Home Blog Page 1563

საქართველოს პოპულარიზაციისათვის ახალი ტურისტული პორტალი შეიქმნა

ციფრული ტრანსფორმაციის პროექტის ფარგლებში ტურიზმის ეროვნულმა ადმინისტრაციამ საქართველოს მთავარი ტურისტული პორტალის პრეზენტაცია მოაწყო. Georgia.travel-ის ახალი ვებგვერდი 70-მდე ქვეყნის ტურისტული პორტალის კვლევისა და ანალიზის შედეგად მომზადდა.

ტურიზმის ეროვნული ადმინისტრაციის ინფორმაციით, ვებგვერდზე საქართველოს მნიშვნელოვანი სანახაობებისა და ტურისტული პროდუქტების შესახებ დარგის კონსულტანტების ჩართულობით 3200-მდე სტატია მომზადდა და აიტვირთა ქართულ და ინგლისურ ენებზე.

პორტალზე ინტერაქციული რუკით ვიზიტორს შეუძლია გაფილტროს რეგიონები, ადგილები. ინტერესის მიხედვით შეარჩიოს და სურვილების კალათაში შეინახოს სასურველი ლოკაცია, გაეცნოს ინფორმაციას, დაათვალიეროს ფოტოები, რაც აისახება პირად რუკაზე და ვიზიტორს საშუალება ექნება დაგეგმოს მოგზაურობა საქართველოში.

ახალ პორტალზე განთავსებულია ლაშქრობების, საფეხმავლო ტურების გეგმები, რაც შესაძლებლობას იძლევა აღნიშნული მიმართულების განვითარების და სათავგადასავლო მიმართულებით დაინტერესებულ ვიზიტორს საშუალება აქვს ინფორმაცია მიიღოს საქართველოში სათავგადასავლო ტურიზმის პოტენციალის შესახებ.

ვებგვერდზე მოეწყო საქალაქთაშორისო ტრანსპორტის ერთიანი ბაზა. ვიზიტორს შეუძლია აირჩიოს სასურველი მარშრუტი და დაგეგმოს მოგზაურობა რკინიგზით, ავტობუსით, სამარშრუტო ტაქსით და სხვა ტრანსპორტით.

ახალი ტურისტულ პორტალზე ატვირთულია ტურისტულად საინტერესო ღონისძიებების კალენდარი საქართველოს მასშტაბით. ამ მიზნით ტურიზმის ეროვნული ადმინისტრაცია აქტიურად თანამშრომლობს როგორც კერძო სექტორთან, ასევე სხვადასხვა უწყებებთან.

ვებგვერდი სრულად ადაპტირებული შეზღუდული შესაძლებლობების მქონე პირებისთვის.

საქართველოს მთავარი ტურისტული პორტალისთვის შემუშავდა პოზიციონირების სტრატეგია, როგორც საძიებო სისტემების ოპტიმიზაციის ნაწილში, ასევე ციფრული რეკლამირების კუთხით, რაც ხელს შეუწყობს პორტალის სწორ პოზიციონირებას და მიზნობრივი ვიზიტორების მოზიდვას განაპირობებს.

ვებგვერდზე სრულყოფილი ინფორმაციის განთავსების მიზნით ტურიზმის ეროვნული ადმინისტრაცია თანამშრომლობს საერთაშორისო პლატფორმებთან: Booking, Tripadisor, Wikiloc და სხვ.

საქართველოს მთავარ ტურისტულ პორტალს 200-მდე ქვეყნიდან უკვე ეწვია 18 მილიონამდე უნიკალური ვიზიტორი.
მთავარი ტურისტული პორტალი georgia.travel შემუშავდა პარტნიორი კომპანიების დახმარებით, რომლებიც არიან: მკტ მენტორი, კლიპარტი, არტმედია და სხვა.

“მივმართავთ საქართველოს პრეზიდენტს, გამოიყენოს ვეტოს უფლება არჩევნების დასაცავად” – ბექა ლილუაშვილი

„ოცნების” მიერ ცესკო-სთან დაკავშირებით დაგეგმილი ცვლილებები ნათლად აჩვენებს, რომ ხელისუფლება, რომლის მიმართ ნდობა დღესვე კითხვის ნიშნის ქვეშ დგას, უკვე ემზადება 2024 წლის არჩევნების გასაყალბებლად, – ამის შესახებ პარლამენტში გამართულ ბრიფინგზე პარტია “საქართველოსთვის” წევრმა, დეპუტატმა ბექა ლილუაშვილმა განაცხადა.

“საქართველოსთვის” წევრები პრეზიდენტს მოუწოდებენ ცესკოსთან დაკავშირებულ ცვლილებებს ვეტო დაადოს, ხოლო საერთაშორისო პარტნიორებს და ადგილობრივ ორგანიზაციებს მიმართავენ, გააძლიერონ ძალისხმევა კანონის მიღების წინააღმდეგ.

„ეს ნიშნავს, რომ “ოცნებას” გაყალბების გარდა, სხვა რესურსი არ გააჩნია. არაფორმალური ძალაუფლების და გავლენების შესანარჩუნებლად, გადაწყვეტილი აქვთ, მოქალაქეებს წაართვან არჩევანის უფლება და მოჰპარონ ევროპული მომავალი.

„ოცნების” მიერ, სრულად კონტროლირებადი, სანქცირებული სასამართლო და ცესკო, ჩვენი პარტნიორების ყოველდღიური შტურმი და სადამკვირვებლო ორგანიზაციების მადისკრედიტირებელი კამპანია ქმნის არჩევნების დაცვის კრიტიკულ საჭიროებას, და ამაში ყველამ საკუთარი როლი უნდა შევასრულოთ, რადგან სამართლიანად და გამჭვირვალედ ჩატარებული არჩევნები – ერთადერთი დემოკრატიული, ვიმეორებ ერთადერთი დემოკრატიული გზაა, გადარჩეს ამ ქვეყნის ევროპული მომავალი.

დაუშვებელია, რომ ძალაუფლების დაკარგვის შიშები, წარმოადგენდეს სახელმწიფო ინსტიტუტების გაუქმების მოტივს, დაუშვებელია, არჩევნების ბედი წყდებოდეს – ივანიშვილის რომელიმე რეზიდენციაში.

