ისრაელის თავდაცვის ძალებმა, „ჰამასის“ ლიდერის, ისმაილ ჰანიას სახლი დაბომბა, – ამის შესახებ ინფორმაციას სააგენტო Reuters-ი არაბულ მედიაზე დაყრდნობით ავრცელებს.
არაბული მედიის მიერ გავრცელებული ინფორმაციის მიხედვით, ისრაელმა უპილოტო საფრენი აპარატის გამოყენებით ისმაილ ჰანიას სახლზე საჰაერო შეტევა განახორციელა.
ჯერჯერობით უცნობია, იმყოფებოდნენ თუ არა ჰანიას ოჯახის წევრები სახლში.
მედიის ინფორმაციით, „ჰამასის“ პოლიტიკური ლიდერი, ისმაილ ჰანია კატარში ცხოვრობს.
ევროკომისიის პრეზიდენტი, ურსულა ფონ დერ ლაიენი კიევში ჩავიდა, – ამის შესახებ ინფორმაციას უკრაინის პარლამენტის წევრი, იაროსლავ ჟელეზნიაკი ავრცელებს.
„მოუთმენლად ველით პარლამენტში მის გამოსვლას“, – წერს ჟელეზნიაკი „ტელეგრამის“ არხზე.
შეგახსენებთ, რომ ევროკომისიის პრეზიდენტის უკრაინაში შესაძლო ვიზიტის შესახებ ინფორმაცია გასულ კვირას გავრცელდა. ადგილობრივი მედია ვარაუდობს, რომ ეს ევროკავშირის კანდიდატის სტატუსის რეფორმების პოზიტიურ შეფასებაზე მიუთითებს.
პოლიტიკოსების უმრავლესობა, ვინც დღეს „ნაციონალურ მოძრაობას“ წარმოადგენს, საზოგადოების თვალში პოლიტიკურად უკიდურესად დისკრედიტებული ფიგურები არიან, შესაბამისად, გარკვეული ცვლილებები იძულებით ნაკარნახებია, – ამის შესახებ ამის შესახებ პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ საქართველოს ყოფილი პრეზიდენტის, მიხეილ სააკაშვილის მიერ საარჩვენო სიის შესახებ გაკეთებულ განცხადებაზე კომენტრირებისას აღნიშნა.
მიხეილ სააკაშვილმა სოციალურ ქსელში გუშინ დაწერა: „მომავალი არჩევნებისთვის ჩვენი პარტიული სიის აბსოლუტური უმრავლესობა უნდა შედგებოდეს იმ ადამიანებისგან, რომლებიც არასდროს ყოფილან პარლამენტის წევრები“.
სარჯველაძის თქმით, ეს არის ფანდი საკუთარი ამომრჩევლის მოსატყუებლად.
„არ მგონია, რომ ეს ვენდეტაა. ეს საკმაოდ კარგად გათვლილი ჩანაფიქრია. სინამდვილეში, ფანდია საკუთარი ამომრჩევლის მოსატყუებლადაც, რადგან პოლიტიკოსების უდიდესი უმრავლესობა, თუ არა უკლებლივ ყველა, ვინც წარმოადგენს დღეს „ნაციონალურ მოძრაობას“ საზოგადოების თვალში პოლიტიკურად უკიდურესად დისკრედიტებული ფიგურები არიან. შესაბამისად, ეს ნიშნავს, რომ გარკვეული ცვლილებები უბრალოდ, იძულებით ნაკარნახებია. ისინი რასაკვირველია, შეეცდებიან, რომ გადაანაცვლონ ეს ხალხი ჩრდილში, როგორც აკეთებდნენ. მაგალითად, მერაბიშვილთან მიმართებაში და ა.შ. წინა სცენაზე გამოიყვანონ ადამიანები, რომლებითაც შენიღბავენ საკუთარ ძალიან მანკიერ და ტოქსიკურ რეპუტაციას“, – განაცხადა სარჯველაძემ.
გაუგებარია იმ ხალხის მოწოდება, რომელიც, მიშას თქმით, მოშივებულ გადამხტარ, გამძღარ და მობრუნებულ შტაბის უფროსთან ერთად, დადის და ამ ხალხს პარტიას, მათ სამართლიან კრიტიკას კი ლანძღვას ეძახის, – ამის შესახებ „ერთიანი ნაციონალური მოძრაობის“ ყოფილი თავმჯდომარე ნიკა მელია აცხადებს.
