, რომ ვისთანაც ზურა გირჩი ჯაფარიძე მივა, ის დაამარცხებს ხელისუფლებას. ეს არის წარმოუდგენელი რამ”, – განაცხადა ღუდუშაურმა.

„ქართული ოცნების” დეპუტატმა პოლიტიკაში ივანიშვილის დაბრუნებით გამოწვეულ შიშზეც ისაუბრა.

„მალე ერთი თვე გახდება მას შემდეგ, რაც ბიძინა ივანიშვილმა გააკეთა განცხადება პოლიტიკაში შემოსვლის შესახებ. ამის შემდეგ დღე არ გასულა ივანიშვილს რომ არ ახსენებდეთ, რითაც ვხედავთ, თუ როგორ გეშინიათ – ივანიშვილის ეს აპოკალიფსური შიში სრულიად სამართლიანად გაქვთ!“ – განაცხადა ღუდუშაურმა.

ხალხს სჭირდება ცვლილებები, რეფორმები და ესენი გაბოროტებული დედაბერივით წყევლიან ყოველდღე საქართველოს, – ასე გამოეხმაურა პარტია „სტრატეგია აღმაშენებლის” დეპუტატი, პაატა მანჯგალაძე, „ხალხის ძალის” მიერ გამოქვეყნებულ განცხადებას.

მისი თქმით,   „ხალხის ძალას” უნდა, რომ საზოგადოებაში დაძაბულობა შემოიტანონ, რაშიც არ აჰყვებიან.

„არც მინდა ამ სისულელეზე კომენტარის გაკეთება. მაქსიმალურად ვცდილობ, რომ ის ენა არ გამოვიყენო, რომელიც დაძაბულობას გაზრდის. კიდევ ერთხელ ვამბობ, ეს ხალხი სხვა რამით დაკავდეს. ხალხს სჭირდება ცვლილებები, რეფორმები და ესენი გაბოროტებული დედაბერივით წყევლიან ყოველდღე საქართველოს. არ ავყვეთ ამ ხალხს ამაში, არც მოვუსმინოთ, არც წავიკითხოთ, იმიტომ რომ ყველა არის საინფორმაციო დივერსია და ამაში აყოლა ჩვენ არ გვინდა, ჩვენ გვინდა, რომ ერთმანეთს შევეჯიბროთ საქმის კეთებასა და აღმშენებლობაში. ჩვენ ეს პოლიტიკური დღის წესრიგი გვაქვს. მათ უნდათ რომ საზოგადოებაში დაძაბულობა შემოიტანონ, რაშიც არ ავყვებით”, – განაცხადა მანჯგალაძემ.

საუბარი გვაქვს როგორც ნიკა გვარამიასთან, ისე – სხვადასხვა პოლიტიკურ ჯგუფთანაც. ჯერჯერობით არაფერი კონკრეტული გადაწყვეტილი არ არის, – ამის შესახებ „გირჩი – მეტი თავისუფლების“ ლიდერმა, ზურაბ ჯაფარიძემ ჟურნალისტებს ოპოზიციურ პარტიებთან მოლაპარაკებების შესახებ კითხვის საპახუსოდ განუცხადა.

კითხვაზე – ნიკა გვარამიასთან მოლაპარაკებები რა ეტაპზეა, ზურაბ ჯაფარიძე პასუხობს, რომ „მანდ არ არსებობს რაიმე ეტაპები.“

„არ არსებობს მანდ რაიმე ეტაპები; საუბარი გვაქვს როგორც ნიკა გვარამიასთან, ისე გვაქვს კომუნიკაცია სხვადასხვა პოლიტიკურ ჯგუფთანაც. ჯერჯერობით არაფერი კონკრეტული გადაწყვეტილი არ არის, როგორც კი იქნება რაიმე კონკრეტული გადაწყვეტილი, მაგის შინაარსი ის არის, რომ მერე საზოგადოებამ გაიგოს. არავინ არაფერს არ დამალავს. „ლელოსთან“ სულ გვაქვს მაგალითად კომუნიკაცია, ხან ვის ველაპარაკებით ხან – ვის ველაპარაკებით. ჯერჯერობით არაფერი გადაწყვეტილი არ არის. კარგია, რომ ეს კონსულტაციები მიდის. მე, ისევე როგორც ნიკა გვარამიას, ისე ელენეს (ხოშტარია), გვჯერა, რომ საბოლოო ჯამში, კონსოლიდაციაში არის გამოსავალი, მაგრამ ვნახოთ.

„ნაციონალურ მოძრაობასთან“ კონსოლიდაციაზე საუბარი არ გვაქვს, მაგრამ არის ფორმატები, სადაც სხვადასხვა საკითხზე ვთანამშრომლობთ, მათ შორის, ემიგრანტების საკითხზე გვაქვს გარკვეული ტიპის კომუნიკაცია. ნიკა მელიასთან ჯერჯერობით კომუნიკაცია არ გვქონია, მე რაც მოვისმინე ნიკა მელიას წარმომადგენლებისგან ისინი აპირებენ პარტიის დაფუძნებას და მერე დავიწყებთ საუბარს მომავალ გეგმებზეო, შესაბამისად, ჩვენც ველოდებით“, – განაცხადა ზურაბ ჯაფარიძემ.

„სააკაშვილი და მის კვალდაკვალ – გვარამიაც, სრულიად პოპულისტურად და გაუაზრებლად ქართულ აფხაზურ სახელმწიფოზე ბოდავენ, ფიქრობენ რომ ეს აზრი პოპულარული იქნება“, – ამის შესახებ „ევროპული საქართველოს“ წევრი თამარ ჩერგოლეიშვილი სოციალურ ქსელში წერს.

„სააკაშვილი და მის კვალდაკვალ – გვარამიაც, სრულიად პოპულისტურად და გაუაზრებლად ქართულ აფხაზურ სახელმწიფოზე ბოდავენ, ფიქრობენ რომ ეს აზრი პოპულარული იქნება. დღეს საღამოს ლაივს გავაკეთებ ამ აბსურდზე. რატომ ქართულ-აფხაზური და არა ქართულ-ოსური? ან ქართულ-სომხური? ან ქართულ-აზერბაიჯანული? რასთანაა კავშირში ეს უპასუხისმგებლო ბოდვა? მოკლედ, დღეს, 21 საათისკენ, ერთიან ქართულ დემოკრატიულ რესპუბლიკაზე ვისაუბრებ და ამ პოპულისტურ, გაუაზრებელ და მოღალატეობრივ ბოდვებს ვუპასუხებ“, – წერს თამარ ჩერგოლეიშვილი.