თიბისისთან პარტნიორობით კომპანია „ჭარებულამ“ გორის რაიონში ინტენსიური ვაშლის ბაღები გააშენა

12:36 - 13/04/2023

კომპანია „ჭარებულამ“ ინტენსიური ვაშლის ბაღების გაშენება 2020 წელს დაიწყო და თიბისის მხარდაჭერით ახლა უკვე 12 ჰა ბაღების მფლობელია. კომპანიის დირექტორი, გიორგი აბესაძე, ინტენსიური ვაშლის ბაღების ტრადიციულ ბაღებთან უპირატესობაზე საუბრობს:

„ინტენსიურ ბაღს, ტრადიციულთან შედარებით, რამდენიმე უპირატესობა აქვს: პირველ რიგში, აქ ჰექტარზე ძალიან ბევრი – 3000-ამდე ხე ირგვება. ხეები მსხმოიარობაში მალე შედიან და ინვესტიციაც მალე ამოგებადია. ამასთანავე, მარტივად მოსავლელი ხეებია, გამძლე, დაავადებების მიმართ მედეგი, მოსავალსაც მეტს იძლევა და დასაკრეფადაც ადვილია.

„ჭარებულა“ მდინარეა, რომელიც გორის რაიონში, ამჟამად ოკუპირებულ სოფელში, ჭარებში იღებს სათავეს და ტყვიავში ჩვენს ბაღებს ჩამოუდის. ამ ლამაზი მდინარის სახელი დავარქვით ჩვენს მეურნეობასაც, რომლის გაშენებაც თიბისის შეღავათიანი აგროკრედიტის და დანერგე მომავლის მხარდაჭერით, 2019 წელს დავიწყეთ.

პირველი ნერგები 2020 წელს, 4 ჰა მიწაზე ჩავყარეთ. 2021 და 2022 წლებში კიდევ ოთხ-ოთხი ჰექტარი დავამატეთ და დღეისათვის ჯამში 12 ჰა ინტენსიური ვაშლის ბაღი გვაქვს. პირველმა, 2020 წელს ჩაყრილმა ნერგებმა ნიშანი – 60 ტონამდე ვაშლი – უკვე გასულ წელს მოგვცა. ამ ბაღიდან შემოდგომაზე უფრო მეტს ველოდებით. შემდეგი წლის ხეებსაც ექნება ნიშანი და წელს, ალბათ, 150 ტონამდე ავალთ. შემდეგ წლებში კი სხვა ბაღების ნიშანიც წამოგვეწევა. ვაპირებთ კიდევ 1,5 ჰა მიწის დამატებას. ასე რომ, საბოლოო ჯამში, „ჭარებულას“ ბაღებიდან წლიურად 700-800 ტონა მოსავალს ველოდებით.

პირველი მოსავლის აღებისთანავე დადგა ხილის შესანახი მაცივრის საჭიროება. თიბისის მხარდაჭერით დავიწყეთ მაცივრის დამზადება. კონსტრუქციული ნაწილი თითქმის დასრულებულია და ახალ მოსავალს უკვე იქ შევინახავთ. ამ მაცივრის გარეშე ხილის შენახვა ჭირს, ამიტომ იძულებული ვიყავით, პირველი მოსავალი აღებიდან მალე, შემოდგომითვე გაგვეყიდა, რაც არახელსაყრელია, რადგან შემოდგომაზე ვაშლი ბაზარზე ბევრია და ფასი, შესაბამისად, დაბალი. ახლა შეგვიძლია მოსავალი 6 თვე მაცივარში შევინახოთ და გაზაფხულზე გავყიდოთ, რაც გაცილებით მეტ მოგებას მოგვცემს.

მოსავალს, 6 ჯიშის ვაშლს, ადგილობრივ ბაზარზე ვყიდით. 4 მუდმივი თანამშრომელი გვყავს, სეზონურად კი – ვაშლის დარგვის, მოსავლის აღების, დახარისხების, ჩაწყობის დროს – მათი რიცხვი 25-ამდე ადის.

მომავალში, თიბისის მხარდაჭერით, ვგეგმავთ კიდევ რამდენიმე ჰექტარი მიწის დამატებას და, შესაბამისად, მაცივრის გაფართოებასაც.

