წელს საქართველოში 658 მარიამი დაიბადა. ქვეყანაში სულ რეგისტრირებულია 118 453 მარიამი. ინფორმაციას სახელმწიფო სერვისების განვითარების სააგენტო ავრცელებს.

მარიამი არამეული წარმოშობის სახელია და რამდენიმე მნიშვნელობა აქვს.

„შეუპოვარი“, „დაუმორჩილებელი“, „უარმყოფელი“, „მწარე“, „ქალბატონი“, „საყვარელი უფლისა“, რომელთაგან ყველაზე სარწმუნო პირველია.

ახალგაზრდებო, იზრდებით და ვიღაცის მონები არ იყოთ, ფულს არ უყუროთ, რომ ვიღაც მეტს მოგცემთ, ეს რუსი იქნება, ევროპელი თუ სხვა, ჩინელი, ამერიკელი, თურქი თუ ნებისმიერი, – ასე მიმართა ბოდბელმა მთავარეპისკოპოსმა, მეუფე იაკობმა ქადაგებისას ახალგაზრდებს.

მან საზღვარგარეთ წასვლასა და უცხოეთის მხრიდან დახმარებაზე ისაუბრა და აღნიშნა, რომ ახალგაზრდები „პავლიკა მოროზოვებად“ არ უნდა იქცნენ.

„ჩვენი ქვეყანა ავაშენოთ ძლიერი, დამოუკიდებელი, თავისუფლების ღირსებით სავსე. ისე, რომ ჩვენი ღირსება დაინახონ და „პავლიკა მოროზოვებად“ არ გვიყურონ. ჩემთვის ისინი, ვინც უცხოეთში დარბიან, სხვა შორის, სახელებსაც მეუბნებიან, ამერიკელები არიან თუ ევროპელები, სამარცხვინოდ რომ იქცევიან ჩვენები, პავლიკა მოროზოვი იცით, რომ იდეოლოგიის მსხვერპლი იყო და ესენიც რაღაც იდეოლოგიის მსხვერპლი არიან“,- აღნიშნა მეუფე იაკობმა.

მისი თქმით, როცა უცხოელი ხედავს, რომ დასახმარებლად მასთან გარბიხარ, ის სხვაგვარად გიყურებს.

„შენს ქვეყანაში არ გინდა, რომ შენ გადაწყვიტო, მიდიხარ და ეუბნები, მოდი, დამეხმარე ხელისუფლებაში მოვიდეო. დემოკრატიის შუქურა ვიქნები, ის ვიქნები და ეს ვიქნებიო, როგორ შეგხედავს ის? რა თქმა უნდა, შაქარყინულსაც გაჭმევს, სხვა რაღაცას გამოგიწოდებს, ფულითაც დაგაფინანსებს, მაგრამ ვინ ხარ მისთვის? რაც საბჭოთა კავშირში „პავლიკა მოროზოვი“ იყო, იცოდეთ, რომ უცხოელებისთვის აბსოლუტურად იგივე ხართ. თქვენი ბრალი არ არის, ასე რომ იქცევით. საქართველოში არის 2 კატეგორიის ადამიანი, ბევრად მცირე არიან ის ადამიანები, რომლებიც მონები არიან და ვითომ სხვების თავისუფლებისთვის იბრძვიან. შენ თუ თავისუფლების და დამოუკიდებლობის ფასი იცი, ვინ ეკითხება უცხოელს რომ მითხრას, „ასე და ისე“ იცხოვრეო. მან როგორ უნდა მითხრას, ვინც თვითონ ვერ ცხოვრობს? რომელი ქვეყანაა წელში გამართული? თუმცა, მათშიც შეიძლება არჩევანი გააკეთო. ქართველები ისე ვართ, ღმერთის გარდა პატრონი არავინ გვყავს“, – განაცხადა მეუფე იაკობმა.

როგორც მან ქადაგებისას აღნიშნა, საქართველო აუცილებლად დაიბრუნებს იმას, რაც რუსეთმა ძალით წაართვა. მეუფე იაკობმა, ასევე, სიცრუე უწოდა ბრალდებებს, თითქოს რუსეთს უჭერს მხარს.

