“ამერიკელების ცინიზმი ყოველგვარ საზღვარს სცდება, როცა ისინი საქართველოს რუსეთის მიერ საჰაერო მიმოსვლის აღდგენისათვის სანქციებით დასჯით ემუქრებიან”

109
spot_img

“ჯორჯიან თაიმსის” ბლოგი

ავტორი: დავით ზარდიაშვილი

ამერიკელების ცინიზმი ყოველგვარ საზღვარს სცილდება, როცა ისინი პატარა საქართველოს რუსეთის მიერ საჰაერო მიმოსვლის აღდგენისათვის სანქციებით დასჯით ემუქრებიან! ეს იმ დროს, როცა მაგალითად, აგერ, “ნიუსვიკის” სტატია, სადაც ჯიუტი ფაქტებია მოყვანილი, მკაფიოდ ადასტურებს: თავად აშშ რუსეთთან, რომელიც მის მიერვეა თითქოსდა ეკონომიკურად იზოლირებული, სტრატეგიული ნედლეულით ვაჭრობას ჩვეულებრივ და ყოველგვარი შეზღუდვებისგან თუ სანქციებისგან თავისუფლად აგრძელებს! აგრძელებს, რადგან ძალიანაც აწყობს! შარშან, 1 მილიარდი დოლარის ღირებულების მხოლოდ ბირთვული საწვავი შეიძინა რუსეთისაგან. და ეს ზღვაში წვეთია, რადგან სტრატეგიული რესურსებით – მათ შორის, მაგ. ფერადი ლითონებით, სასოფლო-სამეურნეო სასუქებით და სხვ. აშშ კვლავაც რუსეთისგან მარაგდება! ბოროტი ენები იმასაც ამბობენ, რომ სანქციების გვერდის ავლით აშშ-ში დიდი რაოდენობით რუსული წარმომავლობის ნედლი ნავთობიც შედის!

…თუ ფრენების აღდგენის გამო, რაც რუსეთის ცალმხრივი გადაწყვეტილებაა, მაინც ჩვენ მოგვჭრიან კუდს, ჩვენც ავდგეთ და ხეზე ცოცვის ვარიანტში – “სარკისებურად” დავასანქციროთ აშშ აგრესორ რუსეთთან ბირთვული საწვავით ვაჭრობის გამო! მით უმეტეს, ეს “კუდის მოჭრის” პროპორციული სულაც არ იქნება, რადგან – აბა, სად სტრატეგიული დანიშნულების ბირთვული საწვავით ვაჭრობა და სად კვირაში ერთი-ორი კინკილა თვითმფრინავის დაშვება თბილისის აეროპორტში, რასაც, რასაკვირველია, ნულოვანი გავლენა ექნება “მსოფლიოში ძალთა ბალანსის” ცვლილებაზე, განსხვავებით აშშ-ს ბირთვული რეაქტორების რუსული საწვავით მომარაგებისგან!

…ამგვარი ცინიზმის შემხედველს, როცა საქართველო ამ ყოვლად უსინდისო “ლომების” ხელში, ყოველთვის, იმისდა მიუხედავად ვინაა “ლომის” როლში, მაინც “კუდმოსაჭრელი კატა”უნდა იყოს, არ უნდა გაგვიკვირდეს, რომ ცნობილი გამოთქმა ახლა ასე გადაკეთდეს საქართველოში:

“აბა, სად ერეკლე და სად სტრატეგიული პარტნიორი?” თუმცა ჩვენი განბრძნობილი, უფრო სწორედ – გა(*)ლევანებული ლიბერასტები მაინც უკუღმა იტყვიან: სად სტრატეგიული პარტნიორობა და სად ერეკლეო.

https://www.facebook.com/dzardia/posts/pfbid02CvZKUTSeJ27NDmXQsez2Dy5uqvKMaR2zcJWujSc6PQLNLEVC9sjUoyt53ZPHvUPJl