თუ საქმე კარგად წავიდა, ვაპირებთ, ასევე, შესაფუთი, ჩასაწყობი თუ სხვა საჭირო მასალის ადგილზე დამზადებასაც, რომელსაც ახლა სხვაგან ვყიდულობთ.

ჯერჯერობით კი, შეგვიძლია ვთქვათ, რომ ამ საქმემ გაამართლა, რაც, ჩვენს მონდომებასთან ერთად, თიბისის შეღავათიანი აგროკრედიტის და დანერგე მომავლის დამსახურებაა.“

“რიკოთის უღელტეხილზე საგზაო მოძრაობა ყველა სახის ტრანსპორტისთვის გახსნეს” – შსს

12:29 - 13/04/2023

შინაგან საქმეთა სამინისტროს საპატრულო პოლიციის დეპარტამენტის თანამშრომლებმა, საგზაო დეპარტამენტის მიერ დაწესებული რეჟიმის მიხედვით, რიკოთის უღელტეხილზე საგზაო მოძრაობა ყველა სახის ტრანსპორტისთვის გახსნეს.

როგორც შსს-ის მიერ გავრცელებულ ინფორმაციაშია ნათქვამი, რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის წარმომადგენლების მიერ ჩატარებული სამუშაოების შედეგად, ამოქმედდა ახალი რეჟიმი: 07:00 საათიდან 19:00 საათამდე თბილისი-სენაკი-ლესელიძის საავტომობილო გზის 114-ე კმ-დან 194-ე კმ-მდე (ახალსოფლის კვანძიდან ზესტაფონამდე) გადაადგილება დასაშვები იქნება მხოლოდ მსუბუქი და სამგზავრო ავტოტრანსპორტისთვის, 21:00 სთ-დან დილის 06:00 სთ-მდე კი ამავე მონაკვეთზე გადაადგილდებიან მხოლოდ სატვირთო ავტომანქანები.

„გუშინ, 18:00 საათიდან, რიკოთის უღელტეხილზე გადაადგილება დაიშვა მისაბმელიანი და ნახევრადმისაბმელიანი სატვირთო ავტომობილებისათვის. საპატრულო პოლიციის ეკიპაჟები მთელი ღამის განმავლობაში მუშაობდნენ, რომ მოძრაობა შეუფერხებლად და უსაფრთხოდ გაგრძელებულიყო. საპატრულო პოლიციის წარმომადგენლები მობილიზებული არიან თბილისი-სენაკი-ლესელიძის ცენტრალური მაგისტრალის სხვადასხვა მონაკვეთზე, შეუფერხებელი საავტომობილო მოძრაობის უზრუნველსაყოფად და მგზავრთა უსაფრთხოდ გადაადგილების მიზნით, საგზაო მოძრაობას არეგულირებენ”, – ნათქვამია ინფორმაციაში.

“სიცრუეა თითქოს რიკოთის პროექტი გეოლოგიური კვლევების გარეშე დაიწყო” – გიორგი წერეთელი

12:21 - 13/04/2023

„სრული სიცრუეა თითქოს რიკოთის პროექტის მშენებლობა გეოლოგიური კვლევების გარეშე დაიწყო. ეს არის მოსახლეობის შეცდომაში შეყვანა და გარკვეულწილად, რიკოთის პროექტის დისკრედიტაცია. პროექტი დაფინანსებულია აზიის განვითარების ბანკისა და მსოფლიო ბანკის მიერ და ყველა პროცესი, მათ შორის, პროექტის, სამუშაოების და ზედამხედველობის შესყიდვა, ყველა ნაბიჯი, ყველა დეტალი თანხმდება ამ ორგანიზაციებთან და მიმდინარეობს მათივე ზედამხედველობით,“– განაცხადა საქართველოს საავტომობილო გზების დეპარტამენტის თავმჯდომარემ, გიორგი წერეთელმა რიკოთის მონაკვეთზე ბოლო დროს განვითარებული მეწყრული პროცესისა და ქვათაცვენის შესახებ საუბრისას.

რიკოთის საუღელტეხილო მონაკვეთი ერთ-ერთი ურთულესი პროექტია, რომელიც 52 კმ-მდე გზის, 97 ხიდისა და 52 გვირაბის მშენებლობას ითვალისწინებს. 30 მარტიდან რიკოთის უღელტეხილზე მოძრაობა ორჯერ აიკრძალა, მეწყერსაშიში პროცესებისა და ქვათაცვენის გამო.