„არავის მოვახდევინებთ შიგნით არეულობას, საკმაოდ დიდი ძალა გვაქვს. იმ დღეს ვქადაგებდი, გამოდიან უსინდისოდ და ამბობენ, რუსეთს უჭერს მხარსო. როგორ შეიძლება რუსეთს მხარი დავუჭირო? თან ამას ლაპარაკობენ ის ტელევიზიები, ვინც დღესაც რუსულ ფულს იღებენ. თავიდანვე ზოგიერთი რუსის აგენტი იყო, ვინც დღეს იმ ტელევიზიებშია. თუ ძალიან დააინტერესებთ, შემიძლია ხმამაღლა ვამხილო. არ ვურჩევ, რომ ასეთ რამეში დაგვიპირისპირდნენ. ჩემთვის არაფერს წარმოადგენს ევროპიდან მეტყვიან, ამერიკიდან, რუსეთიდან თუ აქ მეტყვის ვიღაც, რას ამბობ მასზეო. წესიერად მოიქცნენ და არავისზე არაფერს ვიტყვი. შემიტევენ და თვითონ დამარცხდებიან“, – განაცხადა მეუფე იაკობმა.

ხმაური რომ ატყდა, მერე გაახსენდათ, რომ კანონი აქვთ პირველი მოსმენით მიღებული, რომელიც საპენსიო პორტფელების არჩევის 2028 წლამდე ვადის გახანგრძლივებას ეხება – მთელი ამბავი ისაა, რომ თუ გაუვიდოდათ, იმ კანონს აღარ აამოქმედებდნენ, – ამის შესახებ „გირჩის“ დეპუტატმა სანდრო რაქვიაშვილმა განაცხადა, რითაც გამოეხმაურა განცხადებებს იმის თაობაზე, რომ პარლამენტი მიიღებს კანონპროექტს, რომლის თანახმად, საპენსიო დანაზოგის ბენეფიციარებისთვის პორტფელების არჩევის ვადა გახანგრძლივდება და ყველა ბენეფიციარი, 6 სექტემბრის ნაცვლად, 2028 წლის იანვრამდე დაბალრისკიან პორტფელში ავტომატურად დარჩება.

რაქვიაშვილი მიიჩნევს, რომ ზოგადად საპენსიო ფონდი თაღლითური სქემაა და თუკი მას მოსახლეობა გააპროტესტებს, შესაძლებელია ფონდიდან საკუთარი თანხების ნაწილი მაინც დაიბრუნოს.

რაც შეეხება პორტფელების არჩევასთან დაკავშირებით საპენსიო ფონდში გამართულ ბრიფინგს, რაქვიაშვილი აცხადებს, რომ გაუგებარია, რატომ გაიმართა ბრიფინგი მაშინ, როცა პირველი მოსმენით მიღებულია კანონპროექტი, რომლითაც პორტფელების არჩევის ვადად 2028 წელია განსაზღვრული. დეპუტატი მიიჩნევს, რომ სავარაუდოდ, გეგმა იყო, ცვლილება, რომელიც პორტფელების არჩევის ვადის 2028 წლამდე გახანგრძლივებას ეხება, აღარ აემოქმედებინათ, თუმცა, ატეხილი ხმაურის გამო, ეს აღარ გამოუვიდათ.

„საპენსიო ფონდი არის ერთი დიდი თაღლითური სქემა, რომელიც გასაუქმებელია. იმის მთავარი ნიშანი, რომ ეს თაღლითური სქემაა, არის ის, რომ სავალდებულოა. ეს იმას ნიშნავს, მთავრობას, საპენსიო ფონდს იმედი არ აქვს, მოსახლეობას დაარწმუნებს, რომ ამ ფონდში ყოფნა მომგებიანია. ამიტომ იმის ნაცვლად, ადამიანს არჩევანი მისცეს, აიძულებს ფონდში ფულის შეტანას. მერე ეს ფული ან ბანკებშია, ან ისევ მთავრობაში ბრუნდება ვალის სახით, ახლა კიდევ უნდოდათ სხვადასხვა მიმართულებით დაეხარჯათ. საბოლოო ჯამში, ეს არის მოსახლეობის დაბეგვრის კიდევ ერთი ნაირსახეობა. ამის ნეგატიურ მხარეს შედეგის სახით გვიან დავინახავთ, იქამდე შეიძლება ათწლეული გავიდეს. ამიტომ პოლიტიკურად ძალიან მომგებიანია – ახლა ბეგრავ და პრობლემას შემდეგ მთავრობებს უტოვებ.