როგორც სოციალურ ქსელ „ფეისბუქში“ ნიკა მელია წერს, ვიდრე „სხვას რამეს მოუწოდებენ, საკუთარ თავს გვერდიდან შეხედონ“.
„მიშამ ხომ გითხრათ წადითო და წადით, რაა!“, ამ ხალხის საყურადღებოდ: თქვა და გააკეთე არ არის გზა, რომლითაც მე დავდივარ, მითუმეტეს, არ მივიღებ ამ მოწოდებას მათგან, ვინც უცნაური ტრაექტორიით იმოძრავა, ხელი მოეცარა და დაბრუნდა. მიშამ ისიც თქვა: ვაშაძეს მოშივდაო, ამიტომ წავიდა და ბიძინას საქმე აკეთაო. ბნელ მხარეს გადავიდაო. რა აკეთა და რა როლი შეასრულა კონკრეტულ პროცესებში, ბევრს გვახსოვს.
ახლა კი, გაუგებარია იმ ხალხის მოწოდება, რომელიც, მიშას თქმით, მოშივებულ გადამხტარ, გამძღარ და მობრუნებულ შტაბის უფროსთან ერთად, დადის და ამ ხალხს პარტიას, მათ სამართლიან კრიტიკას კი ლანძღვას ეძახის.
სანამ ვინმეს რამეს მოუწოდებთ, სანამ სხვის თვალში ბეწვს დაინახავთ, საკუთარ თავს შეხედეთ გვერდიდან, ამომრჩევლის, ან პარტიის რიგითი წევრის თვალით”, – წერს ნიკა მელია.
საქართველოდან ამერიკის შეერთებულ შტატებში, 70 მილიონი დოლარის ოდენობის კრიპტოვალუტის მოტყუებით დაუფლების ფაქტზე ბრალდებულის, ციფრულ აქტივებთან დაკავშირებული თაღლითური სქემების ლიდერის, ინტერპოლის წითელი ცირკულარით ძებნილი პირის ექსტრადიცია განხორციელდა. ამის შესახებ ინფორმაციას გენერალური პროკურატურა ავრცელებს.
უწყების იფორმაციით, აღნიშნული პირის ექსტრადიცია საქართველოს სამართალდამცავ უწყებებსა და აშშ-ის იუსტიციის დეპარტამენტს შორის ტრანსნაციონალური ორგანიზებული დანაშაულის წინააღმდეგ ბრძოლაში თანამშრომლობის შედეგად განხორციელდა.
„ბრალდებული აშშ-ის სამართალდამცავი ორგანოების მიერ ტრანსნაციონალური ხასიათის, განსაკუთრებით დიდი ოდენობით თაღლითობისა და ფულის გათეთრების განსაკუთრებით მძიმე კატეგორიის დანაშაულებისთვის იძებნებოდა. აღსანიშნავია, რომ იგი წარმოადგენდა მის მიერ შექმნილი მასშტაბური დანაშაულებრივი ორგანიზაციის ხელმძღვანელს და ორგანიზებული ჯგუფის ფარგლებში, მან სულ მცირე 20 თაღლითური ონლაინ საინვესტიციო პლატფორმის შექმნა და მათი ფუნქციონირება უზრუნველყო. თაღლითური ონლაინ საინვესტიციო პლატფორმების გამოყენებით, 6 წლის განმავლობაში, მთელი მსოფლიოს მასშტაბით ასეულობით დაზარალებულისგან მოტყუებით მიღებულმა თანხამ 70 მილიონ აშშ დოლარზე მეტი შეადგინა.
ძებნილი პირი აშშ-ში ექსტრადიციის მიზნით, ინტერპოლის არხებით მის მიმართ გამოცხადებული საერთაშორისო ძებნის და მითითებული პირის ექსტრადიციის თაობაზე საქართველოსა და აშშ-ს შორის გაფორმებული ერთობლივი დეკლარაციის საფუძველზე, შინაგან საქმეთა სამინისტროს თანამშრომლებმა ბათუმში დააკავეს“, – ნათქვამია ინფორმაციაში.
