როცა ვამბობთ, რომ „ნაცმოძრაობა“ უნდა გასამართლდეს, ვგულისხმობთ კოლექტიურ „ნაცმოძრაობას“. აქ შედიან ის ადამიანებიც, რომლებიც ამ რეჟიმის სახეები იყვნენ და კონკრეტული დამნაშავეები არიან, – ამის შესახებ მედიასთან „ხალხის ძალის“ ერთ-ერთმა ლიდერმა, დეპუტატმა სოზარ სუბარმა განაცხადა.

სოზარ სუბარმა ისაუბრა კონკრეტული სახელებისა და გვარების შესახებ, რომელთაც პირდაპირი თუ ირიბი დანაშაული მიუძღვით ქართული სახელმწიფოს წინაშე.

„გვარამიას, ხოშტარიას ან ზურაბ ჯაფარიძეს, რომელიც „ნაცმოძრაობის“ გენერალური დირექტორი თუ თავმჯდომარე იყო, ამ პარტიას ვერ ჩამოაშორებ და ვერ გარეცხავ, თუმცა მათ შორის არიან ადამიანები, რომელთაც ძალიან კონკრეტული დანაშაულები მიუძღვით. მაგალითად, ნიკა გვარამია იყო ერთ-ერთი დამნაშავე პირიც და იდეოლოგიც, რომელიც „იმედში“ შეჭრასთან დაკავშირებით საქმეების გაყალბებას ხელმძღვანელობდა.

არიან, ასევე, ადამიანები, რომლებიც მაშინდელი რეჟიმის სახეები არ იყვნენ, მაგალითად, ასეთია გახარია, მაგრამ დღეს მას ალიანსი აქვს „ნაცმოძრაობასთან“ და აერთიანებთ ერთი ნიშან-თვისება – არიან უცხო ქვეყნის აგენტურა საქართველოში“, – განაცხადა სოზარ სუბარმა.

სალომე ზურაბიშვილი მგონი თავის რადიკალ პარტნიორებზე ეჭვიანობს – ერთი პერიოდი ზენიტში იყო, ახლა ყველას დაავიწყდა და ახალი წინადადებით შემოვიდა, რომ რადიკალები, მარგინალები და ხელმოცარულები გააერთიანოს , – ამის შესახებ საპარლამენტო უმრავლესობის წევრმა ირაკლი ზარქუამ განაცხადა.

მისი თქმით, “მათი ამოცანაა, კოორდინაციაში იყვნენ ერთმანეთთან და რევოლუციური ქაოსი დაიგეგმოს”.

“მე მგონია, რომ ქალაბატონი სალომე ეჭვიანობს უკვე თავის პარტნიორებთან მიმართებით, ვინც ჰყავს – ხელმოცარულები და რადიკალები, რადგან ერთი პერიოდი ზენიტში იყო, ახლა ყველას დაავიწყდა და ახალი წინადადებით შემოვიდა, რომ რადიკალები, მარგინალები და ხელმოცარულები გააერთიანოს და თვითონ ჩაუდგეს სათავეში. სიმართლე გითხრათ, ჩემთვის მისაღებია ეს პლატფორმა, ყველას გვეცოდინება, რომ ერთად არიან, ერთი ჭკუის, ერთი ხელწერის ადამიანები და აქეთ იქნება “ქართულო ოცნება“, მშვიდობის, ეკონომიკური ზრდის და ევროინტეგრაციის გარანტი, მაგრამ როგორც შალვას დაეშალა ის ფანჩატური, ეჭვი მაქვს ქალბატონი სალომეს ფანჩატურიც ასე დაიშლება, რადგან ყველა განსხვავებული მსოფლმხედველობის,ხელწერის, მიმართულების ჯგუფები არიან, რომლენიც მოწყურებულო არიან ხელისუფლებას, არიან “ნაცები” და “ნეონაცები”,- განაცხადა ზარქუამ.

ის, ასევე, გამოეხმაურა პრეზიდენტის ადმინისტრაციის განცხადებას, რომ ილჰამ ალიევს აზერბაიჯანის პრეზიდენტად არჩევა სალომე ზურაბიშვილმა 9 თებერვალს მიულოცა და აღნიშნა, რომ “სჯობს გვიან ვიდრე არასდროს”.