უბრალოდ, ახლა, რადგან მორიგი ნაბიჯი, რომ ეს ფული სწრაფად დაეხარჯათ გაუგებარი მიზნებისთვის, არ გამოუვიდათ და ხმაური ატყდა, გაახსენდათ, რომ კანონი აქვთ მიღებული (პირველი მოსმენით), რომლითაც 2028 წლამდე პორტფელების არჩევა გადავადდება, თუმცა, ამ კანონის არსებობის თაობაზე საპენსიო ფონდში იცოდნენ და გაუგებარია, რა ბრიფინგებს აწყობდნენ?!

ამ კანონპროექტზე როცა პირველი მოსმენისას ვსაუბრობდით, „ქართული ოცნება“ ხედავდა, რომ პოტენციურად ძალიან დამაზიანებელია საარჩევნოდ ასეთი ცვლილებები, ამიტომ გადაწყვიტეს 2028 წლამდე გადაევადებინათ. მიუხედავად იმისა, რომ საქმის კურსში იყო ყველა, საპენსიო ფონდმა გააკეთა ის, რაც გააკეთა. მთელი ამბავი მე მგონი, ის იყო, რომ თუ ამის გაკეთება ჩუმად გაუვიდოდათ, მაშინ იმ კანონს აღარ აამოქმედებდნენ, ჩუმად არ გამოუვიდათ ამის გაკეთება, ხმაური ატყდა და გაახსენდათ, რომ კანონი აქვთ მიღებული და თქვეს, არაფერი ხდება, 28 წლისთვის გადავადდებაო.

შესაბამისად, თუ მოსახლეობა აქტიური იქნება, თეორიულად შესაძლებელია ამ ფულის დაბრუნება. მთლიანის დაბრუნება შეუძლებელი იქნება, რადგან ეს ფული დახარჯულია, მაგრამ მომავალში არ დაიბეგრება ხალხი და დაგროვებულის ნაწილს მაინც დაიბრუნებს,“ – განაცხადა რაქვიაშვილმა.

გარემოს ეროვნული სააგენტოს გეოლოგიის დეპარტამენტის უფროსის მოადგილის, ოთარ ქურციკიძის განცხადებით, შიო მღვიმის სამონასტრო კომპლექსთან, სადაც კლდის მასა ჩამოიშალა, გადაადგილებაზე შეზღუდვები დაწესდება.

ქურციკიძის განმარტებით, გადაადგილების შეზღუდვები ხევის კალაპოტისკენ დაწესდება, რომელიც, როგორც სასულიერო პირებს, ასევე, ტურისტებს შეეხებათ. მისივე თქმით, უახლოეს საათებში, ჩამოშლილი მიწის მასის გაწმენდითი სამუშაოები დაიწყება.

„ყველაფერი დაკვირვების პროცესშია. რა თქმა უნდა, კვლევა გაგრძელდება. ვაკვირდებით, შესაბამისად, უსაფრთხოების კუთხით ღონისძიებებს ადგილობრივი მერიის წარმომადგენლები უზრუნველყოფენ. დაცლის საშიშროება ამ ეტაპზე ნამდვილად არ არის, უბრალოდ, გარკვეული შეზღუდვა უნდა მოხდეს იმ ტერიტორიაზე, სადაც ხევი ჩამოდის და სწრაფად უნდა დაიწყოს გაწმენდითი სამუშაოები“, – განაცხადა ქურციკიძემ.