„მოკლედ, როგორც ძაღლის კუდი არ გასწორდება, ისე ამ ნაძირალა სვავების გამოსწორება არ იქნება! ზოგი ბუნგალოდან პოსტავს, ზოგი იახტიდან და ზოგიც შეზლონგიდან მაშინ,როდესაც ირაკლი კობახიძეს ერთი დღე არ დაუტოვებია შოვი და დილიდან საღამომდე მაშველებთან ერთადაა“, – ასე ეხმაურება „ხალხის ძალის“ წევრი ზურაბ ქადაგიძე „ქართული ოცნების“ თავმჯდომარის ირაკლი კობახიძის მიერ შოვის სტიქიასთან დაკავშირებით გაკეთებულ განცხადებას.

როგორც ქადაგიძე აღნიშნავს, რასაც ქართული ოპოზიცია კადრულობს არის ნაძირალობის პიკი, მათთვის სამშობლო და ტრაგედიები, პოლიტიკურ ქულებამდე ხურდავდება, სვავებივით ელოდებიან მსხვერპლს და ასე საზრდოობენ.

„მოკლედ, როგორც ძაღლის კუდი არ გასწორდება, ისე ამ ნაძირალა სვავების გამოსწორება არ იქნება! ზოგი ბუნგალოდან პოსტავს, ზოგი იახტიდან და ზოგიც შეზლონგიდან მაშინ,როდესაც ირაკლი კობახიძეს ერთი დღე არ დაუტოვებია შოვი და დილიდან საღამომდე მაშველებთან ერთადაა. აი, ეს არის იმ ნაძირალობის პიკი, რასაც კადრულობს ჩვენი „საამაყო“ ოპოზიცია… ქორწილებსაც იხდიან, ისვენებენ, ირუჯებიან, ღამის კლუბებსაც არ იკლებენ.

სამაგიეროდ ნაბახუსევზე გამოვლენ თუ არა, ამორალურ განცხადებებს გამოაცხობენ, მთელ სახელმწიფოსა და ძალოვან უწყებებს დაამუნათებენ, საკუთარ სექტას გაახარებენ, საკუთარ ბინძურ ეგოს დაიკმაყოფილებენ და გააგრძელებენ გრიალს! ჩვენი უსამშობლო ნაძირალებისთვის სამშობლო და ტრაგედიები ხომ პოლიტიკურ ქულებამდე ხურდავდება და მეტი რა უნდათ, სვავებივით ელოდებიან მსხვერპლს და ასე საზრდოობენ“, – წერს ქადაგიძე ფეისბუკზე.

ყველამ კარგად ვნახეთ, რომ ირაკლი კობახიძე პირადად იყო ჩართული ყველა ღონისძიებაში და ერთი წუთით არ დაუტოვებია შოვი, პირადად გაიზიარა ყველა ტკივილი, რომელიც ამ საზარელ ტრაგედიას ახლდა თან. მიუხედავად ყველაფრისა, ენას ძვალი რომ არ აქვს, ამ პრინციპით ცდილობენ ირაკლი კობახიძის ლანძღვას – წერს სოციალურ ქსელში ექსპერტი ანდრია გვიდიანი. მისი თქმით, შინაარსისგან დაცლილმა აქტივისტებმა ახლა ირაკლი კობახიძე ამოირჩიეს კრიტიკის ობიექტად და აბსოლუტურად ამორალურად და დაუმსახურებლად ესვრიან ტალახს.

„ალბათ ყველაზე ამორალური, რაც შეიძლება ადამიანმა იკადროს, ისეთი ტრაგედიით პოლიტიკური მანიპულირებაა, რაც შოვში დატრიალდა. ჩვენ ყველამ დავინახეთ, როგორ ცდილობდა ოპოზიცია პირველივე წუთებიდან ტრაგედიით პოლიტიკური დივიდენდების მოპოვებას. ყველამ ვნახეთ, როგორ ავრცელებდნენ ფეიკ ამბებს, რომ რამენაირად ხელისუფლების იმიჯი დაზიანებულიყო და ამით პოლიტიკური ქულები მოეპოვებინათ. შინაარსისგან დაცლილმა აქტივისტებმა ახლა ირაკლი კობახიძე ამოირჩიეს კრიტიკის ობიექტად და აბსოლუტურად ამორალურად და დაუმსახურებლად ესვრიან ტალახს. ყველამ კარგად ვნახეთ, რომ ირაკლი კობახიძე პირადად იყო ჩართული ყველა ღონისძიებაში და ერთი წუთით არ დაუტოვებია შოვი. პირადად გაიზიარა ყველა ტკივილი, რომელიც ამ საზარელ ტრაგედიას ახლდა თან. მიუხედავად ყველაფრისა, ენას ძვალი რომ არ აქვს, ამ პრინციპით ცდილობენ ირაკლი კობახიძის ლანძღვას. ადამიანურად, მორალურად, ზნეობრივად, ყველანაირად მიუღებელია მსგავსი სიბინძურე. განსაკუთრებით იმ ადამიანებისგან, რომლებსაც შოვის ტრაგედიის გაზიარება მხოლოდ სოციალურ ქსელებში სტატუსების გამოქვეყნება და სხვების ლანძღვა ჰგონია“ – წერს ანდრია გვიდიანი Facebook-ზე.

