კანადის პრემიერ-მინისტრი ჯასტინ ტრუდო ისრაელს ღაზას სექტორში ჰუმანიტარული დერეფნის გახსნისკენ მოუწოდებს.
„კანადა მხარს უჭერს ისრაელის უფლებას, დაიცვას საკუთარი თავი, მაგრამ ომებსაც აქვთ თავისი წესები“, – აღნიშნა ტრუდომ.
მისი თქმით, სასწრაფო დახმარებაა საჭირო 2.3 მილიონი ალყაში მოქცეული ადამიანის დასახმარებლად.
„ვერაფერი გაამართლებს „ჰამასის“ ტერორისტულ აქტებს. „ჰამასი“ არ წარმოადგენს პალესტინელ ხალხს და არც მათ ლეგიტიმურ მისწრაფებებს“, – განაცხადა კანადის პრემიერმა.
ისრაელის სამხედროებმა ღაზას სექტორში „ჰამასის“ ერთ-ერთი მეთაურის, ორგანიზაციის შურას (საბჭოს) ხელმძღვანელის, ოსამა მაზინის ლიკვიდაცია განახორციელეს, – ამის შესახებ ისრაელის თავდაცვის ძალებისა და ისრაელის უსაფრთხოების სამსახურის ერთობლივ განცხადებაშია აღნიშნული.
მათი ინფორმაციით, ოსამა მაზინი პასუხისმგებელი იყო „ჰამასის“ მიერ დატყვევებულ ადამიანებზე და ისრაელის წინააღმდეგ ტერორისტულ ქმედებებს ხელმძღვანელობდა.
შეგახსენებთ, მანამდე ცნობილი გახდა, რომ ისრაელმა ღამით ღაზას სექტორში „ჰამასისა“ და პალესტინის „ისლამური ჯიჰადის“ 200-ზე მეტ სამიზნეს დაარტყა. თავდაცვის ძალების ცნობით, განადგურებული სამიზნეები მოიცავს „ჰამასის“ შტაბ-ბინას, სადაც დაჯგუფების რამდენიმე წევრი მოკლეს და ბანკს, რომელსაც „ჰამასი“ იყენებდა.
დაჯგუფება „ჰამასის“ მიერ გატაცებულთა ძებნაში კიბერსპეციალისტები ჩაერთნენ. სექტორის 450 წარმომადგენელი მოხალისედ გამოცხადდა და ისინი მძევლების ადგილსამყოფლის დადგენას მაღალი ტექნოლოგიების გამოყენებით ცდილობენ.
მათ ე.წ. „სამხედრო ოთახი“ შექმნეს, სადაც მოწინავე ტექნოლოგიების, მათ შორის ხელოვნური ინტელექტის გამოყენებით, ასევე სახისა და ხმის ამომცნობი პროგრამების საშუალებით, მძევლების მიგნებას ცდილობენ.
ცნობილია, რომ „ჰამასის“ ტყვეობაში 200-მდე ადამიანი იმყოფება.
ცნობილი გახდა 2023 წლის დოქტორანტურის საგანმანათლებლო პროგრამების საგრანტო კონკურსის შედეგები. კონკურსში გაიმარჯვა, დაფინანსება მოიპოვა 38-მა სამეცნიერო პროექტმა.
კონკურსის მიზანია ინტელექტუალური პოტენციალის განვითარება და მაღალი კვალიფიკაციის სამეცნიერო პერსონალის მომზადება, უმაღლეს საგანმანათლებლო დაწესებულებებში არსებული ინტელექტუალური პოტენციალის მიზნობრივი გამოყენება, სამეცნიერო კვლევისათვის სათანადო პირობების შექმნა, დოქტორანტებისა და უნივერსიტეტების უცხოეთში არსებულ უმაღლეს საგანმანათლებლო და სამეცნიერო-კვლევით დაწესებულებებთან თანამშრომლობა და ამ გზით საქართველოში უმაღლესი განათლების ხარისხის ამაღლება და ახალგაზრდა მეცნიერთა საერთაშორისო სამეცნიერო საზოგადოებაში ინტეგრირება. წარმატებული, ნიჭიერი ახალგაზრდა მკვლევრების გამოვლენა და მათი სადოქტორო კვლევების თანამედროვე საერთაშორისო სტანდარტებთან შესაბამისობაში განხორციელების ხელშეწყობა, ახალგაზრდა ქართველ მეცნიერთა საერთაშორისო კვლევით პროექტებში ინტეგრირება და საქართველოში სამეცნიერო კვლევების ხარისხის ზრდა; ახალგაზრდა მეცნიერთა სამეცნიერო კვლევისათვის სათანადო პირობების შექმნა.