ამიტომ, მივმართავთ საქართველოს პრეზიდენტს გამოიყენოს ვეტოს უფლება არჩევნების დასაცავად.

ასევე მივმართავთ სტრატეგიულ პარტნიორებს და ადგილობრივ ორგანიზაციებს, გააძლიერონ ძალისხმევა კანონის მიღების წინააღმდეგ და თავისუფალი და სამართლიანი არჩევნების ჩასატარებლად.

მოვუწოდებთ პოლიტიკურ პარტიებსა და მედიას, ყველა ძალისხმევა მიმართონ არჩევნების დაცვისკენ.

პარტია “საქართველოსთვის” უახლოეს დღეებში ოფიციალურად მიმართავს ყველა ზემოაღნიშნულ აქტორს. ჩვენ გავაძლიერებთ ძალისხმევას და გამოვიყენებთ ყველა პლატფორმას არჩევნების თავისუფალ და სამართლიან გარემოში ჩატარების ხელშეწყობისთვის,”- განაცხადა ლილუაშვილმა.

ინფორმაციისთვის, პარლამენტში ინიცირებულია უმრავლესობის საკანონმდებლო ინიციატივა, რომლის გათვალისწინებით, ცესკოს თავმჯდომარეობის და ე.წ. პროფესიული წევრობის კანდიდატების შერჩევისა და პარლამენტისთვის წარდგენის პრეროგატივა პრეზიდენტის ნაცვლად, პარლამენტის თავმჯდომარეს ექნება.

იცვლება მათ არჩევასთან დაკავშირებული პროცედურა და კვორუმი – თუკი პარლამენტი ცესკოს თავმჯდომარესა და წევრებს სრული შემადგენლობის უმრავლესობით (76 ხმა) მხარს დაუჭერს, თანამდებობას 5 წლის ვადით დაიკავებენ.

ამ მიმართულებით „საარჩევნო კოდექსსა“ და პარლამენტის რეგლამენტში ცვლილებები ფრაქცია „ქართული ოცნების“ დეპუტატებმა მოამზადეს და ის ბიუროს 8 მაისის სხდომაზე წარედგინა.

“კენჭი რომ ააგდო „ქოლცენტრს“ დაეცემა” – ლევან ხაბეიშვილი

ტრანსნაციონალური დანაშაულის მექად გადააქციეს დედაქალაქი და ოპოზიციას ადებენ ხელს. კენჭი რომ ააგდო, „ქოლცენტრს“ დაეცემა – თუ ვინმეს პასუხისმგებლობაა ამის გამოძიება, ეს არის ხელისუფლება, – ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა ჟურნალისტებს განუცხადა.

მისივე თქმით, „რუსულ ოცნებას“ ე.წ. ქოლცენტრებთან დაკავშირებით საგამოძიებო კომისიის შექმნის ეშინია.

„ე.წ. ქოლცენტრებთან დაკავშირებით ჩვენი პოზიცია იცით. „ნაციონალური მოძრაობა“ მხარს უჭერს ინიციატივას, რომ შეიქმნას საგამოძიებო კომისია. რუსულ ოცნებას ამის ეშინია და ამბობენ, რომ ამის გამოძიება არ უნდათ. საზოგადოება კარგად ხედავს, ვისაც უნდა გამოძიება ეს ოპოზიციაა, ვისაც არ უნდა არის რუსული ოცნება. ტრანსნაციონალური დანაშაულის მექად გადააქციეს დედაქალაქი და ოპოზიციას ადებენ ხელს. და თუ ასეთი არსებობს, დააკავონ კონკრეტული დამნაშავეები. რომ ჩამოდგებიან, მგონია, რომ კიდევ 2011 წელში არიან, როდესაც ოპოზიციაში იყვნენ, დადგებიან და მარტო ლაი-ლაი და ბლა-ბლა-ბლა გაუდით. უკაცრავად, წლებია ვსაუბრობ, რომ ქვეყანაში ტრანსნაციონალური დანაშაულია ყველა კუთხეში. კენჭი, რომ ააგდო „ქოლცენტრს“ დაეცემა. თუ ვინმეს პასუხისმგებლობაა ამის გამოძიება, ეს არის ხელისუფლება. ყველამ კარგად იცის, რომ ამ ქვეყანაში ასეთი დანაშაულის დაფარვა შეუძლია სუს-ს, პროკურატურას და მათ მფარველებს: მამაცაშვილ-ივანიშვილს და კრიმინალურ დაჯგუფებას”, – აღნიშნავს ხაბეიშვილი.

უკრაინელებმა ამერიკული „პატრიოტის“ სარაკეტო თავდაცვის სისტემის გამოყენებით რუსული რაკეტა „კინჟალი“ ჩამოაგდეს

რუსეთ – უკრაინის ომის 441-ე დღე – ბოლო ცნობები ცხელი წერტილიდან

რუსეთის საჰაერო თავდაცვის ძალებმა დღეს დილით რუსეთის კურსკის ოლქის სოფელ ტოლმაჩევოს თავზე დრონი ჩამოაგდეს. ამის შესახებ ოლქის გუბერნატორმა რომან სტაროვოიტმა „ტელეგრამ“ არხზე დააწერა.

მისი ინფორმაციით, მომხდარის შედეგად არავინ დაშავებულა, თუმცა გაზსადენი და საცხოვრებელი სახლის ფასადი დაზიანდა.

შეგახსენებთ, რუსული მხარე უკრაინულ ძალებს კურსკისა და რუსეთის სხვა, უკრაინის მოსაზღვრე ოლქებზე დრონებით თავდასხმაში რეგულარულად ადანაშაულებს. უკრაინას რუსეთის ტერიტორიაზე განხორციელებულ არცერთ თავდასხმაზე პასუხისმგებლობა არ აუღია.

უკრაინაში აშშ-ის ელჩის, ბრიჯიტ ბრინკის განცხადებით, რუსეთი კვლავ ბლოკავს უკრაინის პორტებში გემების მარცვლეულით დატვირთვის პროცესს, რათა მსოფლიოს სხვადასხვა ქვეყანაში გამოიკვებოს ხალხი, ვისაც ეს სჭირდება.