გენერალური პროკურატურის განმარტებით, ბრალდებულის აშშ-ში ექსტრადიციის ფაქტს, დღეს აშშ-ს იუსტიციის დეპარტამენტი განცხადებით გამოეხმაურა. აშშ-ს იუსტიციის დეპარტამენტმა მადლობა გადაუხადა საქართველოს პროკურატურას, იუსტიციის სამინისტროს და შინაგან საქმეთა სამინისტროს ძებნილი პირის ექსტრადიციასთან დაკავშირებით მნიშვნელოვანი დახმარების გაწევისთვის.
როგორც ამერიკის იუსტიციის დეპარტამენტის მიერ გავრცელებულ განცხადებაშია აღნიშნული, ბრალდებულის ექსტრადიცია განხორციელდა საერთაშორისო თანამშრომლობისა და გამოძიების ფედერალური ბიუროს მუშაობის შედეგად, რათა აღნიშნული პირი წარმდგარიყო მართლმსაჯულების წინაშე.
ამერიკის შეერთებული შტატების გენერალური პროკურორის მოადგილის ნიკოლ მ. არგენტიერის განცხადებით, ეს ექსტრადიცია ამერიკის იუსტიციის დეპარტამენტის და საქართველოს სამართალდამცავ უწყებებს შორის ტრანსნაციონალური ორგანიზებული დანაშაულის წინააღმდეგ ბრძოლაში უწყვეტი კოორდინაციის და პარტნიორობის შედეგია.
„საქართველოს გენერალური პროკურატურის შუამდგომლობის საფუძველზე, აღნიშნული პირის აშშ-ში ექსტრადიცია თბილისის საქალაქო სასამართლომ დასაშვებად ცნო. ამასთან, საქართველოს უზენაესმა სასამართლომ, დაცვის მხარის საკასაციო საჩივარი ექსტრადიციის დაუშვებლად ცნობის თაობაზე დაუშვებლად ცნო და თბილისის საქალაქო სასამართლოს გადაწყვეტილება დარჩა უცვლელად.
2023 წლის 11 ოქტომბერს საქართველოს იუსტიციის მინისტრმა მიიღო საბოლოო გადაწყვეტილება ძებნილი პირის ამერიკის შეერთებულ შტატებში ექსტრადიციის თაობაზე, რის შემდგომაც ბრალდებული სპეციალური პენიტენციური სამსახურის თანამშრომლების მიერ ამერიკის შეერთებული შტატების კომპეტენტური ორგანოების წარმომადგენლებს გადაეცა. ძებნილი პირის საქართველოდან ამერიკის შეერთებულ შტატებში ტრანსპორტირება აშშ-ის მარშალთა სამსახურის მიერ მოხდა.
საქართველოს პროკურატურა გამოხატავს მზადყოფნას, ძებნილი პირების მართლმსაჯულების წინაშე წარდგენის მიზნით, მომავალშიც წარმატებით ითანამშრომლოს პარტნიორი ქვეყნების კომპეტენტურ ორგანოებთან“, – ნათქვამია ინფორმაციაში.
დიმიტრის შაბათი ყველა ქრისტიანისთვის განსაკუთრებული დღეა, რადგან ამ დღეს გარდაცვლილების ხსოვნას პატივს მივაგებთ.
ეს მორწმუნეებისთვის მნიშვნელოვანია, რადგან წლის ბოლო მოსახსენიებელი შაბათია. ამ დღეს უპირველეს ყოვლისა გარდაცვლილი მშობლები მოიხსენიება. ეს ყველა ადამიანის მთავარი მოვალეობაა. უნდა გავიხსენოთ ჩვენი ბებია–ბაბუები, რომლებმაც მშობლებს სიცოცხლე მისცეს.
პირდაპირი და ირიბი ხაზით ნათესავებისთვისაც უნდა ილოცოთ. ლოცვებით მორწმუნეები უფალს გარდაცვლილების ცოდვების მიტევებას სთხოვენ. ეს სიტყვები არა მხოლოდ ახლობლებისა და ნათესავებისთვის, არამედ უცნობებისთვისაც შეგიძლიათ თქვათ. თუ ეკლესიაში წასვლას ვერ ახერხებთ, სახლში ილოცეთ. მნიშვნელოვანია, რომ გაიხსენოთ ყველა მიცვალებულის სახელი, რომელთა მოხსენება გსურთ. უმჯობესია, სახელები ქაღალდზე ჩამოწეროთ და ლოცვისას ხმამაღლა წარმოთქვათ.
