„ეს იყო შეცდომა” – სტიან იენსენი

114
spot_img

„ჩრდილოატლანტიკურ ალიანსში გაწევრიანების სანაცვლოდ უკრაინის ტერიტორიების ნაწილის დათმობის შესახებ  წინადადების შეთავაზება შეცდომა იყო“, – განაცხადა ნატოს გენერალური მდივნის შტაბის უფროსმა სტიან იენსენმა, ამის შესახებ უკრაინული მედია წერს.

ცნობისთვის, სტიან იენსენმა 15 აგვისტოს განაცხადა, რომ უკრაინას აქვს ვარიანტი – უარი თქვას რუსეთის მიერ ოკუპირებულ გარკვეულ ტერიტორიებზე და სანაცვლოდ, ჩრდილოატლანტიკური ალიანსის წევრობა მიიღოს, რაც ფართო დისკუსიის საგანი გახდა და ამასთან, უკრაინელი მაღალჩინოსნების მხრიდანაც მწვავე გამოხმაურება მოჰყვა.

იენსენის ამ განცხადებასთან დაკავშირებით, უკრაინის პრეზიდენტის აპარატის უფროსის მრჩეველმა, მიხაილო პოდოლიაკმა განაცხადა, რომ „ცუდი მშვიდობის“ დამყარების მცდელობები პუტინის ტრიუმფით, მსოფლიოს არა მშვიდობას, არამედ სირცხვილს და ომს მოუტანს.