დეტალური ინფორმაცია გამარჯვებული პროექტების შესახებ იხილეთ ფონდის ვებგერდზე : https://shorturl.at/gLY58
ღაზის სექტორში ჰუმანიტარულ კატასტროფამდე 24 საათი რჩება, – საგანგაშო განცხადებას ჯანმრთელობის მსოფლიო ორგანიზაცია ავრცელებს და აღნიშნავს, რომ იქ წყლის, ელექტროენერგიისა და საწვავის მარაგი უკვე იწურება.
ღაზის სექტორში მცხოვრები მოსახლეობისთვის სასმელი წყლის მიწოდების აუცილებლობაზე მიუთითებს გაეროს ლტოლვილთა დახმარების სააგენტოც და აღნიშნავს, რომ წინააღმდეგ შემთხვევაში, რეგიონში გადამდები დაავადებების გავრცელების საშიშროება იქნება. გაერო ცალსახად აცხადებს, რომ ღაზის სექტორს, ჰუმანიტარული დახმარების მიღების შესაძლებლობა უნდა მიეცეს, რომელიც ამ დროისთვის ჯერ ისევ ეგვიპტის საზღვარზე, რაფაჰის გამშვებ პუნქტზეა გაჩერებული.
„ღაზის სექტორში მცხოვრებ ორ მილიონ ადამიანს, არ აქვს სასმელი წყალი, რომელიც სასიცოცხლოდ მნიშვნელოვანია მათთვის. დრო იწურება. იმ შემთხვევაში, თუ ღაზის მოსახლეობისთვის არ იქნება ხელმისაწვდომი წყალი, ვშიშობთ, რომ გადამდები დაავადებები გავრცელდება, რადგან გვაქვს ინფორმაცია, რომ ადამიანები დაბინძურებულ წყალს სვამენ. არც საწვავი, საკვები, არც წყალი და არც სხვა სახის დახმარება – ღაზაში 7 ოქტომბრის შემდეგ, არანაირი მარაგი არ შესულა“, – განაცხადა პალესტინელი ლტოლვილების დახმარების სააგენტოს დირექტორმა ჯულიეტ ტუმამ.
აშშ-ის პრეზიდენტი, ჯო ბაიდენი ოთხშაბათს ისრაელს ეწვევა, – ამის შესახებ აშშ-ის სახელმწიფო მდივანმა, ენტონი ბლინკენმა ისრაელში ვიზიტის დროს განაცხადა.
ინფორმაცია თეთრმა სახლმაც დაადასტურა. პრეზიდენტის მრჩეველმა ეროვნული უსაფრთხოების საკითხებში, ჯონ კირბიმ განაცხადა, რომ პრეზიდენტი ბაიდენი ისრაელსა და „ჰამასს“ შორის კონფლიქტის კრიტიკულ მომენტში თელ-ავივში ჩაფრინდება.
ჯონ კირბის განცხადებით, ვიზიტი მოკლევადიანი იქნება და მისი მთავარი მიზანია ისრაელის მიმართ აშშ-ის სოლიდარობა დაადასტუროს და ხელი შეუწყოს ღაზაში მშვიდობიანი მოსახლეობის დახმარებას. მისივე ინფორმაციით, ჯო ბაიდენი განიხილავს ჰუმანიტარული დახმარების საკითხს და ასევე იმუშავებს უსაფრთხო გადასასვლელის შექმნაზე, რათა მშვიდობიან მოქალაქეებს, სურვილის შემთხვევაში, ღაზას ტერიტორიის დატოვების საშუალება ჰქონდეთ.
