„სტრატეგია აღმაშენებელს“, „ნაციონალურ მოძრაობასა“ და დამოუკიდებელ ექსპერტებს შექმნილი გვაქვს ჯგუფი, სანამ ტრაგედია, ასე ვთქვათ, ცხელია, ყველა ფაქტს აღვრიცხავთ, – ამის შესახებ ჟურნალისტებს „სტრატეგია აღმაშენებლის“ ლიდერმა, გიორგი ვაშაძემ განუცხადა.

მისივე თქმით, შოვის ტრაგედიასთან დაკავშირებით მმართველი გუნდის წარმომადგენლებს საგამოძიებო კომისიის შექმნა იმიტომ არ უნდათ, რომ დანაშაული აქვთ ჩადენილი.

„რატომ არ უნდათ კომისიის შექმნა. იმიტომ, რომ მათ დანაშაული აქვთ ჩადენილი და ამ დანაშაულის გამოაშკარავება მოხდება ფაქტობრივად, ამიტომ ეწინააღმდეგებიან ამ კომისიას. ამის პარალელურად, ჩვენ, „ნაციონალურ მოძრაობასთან“ ერთად სპეციალური ჯგუფი გვაქვს შექმნილი და არც თუ ისე შორეულ მომავალში სერიოზულ დ დასკვნებს ნახავთ. ჩათვალეთ, საგამოძიებო ჯგუფი მუშაობს იმისთვის, რომ საზოგადოებამ სიმართლე ნახოს. არ შეიძლება, ამხელა მსხვერპლი შერჩეს ხელისუფლებაში მყოფ ძალას. იმდენად უტიფრები არიან, პასუხისმგებლობასაც კი არავინ იღებს თავის თავზე. ერთი ადამიანიც კი არ გამოსულა, რომ თქვას – მე ვარ პასუხიგებელი“, – აღნიშნა გიორგი ვაშაძემ.

მისივე თქმით, „სტრატეგია აღმაშენებლის“, „ნაციონალური მოძრაობისა“ და დამოუკიდებელი ექსპერტების ჯგუფი შოვის ტრაგედიასთან დაკავშირებით ყველა ფაქტს აღრიცხავს.

„„სტრატეგია აღმაშენებელს“, „ნაციონალურ მოძრაობას“ და დამოუკიდებელ ექსპერტებს შექმნილი გვაქვს ჯგუფი, სანამ ტრაგედია, ასე ვთქვათ, ცხელია, პარალელურად ყველა ფაქტს ავღრიცხავთ, რა მოხდა, როგორ მოხდა, როგორ უნდა მომხდარიყო, აბსოლუტურად ყველაფერს აღვრიცხავთ. ყველა დოკუმენტაციას ნახავთ დასაბუთებულად, ვის რა უნდა გაეკეთებინა და არ გააკეთა, ვინ როგორ მოიქცა, ვინ როგორ ხელი შეუწყო ან ხელი შეუშალა ამ ყველაფერს, როგორი იყო რეაგირება. ყველაფერს ნახავთ წესებით, კანონებით და იმ ინსტრუქციებით გაწერილს, რომელიც უნდა ყოფილიყო შესრულებული და რომელიც, სამწუხაროდ, არ გააკეთა „ქართულმა ოცნებამ““, – განაცხადა გიორგი ვაშაძემ.

გიორგი ვაშაძის თქმით, იმედოვნებს, რომ დროებითი კომისიის შექმნაზე აზრს გიორგი გახარიას პარტიაც შეიცვლის და საღი აზრი გაიმარჯვებს.

ეს მიდგომა მიუღებელია, ჩვენ შეგვიძლია იგივე მოცემულობა წარმოვიდგინოთ საქართველოზეც, მსგავს მდგომარეობაშია ქვეყანა, –  ასე უპასუხა პარტია “ქართული ოცნების” თავმჯდომარემ, ირაკლი კობახიძემ, ნატოს გენერალური მდივნის ოფისის დირექტორის განცხადების შესახებ დასმულ შეკითხვას, რომელმაც აღნიშნა, რომ უკრაინამ ნატოში გაწევრიანება რუსეთისთვის გარკვეული ტერიტორიის დათმობის სანაცვლოდ შეიძლება მოახერხოს.

