ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:
“პოლონეთმა მიიღო გერმანიისგან თანხმობა, რომ დამატებით 5 მიგ-29 გადასცეს უკრაინას;
ევროპული კავშირის საბჭომ დაამტკიცა (როგორც იქნა) 31 მაისამდე უკრაინისთვის 200-300 ათასი 155მმ-იანი საარტილერიო ჭურვის გადაცემა;
იაპონია და შვეიცარია გამოყოფენ 5 მილიარდ დოლარს უკრაინის აღდგენისთვის;
პუტლერის რუსებს ალბათ მაგრად სძულთ ჰააგა; ჯერ სად არიან; აგერ ახალი დადგენილება გამოსცა ჰააგის სასამართლომ, რომლის თანახმად ყირიმის ტერიტორიაზე არსებული ინფრასტრუქტურის მიტაცების გამო გაზპრომმა 5 მილიარდი დოლარი უნდა გადაუხადოს უკრაინულ “ნაფტოგაზს”;
პუტლერის ჯაგლაგა ლავრაშას და მის ამალას არ აძლევენ ამერიკულ ვიზებს, ხოლო სპეც.თვითმფრინავს ნებართვას, რომ ჩამსევრდნენ ნიუ იორკში და უხელმძღვანელონ გაეროს უშიშროების საბჭოს სხდომას; მოთქვამს ურდოსტანი, ეს რა მოპყრობააო; მართალია – რა ვიზა, რა ვიზა, თავები უნდა ახათქუნებინო ჰააგის საპატიმროში;
ნორვეგიიდან კიდევ 15 რუს შპიონს აჩუ აქნევინეს; გასაყრელი კიდევ ბევრია;
დადასტურებული ინფორმაციით, ამერიკელი ჟურნალისტის ევან გერშკოვიჩის დაკავების სანქცია პირადად პუტლერმა გასცა;
ამასობაში ამერიკაში დააკავეს აშშ-ს საჰაერო ძალების ოფიცერი, 21 წლის ჯეკ თეიშეირა, რომელმაც გაავრცელა ქსელში საიდუმლო დოკუმენტები;
უკრაინის სამხედრო დაზვერვის შეფმა კირილო ბუდანოვმა, ვერაფერზე ვერ იქონიებს გავლენას მაგ დოკუმენტების გაჟონვაო, ვერც ორმხრივ ურთიერთობებზე და ვერც კონკრეტულ ოპერაციებზეო;
გერმანიის საგარეო საქმეთა მინისტრი ანელინ ბერბოკი ჩინეთში ჩადის; მაკრონის ვიზიტის მერე გზავნილების დაკორექტირება უწევთ გერმანელებს, ტაივანისგან ევროკავშირის დისტანცირება არც მომხდარა და არც მოხდებაო;
უშუალოდ ფრონტიდანაც შედარებით პოზიტიური ამბებია, მაგრამ მელიტოპოლის ბავოვნებმა ანუ აფეთქებებმა უკვე ყოველდღიური ხასიათი მიიღო; გუშინ კარგად დაუბაბანეს ჩვენებმა იქ სადაც ტექნიკის კონცენტრაცია იყო; სადაც ინფრასტრუქტურა აქვთ და სადაც თვითონ ქუჩდებიან; მაგარი პანიკაა მელიტოპოლში და ბერდიანსკში; წკიპზე არიან, რომ მოწყვეტით დაითესონ; ცოტა დარჩათ;
ყირიმსაც გემრიელად წვდებიან უკვე; იქ ჰაერსაწინააღმდეგო თავდაცვის სისტემებს უნადგურებენ ურდოს, თან საკუთარ შორ მანძილზე მოქმედ სარაკეტო სისტემებსაც ტესტავენ ჩვენები;
ძალიან კომიკურია ყირიმის სანაპიროები; აშკარად არასაზღვაო სეზონისთვის ემზადებიან;
ურდოს გაულიატერ ტერარისტ სეპარატისტ გირკინი აქებს და ადიდებს უკრაინის შეიარაღებულ ძალებს, ურდოსებს ეუბნება, თქვენ არ იცით რა უბედურება გველის, რა ძალით შემოგვიტევენო;
ბახმუტში ჩვენებმა ზომები მიიღეს და ვითარება შედარებით დაასტაბილურეს, ანუ რკინიგზის სადგური და ელევატორის მიდამოები ჩვენების კონტროლის ქვეშაა; რკინიგზის ხაზის გასწვრივ მიდის ბრძოლები; რასაც საჭიროდ თვლიან, ჩვენები აფეთქებენ; მოთქვამენ ურდოსები, თავს ვერ შეაფარებს კაცი ვერაფერსო; ყველა შენობას აფეთქებენ ეს “ვანდალებიო”.
ისევ ჰქონდათ გუშინ ხრომოვოს და ბოგდანოვკას მიმართულებიდან შემოტევის და თავდაცვის ზღუდეს გარღვევის მცდელობა, მაგრამ ისევ მაგრად მოხვდათ ჟანგიან ყბებში; სამხრეთ ნაწილშიც თვითმფრინავის მონუმენტის არეალში სერიოზული ბრძოელბი მიდიოდა; მოკლედ, მოთქვამენ პრიგოჟინი და მისი პროპაგანძიორები, კი მივწევთ წინ, მაგრამ უკრაინის შეიარაღებული ძალების ბახმუტიდან გასვლის არავითარი ნიშნები არ ჩანს და გიჟებივით ომობენ თითოეული სახლის და ქუჩისთვისო;
მარიინკაში უეჭველი ჩავალ – 14 თვეა ურდო უტევს ამ პატარა დასახლებას და ვერაფერი; ავდეევკაზეც იგივე; არის შტურმები დღე და ღამე, მერე მოადებენ ჩვენები, აუფეთქებენ მძიმე ტექნიკას, მიაკობზონებენ ცოცხალ ძალას და გაიქცევიან;
კუპიანსკი-სვატოვო-კრემინნას მიმართულებებზე პოზიციურობა შენარჩუნდა; ზაპოროჟეს ამბავი კი მოგიყევით და ხერრსონის ოლქში არტდუელები გრძელდებოდა;
მოკლედ, თუ არ ჩავთვლით უშუალოდ ბახმუტს, ყველგან ურდო ძირითადად წვალობს, რომ ჩვენების შეტევისთვის შეძლებისდგაგვარად კარგი პოზიციები დაიკავოს;
წვიმები, წვიმები, შეწყდებოდეს ჩქარა!
უკრაინა გაიმარჯვებს 2023-ში! საქართველომ უნდა გაიხაროს 2023-ში! პუტლერის ბოროტების იმპერია გრუხუნით ჩამოინგრევა 2023-ში!
დიდება უკრაინას!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.