საავტომობილო გზების დეპარტამენტის თავმჯდომარის განმარტებით, ჩუმათელეთი-ხევის მონაკვეთის საპროექტო გადაწყვეტილება და თავად პროექტი, მსოფლიო ბანკის დაფინანსებით, საერთაშორისო დონის საგზაო ინჟინერიაში ერთ-ერთმა დიდმა ამერიკულმა კომპანია „აეკომმა“ მოამზადა. რიკოთის მეორე, მესამე და მეოთხე მონაკვეთების პროექტები კი, აზიის განვითარების ბანკის დაფინანსებით, იტალიური კომპანიების, მათ შორის, „აიარდის“ მიერ არის მომზადებული.

„ამ მონაკვეთებზე ჩატარებული გეოლოგიური, გეოტექნიკური, გეოფიზიკური, სეისმური კვლევების და ჰიდროლოგიის შედეგად იქნა ეს პროექტები გადაწყვეტილი. ამასთანავე, აზიის განვითარების ბანკისა და მსოფლიო ბანკის მოწვევით, შესაბამისი სპეციალისტები იყვნენ ჩამოსული, რომლებმაც საპროექტო გადაწყვეტილებების რევიზია და გადახედვა მოახდინეს,“-განაცხადა წერეთელმა.

გიორგი წერეთელმა, აღნიშნა, რომ რიკოთის საუღელტეხილო მონაკვეთზე არაერთი გეოლოგიური და სხვა სახის კვლევა ჩატარდა, მიმდინარე პროცესები კი მთიანი რელიეფისთვის დამახასიათებელია. თუმცა არსებული პროცესების მართვა და მონიტორინგი უცხოური საზედამხედველო კომპანიების მიერ 24 საათის განმავლობაში წარმოებს.

„პროექტირების ეტაპზე, გეოლოგიური კვლევისთვის ტერიტორია დაახლოებით 250 ხიმინჯოვანი ბურღით გაიბურღა, რაც უპრეცედენტოა. არსებობს გეოლოგიური რუკა. შესაბამისი გადაწყვეტილებები და რეკომენდაციები გაწერილია საპროექტო გადაწყვეტილებაში, რის მიხედვითაც მიმდინარეობს სამუშაოები. ეს არის სამშენებლო პროცესი და როცა სამთო გზები კეთდება, ვმუშაობთ მთიან რეგიონში, ასეთი ინციდენტები შესაძლებელია მოხდეს. ჩვენ ვართ ფრთხილად იმისათვის, რომ თავიდან ავირიდოთ ყველა შესაძლო ზიანი და მაქსიმალურად უზრუნველყოფილი იყოს უსაფრთხოება. სწორედ ამის გამო მოგვიწია რამდენჯერმე მოძრაობის გადართვა გომი-საჩხერე-ჭიათურა-ზესტაფონის გზაზე. ზედამხედველობას ვახორციელებთ 24 საათის განმავლობაში,“ – აღნიშნა გიორგი წერეთელმა.

ბაღდათში მამაკაცმა სანადირო თოფით ერთი ადამიანი მოკლა, მეორე კი – დაჭრა

12:09 - 13/04/2023

ბაღდათის მუნიციპალიტეტში მკვლელობა მოხდა. გავრცელებული ინფორმაციით, შუახნის მამაკაცმა სანადირო თოფიდან გასროლით ერთი ადამიანი მოკლა, მეორე კი, დაჭრა. დავა თანხის გამო დაიწყო.

არსებული ინფორმაციით, მამაკაცს თანხა გასესხებული ჰქონდა, რასაც ვერ უბრუნებდნენ. საქმის გარჩევას დაპირისპირება მოყვა, რის შედეგადაც მამაკაცმა იარაღიდან გაისროლა.

შინაგან საქმეთა სამინისტროს ინფორმაციით, გამოძიება 19-109-ე მუხლით დაიწყო.

დაკავებულია ერთი პირი.

Memorandum of Cooperation was signed with Judo Academy Abkhazia

12:06 - 13/04/2023

On April 11, 2023, a memorandum of cooperation was concluded between the State Service of Veteran Affairs and LEPL Judo Academy Abkhazia.

