გამოწვევებით სავსე მსოფლიოში, სადაც ეროვნულ ტრადიციებსა და წმინდა ადამიანურ ღირებულებებს აშკარა საფრთხე დაემუქრა, ჩვენმა დედაეკლესიამ ფარად აღმართა ქართული ოჯახის სიწმინდე და მისი მარადიული ფასეულობები, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

როგორც პაპუაშვილი აღნიშნავს, ოჯახური ტრადიციები არის ქართული ადათი, თაობათა შორის დამოკიდებულების პატივისცემა, სტუმარმასპინძლობა, მოყვასის სიყვარული და სამშობლოს ერთგულება.

„გილოცავთ ოჯახის სიწმინდის დღეს!

გამოწვევებით სავსე მსოფლიოში, სადაც ეროვნულ ტრადიციებსა და წმინდა ადამიანურ ღირებულებებს აშკარა საფრთხე დაემუქრა, ჩვენმა დედაეკლესიამ ფარად აღმართა ქართული ოჯახის სიწმინდე და მისი მარადიული ფასეულობები. ეს არის ჩვენი ცხოვრების წესი, რომელიც მამა-პაპათაგან გადმოგვეცა და ჩვენც ათასწლეულები სიამაყით ვატარებთ. ეს არის ქართული ადათი, თაობათა შორის დამოკიდებულების პატივისცემა, სტუმარმასპინძლობა, მოყვასის სიყვარული და სამშობლოს ერთგულება.

ოჯახის სიწმინდე ჩვენი სახელმწიფოს საფუძველია, ამიტომაც, ეკლესიასთან ერთად, ხელისუფლების ვალია, დაიცვას იგი, როგორც შემნახველი ქართული იდენტობის, სულიერი და მატერიალური კულტურის.

ყველას გილოცავთ დღევანდელ დღეს და გისურვებთ მშვიდობას ჩვენს გულებში, ჩვენს ოჯახებში, ჩვენს სამშობლოში“, – წერს პარლამენტის თავმჯდომარე სოციალურ ქსელში.

ევროპა ბევრად უფრო დიდია, ვიდრე რამდენიმე პოლიტიკოსი ან თუნდაც, ყველა პოლიტიკოსი ერთად აღებული. ერთი პოლ მაკარტნი, სერვანტესი ან ელ გრეკო გადაწონის მათ ყველას ერთად აღებულს, – ამის შესახებ დეკანოზმა ალექსანდრე გალდავამ გადაცემაში „იმედი LIVE”ისაუბრა.

დეკანოზმა აღნიშნა, რომ საქართველო ევროპული ცივილიზაციის ნაწილია.

„ზოგი ფიქრობს, რომ ევროპა არის ევროკავშირი და პოლიტიკური დღევანდელობა. მე ვფიქრობ, რომ ევროპა ბევრად უფრო დიდია, ვიდრე რამდენიმე პოლიტიკოსი ან თუნდაც, ყველა პოლიტიკოსი ერთად აღებული. ერთი პოლ მაკარტნი, სერვანტესი ან ელ გრეკო გადაწონის მათ ყველას ერთად აღებულს. ევროპა არის ეს. ხოლო პოლიტიკოსი მოვიდა, წავიდა, ზოგი დაიჭირეს, ზოგს ხვალ დაიჭერენ, ზოგი ღირსეულად წავა. ამიტომ ევროპაში შესვლა უნდა მოხდეს იმ ფასეულობის გათვითცნობიერებით, რომელიც მოიტანა ევროპამ. ჩვენ ევროპული ცივილიზაციის ერთ-ერთი ნაწილი ვართ, იმიტომ, რომ ბიზანტია იყო გული ევროპის ცივილიზაციის და ამ ბიზანტიის ქრისტიანული ხაზი გააგრძელა საქართველომ, ჩამოყალიბდა, როგორც ქრისტიანული სახელმწიფო და ქრისტიანულ მორალზე აიგო სახელმწიფო იდეოლოგია და ცნობიერება“, – განაცხადა ალექსანდრე გალდავამ.

მისივე შეფასებით, ევროპულ ფასეულობებს გარკვეულწილად „დღეს წყალი აქვს შეყენებული“.

