რას ნიშნავს „ვაგნერის“ შეიარაღებული გამოსვლა ვლადიმერ პუტინის რეჟიმისათვის

75
spot_img

ბრიტანული ყოველკვირეული ჟურნალის „ნიუ სთეითსმენ“-ის (New Statesman) ვებ-გვერდზე გამოქვენებულია სტატია სათაურით „ამბოხება რუსეთში: რას ნიშნავს „ვაგნერის“ შეიარაღებული გამოსვლა ვლადიმერ პუტინის რეჟიმისათვის“ (ავტორი – ქეით სტალარდი).

გთავაზობთ ამონარიდს:

ვლადიმერ პუტინმა რუსეთის ისტორია იცის. პრეზიდენტმა იცის, რომ 1917 წლის ოქტომბრის რევოლუცია, რომლის შედეგად რუსეთის ხელისუფლებაში ბოლშევიკები (კომუნისტები) მოვიდნენ, არმიაში მომხდარი ბუნტით დაიწყო – სწორედ იმ დროს, როცა ქვეყანა პირველ მსოფლიო ომში იყო ჩაბმული და საომარ მდგომარეობაში იმყოფებოდა. რუსეთის მოსახლეობისადმი ტელემიმართვისას პრეზიდენტმა ვლადიმერ პუტინმა ევგენი პრიგოჟინის კერძო სამხედრო დაჯგუფების „ვაგნერის“ მოქმედება სამხედრო ამბოხების მცდელობად შეაფასა (რუსეთი ახლაც საომარ მდგომარეობაშია – უკრაინასთან ომშია ჩაბმული) და მას „ქვეყნისა და ხალხის ზურგში დანის ჩაცემა“ უწოდა. პრეზიდენტის განცხადებით, ის, ვინც ღალატის გზაზე დადგა, სწრაფად იქნება დასჯილი… მაგრამ იმ დროს, სანამ ვლადიმერ პუტინი ამას ამბობდა, პრიგოჟინის სამხედრო ქვედანაყოფები მოსკოვს სწრაფად უახლოვდებოდნენ. დღის წესრიგში დადგა მთავრობის ძალების (არმიის, როსგვარდიის, სპეცსამსახურების და ა.შ.) ერთგულების საკითხი: გამოავლენდნენ თუ არა ეს სტრუქტურები ხელისუფლების მიმართ ლოიალურ დამოკიდებულებას?

თუმცა ამ საკითხმა გადამწყვეტ ფაქტორად გადაქცევა ვერ მოასწრო. ამბოხება სწრაფად დაიწყო და სწრაფადვე დასრულდა. პრეზიდენტ ალექსანდრე ლუკაშენკოს თავდებობით ევგენი პრიგოჟინმა თავშესაფარი ბელარუსში მიიღო, „ვაგნერელებს“ კი ამბოხში მონაწილეობის ბრალდებები მოუხსნეს და ისინი რუსეთის არმიის შემადგენლობაში იქნებიან (ფაქტობრივად, კერძო სამხედრო კომპანია გაუქმდა).

მოვლენების ასეთმა დასრულებამ უფრო მეტი კითხვები დაბადა, ვიდრე პასუხები გასცა. რა ბედი ელოდება სინამდვილეში ევგენი პრიგოჟინს? მართლაც აპატიებს თუ არა მას ვლადიმერ პუტინი „ქვეყნის ღალატს“? სანქტ-პეტერბურგში მუშაობის დროს, იგი, ახალგაზრდა ჩინოვნიკი, მოწმე გახდა იმისა, თუ როგორ მოაწყვეს საბჭოთა ძალოვანი სტრუქტურების ხელმძღვანელებმა შეთქმულება მაშინდელი ლიდერის მიხეილ გორბაჩოვის დამხობის მიზნით. ვლადიმერ პუტინს ისიც ემახსოვრებოდა, რომ სახელმწიფო გადატრიალების მცდელობის ჩაშლის მიუხედავად, მიხეილ გორბაჩოვი პუჩტის შემდეგ რეპუტაციაშელახულ პიროვნებად დარჩა, მისი პოლიტიკური კარიერა ფაქტობრივად დასრულდა. მალე საბჭოთა კავშირიც დაიშალა. ივნისი ერთი დღე-ღამის განმავლობაში ვლადიმერ პუტინის ავტორიტეტს პირდაპირი დარტყმა მიაყენეს. თუ პრეზიდენტი შესაბამის გრძელვადიან დასკვნებს არ გააკეთებს, მაშინ გამოდის, რომ იგი თვითმარქვია ძალოსანია და აშკარად სუსტად გამოიყურება.

წყარო