ავსტრიული გამოცემა „ექსპრესი“ (Express) აქვეყნებს მოკლე სარედაქციო სტატიას სათაურით „ახალი უკრაინული კავალერია? უკრაინელი ჯარისკაცის ცხენს რკინის ნერვები დაჭირდება“, რომელშიც ერთგვარი ირონიით არის განხილული ქვეყნის არმიაში მომხდარ ცვლილებები – კავალერიის გამოყენება საომარი მოქმედებების დროს: იმ მიზეზით, რომ უკრაინელ სამხედროებს ავტომანქანები აკლიათ, მათ უკიდურესი ნაბჯი გადადგეს და ბრძოლაში ცხენებით სარგებლობა დაიწყეს, რომელთა შერჩევა ხდება ერთი კრიტერიუმით – აქვთ თუ არა მათ „რკინის ნერვები“.
გთავაზობთ პუბლიკაციის ტექსტს:
უკრაინელი ჯარისკაცი, რომელიც ცხენზეა ამხედრებული და მხარზე, მშვილდ-ისრის ნაცვლად, თანამედროვე მაღალტექნოლოგიური კომპაქტური სარაკეტო სისტემა „ჯაველინი“ აქვს გადაკიდებული: უკრაინის მე-3 მოიერიშე ბრიგადის ჯარისკაცები თავიანთი ახალი ყველგანმავლებითა და ცხენებით პოზიორობენ.
უკრაინის არმიის მებრძოლებს ესოდენ თამამ საინჟინრო გადაწყვეტილებაზე, ალბათ, ტრანსპორტის მწვავე დეფიციტმა უბიძგა. ამ ფოტოსესიის მიხედვით ჩანს, რომ უკრაინის არმია „ძველი კეთილი დროის“ მსგავსად, საკავალერიო შეტევისათვის ემზადება. ტექსტი, რომელიც უკრაინის თავდაცვის სამინისტროს ვებ-გვერდზე გამოქვეყნებულ ფოტოსურათებს ახლავს, ასე ჟღერს: „ცხენზე ამხედრებული უკრაინის არმიის მე-3 მოიერიშე ბრიგადის სამხედრო მოსამსახურე „ჯაველინით“.
ნებისმიერ შემთხვევაში, უკრაინელ ჯარისკაცთა ოთხფეხა მეგობარს და თანაპოლკელს, რასაკვირველია, „რკინის ნერვები უნდა ჰქონდეს“ და „ტყვიაგაუმტარი უნდა იყოს“. „ჯაველინის მოქმედების რადიუსი ორი ათას მეტრს შეადგენს და, რა თქმა უნდა, ასეთი ძლიერი „ქვემეხი“ უხმაურო ნამდვილად არ იქნება, შესაძლოა, რაკეტის გასროლის დროს ცხენი დაფრთხეს.
ამერიკული „ჯაველინების“ დახმარებით უკრაინელებმა ბევრი რუსული ტანკი გაანადგურეს ომის დასაწყისში. ვაშინგტონმა კიევს ტანკსაწინააღმდეგო „ჯაველინის“ თითქმის 10 ათასი კომპლექტი მიაწოდა, აგრეთვე ჰაერსაწინააღმდეგო 2500 რაკეტა „სტინგერი“.
მაგრამ პენტაგონის ამასწინანდელი მოხსენების თანახმად, ამ მიწოდებული იარაღის 59%-ის ზუსტი ადგილსამყოფელი დღეისათვის უცნობია.