„ადამიანის უფლებებად ჩამოაყალიბეს ის, რაც მიუღებელი იყო კაცობრიობის მთელი ისტორიის მანძილზე – ერთნაირსქესიანთა ურთიერთობები, როგორც ნორმა. ამ ფასეულობას შეექმნა პრობლემა, ოჯახს შეექმნა პრობლემა. ჩვენ ვიცით ლგბტ თემის დეკლარაცია, სადაც ლაპარაკია იმაზე, რომ ოჯახი უნდა დაირქვან და ბავშვი აიყვანონ“, – განაცხადა დეკანოზმა.

მან ოჯახურ ღირებულებათა და არასრულწლოვანთა დაცვის კუთხით დაგეგმილი საკონსტიტუციო ცვლილებებიც შეაფასა.

„ძალიან კარგია, რომ ეს მუდმივი შეჯახების, ლანძღვის, სიძულვილის, დაპირისპირების ბუდე აღმოიფხვრას საქართველოში, რაღაცნაირად დავლაგდეთ, გავიდეთ და ვთქვათ, რომ ოჯახი კარგია. მეორეც უნდა ვთქვათ, რომ ყველას აქვს უფლება, როგორც უნდა, ისე იცხოვროს და არავის აქვს მათი დაჩაგვრის უფლება, რადგან ყველა ადამიანის სიცოცხლე და ცხოვრება დაცული უნდა იყოს სახელმწიფოსგან. მე მომხრე ვარ, რომ არც მღვდელმა და არც ერმა არც ლანძღოს, არც აგინოს და მით უმეტეს, არც სცემოს“, – განაცხადა დეკანოზმა.

ალექსანდრე გალდავამ ასევე აღნიშნა, რომ საქართველოში არის პატარა ჯგუფი, რომელსაც აფინანსებენ გარკვეული პოლიტიკური ძალები უცხოეთიდან.

„აფინანსებენ არა იმიტომ, რომ ვიღაც ვერ იტანს მართლმადიდებლობას და ანტიქრისტეს ტახტის დადგმა უნდა და ასე შემდეგ. საღი თვალით რომ შევხედოთ, დავინახავთ, რომ არ უნდათ, პოლიტიკაში, ქვეყანაში იყოს გაუკონტროლებელი ძალა, ანუ რაღაც ძალა, რომელიც სხვა აზრზეა და პოლიტიკურ გავლენებს ახდენს ძალიან დიდს. ამას აფინანსებენ და ამას ეძახიან სამოქალაქო ცნობიერების ამაღლებას“, – აღნიშნა ალექსანდრე გალდავამ.

ვერძი

მთელ დღეს ყურადღების ცენტრში ყოფნას ცდილობთ, მაგრამ არაფერი გამოგდით. ვარსკვლავები გირჩევენ, მითითებებს მიჰყვეთ და უადგილო კითხვები არ დასვათ. მომავალ კვირას სამაგიეროს გადახდას შეძლებთ, მანამდე კი ჩრდილში დარჩენა მოგიწევთ. ენდეთ საკუთარ ინტუიციას და სხვების კარნახით ნუ იმოქმედებთ.

კურო

გირჩევთ, ეს დღე საყვარელ ადამიანთან ურთიერთობას დაუთმოთ. თუ გრძნობთ, რომ ერთმანეთი ძველებურად აღარ გიზიდავთ, ჩამქრალი გრძნობის გაღვივება უნდა სცადოთ. სამსახურში პირიქით, ვნებებს და კონფლიქტებს უნდა ერიდოთ, რადგან შედეგებს თქვენ დაგაბრალებენ.

ტყუპები

წარმატებული დღეა, უბრალოდ, ფინანსებთან მეტი სიფრთხილე უნდა გამოიჩინოთ. ვარსკვლავები გირჩევენ საყიდლებზე წასვლამდე ვალები და გადასახადები გადაიხადოთ, რათა ხელფასამდე ცარიელი ჯიბით არ დარჩეთ. პარტნიორულ ურთიერთობებში მოერიდეთ წვრილმანებში ჩაძიებას, ზედმეტ პირდაპირობას და ურთიერთობების გარჩევას.

კირჩხიბი

დროა, საკუთარ ჯანმრთელობაზე იზრუნოთ და აქ ფიზიკურზე მეტად ფსიქოლოგიური ჯანმრთელობა იგულისხმება. ახლა თქვენ ყველაზე მეტად სრულფასოვანი დასვენება გჭირდებათ. რა თქმა უნდა, ყველაფერს შვებულებაში გასვლა ჯობს, მაგრამ თუ ეს შეუძლებელია, ეცადეთ დასვენებისთვის ერთი დღე მაინც გამონახოთ.