ელჩი აშშ-ის სახელმწიფო მდივნის, ენტონი ბლინკენის სიტყვებს ციტირებს, რომლის თქმითაც, რუსეთი ადამიანების შიმშილს უკრაინის წინააღმდეგ ომში იარაღად იყენებს.

„მსოფლიოს არ უნდა სჭირდებოდეს, მოსკოვს ყოველ რამდენიმე კვირაში შეახსენოს, რომ შეწყვიტოს ადამიანების შიმშილის უკრაინის წინააღმდეგ ომში იარაღად გამოყენება,”– აცხადებს ბლინკენი.

ცნობისათვის, გუშინ გაერო-მ განაცხადა, რომ მარცვლეულის შეთანხმების ფარგლებში გემების ინსპექტირება ორი დღეა შეჩერებულია.

“უკრაინელმა სამხედროებმა ამერიკული „პატრიოტის“ სარაკეტო თავდაცვის სისტემის გამოყენებით რუსული რაკეტა „კინჟალი“ ჩამოაგდეს,” -ამის შესახებ პენტაგონის პრესსპიკერმა, ბრიგადის გენერალმა პეტ რაიდერმა განაცხადა.

”შემიძლია დავადასტურო, რომ მათ „პატრიოტის“ სარაკეტო თავდაცვის სისტემის გამოყენებით რუსული რაკეტა ჩამოაგდეს. როგორც მოგეხსენებათ, ეს სისტემა არის საჰაერო თავდაცვის შესაძლებლობების უფრო ფართო სპექტრის ნაწილი, რომელიც შეერთებულმა შტატებმა და საერთაშორისო საზოგადოებამ უკრაინას მიაწოდეს“, – აღნიშნა რაიდერმა.

მისი თქმით, აშშ და მისი პარტნიორები გააგრძელებენ უკრაინის საჰაერო თავდაცვის შესაძლებლობებითა და საბრძოლო მასალით უზრუნველყოფას, რათა დაეხმარონ უკრაინას გააკონტროლოს მისი სუვერენული ცა და დაიცვას თავისი მოქალაქეები რუსეთისგან.

დავით სულაქველიძის ფოტოგამოფენა თიბისი კონცეპტში

თიბისი კონცეპტის მულტიფუნქციური სივრცე, „ქოლგა თბილისი ფოტო 2023″-ის ფარგლებში, 13 მაისიდან მასპინძლობს ფოტოგრაფ დავით სულაქველიძის (1952- 2019) ფოტოგამოფენას „როგორ დავიმახსოვროთ 80-იანები“.

გამოფენაზე „როგორ დავიმახსოვროთ 80-იანები”  წარმოდგენილი ფოტოები ასახავს  ოთხმოციანი წლების ისტორიას. ფოტოები გვიყვება როგორ იშლებოდა საბჭოთა კავშირი, რა ხდებოდა ეპოქის დასასრულს საქართველოში.  დავით სულაქველიძე ამ პროცესის უშუალო მონაწილე იყო და ფოტო ფირზე აფიქსირებდა მის გარშემო მიმდინარე ყოველდღიურობას. დღეისთვის წარმოდგენილი ფოტოები საქართველოს უახლესი ისტორიის თხრობა და ამავე დროს ერთი ადამიანის ცხოვრების თანმდევი მოვლენებისთვის თვალის გადევნებაა.

დავით სულაქველიძე დაიბადა თბილისში, 1952 წელს. ფოტოგრაფი განსხვავებული სფეროში ერთდროულად მუშაობდა, მეგობრობდა სხვადასხვა პროფესიის ადამიანებთან – მეცნიერება, კინო, თეატრი, ვიზუალური ხელოვნება, როკმუსიკა, სპორტი…  და ისე გამოვიდა, რომ  70-80-იანი წლების თბილისის ცხოვრების სხვადასხვა მხარეებს სიღრმისეულად, როგორც ამ სფეროს წარმომადგენელი ისე ასახავდა. მისი  ფოტოები კარგად აჩვენებს მისწრაფებას თავისუფლებისკენ, იმ მნიშვნელოვან ტენდენციებს, რაც უშუალოდ საქართველოს დამოუკიდებლობის მოპოვებამდე გამოვლინდა საზოგადოებაში.

დავით სულაქველიძემ  1974 წელს დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი, მუშაობდა ანდრია რაზმაძის სახელობის მათემატიკის ინსტიტუტში.  იგი იყო ფოტოგრაფთა ჯგუფის „თვალსაზრისი“  აქტიური წევრი მხატვრული ფოტოგრაფიის მიმართულებით. 1970 იანი წლებიდან  გატაცებული იყო როკით, თავისუფლებასთან ასოცირებული, საბჭოთა კავშირში აკრძალული მუსიკით. უკრავდა არაოფიციალურ კონცერტებზე ვალერი კოჩაროვთან, დათო ფოფხაძესთნ და სხვა მუსიკოსებთან  ერთად. ასევე, ადრეული პერიოდიდან აქტიურ მონაწილეობას იღებდა  კარატეს კულტურის და საქართველოს კარატეს ფედერაციის  ჩამოყალიბებაში, 1988 წლიდან კი  საქართველოს ეროვნული ოლიმპიური კომიტეტის შექმნაში. ამავე დროს იყო პროფესიონალი მსაჯი. საბჭოთა კავშირის დაშლის შემდეგ დავით სულაქველიძე გრაფიკულ დიზაინს გაეცნო და ერთ-ერთ პირველ კერძო სტამბაში Calamus graphics studio დაიწყო მუშაობა.

დავით სულაქველიძის მრავალმხრივი მოღვაწეობის სფეროები, ინტერესები, მის ფოტო-არქივს უნიკალურ მნიშვნელობას ანიჭებს, რადგან მას მიეცა შესაძლებლობა, როგორც ზემოთ ჩამოთვლილი სფეროების უშუალო მონაწილეს შიგნიდან დაეფიქსირებინა მოვლენები.

გამოფენის კურატორები არიან გურამ წიბახაშვილი, მარიამ წიქარიძე, ნიკა დუმბაძე

გამოფენის ხანგრძლივობა: 13 მაისი – 20 ივნისი, 2023
გახსნა: 13 მაისი, 17:00 საათი.

სამუშაო საათები: ორშაბათიდან შაბათის ჩათვლით 10:00-20:00 საათი.

მისამართი: თიბისი კონცეპტი, კ. მარჯანიშვილის #7.