ამასთან, თეთრი სახლის წარმომადგენლის განმარტებით, აშშ-ის პრეზიდენტის ისრაელში გამგზავრების გადაწყვეტილება მარტივად არ მიუღიათ.
„ცხადია, ვიზიტი არ შედგებოდა, თუ დარწმუნებული არ ვიქნებოდით, რომ უსაფრთხოების შესაბამისი ზომები დაცულია“, – აღნიშნა ჯონ კირბიმ.
ისრაელში ვიზიტის შემდეგ ჯო ბაიდენი იორდანიის დედაქალაქ ამანში გაემგზავრება, სადაც იორდანიის მეფე აბდულას, ეგვიპტის პრეზიდენტ ალ-სისის და პალესტინის პრეზიდენტს, მაჰმუდ აბასს შეხვდება.
რუსეთის პრეზიდენტი ვლადიმერ პუტინი ჩინეთში ჩავიდა. ინფორმაციას „ტასი“ ავრცელებს.
სააგენტოს ცნობით, რუსეთის პრეზიდენტი ჩინეთში საერთაშორისო ფორუმის „ერთი სარტყელი-ერთი გზის“ ფარგლებში იმყოფება, რომელიც 18 ოქტომბრამდე გაგრძელდება.
გარდა ამისა, ფორუმის ფარგლებში ვლადიმერ პუტინი ჩინეთის პრეზიდენტ სი ძინპინთან შეხვედრას გამართავს და მონაწილეობას მიიღებს ოფიციალურ ცერემონიაში. ასევე, გაიმართება რუსულ-ჩინური მოლაპარაკებები, რის შემდეგაც პუტინი ფორუმის ფარგლებში ორმხრივ შეხვედრებს გააგრძელებს.
ისრაელი „ღირებულებებისთვის ომს“ მოიგებს, – ამის შესახებ ისრაელის თავდაცვის მინისტრმა, იოავ გალანტმა შეერთებული შტატების სახელმწიფო მდივანთან, ენტონი ბლინკენთან შეხვედრისას განაცხადა. შტატების მთავარი დიპლომატისგან კი, ურყევი მხარდაჭერის პირობა მიიღო.
აღსანიშნავია, რომ ბლინკენის არაბული ქვეყნების ტურნე ისრაელში სრულდება, თუმცა თელ-ავივში ჩასვლის შემდეგ, გეგმები შეცვალა და იორდანიის დედაქალაქში გაემგზავრება.
„ნება მომეცით, გითხრათ, ბატონო მდივანო, ეს იქნება ხანგრძლივი ომი. საფასური მაღალი იქნება, მაგრამ ჩვენ ვაპირებთ გამარჯვებას – ისრაელისთვის, ებრაელი ხალხისთვის და იმ ღირებულებებისთვის, რომლისაც ორივე ქვეყანას სჯერა“, – განაცხადა ისრაელის თავდაცვის მინისტრმა.
„თქვენ იცით, ჩვენი ღრმა ერთგულება ისრაელის უფლებისადმი, მისი ვალდებულების მიმართ, დაიცვას საკუთარი თავი და დაიცვას თავისი ხალხი. ამაში თქვენ ყოველთვის გქონდათ შეერთებული შტატების მხარდაჭერა“, – განაცხადა აშშ-ის სახელმწიფო მდივანმა ენტონი ბლინკენმა.
„ჰამასმა“ ღამით ისრაელის ტერიტორიაზე, მათ შორის თელ-ავივზე, მორიგი იერიში მიიტანა. რაკეტები თავდაცვის სისტემა „რიკინის გუმბათმა“ გაანეიტრალა. ცნობები მსხვერპლის შესახებ არ გავრცელებულა.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.