შეგიძლიათ სასაფლაოზე ახვიდეთ და გარდაცვლილი ნათესავების მარადიული განსასვენებელი ადგილი გაწმინდოთ. სასულიერო პირები ამბობენ, რომ ეს აუცილებელი არაა.
უფრო მნიშვნელოვანია, რომ მათი სულებისთვის ილოცოთ. და მაინც, სასაფლაოზე წასვლა ზედმეტი არაა, თუ ამის აუცილებლობას გრძნობთ. ცოცხალი ყვავილების თაიგული გააკეთეთ. მთავარია, რომ სასაფლაოზე ხელოვნური ყვავილები არ მიიტანოთ.
დიმიტრის შაბათს ახლობლების და ნათესავების წრეში სულის მოსახსენებელი სუფრა შეგიძლიათ გაშალოთ. მხოლოდ სამარხვო კერძებია ნებადართული. ამ დღეს გაჭირვებულების ან ცხოველების დახმარება კარგია.
დიმიტრის შაბათი დიდმოწამე დიმიტრი თესალონიკელის პატივსაცემად ეწოდება, რომლის ხსენების დღე 8 ნოემბერს აღინიშნება.
დიმიტრის მშობლები ფარული ქრისტიანები იყვნენ. მათ შვილი ჯერ კიდევ პატარაობისას მონათლეს. თავად რომის კონსული გახდა და ქრისტიანობის ქადაგება დაიწყო. როცა ამის შესახებ იმპერატორმა შეიტყო, დიმიტრი დააპატიმრეს. იმპერატორი ქუჩის ბრძოლებს აწყობდა, სადაც ყოველთვის მისი მეომარი ლიუსი იმარჯვებდა.
თავის ქრისტიან ტყვეებს მასთან შებრძოლას აიძულებდა. დიმიტრის დახმარებით ერთ–ერთმა მათგანმა ლიუსის დამარცხება შეძლო. ამისთვის იმპერატორმა მისი სიკვდილით დასჯა გადაწყვიტა. ათობით შუბი ჩასცეს, სანამ თავად იდგა და ლოცულობდა. აქედან მოდის ამ დღეს ბრძოლებში დაღუპული ჯარისკაცებისთვის ლოცვის ტრადიცია.
ვერძი
ეცადეთ, ეს დღე ზედმიწევნით დაგეგმოთ და თანმიმდევრულად მიჰყვეთ. ეს დაგეხმარებათ, რომ ჩანაფიქრი დროულად განახორციელოთ და საღამოს დაისვენოთ. სამსახურში და სახლში მოსალოდნელია მცირე გაუგებრობები. თქვენი ამოცანაა, კომპრომისი იპოვოთ და სერიოზული კონფლიქტი თავიდან აიცილოთ. მოერიდეთ ჭორაობას და უსარგებლო საუბრებს, განსაკუთრებით სამსახურში.
კურო
თავს მხნედ და ენერგიულად გრძნობთ, რაც საშუალებას გაძლევთ, დღის განმავლობაში ბევრი მნიშვნელოვანი ჩანაფიქრი განახორციელოთ. ვარსკვლავები გირჩევენ, ყველაზე რთული საქმეები დღის პირველ ნახევარში დაასრულოთ, საღამოს კი მონატრებულ ნათესავებს ან ძველ მეგობრებს შეხვდეთ და გაერთოთ.
ტყუპები
გეგმის მიხედვით იმოქმედეთ და ეცადეთ, დრო გონივრულად გამოიყენოთ. ხელსაყრელი დღეა ძველი, სამომავლოდ გადადებული საქმეების დასასრულებლად. მოულოდნელად წარმოქმნილი პრობლემები ყურადღებას გიფანტავთ და ახალი პროექტების დაწყების საშუალებას არ გაძლევთ. საღამოს კარგად უნდა დაისვენოთ, რათა ძალების აღდგენა შეძლოთ.