როგორც კობახიძემ განაცხადა, მისთვის გასაგებია უკრაინის ხელისუფლების პოზიცია, რომელმაც ნატოს წარმომადგენლის აღნიშნული განცხადება ნეგატიურად შეაფასა.  “ჩვენი ქვეყნის ტერიტორიების 20 პროცენტიც არის ოკუპირებული, ჩვენ რომ გვითხრას ვინმემ, რომ ტერიტორიების დათმობის სანაცვლოდ მიგვიღებენ ნატოში, ჩვენი პასუხიც იქნება კატეგორიული და ეს პასუხიც იქნება ბუნებრივია, უარი აქედან გამომდინარე, აბსოლუტურად მესმის უკრაინის ხელისუფლების აღშფოთება ამასთან დაკავშირებით.” – განაცხადა ირაკლი კობახიძემ

ნატო-ს ერთ-ერთი მაღალჩინოსნის განცხადება, რომ ტერიტორიების დათმობით უნდა მოხდეს ალიანსში მიღება, ზუსტად იმის მტკიცებულებაა, რასაც ვამბობთ, რომ, სამწუხაროდ, ხდება მსოფლიოს დღის წესრიგის გადანაწილება და ამ ომში, რომელიც პირველ რიგში, უკრაინისთვისაა საზიანო, ხელს ითბობენ სულ სხვა ქვეყნები და ძალები, – ამის შესახებ მოძრაობა „ხალხის ძალის“ წევრმა, გურამ მაჭარაშვილმა განაცხადა.

გურამ მაჭარაშვილს კითხვა დაუსვეს ნატო-ს გენერალური მდივნის ოფისის დირექტორის, სტიან იენსენის იმ განცხადებაზე, სადაც იენსენი აღნიშნავს: „ვფიქრობ, უკრაინის გამოსავალი შეიძლება იყოს ტერიტორიის დათმობა და სანაცვლოდ ნატო-ში გაწევრიანება“.

მაჭარაშვილის თქმით, ეს განცხადება არც შემთხვევით გაკეთებულია და არც წამოცდენაა.

„ჩვენ ყოველთვის აღვნიშნავდით, რომ, სამწუხაროდ, ომი, რაც მიმდინარეობს ახლა უკრაინაში, არ არის, მათ შორის უკრაინის სასარგებლო და ამას იყენებს არაერთი ძალა მსოფლიოში, მათ შორის უკრაინის საწინააღმდეგოდ. ნატო-ს ხელმძღვანელობაში ერთ-ერთი მაღალჩინოსნის განცხადება, რომ ტერიტორიების დათმობით უნდა მოხდეს ნატო-ში მიღება და ეს იქნებოდა კარგი, ზუსტად იმის მტკიცებულებაა, რასაც ჩვენ ვამბობთ, რომ, სამწუხაროდ, ხდება მსოფლიოს დღის წესრიგის გადანაწილება და სამწუხაროდ, ამ ომში, რომელიც პირველ რიგში, არის საზიანო უკრაინისთვის და უკრაინელი ხალხისთვის, ხელს ითბობენ აბსოლუტურად სულ სხვა ქვეყნები და სხვა ძალები.

ეს მოცემულობაა დღეს და ნატო-ს ხელმძღვანელობაში მაღალჩინოსნის ასეთი განცხადება შემთხვევით არ კეთდება, ეს წამოცდენაც არაა, რადგან ასეთი წამოცდენა არამცთუ ხელმძღვანელს, რიგით წევრსაც არ შეუძლია. რა თქმა უნდა, ეს გათვლილია შორს მიმავალ გეგმებზე, რაც, სამწუხაროდ, აქვთ გლობალური ომის პარტიის წარმომადგენლებს და ხელმძღვანელებს, რომლებსაც ახლა, პირდაპირ შეიძლება ითქვას, სურთ ომი უკრაინაში და სურთ მეორე ფრონტი საქართველოში.

ამას ვამტკიცებდით მტკიცებულებებით და ახლა იქიდან მოდის მტკიცებულებები, ჩვენ მოპოვება აღარ გვჭირდება, ერთადერთი, ხალხს უნდა მივაწოდოთ სწორი ინფორმაცია. სამწუხაროდ, ნატო-ს ხელმძღვანელობაც აღარ მალავს, რომ ქვეყნებმა ტერიტორიების დათმობის ხარჯზე უნდა გააკეთონ არჩევანი ნატო-ში და ისიც გარანტირებული არ არის, არავინ ეუბნება უკრაინას, რომ თუ დათმობთ ტერიტორიებს, ნატო-ში მიგიღებთო. უბრალოდ, საუბარია, რომ როგორც ნატო-ს ხელმძღვანელობაში აცხადებენ, მოხდეს როგორმე ამ კონფლიქტის გაყინვა, ტერიტორიების დათმობის ხარჯზე. მითუმეტეს მასშტაბურად ისეთი მცირე ქვეყნები, როგორიც საქართველოა, არ უნდა მოექცნენ  გლობალური კონფლიქტის არეალში, რადგან უკრაინა ათჯერ მეტია საქართველოზე, მაგრამ ხომ ხედავთ, რას უკეთებენ და საქართველოსთან მიმართებაში 10-ჯერ უარესი იქნებოდა. ამიტომ საჭიროა ფრთხილი, პრაგმატული პოლიტიკა, რაც აქვს ქართულ საზოგადოებას“, – განაცხადა გურამ მაჭარაშვილმა.