თავი 1. ტერორიზმის ისტორია
1. პირველი ტერაქტი თბილისში
როცა განრისხებულ დემეტრე მეფეს ამბავი მოუტანეს, რომ თბილისის ყადის მკვლელი, იბრაჰიმ დანგანი, რომელმაც საჯაროდ მოკლა თბილისის მუსულმანთა მთავარი მოსამართლე, “არწივის ბუდის” ალამუტის მმართველის მუჰამედ იბნ ბუზურგ – უმიდის გამოგზავნილი ასასინი იყო, რომელსაც ყადის მოკვლის შემდეგ არც კი უცდია გაქცევა, კარგა ხნით ჩაფიქრდა!
თბილისის ყადი ცნობილი იყო თავისი სიმკაცრით და მან სიკვდილამდე ცოტა ხნით ადრე, რამდენიმე მუსლიმანს სიკვდილით დასჯა მიუსაჯა რითაც ძალიან გააღიზიანა ასასინთა წინამძღოლი.
დემეტრემ იცოდა, რომ ერთის მხრივ, ასასინების მტრად მოკიდება ძალიან სახიფათო იყო! მეორეს მხრივ კი, 1139 წელი იდგა, სულ 17 წელი იყო გასული, რაც მისმა დიდმა მამამ დავითმა შემდგომში აღმაშენებლად წოდებულმა არაბი ამირას გამგებლობაში მყოფი თბილისი მის დიდ სამეფოს შემოუერთა!
თბილისი მუსლიმანური ქალაქი იყო და მისი მუსლიმური მოსახლეობა ელოდა მეფის გადაწყვეტილებას!
მის დიდ მამას ამას ვერავინ გაუბედავდა! მას გაუბედეს! ამიტომ ის მართალი და მკაცრი უნდა ყოფილიყო, როგორც მახვილი!
ეს საქართველოში განხორციელებული პირველი ტერაქტია, რომლის შესახებაც ამბავი სპარსელმა ებრაული წარმოშობის ჟამთააღმწერელმა რაშიდ ად-დინმა, ამასთან ერთად ხულაგიუდების იმპერიის მმართველთა პირველმა ვეზირმა მის, „ჯამი ათ-თავარიხი“ – „ისტორიათა კრებულში“ შემოგვინახა. მადლობა მას! აბა, ჩვენ ქართველებს წერა ყოველთვის გვეზარებოდა!
ასასინები პირველი ტერორისტები იყვნენ ვინც ტერორი სახელმწიფო პოლიტიკის რანგში აიყვანეს! მათ “სიკვდილის ანგელოზებს” ეძახდნენ!
სახელი ასასინი (აშაშინი) მომდინარეობს სიტყვა ჰაშიშიდან, მაგრამ ეს იმას როდი ნიშნავს, რომ “სიკვდილის ანგელოზები”, რომელთაც დათესეს შიში მთელს ცენტრალურ აზიაში ახლო აღმოსავლეთში, ჩრდილო აფრიკაში, კავკასიასა და ევროპაში ჰაშიშის მომხმარებლები იყვნენ! ჰაშიშის მოხმარების უფლება მხოლოდ ასასინთა მაღალი იერარქიის წევრებს ჰქონდათ!
ასასინთა ალამუტის სახელმწიფო არ გამოირჩეოდა არც სიმდიდრით და არც ურიცხვი ჯარით! მეტიც, ალამუტის ლეგენდარულმა მმართველმა ჰასან იბნ საბახმა შექმნა ფაქტობრივად კომუნა, სადაც საზოგადოების მაღალი და დაბალი ფენების წარმომადგენლები ერთნაირად ცხოვრობდნენ! მან აკრძალა ყოველგვარი ფუფუნების საგნები, დროსტარება და ამ წესების დამრღვევებს დამრღვევებს სიკვდილით სჯიდნენ!
მიუხედავად ასეთი სიმკაცრისა, იბნ საბახი იწვევდა მეცნიერებს, ალქიმიკოსებს, ექიმებს და საყოველთაოდ განთქმული იყო ალამუტის ბიბლიოთეკა!
რეალურად მან შექმნა საბჭოთა კავშირის შექმნამდე 800 წლით ადრე პირველი უტოპიური “სოციალისტური სახელმწიფო” და ეტყობა, ასეთი სახელმწიფოს არსებობას სჭირდება სისასტიკე, სისხლი და ტერორი!