ძალიან არ მიყვარს ზოგადად ადამიანებზე პერსონალურად საუბარი, თუმცა უკვე ისეთ განცხადებებს ვისმენთ „ლელოსგან“ და მამუკა ხაზარაძემ საერთოდ რეპრესიების ახალი ტალღა დააანონსა პრაქტიკულად. მათ კარგად უნდა ესმოდეთ, რომ გარდა იმისა რაც თქვენ ბრძანეთ, ჩვენ კარგი მეხსიერება გვაქვს და ძალიან კარგად გვახსოვს რას ნიშნავს რეპრესიები და გადასახლება და გადმოსახლება, როგორც ჩვენი წინაპრების ასევე ცოტა დროის წინ, როდესაც „ნაციონალური მოძრაობა“ რეპრესიების არაერთ ტალღას გადაატარებდა და გადმოატარებდა ჩვენ ქვეყანას თავზე, – ასე უპასუხა გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ ჟურნალისტის კითხვას, მამუკა ხაზარაძის მიერ „ქართული ოცნების“ საპატიო თავმჯდომარის, ბიძინა ივანიშვილის მიმართ გაკეთებულ განცხადებაზე.

ბითაძემ აღნიშნა, რომ ამგვარი ტიპის განცხადებები კიდევ ერთი დასტურია იმისა, რომ „ლელომ“ გადაწყვიტა გახდეს რადიკალური ოპოზიციის ფლაგმანი.

„გაუცვალა ადგილი „ნაციონალური მოძრაობის“ მეორე ნაწილს, რომელიც წინა კვირებში რაღაცა კულტურულ-შემოქმედებითი ახალი ფორმატით მოგვევლინა. რამდენ ხანს გასტანს ეს, ვერ გეტყვით, თუმცა „ლელოს“ გადავცემ, რომ ეს 9 პუნქტიანი გეგმა, რომელიც საქართველოს დაქცევას უქადის, ეს განცხადებები, რომელიც პირდაპირ აგრესიაზე არის დამყარებული, ეს კინო ქართველ ხალხს უკვე ნანახი აქვს, ისევე როგორც ის სიცრუე, ის სიტყვების ბრახაბრუხი, რომელიც ვაი პოლიტიკოსებისგან გვესმის სამწუხაროდ, ბავშვობიდან დაწყებული, შესაბამისად, ეს კინო უკვე ნანახი გვაქვს და ამას კაი შედეგი რეიტინგისთვის ნამდვილად არ ექნება. ნუ ეცდებიან იმას, რომ კიდევ უფრო გააშავონ საკუთარი თავი, მათ შორის რადიკალიზაციის იმ ფორმატში, რასაც ჰქვია ევროკავშირთან დაახლოების პროცესში არ მონაწილეობა. თუმცა ეს მათი გადასაწყვეტია და პირველ რიგში ვისაც დაარტყამს არის სწორედ „ლელო“, თუ რადიკალური ოპოზიციის სხვა წარმომადგენელი“, – განაცხადა მაია ბითაძემ.

ეს არის მამუკა ხაზარაძის პოლიტიკური შეფასება, რომელიც ამბობს, რომ ივანიშვილი რუსეთის მსახურია. შესაბამისად, ლოგიკურია, რომ არჩევნების წაგებისთანავე ის წავა მოსკოვში, სადაც არის მისი მენტალური სამშობლო, – ამის შესახებ პარტია „ლელოს“ წევრმა, გრიგოლ გეგელიამ განაცხადა.

გეგელიამ კომენტარი გააკეთა „ლელოს“ ლიდერის, მამუკა ხაზარაძის იმ განცხადებაზე, სადაც ხაზარაძე ამბობს: „ბიძინა ივანიშვილის ადგილი არის კრემლში, ჩვენ აუცილებლად მოვალთ ხელისუფლებაში და ბიძინა ივანიშვილი აუცილებლად წავა, ის უნდა იყოს მოსკოვში“.

გრიგოლ გეგელიას თქმით, თავადაც იზიარებს ამ შეფასებას.