R

ორსულების სამსახურში ფიქტიურად გააფორმების ფაქტზე ერთი პირი პასუხისგებაში მისცეს

საქართველოს ფინანსთა სამინისტროს საგამოძიებო სამსახურის თანამშრომლების მიერ გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ყალბი საგადასახადო დოკუმენტების დამზადება-გამოყენების გზით, სახელმწიფოს კუთვნილი დიდი ოდენობით თანხის თაღლითურად დაუფლების ფაქტზე, ბრალდებულის სახით პასუხისგებაში ერთი პირი მიეცა.

ინფორმაციას ფინანსთა სამინისტროს საგამოძიებო სამსახური ავრცელებს.

უწყების ცნობით, დანაშაული სასჯელის სახით 7-დან 10 წლამდე ვადით თავისუფლების აღკვეთას ითვალისწინებს.

„გამოძიებით დადგინდა, რომ დეკრეტულ შვებულებაში მყოფ მოქალაქეებზე გათვალისწინებული ფულადი დახმარების მოტყუებით დაუფლების მიზნით, ბრალდებული, 2021-2022 წლებში, წინასწარ მოფიქრებული სქემის მიხედვით, დანაშაულებრივ გარიგებაში ორსულ ქალებთან შევიდა და გააფორმა ფიქტიურად მის მმართველობაში არსებულ საწარმოებში ისინი, შემდგომ დაამზადა ყალბი დოკუმენტები, რითაც სახელმწიფო ბიუჯეტიდან, თითქოსდა საწარმოებში დასაქმებული 237 პირის მიერ მიღებულ იქნა ორსულებისთვის გამოყოფილი ერთჯერადი ფულადი დახმარება, ჯამში 237 000 ლარის ოდენობით. აღნიშნული თანხა განაწილებულ იქნა ბრალდებულსა და ორსულ ქალებს შორის.

აღნიშნულ დანაშაულებრივ ქმედებაში მონაწილე სხვა პირთა დადგენა-მხილების მიზნით შესაბამისი ღონისძიებები ტარდება.

გამოძიება საქართველოს სისხლის სამართლის კოდექსის 210-ე და 180-ე მუხლებით მიმდინარეობს, რაც სასჯელის სახით 7-დან 10 წლამდე ვადით თავისუფლების აღკვეთას ითვალისწინებს,“ – აღნიშნულია ინფორმაციაში.

“ჩვენებს მაგარ საინფორმაციო ტერორში ჰყავთ ურდოსტანი” – ალექსი პეტრიაშვილი

ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:

“ფრიად სასიამოვნო საცქერი იყო წუხანდელი აღლუმი წითელ მოედანზე. უკრაინელმა სამხედრო ექსპერტმა რომან სვიტანმა ზუსტად შენიშნა, ეს რაც ვნახავ, უკან მომავალში იყოო, ანუ ეს იქნება რუსეთის მომავალი შემდგომი ათწლეულების მანძილზეო. სავსებით რეალისტურია, ვგონებ!

2 ძალიან მაგარი ამბავი თუხთუხებს უკვე სერიოზულად:

1) ვენაცვალე ნიდერლანდებს და მის პრემიერ რუტეს, ღიად თქვა კაცმა, ვმუშაობთ ბრიტანელებთან, დანიელებთან, ევროპის სხვა ქვეყნებთან და რა თქმა უნდა აშშ-თან უკრაინელებისთვის ფ-16 ების გადაცემაზეო! გეუბნებოდით, მოფრინდებიან თქო! გადაწყვეტილი ამბავია ეგ! აგერ მე და აგერ მანფრედ კალცის გერმანია.

2) ანონიმურ ბრიტანელ მაღალჩინოსანზე დაყრდნობით ვაშინგტონ პოსტი აცხადებს, რომ მალე გადაწყდება უკრაინისთვის 300 კილომეტრზე მოქმედი რაკეტების “შტორმ შედოუს” გადაცემის საკითხი. ვინაიდან აშშ უარს ამბობს. (ჰა ჰა ჰა), ბრიტანეთმა გადაწყვიტა უკრაინის დახმარების ფონდის მეშვეობით მოგვაწოდოს ეგ რაკეტებიო. ეგ ამბავიც ჩაიხურა ბოლო ბოლო! უ ტაჰ ტაჰ ტააა! ანუ ფრანციცულად, ო ლა ლააა.

აშშ-ს სახელმწიფო მდივანიც ჰამბობს, უკრაინას ყველაფერი აქვს წარმატებული კონტრიერიშის განსახორციელებლადო. მე ასე მესმის, ეს ყველაფერი, რაც ზემოთ ჩამოვთვალე, ჰადაჰა უკრაინაში იქნება ან ნაწილი უკვე ადგილზეა;

არ დავუკარგოთ და გუშინ გავრცელდა ვიდეო, რუმინული 122მ-იანი სარაკეტო-საზენიტო კომპლექსებიც ადგილზეა უკვე; ევროკავშირმაც ჭურვები იქნება უწყვეტად და ულევად თქვენ გენაცვალეთო!

გუშინ ევროპის დღეზე გერმანიის კანცლერი ოლაფ შოლცი გამოვიდა სტრასბურგში ევროპული პარლამენტის წინაშე და თქვა ევროპის მომავალი ჩვენს ხელშია, უნდა გავფართოვდეთ და უკრაინა, მოლდოვა და საქართველო შიგნით უნდა იყვნენო! ძალს ისინი არიან და ძალს ოცნება. ჩემი წრფელი რჩევა ოცნებას: მოდუნდით და მაქსიმალურად ისიამოვნეთ! თავს დავდებ, რომ თქვენი სქესის შეცვლაზე ფიქრისთვის არავის ცხელა.

ევროპული კომისიის პრეზიდენტი სხვაგან სად უნდა ყოფილიყო ევროპის დღეზე, თუ არა… კიევში! პრეზიდენტ ზელენსკისთან ერთად აღნიშნეს ეს დღე ევროპელებმა, ხოლო ბრიუსელში ევროპული კავშირის შტაბ-ბინის წინ წევრი-ქვეყნების დროშების გვერდით უკრაინის დროშაც ფრიალებდა! საქართველოსიც იფრიალებს!