პირველი ცნობილი ტერაქტი, რომელიც იბნ საბახის დროს მოხდა იყო, სელჩუკთა დიდი ვაზირის მკვლელობა, რომელმაც აწამებინა სუნიტი მუეძინის მკვლელი ასასინი მოძღვრები, შემდეგ კი ბრძანა ქალაქის ქუჩებში ეთრიათ ცხენებზე გამობმული მათი გვამები!
გაიხსენეთ “ჰამასი”, “ჰეზბოლა” და “ალ-ყაიდა” და მათი ლიდერები… მაშინაც ცხრა საუკუნის წინ საკუთარი სახლის სახურავზე ავიდა იბნ საბახი და დასჭექა – “ამ შაითანის მკვლელობა დაგიმკვიდრებთ ზეციურ ნეტარებას!”
არ გაგონებთ დღევანდელი ისლამური ტერორისტული ორგანიზაციების პირობას, რომ ურჯულოთა მკვლელები, სამოთხეს დაიმკვიდრებენ?!
ჯერ კიდევ საკუთარი სახლის სახურავზე იდგა იბნ საბახი, როცა ახალგაზრდა კაცი მუხლებზე დაეცა და შესთხოვა, თუნდაც საკუთარი სიცოცხლის ფასად მიეცა მისთვის ამ განაჩენის ასრულების ნება!
არ გაგახსენათ, ჩვენი თანამედროვე “შაჰიდის ქამრიანები”?!
მიიღო რა ნება აღესრულებინა განაჩენი, ეს ახალგაზრდა კაცი გაემგზავრა სელჩუკთა დედაქალაქში. მასთან ერთად, მაგრამ მისგან დამოუკიდებლად სელჩუკთა დედაქალაქში აღმოჩნდნენ სხვა ასასინებიც. თავად ახალგაზრდა კაცი როგორღაც შეიპარა დიდი ვეზირის ბაღში. მას თან ჰქონდა შხამით მოწამლული დანა და როცა ვეზირი მცველებთან ერთად ბაღში გამოვიდა ის საფარიდან გამოვარდა და მოულოდნელად დაესხა თავს ვეზირს და რამდენიმე ჭრილობა მიაყენა!
თავად ასასინ-“ტერორისტს” გაქცევა არც უცდია. ის ადგილზე აკუწეს დიდი ვეზირის მცველებმა, თუმცა, ვეზირის სასახლეში შემოიჭრნენ სხვა ასასინები და დახოცეს სასახლის მკვიდრნი და ცეცხლი წაუკიდეს თავად სასახლეს!
ბუ ტახირ არანი – დაიმახსოვრეთ ეს სახელი! ასე ერქვა იმ პირველ ტერორისტს, რომლის სახელიც ისტორიამ შემოგვინახა.
სელჩუკთა დიდი ვეზირის მკვლელობა უცბად მოედო არა მხოლოდ სელჩუკთა სამეფოს , არამედ მთელ ახლო აღმოსავლეთის სამეფოებს, მაგრამ ეს არ იყო მთავარი! მთავარი ის იყო, რომ იბნ საბახი მიხვდა, მას არ დასჭირდებოდა დიდი არმიის შენახვა იმისთვის, რომ მთელს სამეზობლოში და მის მიღმა საზარელი შიში დაეთესა.
მას სჭირდებოდა “სპეცსამსახური”… ყველაფერზე წამსვლელი ასასინები და ინფორმაცია.
მან შექმნა ტერორისტული ორგანიზაციების მოქმედების პირველი მეთოდიკა, რომლის თანამედროვე ვარიანტებზე კიდევ მექნება საუბარი:
– ასასინები კი არ ეპარებოდნენ და სადღაც ბნელ კუთხეში კი არ კლავდნენ მსხვერპლს, არამედ, ხალხში შიშის დასათესად, სახალხოდ, უამრავი ადამიანის თვალწინ!