3 აგვისტოს, დაღამებამდე რამდენიმე საათი ჰქონდა სამაშველო სამსახურს, რომ სტიქიის ეპიცენტრი დაეთვალიერებინათ როგორც ვერტმფრენებით, ასევე დრონების მეშვეობით. არ დასტურდება არცერთი ფაქტი, რომ ვინმეს შველა სჭირდებოდა და ტექნიკის უქონლობის ან რაიმე ხარვეზის გამო ეს ვერ მოხერხდა, – ამის შესახებ ფრაქცია „ქართული ოცნების“ თავმჯდომარე, მამუკა მდინარაძე სოციალურ ქსელში წერს.

მდინარაძის ინფორმაციით, სითბური და ღამის ხედვის კამერებით აღჭურვილი დრონებით ღამითაც გაგრძელდა მუშაობა როგორც სტიქიის ეპიცენტრზე, ასევე მიმდებარე ტერიტორიებზე დაკვირვებით.

„ტრაგედიით მოსარგებლეების წამოწყებული კამპანიის ახალი ტალღა, მანიპულაციის და დეზინფორმაციის ახალი ნაზავი…

ბევრჯერ აიხსნა და ითქვა, რომ 3 აგვისტოს, იმ უსაშინლესი ტრაგედიის დღეს, დაღამებამდე, რამდენიმე საათი ჰქონდა სამაშველო სამსახურს, რომ სტიქიის ეპიცენტრი დაეთვალიერებინათ როგორც ვერტმფრენებით, ასევე დრონების მეშვეობით. შესაბამისად, გამორიცხულია, არსებობდეს ადამიანი, რომელსაც, იმ დროისათვის, შველა სჭირდებოდა და ვერ უშველეს! სტიქიის ზონა მთლიანად იქნა გადაფარული და სადაც კი სიცოცხლის ნიშანწყალი იყო, ყველა შემთხვევას შესაბამისი რეაგირება მოყვა.

გამოსარიცხად თეორიული შანსისაც კი, სითბური და ღამის ხედვის კამერებით აღჭურვილი დრონებით, ღამითაც გაგრძელდა მუშაობა როგორც სტიქიის ეპიცენტრზე, ასევე მიმდებარე ტერიტორიებზე დაკვირვებით. ვინმე რომ დამატებით დაფიქსირებულიყო, მფრინავები მზად იყვნენ რისკზეც წასულიყვნენ, თუმცა ასეთი არ მომხდარა.

მფრინავებმა და მაშველებმა გააკეთეს შესაძლებლობის მაქსიმუმი, ქონდათ ყველა შესაბამისი და საჭირო აღჭურვილობა. არ დასტურდება არც ერთი ფაქტი, რომ ვინმეს მათი შველა ჭირდებოდა და ტექნიკის უქონლობის ან რაიმე ხარვეზის გამო ეს ვერ მოხერხდა.

რა თქმა უნდა, უდიდესი სტრესი გადაიტანეს იმ ადამიანებმა, რომლებსაც მაშველების და ვერტმფრენების მისვლამდე მოუწიათ ჯერ სტიქიასთან ბრძოლა, შემდეგ დალოდება. თან არ იცოდნენ, განმეორდებოდა თუ არა მასის ჩამოწოლა და როგორც ყვებიან, იყო წარმოუდგენელი პანიკა…

რაც შეეხება დავით ჯელაძეს, რომელმაც ბევრი იბრძოლა თავისი ოჯახის წევრების, თავისი დისშვილის გადარჩენისათვის:

ის თავადვე ყვება, რომ მაშველებმა და მფრინავებმა ის და მისი ოჯახის წევრები იმ ადგილიდან გამოიყვანეს, სადაც ისინი იმყოფებოდნენ მაშინ, როდესაც სტიქიას სასწაულებრივად გადაურჩნენ, ხოლო მისი დისშვილი მაშო მანამდე, მძიმე რისკის და არაადამიანური ძალის მოკრების ფასად, გადაიყვანა მეორე მხარეს, – ვიდრე მაშველები გამოჩნდებოდნენ. სოცქსელებში ამისი დამადასტურებელი ვიდეოც იძებნება.