განა პერსონალურად ვინმეს ვაკნინებ, მაგრამ 2 განსხვავებული სურათი დაიდო გუშინ კიევში და მოსკოვში. ძალით ჩაყვანილი რამდენიმე ქვეყნის ლიდერი მოსკოვში, ღამის ქოთანზე მჯდომი და მერე გაქცეული ლუკაშათი და აქეთ ევროპული დღესასწაული კიევში! ძალიან მარტივი განსაჭვრეტი იყო, რა როგორ იქნება მალე!

ადრეც გითხარით, ჩვენებს მაგარ საინფორმაციო ტერორში ჰყავთ ურდოსტანი; სადმე ოკუპირებულ სოფელთან დაინახავენ კოლაბორანტები ახლო-მახლოში დიდი კოლონის გამოჩენას და ატყდება კივილ-წივილიიი, დაიწყოო, დაიწყოოოო, მოდიან, მოდიან!

სინამდვილეში, მოსულები არიან უკვე. კონტრიერიშის პირველი ეტაპი მართლაც დაწყებულია. სადაზვერვო დივერსიული ჯგუფები ზონდავენ ურდოსების პოზიციებს და ალაგ-ალაგ კარგ ნახტომებსაც აკეთებენ. ასე მაგალითად, ზაპოროჟიეში გუშინ მოკლეზე, მაგრამ მშვენივრად წაიწიეს წინ ჩვენებმა; მთელი ზაპოროჟიეს ფრონტის გაყოლებაზე ურდოს გამზადებული აქვს თავდაცვითი ზღუდეები, ზოგან 4, ზოგან 8, მაგრამ თან უკან მოუხედავად გარბიან ყირიმისკენ. დედის გული გრძნობს, დიდი შლიგინით მიადგებიან ჩვენები მელიტოპოლს და მარიუპოლს;

გუშინ არც ავდეევკაში და არც მარიინკაში სანტიმტრითაც კი არ წაუწევიათ წინ. განა არტ დაბომბვები არ იყო, თანაც როგორი, მარა ხო ნახეთ წითელ მოედანზე, მითიური არმია აღარალიიი.

ასე იყო კრემინა-სვატოვო-კუპიანსკის მიმართულებაზეც!

ბახმუტი დესერტად შემოვინახე. აღლუმის პარალელურად გულამოსკვნილად მოთქვამდა და გაჰკიოდა კუხარკა პრიგოჟინი – ჯერ საათზე იყურებოდა, მერე გერასიმეს და შოიგუ საირმეს აგინებდა, ბოლოს კიდევ პუტლერიეს ლანძღვაზეც გადავიდა, ისე არ მოხდეს, მე მართალი გამოვდგე და ეგ კეთილი პაპა დიდი გამო..ჩერჩეტებულიო (სინამდვილაში უფრო მძიმედ თქვა, მაგრამ აღზრდა აღზრდაა).

ჰოდა ბოლოს დადგა და სულ ნუმბერებით ჩამოთვალა ურდოს რეგულარული ნაწილები, 72-ე ბრიგადამ აიღო და ფლანგებიდან გაქუსლაო, ჰამაც 3 კილომეტრზეო.

აზოვის მეთაურმა ბილიცკიმ ღამე დაადასტურა, კარქა მოვასუფთავეთ სამხრეთ ფლანგიო.
კიდე გაზპრომის კერძო კომპანიაც ჩაუშვა, “ფაკელის” ნაწილები პოზიციებიდან მოიხსნენ და ასე თუ გაგრძელდა, უკრები ჯერ მამა-რასტოვში მერე კი დედა მასკოვში შემოვლენო! ასეც იქნება!

ბოლო და წავედი: დრონებს ხო გადაურჩა გუშინ ურდოსტანი, მარა რუს პარტიზანებს ვერ გადაურჩა – თან სად – ნოვოსიბირსკში სუ-24. წოუკიდენ ცეცხლი და ააფეთქენ!

არ ვიცი ვის გიყვართ პოპკორნი, მარა გულოს მზესუმზირაც შეგიძლიათ მოიმარაგოთ, ურდოსტანში ამბები იქნება, გიყვარდეს!

უკრაინა 2023-ში გაიმარჯვებს გლიჯინ გლიჯინით! საქართველომაც უნდა გაიხაროს 2023-ში! პუტლერის ბოროტების იმპერია კი ჩამოინგრევა დიდი გრუხუნით!
დიდება უკრაინას!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.

“ლიბერალურ იდეოლოგიას არაფერი აქვს საერთო ადამიანის უფლებების დაცვასთან”- ზაზა შათირიშვილი

ლიბერალურ იდეოლოგიას არაფერი აქვს საერთო ადამიანის უფლებების დაცვასთან, მისი მიზანია შეარყიოს ყველა ის საყრდენი, რომელსაც ევროპისა და ევროპული ერების იდენტობა ეფუძნება, – ამის შესახებ ფილოსოფოსი ზაზა შათირიშვილი წერს.

„ევროპარლამენტში გამართულმა გამოფენამ, რომლის არაფორმალური სათაური იყო „სექსუალური გეი იესო“, კიდევ ერთხელ გამოავლინა ოლიგარქიული ოჯახების მიერ შექმნილი ე.წ. ლიბერალური იდეოლოგიის ნამდვილი არსი და მიზნები. ამ იდეოლოგიას არაფერი აქვს საერთო ადამიანის უფლებების დაცვასთან. სინამდვილეში, მისი მიზანია შეარყიოს ყველა ის საყრდენი, რომელსაც, ამ შემთხვევაში, ევროპისა და ევროპული ერების იდენტობა ეფუძნება. ამ საყრდენთა შორის ისტორიულად ყველაზე ძლიერი სწორედ ქრისტიანობაა და აქედან გამომდინარე, გასაკვირი არაა, რომ ოლიგარქიული ოჯახების მტრული სტრატეგიის მთავარი სამიზნე სწორედ ქრისტიანობა და ქრისტიანული დოგმებია.

