27-28 სექტემბერს, საფრანგეთში, ქალაქ კანში, კანის კორპორაციული მედიისა და ტელევიზიის ფესტივალი გაიმართა, რომელიც 2010 წელს დაფუძნდა და მას შემდეგ ყოველწლიურად იმართება.
ფესტივალზე კორპორაციული ფილმები, ონლაინ მედია პროდუქცია, დოკუმენტური ფილმები, კლიპები და სარეკლამო ვიდეორგოლები სხვადასხვა ქვეყნიდან იყო წარმოდგენილი.
ფესტივალზე საუკეთესო პროექტები „ოქროსა” და „ვერცხლის” დელფინებით დაჯილდოვდნენ. ჟიურის შემადგენლობაში იყვნენ ოსკარისა და ემის ჯილდოს მფლობელები, ასევე კორპორატიული კომუნიკაციების სპეციალისტები და ცნობილი მედია წარმომადგენლები.
როგორც “ჯორჯიან თაიმსს” აცნობეს, წელს ერთერთი ჟიურის წევრი, საქართველოს წარმომადგენელი, რეჟისორი და პროდიუსერი ირინა ხანგოშვილი გახლდათ, რომელიც, მრავალი საერთაშორისო ტურისტული ფილმების ფესტივალების გამარჯვებულია და ასევე, სხვადასხვა დროს, ჟიურის წევრიც იყო.
აღსანიშნავია, რომ კანის წლევანდელ ფესტივალზე ტურისტულ მიმართულებებს შორის საუკეთესო ვიდეოკოლაჟად ტურიზმის ეროვნული ადმინისტრაციისა და კომპანია Bloomberg-ის „Glimpses of Georgia“ დასახელდა.