ჟურნალისტმა დღეს ირაკლი კობახიძეს (ტელეფონში) აჩვენა ფოტო და დაუსვა კითხვა მასთან დაკავშირებით. მიუთითა ჯელაძისა და მისი დისშვილის გადაადგილების სავარაუდო ტრაექტორია, სადაც ჩამოწოლილი მეწყერის, ტალახის სიმაღლე ზოგ ადგილას 3-4 მეტრსაც კი აღწევდა. შესაბამისი იყო რესპონდენტის რეაქციაც, თუმცა ირაკლი კობახიძემ იქვე თქვა, რომ ეს გადასამოწმებელი, დასაზუსტებელია და ვერაფერს იტყოდა ამ ფოტოსთან, შესაბამისად მითითებულ ტრაექტორიასთან დაკავშირებით.

უმარტივესი ლოგიკაა, ვივარაუდოთ და ამბის გადამოწმებითაც ეს დასტურდება, რომ დავით ჯელაძემ ჩამოწოლილი მეწყერის მეორე მხარეს გადასვლა, დისშვილთან ერთად, შეძლო არა „სანსეტ შოვის“ მხრიდან, არამედ შედარებით ქვემოთ, იმ ადგილას, სადაც ტალახის სიმაღლე ამის თუნდაც მინიმალურ საშუალებას მისცემდა, რაც ასევე ურთულესი და წარმოუდგენელი ამბავი შეიძლება იყოს, თუმცა ფაქტია და თავად ყვება, რომ მან ეს მოახერხა და უკანაც დაბრუნდა.

ვინც შოვი იცის, საუბარია ე.წ. „ვარდისფერი სახლის“ მიმდებარე ტერიტორიაზე. ეს, ბუნებრივია, შეუძლებელი იქნებოდა ოდნავ ზემოთაც კი, ანუ იმ ადგილებში, სადაც ტალახის სიმაღლე ადამიანის სიმაღლესაც კი ჭარბობდა.

ასევე არ არის გამორიცხული, რომ მათ მოუწიათ იმ ადგილის გადავლა, სადაც ქვედა მხარეს პირველ ტალღად წამოსული შედარებით მყარი მასა იყო, რის გამოც, ღვთის წყალობით, ისინი ბოლომდე არ ჩაეფლნენ ტალახში და გადარჩნენ.

ძალიან სამწუხარო რეალობა ისაა, რომ ვინც უშუალოდ ასეთ ადგილას იმყოფებოდა სტიქიის დროს და არა განაპირა ადგილებში, რამდენიმემეტრიანი, ძალიან სწრაფად და რამდენიმე ტალღად, წამების ინტერვალში, წამოსული მეწყრისგან თავის დაღწევა მათ ვერ შეძლეს.

მოკლედ, ზოგიერთების მავნებლობის გამო, ისეთ დეტალებზე საუბარიც გვიწევს, რომელზეც პირველ დღეებში უბრალოდ ვერავინ ილაპარაკებდა.

სტიქიის შედეგებთან ერთად ტრაგედიით მოსარგებლეების მიერ გავრცელებულ სიცრუეს თუ მანიპულაციებსაც ვებრძვით. მანიპულაციებს, რომლებმაც, ცალკეულ შემთხვევებში, სტიქიისგან დაზარალებული ადამიანების ნაწილზეც იმოქმედა…

ასეთ დროს ხდება-ხოლმე გაერთიანება, ტრაგედიის შედეგების აღმოფხვრაზე კონცენტრირება, თუმცა ჩანს, რომ ამ ქვეყანაში არსებობენ ადამიანები, რომლებსაც შეუძლიათ მცირე პოლიტიკური დივიდენდებისთვის უკადრებელი იკადრონ.

მათ შევახსენებ, როგორც წესი, განსაკუთრებით გამორჩეული ერთეულების გარდა, პოლიტიკოსები ხალხს მალე ვავიწყდებით, ხოლო გმირობის და სიკეთის სამაგალითო ისტორიები საუკუნეებს უძლებს“, – წერს მამუკა მდინარაძე.