ლგბტ პროპაგანდასთან ერთად, იმავე მიზანს ემსახურება სამეფო ოჯახების წინააღმდეგ განხორციელებული სპეცოპერაციები. ამის მაგალითი იყო ესპანეთის მეფის წინააღმდეგ აგორებული კორუფციული სკანდალი, ბრიტანეთის სამეფო ოჯახში მეგან მარკლის გამოჩენა, რაზეც უინძორებმა, საბედნიეროდ, დროული რეაგირება მოახდინეს და სხვ. იმავე მიზანს ემსახურება მრავალრიცხოვანი სკანდალები კათოლიკურ ეკლესიაში, რომლებიც მისი რეპუტაციის შერყევასა და დასუსტებას ისახავს მიზნად.

ევროპულ იდენტობას განსაკუთრებულ საფრთხეს უქმნის მიგრაციული სქემები, რომელთა მეშვეობით ავთენტურ ევროპულ მოსახლეობას თანდათანობით აზიელი და აფრიკელი მიგრანტები ანაცვლებენ. რამდენიმე ათეული წლის წინ ვერავინ წარმოიდგენდა, რომ ყველაზე კონსერვატიულ სახელმწიფოში – დიდ ბრიტანეთში პრემიერ-მინისტრი ინდოელი, ხოლო ლონდონის მერი და შოტლანდიის პირველი მინისტრი პაკისტანელები იქნებოდნენ. ევროპის დიდი ქალაქების უმრავლესობის მოსახლეობაში ადგილობრივებს უკვე უცხოელი მიგრანტები ჭარბობენ, რაც ევროპას ძალიან მალე მისი ავთენტური სახის სრულად დაკარგვას უქადის. აგენტოკრატიის პირობებში, ევროპულ საზოგადოებებს ამ გარედან თავსმოხვეულ პრობლემასთან დაპირისპირების არავითარი რესურსი არა აქვთ.

ერთი კვირის წინ გამოქვეყნდა სოციოლოგიური კვლევა ამერიკაში ლგბტ პირთა შესახებ. ამ კვლევამ აჩვენა, რომ საკუთარ თავს ლგბტ პირად 42 წელს ზემოთ ასაკის მოსახლეობის მხოლოდ 2,5 პროცენტი ასახელებს, თუმცა, 26-41 წლის ასაკის მოსახლეობაში აღნიშნული მაჩვენებელი 11 პროცენტს, ხოლო 18-25 წლის ასაკის მოსახლეობაში – 20 პროცენტს შეადგენს. ფსევდოლიბერალები და ლგბტ აქტივისტები წლების მანძილზე გვიმტკიცებდნენ, რომ პროპაგანდით ადამიანის სექსუალურ ორიენტაციაზე ზემოქმედება შეუძლებელი იყო. თუმცა, ამერიკული კვლევა და ლგბტ პირთა სწრაფად მზარდი სტატისტიკა სრულიად საპირისპიროს ადასტურებს. თუ ოლიგარქიული ოჯახების ჩანაფიქრი მსოფლიო მოსახლეობის ათჯერ შემცირების შესახებ აქამდე ვინმეს არარეალურად ეჩვენებოდა, ლგბტ პირების ამერიკული სტატისტიკის გაცნობის შემდეგ, წესით, საკუთარი აზრი სერიოზულად უნდა შეცვლოდა.

ფაქტია, რომ ოლიგარქიულ ოჯახებს საკუთარი ფსევდოლიბერალური იდეოლოგიით ყველაფერი ჰაქსლისა და ორუელის მიერ „საოცარ ახალ სამყაროსა“ და „1984-ში“ აღწერილი საზოგადოების ჩამოყალიბებისკენ მიჰყავთ. თუ ფსევდოლიბერალური იდეოლოგია კონსერვატიზმის ახალმა ტალღამ არ ჩაანაცვლა, ევროპის დეგრადაცია და იდენტობის მოშლა, რაც საბოლოოდ ევროპის კეთილდღეობის საყრდენის მორყევასაც გამოიწვევს, გარდაუვალი იქნება. ასეა თუ ისე, ყველაფერი უნდა გავაკეთოთ იმისათვის, რომ ოლიგარქიული ოჯახებისა და ფსევდოლიბერალების მანკიერი გეგმების მსხვერპლი ჩვენი ქვეყანა არ გახდეს. ამისათვის, როგორი რთულიც არ უნდა იყოს ზეწოლასთან გამკლავება, ფსევდოლიბერალურ იდეოლოგიას წინ უნდა აღვუდგეთ და უცხოელ აგენტებს საქართველოში მისი შემდგომი გავრცელების შესაძლებლობა არ უნდა მივცეთ. დარწმუნებული ვარ, ქართველი ხალხი თავისი მრავალსაუკუნოვანი გამოცდილებით და სიბრძნით არ დაუშვებს ერისთვის ფიზიკურად და სულიერად დამღუპველი იდეოლოგიის გამარჯვებას“, – წერს ზაზა შათირიშვილი.

Сегодня празднуется День Победы над фашизмом

В связи с 78-щй годовщиной победы над фашизмом директор Государственной службы по делам ветеранов, генерал-майор Коба Кобаладзе вместе с премьер-министром Ираклием Гарибашвили и членами правительства, в Парке культуры и отдыха ветеранов, возложил цветы у бюста участника Второй Мировой Войны, Героя Советского Союза, Мелитона Кантария и ветеранов Второй Мировой войны поздравил с 78-ой годовщиной победы над фашизмом.

По новейшим данным сегодня в Грузии остались в живых 114 участников Второй мировой войны, возраст большинства которых насчитывает 100 лет, а то и больше ста лет; самым старейшим из них является житель Зестафонского муниципалитета Александр Бускивадзе, которому 104 года.

По решению Правительства Грузии, в связи с 78-ой годовщиной победы над фашизмом, участники Второй Мировой войны в виде денежной социальной помощи получат по 1000 лари, а члены семей погибших во Второй Мировой войне (жена или муж погибшего во время Второй Мировой войны и сын/дочь, с детства страдающие ограниченными возможностями здоровья (ОВЗ), которые регистрированы в базе данных Государственной службы по делам ветеранов) – получат по 500 лари.

В Парке культуры и отдыха ветеранов также находились заместители директора Государственной службы по делам ветеранов – Николоз квезерели, Мирон Чигогидзе, советник директор Владимир Имнадзе, сотрудники ведомства и ветераны.

