“ენას, რომელიც ჩვენი იდენტობის საფუძველია, დაცვა და გაფრთხილება სჭირდება”

68
spot_img

დედაქალაქის მერი კახა კალაძე საზოგადოებას დედაენის დღეს ულოცავს.

როგორც კახა კალაძე „ფეისბუქის“ საკუთარ გვერდზე წერს, ენას, რომელიც იდენტობის საფუძველია, დაცვა და გაფრთხილება სჭირდება.

„ქართული ენა- ენა, რომელიც გამოიხატავს ჩვენს თვითმყოფადობას, ეროვნულ თვითშეგნებას, უძველეს ისტორიას, უნიკალურ კულტურას. ქართული ენა- ჩვენი აწმყოს და მომავლის განმსაზღვრელი მძლავრი ფუნდამენტი; ენა, რომლითაც ქართველი ერი ამაყად ამბობს საკუთარ სათქმელს. სწორედ ამიტომ აღვნიშნავთ გამორჩეულად დედაენის დღეს. დღესაც, ისევე როგორც 1978 წლის 14 აპრილს, გვწამს და გვჯერა, რომ ენას, რომელიც ჩვენი იდენტობის საფუძველია, დაცვა და გაფრთხილება სჭირდება. გილოცავთ დედაენის დღეს“, – წერს კახა კალაძე.