კირჩხიბი
ეს დღე რთული და შრომატევადი საქმეებისთვის შეუფერებელია – პლანეტების განლაგება და გარემოებები გეგმის განხორციელების საშუალებას არ მოგცემთ. ამ დღეს „ღრუბლებში დაფრინავთ“, რაც სიტუაციის სწორად შეფასებასა და გონივრული გადაწყვეტილების მიღებაში ხელს გიშლით. ამ დღეს პიროვნული თვისებების წყალობით გარშემო მყოფებს ადვილად მოხიბლავთ.
ლომი
ამ დღის პირველი ნახევარი ყველაზე ნაყოფიერი და აქტიური იქნება. ეცადეთ, საქმე ისე გაანაწილოთ, რომ საღამომდე ყველაფერი მოასწროთ. თავი შეიკავეთ გულწრფელი საუბრებისგან – თუნდაც უახლოეს ადამიანებთან. წინააღმდეგ შემთხვევაში შეიძლება შემთხვევით საკუთარი ან სხვისი საიდუმლო გაამხილოთ.
ქალწული
ეს დღე საყოფაცხოვრებო საკითხების მოგვარებას და ბინის საქმეებს უნდა დაუთმოთ. ამისთვის დღის პირველი ნახევარი საუკეთესო დროა. სადილის შემდეგ კი იზრუნეთ დასვენებზე და საკუთარ ჯანმრთელობაზე.
სასწორი
კარგი განწყობა ურთიერთობასა და ნაყოფიერ მუშაობაში დაგეხმარებათ. შესაძლოა, ახალი, საინტერესო ადამიანები გაიცნოთ. სასურველია, საქმე აუჩქარებლად აკეთოთ – ეს შეცდომებს თავიდან აგარიდებთ. მალე საშუალება გექნებათ, რომ პროფესიული და კარიერული პოზიციები გაიძლიეროთ.
მორიელი
ამ დღეს მხოლოდ საკუთარ ძალებს უნდა დაეყრდნოთ – ეს თქვენი წარმატების შანსებს მნიშვნელოვნად გაზრდის. მოსალოდნელია მცირე უსიამოვნება და უთანხმოება კოლეგებთან. ამაზე სერიოზულად ნუ ინერვიულებთ, მალე სიტუაცია უკეთესობისკენ შეიცვლება. შეიძლება მოულოდნელი საჩუქარი მიიღოთ ან მონატრებულ ადამიანებს შეხვდეთ.
მშვილდოსანი
მარტოხელა მშვილდოსნებს საინტერესო ნაცნობობა ელით – შესაძლოა, რომანტიკული გრძნობების მორევშიც აღმოჩნდეთ. პროფესიულ საქმიანობას განსაკუთრებული პასუხისმგებლობით უნდა მოეკიდოთ. გახსოვდეთ, რომ არასერიოზულობამ ან უყურადღებობამ შეიძლება სავალალო შედეგებამდე მიგიყვანოთ.
თხის რქა
გადაწყვეტილება, რომელსაც ამ დღეს მიიღებთ, შემდგომ მოვლენებზე გავლენას მოახდენს. ასე რომ, სანამ შეთავაზებაზე პასუხს გასცემთ, კარგად დაფიქრდით. სამსახურში თქვენს მონდომებას შენიშნავენ და შეიძლება ფინანსური წახალისება დაიმსახუროთ. უსმინეთ საკუთარ ინტუიციას და მოძებნეთ კომპრომისები ნებისმიერ სადავო სიტუაციაში.
მერწყული
ეს დღე საინტერესო შეხვედრებით დაგამახსოვრდებათ. ცნობისმოყვარეობის გამოჩენა და კითხვების დასმა ნუ მოგერიდებათ. უსმინეთ ახლობელ ადამიანებს და მათი რჩევები გაითვალისწინეთ. თქვენი ზოგი გადაწყვეტილება სიფრთხილეს და წინდახედულობას მოითხოვს.
თევზები
გეგმების შეცვლა მოგიწევთ, მაგრამ ეს მხოლოდ სარგებელს მოგიტანთ. გახსოვდეთ, რომ აჩქარებამ შეიძლება პრობლემები და შეცდომები გამოიწვიოს, ამიტომ ეცადეთ, ჩვეული ტემპით იმუშაოთ. ახლობელ ადამიანებს თქვენი ყურადღება სჭირდებათ და მათთვის მეტი დრო უნდა გამონახოთ.