Вторая Мировая война между фашистской Германией, ее союзниками и остальным миром длилась с 1939 года по 1945 год и повлекла за собой жизни около 60 миллионов человек, из них 20 миллионов – были мирными гражданами. В этой войне участвовали 72 государства (80% населения земного шара), а бои шли на территории 40 государств. Вторая Мировая Война вошла в историю как самый масштабный и кровопролитный конфликт.

Война между фашистской Германией и Советским Союзом началась 21 июня 1941 года. Из Грузии в этой войне воевали около 700 000 солдат и добровольцев, а более 300 000 с фронта не вернулись живыми; среди них много и без вести пропавших. Из числа республик Советского Союза, Грузия в процентном соотношении, понесла самые большие потери; больше всего – 120 тысяч грузин погибли в боях под Керчем. Вторая Мировая Война завершилась 8 мая 1945 года. Союзники одержали победу и разгромили фашистскую Германию. Военное положение в Европе завершилось 8 мая 1945 года (по московскому времени 9 мая) капитуляцией Вермахта, а в Азии – 2 сентября, капитуляцией Японии.

“საქართველოს ენერგეტიკული პოლიტიკის მიზანი ენერგეტიკული უსაფრთხოების უზრუნველყოფაა” – რომეო მიქაუტაძე

„მოსახლეობისა და ბიზნეს სექტორის უსაფრთხო, სუფთა და ხელმისაწვდომი ენერგიით უზრუნველყოფა, მზარდი მოხმარების გათვალისწინებით, ქვეყნის განვითარების ერთ-ერთი მთავარი წინაპირობაა. სწორედ ამიტომ საქართველოს მთავრობის ენერგეტიკული პოლიტიკის მიზანია ენერგეტიკული უსაფრთხოების უზრუნველყოფა,” – განაცხადა ეკონომიკისა და მდგრადი განვითარების მინისტრის პირველმა მოადგილე რომეო მიქაუტაძემ, რომელიც მონაწილეობს არაბეთის გაერთიანებული საემიროების ენერგეტიკისა და ინფრასტრუქტურის სამინისტროსა და შეიხ ხალიდ ბინ მოჰამედ ბინ ზაიედ ალ ნაჰიანის პატრონაჟით დაგეგმილ მსოფლიო კომუნალური საწარმოების კონგრესზე – World Utilities Congress 2023. მინისტრის პირველმა მოადგილემ მოხსენება გააკეთა პანელზე „Global Ministerial Dialoues”, რომლის დროსაც განიხილებოდა გლობალური ენერგეტიკისა და კომუნალური ინდუსტრიების სამომავლო განვითარების მიმართულებები.

რომეო მიქაუტაძის განცხადებით, ტრადიციული განახლებადი ენერგიის წყაროების განვითარების პარალელურად, მიმდინარეობს აქტიური მუშაობა ახალი ტექნოლოგიების დანერგვის მიმართულებით, მათ შორის, მწვანე წყალბადის წარმოების განვითარების კუთხით. აგრეთვე, მინისტრის პირველმა მოადგილემ ისაუბრა ენერგიის შემნახველი ბატარეებისა და სხვა სისტემების გამოყენებაზე, რომლებიც ხელს უწყობს განახლებადი წყაროების მიერ გამომუშავებული ჭარბი ენერგიის შენახვას დაბალი მოთხოვნილების პერიოდში, რაც საშუალებას იძლევა დაგროვილი ენერგიის გამოვიყენოთ მაშინ, როდესაც მოთხოვნა უფრო მაღალია.

კიდევ ერთ პრიორიტეტულ მიმართულებად რომეო მიქაუტაძემ დაასახელა ენერგოეფექტურობა, რომელიც ხელს უწყობს ენერგიის მოხმარების შემცირებას, მათ შორის წიაღისეული საწვავის გამოყენების კუთხით. მისი თქმით, ენერგოეფექტურობის ღონისძიებების გატარება, როგორიცაა შენობის იზოლაციის გაუმჯობესება, განათების სისტემების განახლება და ენერგოეფექტური მოწყობილობების გამოყენება, შეიძლება დაეხმაროს ენერგიის საერთო მოთხოვნის შემცირებას.

მინისტრის პირველმა მოადგილემ ყურადღება გაამახვილა კერძო სექტორის წახალისებაზე, რათა მათ მეტი ინვესტიცია განახორციელონ სუფთა ენერგიის წარმოებაში. რომეო მიქაუტაძემ ისაუბრა განახლებადი წყაროებიდან ენერგიის წარმოებისა და გამოყენების მხარდაჭერის სქემაზე, რომელიც, საბოლოოდ, საქართველოს ენერგოსექტორში 2 მილიარდ დოლარზე მეტი ინვესტიციის განხორციელების შესაძლებლობებს შექმნის.

პანელის მონაწილეთა განსაკუთრებული ინტერესი გამოიწვია გლობალურმა პროექტმა, რომლითაც საქართველოსა და სამხრეთ კავკასიის ენერგეტიკული სისტემები ევროკავშირისას დაუკავშირდება შავი ზღვის წყალქვეშა კაბელის მეშვეობით. „ჩვენ წლის ბოლომდე გვექნება შედეგები და ვვარაუდობთ, რომ პროექტი წარმატებული იქნება და კიდევ უფრო მეტი ქვეყანა ჩაერთვება მის განხორციელებაში,” – განაცხადა რომეო მიქაუტაძემ.

10 მაისის ასტროლოგიური პროგნოზი

რას გვირჩევენ ვარსკვლავები 10 მაისისთვის ჯანმრთელობის, ბიზნესის და სიყვარულის მიმართულებით?

ვერძი

შესაძლოა, ამ დღეს მიიღოთ პასუხი კითხვებზე, რომლებიც დიდი ხანია გაწუხებთ. გამორიცხული არ არის, რომ ზოგმა პასუხმა გაგაბრაზოთ, მაგრამ ეცადეთ, დადებით თემებზე იფიქროთ და სასიამოვნო ადამიანებთან იკონტაქტოთ. დროა, პირად ურთიერთობებში საკუთარი ქცევა შეცვალოთ.

კურო

მთელ დღეს ახლობლებზე ფიქრსა და ზრუნვაში გაატარებთ. დატვირთული მუშაობის გამო, ადამიანებს საკუთარი სიტყვების ან მოქმედების განმარტებისთვის დრო არ ჰყოფნით, რაც შეიძლება წყენისა და ურთიერთბრალდებების მიზეზი გახდეს. გირჩევთ საღამო ოჯახურ გარემოში, საყვარელ ადამიანებთან ერთად გაატაროთ. ეს ძალების აღდგენაში დაგეხმარებათ.