The memorandum of cooperation is aimed to schedule and implement the joint sports events that promote the participation of the offspring of the veterans of war and defense forces in sports activities in order to immortalize the memory of the soldiers who died in the fight for the territorial integrity, freedom and independence of Georgia.

According to the memorandum of cooperation, LEPL Judo Academy Abkhazia, where 5-17-year-old young people are trained in judo, is ready to provide services to children of the veterans, socially vulnerable and large families free of charge as well as girls interested in this type of sport.

Judo Academy Abkhazia has brought up numerous famous athletes for our country, among whom there are champions of Georgia, as well as winners and prize-winners of international competitions.

The memorandum of cooperation was signed by General Major Koba Kobaladze, Director of the State Service of Veteran Affairs, and Koba Gegia, Director of Judo Academy Abkhazia.

The memorandum of cooperation enters into force from the date of its signature by the parties and is valid for an indefinite period.

С “Академией дзюдо Абхазии” подписан меморандум о взаимосотрудничестве

12:03 - 13/04/2023

11 апреля этого года между Государственной службой по делам ветеранов и непредпринимательским (некоммерческим) юридическим лицом “Академия дзюдо Абхазии” был подписан меморандум о взаимосотрудничестве.

Цель меморандума, планирование и проведение таких мероприятий, которые будут способствовать подключению и участию детей ветеранов войны и вооруженных сил в спортивных мероприятиях и увековечению памяти бойцов, погибших в борьбе за территориальную целостность, свободу и независимость Грузии. На основании меморандума, Н(Н)ЮЛ “Академия дзюдо Абхазии”, в котором подготовку и тренировки по дзюдо проходят учащиеся-подростки в возрасте от 5 до 17 лет, готово безвозмездно предоставить услуги детям ветеранов, социально незащищенных семей и многодетных семей, а также девочкам, которые заинтересованы этим видом спорта.

“Академия дзюдо Абхазии” для нашей страны воспитала не мало прославленных спортсменов, в числе которых чемпионы Грузии, а также победители и призеры разных международных турниров.

Меморандум подписали директор Государственной службы по делам ветеранов, генерал-майор Коба Кобаладзе и директор Н(Н)ЮЛ “Академия дзюдо Абхазии” Коба Гегия.

Меморандум вступает в силу со дня его подписания и действует с неопределенным сроком.

მიგრანტების მოზღვავების გამო იტალიამ საგანგებო მდგომარეობა გამოაცხადა

11:55 - 13/04/2023

იტალიის ხელისუფლებამ საგანგებო მდგომარეობა გამოაცხადა მიგრანტების ნაკადის მოზღვავების გამო. ამის შესახებ „ევრონიუსი“ იუწყება.

მსგავსი ზომების მიღება იტალიას 2011 წლის შემდეგ პირველად უწევს. იტალიის სამოქალაქო თავდაცვის სამინისტროს ცნობით, მიმდინარე წელს იტალიაში 31 ათასი მიგრანტი ჩავიდა, რაც სამჯერ მეტია, ვიდრე შარშან ანალოგიურ პერიოდში, მხოლოდ ბოლო 5 დღეში იტალიაში 3 000 ადამიანი ჩავიდა.

ხმელთაშუა ზღვის მარშრუტით ათასობით მიგრანტი აფრიკიდან და ახლო აღმოსავლეთიდან ევროპაში ჩასვლას ცდილობს. ბევრი მათგანი გზაში იღუპება.

“არასდროს მჯეროდა, რომ სააკაშვილი მოწამლულია მძიმე მეტალებით, ეს პოლიტიკური თამაშის ნაწილია” – რაქვიაშვილი

11:47 - 13/04/2023

მე არასდროს მჯეროდა, რომ ის მოწამლულია მძიმე მეტალებით…ეს იმიტომ ხდება, რომ პოლიტიკური პროცესია და პოლიტიკური თამაშის ნაწილი, – ამის შესახებ “გირჩის” დეპუტატმა, ალექსანდრე რაქვიაშვილმა ექსპრეზიდენტ მიხეილ სააკაშვილის ჯანმრთელობაზე საუბრისას ჟურნალისტებს განუცხადა.