– ხალხში შიშის დასათესად ისინი არასდროს წამლავდნენ მსხვერპლს. ისინი როგორც წესი კლავდნენ მხოლოდ და მხოლოდ ცივი იარაღით!
ასასინები იყოფოდნენ ორ ნაწილად მკვლელებად და დამკვირვებლებად! პირველნი, როგორც წესი განწირულნი იყვნენ, მაგრამ მეორენი აბარებდნენ ანგარიშს ალამუტის მმართველს თუ როგორ იქნა განაჩენი სისრულეში მოყვანილი!
აღწერილია ერთადერთი შემთხვევა, როცა ეგვიპტის ხალიფის მკვლელობისას მკვლელმა ვერ მოახერხა ხალიფას მოკვლა და საქმეში ჩაერივნენ დამკვირვებელი ფადიები და სიცოცხლე მოუსწრაფეს უბედურ ხალიფას!
ასასინების ტერორმა მოიცვა თითქმის მთელი მაშინდელი მსოფლიო! მათ საკუთარი სისხლიანი კვალი დატოვეს პარიზსა და მილანში, კაიროსა და მარსელში, ისფაჰანსა და სამარყანდში, იერუსალიმსა და ბაღდადში, კონსტანტინოპოლსა და რომში…
როგორც გითხარით, მათ საკუთარი სისხლიანი კვალი დატოვეს თბილისშიც!
ასასინების გასაოცარ მოხერხებულობაზე, გაბედულებაზე, სისასტიკეზე ლეგენდების დიდი ნაწილის რეალობის დასადასტურებლად ისიც კმარა, რომ მათი მსხვერპლი შეიქნა 8 სახელმწიფოს მეთაური და სხვადასხვა სახელმწიფოს რამდენიმე ასეული სახელმწიფო პოლიტიკური და სამხედრო ხელმძღვანელი…
ფანატიზმი
როცა 1194 წელს, საღვთო რომის იმპერიის იმპერატორმა ჰენრიხ III -მ ჯვაროსნული ლაშქრობიდან წამოსული, მის სამეფოში ინკოგნიტოდ შემოპარული ინგლისის ყველაზე პოპულარული და ყველაზე სულელი რაინდი მეფე რიჩარდ ლომგული ჯერ დაატყვევა და შემდეგ დიდი გამოსასყიდის 150 000 მარკის, ფასად, რაც ინგლისის სამეფო კარის ორის წლის შემოსავალს წარმოადგენდა ტყვეობიდან გაათავისუფლა, მაგრამ მისი ვასალობა აჰკიდა;
1194 წელს როცა დაიბადა ფრიდრიხ I ბარბაროსას შვილიშვილი, არამხოლოდ საღვთო რომის იმპერიის, არამედ შუასაუკუნეების ევროპის და მსოფლიოს ერთ-ერთი უდიდესი იმპერატორი ფრიდრიხ II, “გონთა მპყრობელი”, პოეტი, ფილოსოფოსი, ადრეული რენესანსის შემოქმედი, ჯვაროსანი მეომარი, იერუსალიმის მეფე, რომელიც ისე დაუპირისპირდა რომის პაპებს, რომ ეკლესიიდან ერთხელ განკვეთა არ აკმარეს, სამჯერ განკვეთეს, “ანტიქრისტედ” მონათლეს… მოკლედ ერთ-ერთი ყველაზე საინტერესო ადამიანი კაცობრიობის ისტორიაში…
1194 წელს, როცა თამარ მეფესა და დავით სოსლანს შეეძინათ, ქალიშვილი რუსუდანი, რომელზეც არაფერს არც კარგსა და არც ცუდს ვიტყვი, რადგან მაინც თამარის შვილი იყო…
1194 წელს უცნაური და სასტიკი სანახაობის მოწმე გახდა ალამუტის ციხეში იერუსალიმის მეფე ანრი შამპანელი.