ტყუპები

დღის პირველ ნახევარში ემოციების კონტროლი გიჭირთ, ამიტომ ნათესავებთან და კოლეგებთან კამათი და დაპირისპირება გელით. შუადღის შემდეგ ვითარება შეიცვლება. საღამომდე საქმიანი მოლაპარაკებების ჩატარებას და პარტნიორებისგან მოგებიანი შეთავაზების მიღებას შეძლებთ.

კირჩხიბი

რთული კვირის შემდეგ დაიმსახურეთ, რომ დრო მხიარულად გაატაროთ. გაახალისეთ საკუთარი თავი და გარშემომყოფები, დაუკავშირდით ოპტიმისტურად განწყობილ ადამიანებს და სასარგებლო საქმეები აკეთეთ. ეს თვითშეფასებას აგიმაღლებთ და თავდაჯერებას შეგმატებთ. იზრუნეთ საკუთარ ჯანმრთელობაზე – მიირთვით მხოლოდ ჯანსაღი პროდუქტები და რაც შეიძლება მეტი იმოძრავეთ.

ლომი

შესაძლოა, ისეთი საქმეებით ან სფეროებით დაინტერესდეთ, რომლებზეც აქამდე არ გიფიქრიათ. სიამოვნების გარდა, ამან შეიძლება დამატებითი შემოსავალი მოგიტანოთ ან თქვენი საყვარელი ჰობი გახდეს. ეს დღე დაგეხმარებათ რთულ კითხვებზე პასუხები იპოვოთ, რომლებიც თქვენდა გასაოცრად, ძალიან მარტივი და მოულოდნელი იქნება.

ქალწული

აქტიურობისთვის არახელსაყრელი დღეა. გირჩევთ შეჩერდეთ და გარშემო მიმოიხედოთ. კარგი იქნება თუ გარშემო მყოფი ადამიანების გრძნობებსა და სურვილებს მეტ ყურადღებას მიაქცევთ. მოერიდეთ სხვის ემოციებზე ხუმრობას და კრიტიკულ შენიშვნებს. გირჩევთ საღამო საოჯახო საქმეებს დაუთმოთ – ეს ენერგეტიკულ ბალანსს აღადგენს.

სასწორი

ვარსკვლავები გირჩევენ, რომ ეს დღე დასვენებისა და ჯანმრთელობის გაკაჟებას დაუთმოთ. თქვენს სხეულს სუფთა ჰაერზე სეირნობა და ვარჯიში სჭირდება. არც დაბალანსებული კვება და იმუნიტეტის ასამაღლებელი ვიტამინები დაივიწყოთ. გირჩევთ, საღამო საყვარელ ადამიანს დაუთმოთ.

მორიელი

დღის პირველ ნახევარში ყურადღების მოკრეფა და სამუშაო რიტმში შესვლა გიჭირთ, ამიტომ მნიშვნელოვანი საქმეები და შეხვედრები საღამოსთვის უნდა გადაიტანოთ. ეცადეთ დაასრულოთ საქმე, რომლის დასრულებასაც გამუდმებით აჭიანურებთ. ნებისმიერი წვრილმანი ყურადღებას გიფანტავთ, ამიტომ მხოლოდ მთავარ მიზანზე უნდა იფიქროთ.

მშვილდოსანი

ამ დღეს უამრავი საქმე გაქვთ მოსაგვარებელი, ამიტომ უნდა აჩქარდეთ, რომ ყველაფერი დროულად მოასწროთ. თვალი ადევნეთ ვითარებების სწრაფ ცვლილებას და არაფერი გამოგეპაროთ. ეცადეთ, დამხმარეები იპოვოთ და სამუშაოს ნაწილი მათ გადასცეთ.

თხის რქა

მოემზადეთ იმისთვის, რომ მოულოდნელად წარმოქმნილი პრობლემა საქმის დროულად დასრულების საშუალებას არ მოგცემთ. თუმცა, დღეს ვარსკვლავები თქვენს მხარეს არიან, ამიტომ რთულ და სასწრაფოდ შესასრულებელ ამოცანებთან გამკლავებას ადვილად შეძლებთ.

მერწყული

ეცადეთ, ადამიანებთან ურთიერთობის დროს პოზიტიური და მეგობრული იყოთ. სხვებთან ურთიერთობისას. ემოციური დონე ჩვეულზე მაღალია, ამიტომ შეიძლება ნებისმიერ წვრილმანზე სკანდალი მოაწყოთ. საღამოს სპორტდარბაზში ვარჯიში ხალისს და კარგ განწყობას დაგიბრუნებთ. მოერიდეთ ისეთი დაპირებების გაცემას, რომელთა შესრულებასაც ვერ შეძლებთ.

თევზები

თუ შესაძლებელია, მნიშვნელოვანი გადაწყვეტილებების მიღება შუადღისთვის გადაიტანეთ. სწრაფი რეაქცია უსიამოვნო სიტუაციების თავიდან აცილებაში დაგეხმარებათ. ამ დღეს შეიძლება დაინახოთ პრობლემა, რომელიც დიდ ენერგიას გართმევთ და აღმოფხვრათ.

ტრამპი მწერალ ჯინ კეროლის გაუპატიურების მცდელობაში დამნაშავედ ცნეს – CNN

CNN-ის ცნობით, აშშ-ს სასამართლომ დონალდ ტრამპი მწერალ ჯინ კეროლის გაუპატიურების მცდელობაში დამნაშავედ ცნო.

მანჰეტენის ფედერალური სასამართლოს ნაფიცმა მსაჯულებმა ასევე დამნაშავედ ცნო დონალდ ტრამპი
კეროლის მიერ შეტანილი სარჩელის ცილისწამებაში.

სასამართლომ ასევე დაავალა აშშ-ის ყოფილ პრეზიდენტს სარჩელის მოგვარების ფარგლებში ჯინ კეროლისთვის 2 მლნ დოლარის კომპენსაციის გადახდა.

1...1,5621,5631,564...1,724Page 1,563 of 1,724
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი