არაფორმალურ მმართველებს ვხედავთ არა მხოლოდ ხელისუფლების არამედ ოპოზიციის მხარესაც – მიხეილ დაუშვილი

102
spot_img

 პარტია „საქართველოსთვის“ წევრის მიხეილ დაუშვილის  განაცხადებით, არაფორმალური მმართველები არა მხოლოდ ხელისუფლების, არამედ ოპოზიციის მხარესაც არიან.

მისი თქმით, არაფორმალური გავლენები და შავი ფულის როლი ქართულ პოლიტიკაში გასანულებელია.

„სამწუხაროდ, ქართულ პოლიტიკაში არაფორმალური გავლენების და შავი ფულის არსებობა ძალიან დიდ ნეგატიურ გავლენას ახდენს ქართულ პოლიტიკაზე. როგორც ჩანს, არაფორმალურ მმართველებს უნდა ვებრძოლოთ და ვხედავთ არა მხოლოდ ხელისუფლების მხარეს, არამედ ოპოზიციის მხარესაც. ეს ძალიან დამაზიანებელია მთლიანად ოპოზიციური სპექტრისთვის. „ნაციონალური მოძრაობა“ როდესაც  იქცევა ისე, როგორც იქცევა, თავისი არაფორმალური გავლენებით თუ ბევრი სხვა არაგონივრული გადაწყვეტილებით, „ქართულ ოცნებას“ აძლიერებს და ძალაუფლების შენარჩუნებაში ეხმარება.

რაც შეეხება ბატონი ადეიშვილის გამოჩენას. პლუს ახალი გვარი დაემატა თუ არ დაემატა, საბოლოო ჯამში, ფაქტი ხომ ფაქტად რჩება, ოპოზიციის მხარეს არაფორმალური გავლენები და არაფორმალური მმართველობა რეალურ და დიდ გამოწვევად რჩება. არაფორმალური გავლენა მიუღებელია ყველა მხარეს, როგორც ხელისუფლების, ასევე ოპოზიციის მხარეს. არაფორმალური გავლენები და შავი ფულის როლი ქართულ პოლიტიკაში შესამცირებელი და გასანულებელია. „ნაციონალურმა მოძრაობამ“ თავი დაანებოს ისეთ მოქმედებებს, რომლითაც ხელს შეუწყობს „ქართული ოცნების“ გაძლიერებას და ძალაუფლების შენარჩუნებას“, – განაცხადა დაუშვილმა.

„ნაციონალური მოძრაობის“ ყოფილმა თავმჯდომარის ნიკა მელიას განცხადებით, “ნაციონალური მოძრაობის“ მართვის ბერკეტებს სრულად ფლობენ დავით კეზერაშვილი, ვანო მერაბიშვილი და ზურაბ ადეიშვილი”.