ის ალამუტის მმართველთან ან მოსალაპარაკებლად იყო ჩასული! საქმე იმაშია, რომ ჯვაროსნებსაც და ალამუტის მმართველებსაც ერთნაირად არ მოსწონდათ სუნიტი სელჩუკები და არ მოსწონდათ ეგვიპტის, სირიის, ლეგენდარული სუნიტი სულთანის სალახ ად დინის ( სალადინის) გაძლიერება…
ალამუტის მმართველი და ანრი შამპანელი ქუჩაში, სეირნობდნენ, როცა ანრიმ შენიშნა მაღალი კოშკის თეთრი სამოსით მოსილი რამდენიმე კაცი შენიშნა. ალამუტის მმართველმა კითხა ჯვაროსანთა გრაფს, რამდენად ერთგული იყვნენ მისი ქვეშევრდომები და ისე რომ პასუხს არც დალოდებია ხელი აიქნია და მაშინვე იმ კოშკზე მდგომმა ადამიანები იქიდან ჩამოხტნენ!
ისევ გავიხსენოთ, “შაჰიდის ქამრიანი” ტერორისტები და ალამუტის ლეგენდარული მმართველის იბნ საბახის სიტყვები “ტერაქტისას” მოკლული ასასინის მიერ “ზეციური ნეტარების დამკვიდრების” შესახებ და კარგად მივხვდებით რა საფრთხის წინაშე დგას თანამედროვე მსოფლიო საზოგადოება და რატომ არის ესოდენ რთული მუსლიმანური ტერორიზმის წინააღმდეგ ბრძოლა.
გაგრძელება იქნება (ტერორის მიზნები)
სოციალური ქსელი -ბესიკ ლაგვილავა
ვერძი
დღეს თქვენი წარმატების გასაღები სიფრთხილეა: შეიძლება უამრავ დაძაბულ სიტუაციას შეეჯახოთ, რასაც კონფლიქტი მოჰყვება ახლობელ ადამიანებთან ან კოლეგებთან. უზარმაზარი მოთმინების გამოჩენა მოგიწევთ იმისთვის, რომ პროვოკაციებს არ აჰყვეთ.
კურო
ეს დღე თქვენს სიმტკიცეს და ნებისყოფას გამოცდას მოუწყობს. სავარაუდოდ, საკუთარი ინტერესების დაცვა და თავდასხმის მოგერიება მოგიწევთ. რაც არ უნდა მოხდეს, ვარსკვლავები გირჩევენ, რომ არ აღელდეთ და საჭირო არგუმენტები მშვიდად იპოვოთ. არ აჰყვეთ ემოციებს და ნებისმიერი სიტუაციიდან გამოსავალს იპოვით.
ტყუპები
ვარსკვლავები ტყუპებს ნაყოფიერ დღეს ჰპირდებიან, თუმცა ის უმიზეზო იმედგაცრუებას განიცდით და ყველაფრით უკმაყოფილო ხართ. შესაძლოა, ამის მიზეზი ისაა, რომ ბოლო დროს თქვენს ცხოვრებაში ბევრი რამ მოხდა და გადაიღალეთ. ვარსკვლავები გირჩევენ, თავი ხელში აიყვანოთ და ბედის საჩუქრებს კმაყოფილებით შეხვდეთ.
კირჩხიბი
ამ დღეს თქვენში ორგანიზაციული უნარები გაიღვიძებს, რაც მენეჯმენტს შეუმჩნეველი არ დარჩება და შეიძლება, ახალი პროექტის განხორციელებაც მოგანდონ. თქვენი ყურადღების მიღმა არც ოჯახის წევრები დარჩებიან.
ლომი
ამ დღეს ახალი საქმის დაწყება არც კი სცადოთ, რადგან ვარსკვლავების აზრით, ის, პრობლემების გარდა, არაფერს მოგიტანთ. ასე რომ, ჯობს არ აჩქარდეთ და ერთი დღე დაიცადოთ.
ქალწული
ამ დღეს რაღაცის გამოსწორების შანსი გაქვთ. ეს შეიძლება ძველი პრობლემა იყოს, რომელიც გამუდმებით თავს გახსენებთ ან მოვლენა, რომელიც შეგიძლიათ საჭირო მიმართულებით მიმართოთ. ვარსკვლავები გახსენებენ, რომ პესიმისტი ყველა შესაძლებლობაში საფრთხეს ხედავს, ხოლო ოპტიმისტი – ყველა საფრთხეში შესაძლებლობას.
