რა სახის ანგარიშვალდებულება აქვთ აშშ-ში არასამთავრობო ორგანიზაციებს – თემურ ბასილიას განმარტება

168
spot_img

იმასთან დაკავშირებით, თუ რა სახის ანგარიშვალდებულება აქვთ აშშ-ში არასამთავრობო ორგანიზაციებს, ფინანსისტი და პრეზიდენტის ყოფილი მრჩეველი, თემურ ბასილია, სოციალურ ქსელში პოსტს აქვეყნებს, რომელსაც, “ჯორჯიან თაიმსი” უცვლელად გთავაზობთ:

“აშშ-ში მოქმედებს პრინციპი – ყველა აქციონერული საზოგადოება ანგარიშვალდებულია თავისი აქციონერების წინაშე, ხოლო, ყველა არასამთავრობო (არამომგებიანი, არაკომერციულო) ორგანიზაცია კი ანგარიშვალდებულია საზოგადოების წინაშე. ამიტომაც, ყველა არასამთავრობო ორგანიზაცია ვალდებულია არა მხოლოდ საგადასახადო სამსახურს მიაწოდოს ფორმა 990, არამედ, საკუთარ ვებ გვერდზე განათავსოს და საჯარო გახადოს საზოგადოების ყველა წევრისთვის იგი. ეს არის საკმაოდ ვრცელი, 12 გვერდიანი ფორმა, რომელშიც ამერიკულმა არასამთავრობო ორგანიზაციებმა დეტალურად უნდა აღწერონ ვისგან მიიღეს დაფინანსება, რა ოდენობით და რა მიზნით, რაში დახარჯეს მიღებული თანხები, რა პროექტები განახორციელეს, ვინ არიან ამ ორგანიზაციების ხელმძღვანელები და თანამშრომლები თავიანთი ხელფასების მითითებით.

არასამთავრობო ორგანიზაციები, რომლებიც ჩაერთვებიან კომერციულ ან პოლიტიკურ საქმიანობაში, ავტომატურად კარგავენ თავიანთ სტატუსს. აქვთ საქართველოში მოქმედ არასამთავრობო ორგანიზაციებს მსგავსი ვალდებულებები?