ლომი

ლომისთვის პოზიტიური დღეა, თუნდაც მის გარშემო ქაოსი და კონფლიქტი იყოს. ამ დღეს განწყობას ვერავინ და ვერაფერი გაგიფუჭებთ. სამსახურში უამრავი საქმის გაკეთებას შეძლებთ, საღამოს კი საყვარელი ადამიანების გარემოცვაში შესანიშნავ დროს გაატარებთ. გამორიცხული არ არის, რომ მნიშვნელოვანი ინფორმაცია მიიღოთ, რომელიც ჩანაფიქრის განხორციელებაში დაგეხმარებათ.

ქალწული

ვარსკვლავები გირჩევენ, რომ ყველაა საქმეში და ცხოვრების ყველა სფეროში პრინციპულად იმოქმედოთ. დროა, პირად ურთიერთობებში ინიციატივა საკუთარ ხელში აიღოთ, სამსახურში კი ხმამაღლა განაცხადოთ, რომ ხელფასის გაზრდას და სამუშაო პირობების გაუმჯობესებას იმსახურებთ. თამამად დაიცავით საკუთარი უფლებები. ბედი თქვენს მხარესაა!

სასწორი

უკვე ზაფხულის გეგმებს აწყობთ. შესაძლოა, ეს გეგმები თქვენს საახლობლო წრეში ყველას არ მოსწონს, მაგრამ ამას ყურადღება არ უნდა მიაქციოთ. მოიქეცით ისე, როგორც ამას გული და გონება გიკარნახებთ. აუცილებელი არ არის სხვისი აზრი გაითვალისწინოთ, თუნდაც ის ახლო ნათესავი იყოს. მოერიდეთ ცხელ გულზე გადაწყვეტილების მიღებას, იყავით მეტად დიპლომატიური და ღიმილიანი.

მორიელი

ამ დღეს ყველაზე მეტად ნაჩქარევად და დაუფიქრებლად მიღებულ გადაწყვეტილებებს უნდა მოერიდოთ. ეცადეთ ემოციები აკონტროლოთ. განსაკუთრებით სახიფათოა უფროსის წინაშე ხასიათის დემონსტრირება, რადგან შესაძლოა არა მხოლოდ ბონუსის, არამედ სამსახურის გარეშეც დარჩეთ.

მშვილდოსანი

რატომღაც ფიქრობთ, რომ თქვენს ცხოვრებაში უიღბლობის პერიოდი დადგა. ეცადეთ, ასეთი აზრები კოსმოსში არ გააგზავნოთ და საქმე არ გაირთულოთ. თქვენს ცხოვრებაში ყველაფერი ისეთი ტრაგიკულად არ არის, როგორც ფიქრობთ. ეძებეთ სიხარული წვრილმანებში, ურთიერთობაში, ბუნებაში. თუ მუდმივად იწუწუნებთ, უიღბლობის პერიოდი ნამდვილად დადგება.

თხის რქა

ამ კვირამ ძალიან დაგღალათ, ამიტომ გირჩევთ, პარასკევი დასვენებას დაუთმოთ. აკეთე ის, რაც ნამდვილ სიხარულს განიჭებთ. ახალი კვირისთვის სათანადო დასვენება და ძალების მოკრება გჭირდებათ. გსურთ ყველას ასიამოვნოთ და საჩუქრებით აავსოთ, რის გამოც გაუთვალისწინებელი ხარჯი მოიმატებს.

მერწყული

ნუ გადადებთ იმას, რასაც დიდი ხანია გეგმავთ. ეს პარასკევი ძალიან იღბლიანი იქნება, ამიტომ ეცადეთ, მისგან ყველაფერი მაქსიმალურად მიიღოთ. იდეალური დღეა ურთიერთობების გაუმჯობესებისთვის, რომლებიც ახლა მხოლოდ ნაღველს იწვევს. იზრუნეთ ჯანმრთელობაზე, დროა, გამაჯანსაღებელი დიეტა და ფიზიკური აქტივობა დაიწყოთ.

თევზები

ამ ნიშნის წარმომადგენლებს რომანტიკული პარასკევი ელით. ოჯახსა და სამსახურში გულწრფელი ურთიერთობები გაგახარებთ. შესაძლოა, შეხვდეთ ადამიანს, რომელიც თქვენი შთაგონების წყარო გახდება.