„მე არასდროს მჯეროდა, რომ ის მოწამლულია მძიმე მეტალებით, თან ადვოკატების განცხადებებით ჩანდა, რომ არანაირი მოწამვლა არ მოხდა. გასაგებია, რომ საავადმყოფოშია და შეიძლება, არ გრძნობდეს კარგად თავს, მაგრამ ეს იმიტომ ხდება, რომ პოლიტიკური პროცესია და პოლიტიკური თამაშის ნაწილი“, – ამბობს რაქვიაშვილი.

ცნობისთვის, სპეციალური პენიტენციური სამსახურის სამედიცინო დეპარტამენტის ხელმძღვანელის, მალხაზ ურთქმელიძის განცხადებით, განმეორებით ჩატარებული კვლევებით, რომელიც გერმანიაში ლიმბახის ლაბორატორიის მიერ ჩატარდა, კიდევ ერთხელ დადასტურდა, რომ მიხეილ სააკაშვილი მოწამლული არ ყოფილა და არც ამჟამად არის.

“იანვარ-მარტში საქართველოში საგარეო სავაჭრო ბრუნვამ 4 783.8 მლნ აშშ დოლარი შეადგინა” – „საქსტატი“

11:30 - 13/04/2023

საქართველოს სტატისტიკის ეროვნული სამსახურის ინფორმაციით, 2023 წლის იანვარ-მარტში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 4 783.8 მლნ. აშშ დოლარი შეადგინა, რაც წინა წლის შესაბამის მაჩვენებელზე 22.1 პროცენტით მეტია.

როგორც „საქსტატის“ მიერ გავრცელებულ ინფორმაციაშია ნათქვამი, სავაჭრო ბრუნვის მოცულობიდან ექსპორტი 1 461.5 მლნ. აშშ დოლარი იყო(გაიზარდა 24.7 პროცენტით), ხოლო იმპორტი 3 322.3 მლნ. აშშ დოლარი (გაიზარდა 21.0 პროცენტით).

მათივე ინფორმაციით, უარყოფითმა სავაჭრო ბალანსმა 2023 წლის იანვარ-მარტში 1 860.8 მლნ. აშშ დოლარი შეადგინა, რაც საგარეო სავაჭრო ბრუნვის 38.9 პროცენტია.

“ციხეში ყოფნა დაუდასტურებელი ბრალდებებით, ეს რა ტიპის დემოკრატიაა?” – ანა ფოტიგა

11:29 - 13/04/2023

ციხეში ყოფნა დაუდასტურებელი ბრალდებებით, ეს რა ტიპის დემოკრატიაა? ის, რაც მოხდება მიხეილ სააკაშვილთან დაკავშირებით, განსაზღვრავს საქართველოს მომავალს დიდი ხნის განმავლობაში, – ამის შესახებ ევროპარლამენტარმა, ანა ფოტიგამ პოლონეთში, სმოლენსკის ტრაგედიის 13 წლისთავისადმი მიძღვნილ ღონისძიებაზე განაცხადა, სადაც საქართველოს ყოფილ პრეზიდენტ, მიხეილ სააკაშვილს ლეხ კაჩინსკის სახელობის „პრომეთეს“ ჯილდო გადასცეს.

„ძალიან მნიშვნელოვანია, დააფასო ადამიანები, რომლებმაც ამდენი გააკეთეს ქვეყნის განვითარებისთვის. მიხეილ სააკაშვილი ახლა საკუთარ ქვეყანაშია დატყვევებული, მიუხედავად იმ ყველაფრისა, რაც მან საქართველოს განვითარებისთვის გააკეთა, რომ დაემარცხებინა კორუფცია, ის მამაცურად გაუმკლავდა რუსულ ხუთდღიან აგრესიას 2008 წლის აგვისტოში. მინდა, დიდი მადლობა გადავუხადო მიხეილ სააკაშვილს პოლონეთთან მეგობრობისთვის და მინდა დავპირდე, ვფიქრობთ, შესაძლებელია მისი სამედიცინო დახმარება პოლონეთში, ან სადმე სხვაგან საქართველოს ხელისუფლებაზე ზეწოლის გაზრდით.