უკრაინის პრეზიდენტი ვოლოდიმირ ზელენსკი ისრაელს მომავალ კვირას ეწვევა – ინფორმაციას ისრაელის მედია ავრცელებს და წერს, რომ ზელენსკის ვიზიტისთვის, მზადება მიმდინარეობს.
„ასეთი ვიზიტი მნიშვნელოვანი გზავნილი იქნება“, – ამბობს ისრაელის განათლების მინისტრი იოავ კიში.
მედიის ცნობით, უკრაინის პრეზიდენტი თელ-ავივში ორშაბათს, ან სამშაბათს ჩავა.
„სააკაშვილი არ შეიძლება შეცდომაში იყოს შეყვანილი? – ასე უპასუხა „ენმ“-ის წევრმა ნიკა მელიამ ჟურნალისტის კითხვას, დაუჭირა თუ არა მხარი თავისი განცხადებით მიხეილ სააკაშვილმა კეზერაშვილ-მერაბიშვილს.
ექსპრეზიდენტმა მიხეილ სააკაშვილი 3 ნოემბერს „ენმ“-ის წევრებს მოუწოდა, რომ „თუ პარტიის შიგნით გინდათ პარტიის ლანძღვა, სჯობს გახვიდეთ და რაღაცა თქვენი გააკეთოთ, არ გვჭირდება შიგნიდან რყევა“.
„სააკაშვილი არის ტყვე, მაგრამ მე მითქვამს, რომ ჩემი შეფასებით, ის არის ორმაგ ტყვეობაში, ბევრი თვალსაზრისით. მე მასთან დებატებში რა უფლება მაქვს შევიდე, ალბათ გვისმენს ახლა.
ჩემთვის სიმართლე არის ერთი. სააკაშვილი არ შეიძლება შეცდომაში იყოს შეყვანილი? მით უმეტეს დატყვევებული ადამიანი“, – აცხადებს ნიკა მელია.
ქალაქ ღაზის მთავარ საავადმყოფოსთან, ალ-შიფასთან აფეთქება მოხდა. პალესტინის წითელი ჯვრის საზოგადოება საავადმყოფოს ტერიტორიიდან დაზიანებული სასწრაფო დახმარების ავტომობილის ფოტოს აქვეყნებს.
გავრცელებული ცნობით, სასწრაფო დახმარების ეკიპაჟები რაფას საზღვრისპირა ტერიტორიებიდან ბრუნდებოდნენ, საიდაც დაშავებული პალესტინელები გადაჰყავდათ, რა დროსაც მათზე დარტყმა განხორციელდა.
პალესტინის ადგილობრივი ჯანდაცვის სამინისტრო აფეთქების შედეგად დაღუპულებისა და დაშვებულების შესახებ იუწყება.
„ერთიანი ნაციონალური მოძრაობის“ წევრი ნიკა მელია აცხადებს, რომ პარტიის მენეჯმენტი არაფორმალურად იმართება.
მისი თქმით, პარტია მიტაცებულია.
„მერაბიშვილ-კეზერაშვილის კრიტიკა არ არის პარტიის კრიტიკა. „ნაციონალური მოძრაობა“ დღეს არის კეზერაშვილ-მერაბიშვილი“. არ ვაპირებ თვალებში ნაცარი შევიყარო. დღეს პარტია არის მიტაცებული. ხმა არ უნდა მომეღო იმ უმსგავსობაზე, რაც გააკეთეს?! ჩემთვის კეზერაშვილი და მერაბიშვილი არ არის პარტია. ჩემთვის პარტია არის ის ხალხი, რომელსაც მე ვხვდები. მე არ მივეკუთვნები იმ ადამიანების კატეგორიას, რომ მიხეილ სააკაშვილს ყველაფერში, რომ დაეთანხმებოდა. ე.ი მიხეილ სააკაშვილი თუ გარკვეულ მოსაზრებებს საჯაროს ხდის, აუცილებელია დავეთანხმო ამ მოსზრებებში?!
არ არსებობს ძალა, არც მიწიერი, არც ზეციერი, რომელიც აზრს შემაცვლევინებს და მათქმევინებს, არაფორმალური მმართველობა დღეს პარტიაში არ არის“ – აცხადებს ნიკა მელია.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