სასწორი
ეცადეთ, საკუთარი ან სხვა ადამიანის საიდუმლო არ გაამხილოთ და, ზოგადად, ამ დღეს ურთიერთობებში ნაკლებად გულწრფელი იყოთ. ეს ეხებათ როგორც ახლობლებს, ისე უცნობ ადამიანებს. ფინანსურ საკითხებში მეტი სიფრთხილე უნდა გამოიჩინოთ – მოერიდეთ ძვირად ღირებული ნივთების შეძენას და სარისკო ინვესტიციებს.
მორიელი
ამ დღეს თქვენს ცხოვრებაში შემთხვევითობის, ინტუიციის და ბრმა გამართლების ადგილი არ არის. წარმატების მისაღწევად თქვენი ყოველი ნაბიჯი ლოგიკურად უნდა გათვალოთ. წინააღმდეგ შემთხვევაში, სამწუხარო გაუგებრობებს თავიდან ვერ აიცილებთ.
მშვილდოსანი
ამ დღეს თქვენს ცხოვრებაში დაიწყება ცვლილებების ეტაპი, რომელიც თქვენს მომავალზე გავლენას მოახდენს. ყურადღება მიაქციეთ, რა ხდება თქვენ ირგვლივ და ეცადეთ, მოვლენების განვითარება იწინასწარმეტყველოთ. ახალი საქმის დაწყება რამდენიმე დღით უნდა გადადოთ, რადგან ამ დღეს წარმატებას ვერ მიაღწევთ. ეცადეთ პარტნიორს უფრო ხშირად მოუსმინოთ.
თხის რქა
ამ დღეს გარშემო მყოფებს არ უნდა დაეყრდნოთ – ნებით თუ უნებლიეთ, შეიძლება იმედი გაგიცრუონ. თუ გარშემო ყურადღებით მიმოიხედავთ, შეიძლება აღმოაჩინოთ, რომ ვიღაც ხაფანგს გიგებთ, ჭორებს გივრცელებთ ან თქვენს ზურგს უკან ინტრიგებს ხლართავს. ასე რომ არ მოხდეს, განსაკუთრებული სიფხიზლე და ყურადღება გმართებთ.
მერწყული
ამ დღეს შეიძლება როგორც საკუთარი თავის, ასევე სხვების მიმართ ზედმეტად მომთხოვნი იყოთ! გსურთ, გარშემო ყველაფერი აკონტროლოთ. თქვენი ასეთი დამოკიდებულება გარშემო მყოფთა უკმაყოფილებას გამოიწვევს. იმისთვის, რომ ამ დღემ მეტი დადებითი ემოცია მოგიტანოთ, უნდა შეეგუოთ, რომ ყველაფერი თქვენს სურვილებზე არ არის დამოკიდებული.
თევზები
ამ დღეს ნებისმიერ წამოწყებაში მხარდაჭერას მიიღებთ. უპირველეს ყოვლისა, ეს ურთიერთობებს ეხება. თუ ერთობლივი ცხოვრების გეგმებზე საუბარს აპირებთ, ამისთვის უკეთეს დროს ვერ ნახავთ. გაუღიმეთ სამყაროს და ისიც საპასუხოდ გაგიღიმებთ.
ბრიუსელის ცენტრში სროლის შედეგად შვედეთის ორი მოქალაქე მოკლეს, – ინფორმაციას ადგილობრივი მედია ავრცელებს.
შეიარაღებული თავდამსხმელი, რომელმაც სულ მცირე ორი ადამიანი მოკლა, ამტკიცებს, რომ ISIS-ის წევრია და „მუსლიმებისთვის შურს იძიებს“.
მედიის ინფორმაციით, მან სროლამდე „ალაჰ აკბარ“ დაიყვირა. თავდამსხმელი შემთხვევის ადგილიდან მიიმალა და ამ დრომდე მას პოლიცია ეძებს.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