მე ვიცი, რომ ბევრი პოლონელი, იაროსლავ კაჩინსკის ჩათვლით, პარლამენტის სპიკერის ჩათვლით, ჩართულები არიან მიხეილ სააკაშვილის მხარდაჭერასა და საქართველოს ხელისუფლებისგან ამის მოთხოვნაში. ქართველი ხალხი იმსახურებს, რომ მათი მესამე პრეზიდენტი ცოცხალი იყოს“,- განაცხადა ანა ფოტიგამ.

“ქვეყნის ეკონომიკური განვითარების წამყვანი პარამეტრი მთლიანი შიდა პროდუქტის ზრდის დინამიკაა “

11:16 - 13/04/2023

“ჯორჯიან თაიმსის” ბლოგი

ავტორი: გიორგი ცუცქირიძე

ქვეყნის ეკონომიკური განვითარების წამყვანი პარამეტრი მთლიანი შიდა პროდუქტის ზრდის დინამიკაა საშუალი და გრძელვადიან პერიოდებში.

სწორედ გრძელვადიანი პროგნოზით არის მნიშვნელოვანი საერთაშორისო სავალუტო ფონდის 2022-2028 წლების განახლებული შეფასება.

ნიშანდობლივია, რომ ბოლო ორ წელიწადში ორნიშნა ზრდის ფონზე, საქართველო ოთხი მიმართულებით გავიდა მსოფლიოში მეორე და მსოფლიოს აღმოსავლეთ ნახევარსფეროში (ევრაზია, აფრიკა, ავსტრალია, ოკეანეთი) პირველ ადგილზეც კი:

1. ერთ სულ მოსახლეზე რეალური მშპ-ს ზრდის ტემპის მიხედვით 2022-2028 წლებში მსოფლიოს 193 სახელმწიფოს შორის საქართველო მეორე ადგილზეა(!!!), მსოფლიოს აღმოსავლეთ ნახევარსფეროში (ევრაზია, აფრიკა, ავსტრალია, ოკეანეთი) კი სულაც პირველ ადგილზე(!!!). ამ წლებში ერთ სულ მოსახლეზე რეალური მთლიანი შიდა პროდუქტი 51 (!) პროცენტით იზრდება.

2. მსყიდველუნარიანობის პარიტეტის მიხედვით, რასაც მსოფლიო ბანკი და საერთაშორისო სავალუტო ფონდი აქვეყნებს ყველა ქვეყნისთვის, რადგან PPP-ს მიხედვით დათვლილი მაჩვენებლები ქვეყნების ეკონომიკური მდგომარეობის ერთმანეთთან შესადარებლად გამოიყენება ერთ სულ მოსახლეზე (GDP per capita PPP) ეკონომიკის ზრდის ტემპის მიხედვით 2022-2028 წლებში მსოფლიოს 193 სახელმწიფოს შორის საქართველო მეორე ადგილზეა(!!!), მსოფლიოს აღმოსავლეთ ნახევარსფეროში (ევრაზია, აფრიკა, ავსტრალია, ოკეანეთი) პირველ ადგილზეა(!!!).

თუ 2023 წელს GDP per capita (PPP) ხდება 21 922 დოლარზე მეტი, 2028 წლისთვის კი აჭარბებს 31 458 დოლარს ანუ იზრდება მთელი 44 % -ით. ამასთან თუნდაც გასული 2022 წლის მიხედვით. საქართველოს მშპ მსყიდველუნარიანობის პარიტეტის მიხედვით ერთ სულზე აჭარბებს 20 243 დოლარს და კავკასიაში გასულია პირველ ადგილზე.

უახლოესი 7 წლის განმავლობაში (2022-2028წწ) საქართველოს მშპ ერთ სულ მოსახლეზე აშშ დოლარში წლიურად საშუალოდ ორნიშნა მაჩვენებლით, 12.4%-ით იზრდება.

შესაბამისად, შეგვიძლია ვთქვათ, რომ თუ იგივე საერთაშორისო საფინანსო ინსტიტუტის პროგნოზს დავეყრდნობით, რაც როგორც წესი უფრო კონსერვანტულია და აცდენილია რეალურ მაჩვენებლებს(მაგალითისათვის თუნდაც 2 წელიწადში მათივე 4-5 პროცენტიანი ზრდის პროგნოზები აშკარად ჩამორჩებოდა ეკონომიკის რეალური ორნიშნა ზრდის მაჩვენებლებს) მომდევნო წლებშიც ამ საშუალო ტემპის შენარჩუნების შემთხვევაში კი საქართველოს მშპ ერთ სულზე 2030 წელს თავისუფლად გადააჭარბებს 15 000 აშშ დოლარს და მაღალი ალბათობით გახდება მაღალშემოსავლიანი სტატუსის მქონე ქვეყანა მსოფლიო ბანკის გრადაციით.