„მიმაჩნია, რომ როგორც კი წააგებს ივანიშვილი არჩევნებს, ის გადაიხვეწება საქართველოდან და მეტი ალბათობით, იქნება მოსკოვში, სადაც არის მისი რეალური, სულიერი და გონებრივი ადგილი. ეს მოხდება ძალიან მალე, ის დამარცხდება არჩევნებში ამ წლის შემოდგომაზე. წაგების შემთხვევაში, ივანიშვილი წავა თუ არა, ეს მისი გადასაწყვეტია. ხაზარაძემ ნათლად განაცხადა, რომ ის არ არის პროკურორი და არ აქვს არანაირი ინტერესი, იყოს პროკურორი, ის არის პოლიტიკური ლიდერი და ვართ პოლიტიკური ლიდერები. შესაბამისად, ჩვენ არ და ვერ ჩავერევით იმაში, ვინ, სად იქნება არჩევნების შემდეგ. ჩვენთვის მთავარია, რუსეთის მსახური ხელისუფლება დასრულდეს. შემდეგ, რამდენად გაუმართლებს ივანიშვილს და რამდენად გადაურჩება ყველაფერზე პოლიტიკურ პასუხისმგებლობას, შესაძლოა, ზოგ შემთხვევაში სამართლებრივს, ეს უკვე დამოკიდებულია თავისუფალ სასამართლოზე, რომელიც ჩვენ მართლა გვექნება. რეპრესიების არავის უნდა ეშინოდეს, რეპრესიების ეშინიათ, რადგან სარკეში რომ იყურებიან, ხედავენ საკუთარ ცოდვებს. „ქართული ოცნების“ ლიდერრბს არ ესმით, რა არის რეპრესია. ვერ ხედავენ, რომ რეპრესია არის ის, რასაც თავად ჩადიან 12 წლის განმავლობაში“, – აღნიშნა გრიგოლ გეგელიამ.

ბატონო ხაზარაძე, შენ გგონია ქართული საზოგადოება ქვეყნის მართვას განდობს?! „მუსტანგი“ ვერ გიმართია! – ამის შესახებ ჟურნალისტებთან საპარლამენტო უმრავლესობის წევრმა ირაკლი ზარქუამ განაცხადა, რითაც გამოეხმაურა ლელოს ლიდერის, მამუკა ხაზარაძის განცხადებას, რომ „ქართული ოცნების“ საპატიო თავმჯდომარე, ბიძინა ივანიშვილი არჩევნების შემდეგ მოსკოვში წავა.

ზარქუას განცხადებით, ხაზარაძეს პოლიტიკიდან ბიზნესში დაბრუნება მოუწევს.

“ლელოს” განცხადება მოვისმინე, ბატონმა ხაზარაძემ ბრძანა, ჩვენ ცალკე ვართ “ნაცებისგანო”, ჩვენს ლიდერს კვირებს უთვლის და შემდეგ მოსკოვში მოუწევს წასვლაო – „ლელო“, რომელიც წლების განმავლობაში იყო შეზრდილი „ნაციონალურ მოძრაობასთან“, ადეიშვილთან და ერთობლივად არეკეტებდნენ საზოგადოებას. ახლა ამას ჰგონია, რომ დაგვავიწყდა და ახლა ემიჯნება. თურმე ახლა არის მიუღებელი “ნაცები” „ლელოსთვის“ და გახარიასთვის.

ერთ რამეს გეტყვი ბატონო ხაზარაძე: „მუსტანგის“ მართვა ვერ შეძელი, ცეცხლი წაუკიდე და ვნახეთ შენი მარგვის მეთოდები. შენ გგონია, ქართული საზოგადოება ქვეყნის მართვას განდობს?! – „მუსტანგი“ ვერ გიმართია, გამართული ამერიკული მანქანა.

არჩევნების შემდეგ ისევ მშვიდობის და ეკონომიკური განვითარების პარტია დავრჩებით ხელისუფლებაში, ხოლო შენ მოგიწევს გადანაცვლება ისევ ბიზნესში. სესხის გაცემა, მიღება, ვაჭრობა – ეს შენი თემაა, იქ კარგად გრძნობ თავს, წარმატებულადაც და იქ იქნები, სადაც შენი ადგილია. დარწმუნდები, რომ პოლიტიკაში ხელმოცარული ხარ. დაკვეთა რაც გაქვთ პატრონებისგან, რომ “ნაციონალურ მოძრაობას” ჩაენაცვლოთ, მარგინალები გახდეთ და რევოლუციონერები, არ გამოგივათ! თქვენზე უფრო დიდი დაფინანსება ჰქონდათ “ნაცებს” და თქვენზე დიდი მხარდაჭერა „გლობალური ომის პარტიიდან“, მაგრამ ვერაფერი გააწყვეს, რადგან საზოგადოებამ გაშიფრა ისინი, ისევე, როგორც თქვენც ხართ გაშიფრული. “ნაცები” და ნეონაცები ყველა ერთად აგერ, სალომეს ფანჩატურში მიბრძანდით, იქ გელოდებით”, – განაცხადა ზარქუამ.