ზოგადად კი ციფრებში ასახული 2028 წლისთვის საქართველოს ეკონომიკა ამერიკულ დოლარში 41 მილიარდ დოლარს მიაღწევს, რითაც გაუთანაბრდება ისლანდიის ეკონომიკის მთლიან მოცულობას, იქამდე კი 2027 წლიდან 600 მილიონი დოლარით გადააჭარბებს კვიპროსის ეკონომიკას( ეს სხვაობა 2028 წლიდან უკვე 1 მილიარდ 900 მილიონი დოლარი გახდება).

2028 წლიდან საქართველოს ნომინალური ეკონომიკა მსყიდველუნარიანობის პარიტეტის მიხედვით 114 მილიარდი დოლარს გადააჭარბებს, რითაც პრაქტიკულად გაუთანაბრდება ლუქსემბურგს (115 მილიარდი).

საქართველოს ნომინალური მსყიდველუნარიანი ეკონომიკა 2028 წელს ერთ სულ მოსახლეზე 31 458 დოლარი გახდება და ამ მაჩვენებლით უკვე გადაასწრებს ჩინეთს, რომლის ეკონომიკა ამ დროისთვის ერთ სულზე 31 424 დოლარამდე გაიზრდება.

პოლიციელებზე თავდასხმის ბრალდებით შსს-მ 3 პირი დააკავა

10:59 - 13/04/2023

შინაგან საქმეთა სამინისტრომ მარნეულის მუნიციპალიტეტში პოლიციელებზე თავდასხმის ბრალდებით 3 პირი ცხელ კვალზე დააკავა.

უწყების ცნობით, დანაშაული 4-დან 7 წლამდე ვადით თავისუფლების აღკვეთას ითვალისწინებს.

„ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად სამი პირი: 2003 წელს დაბადებული ა.ბ., ამავე წელს დაბადებული გ.ო და 2002 წელს დაბადებული ე.კ. პოლიციელებზე თავდასხმის ბრალდებით დააკავეს.

გამოძიებით დადგინდა, რომ არაფხიზელ მდგომარეობაში მყოფმა ა.ბ.-მ მიმდინარე წლის 12 აპრილს, მარნეული – სადახლოს საავტომობილო მონაკვეთზე, ავტომობილით გადაადგილებისას ავარიული სიტუაცია შექმნა, რის შემდეგაც საპატრულო პოლიციის წარმომადგენლებმა მას ავტომობილის გაჩერებისკენ მოუწოდეს. სამართალდამცველების მოწოდებას მძღოლი არ დაემორჩილა. გზა განაგრძო მარნეულის მუნიციპალიტეტის ერთ-ერთი სოფლის მიმართულებით, თუმცა, ვერ უზრუნველყო მოძრაობის უსაფრთხოება, მოცურდა და გადაბრუნდა. ა.ბ.-მ და ავტომობილში მასთან ერთად მყოფმა პირებმა გ.ო.-მ და ე.კ.-მ სამართალდამცველებს მიაყენეს სიტყვიერი და ფიზიკური შეურაცხყოფა, დააზიანეს შინაგან საქმეთა სამინისტროს ბალანსზე არსებული ავტომობილი. ინციდენტისას შემთხვევის ადგილზე შეიკრიბა ადგილობრივთა ნაწილი, რომლებმაც სამართალდამცველებს ინციდენტში მონაწილე პირების დაკავებაში შეუშალეს ხელი და მათ ადგილიდან მიმალვა მოახერხეს. ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, დანაშაულში ბრალდებული მძღოლი და მისი ორივე მგზავრი პოლიციამ მალევე დააკავა. პოლიციელებზე თავდასხმის ფაქტზე გამოძიება საქართველოს სისხლის სამართლის კოდექსის 353-ე პრიმა მუხლით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს“, – აღნიშნულია ინფორმაციაში.

1...1,6801,6811,682...1,727 Page 1,681 of 1,727