“ქუთაისი-ბარსელონას რეისზე არსებულ ბორტზე, ასაფეთქებელი მოწყობილობის არსებობა არ დასტურდება”

160
spot_img

ქუთაისი-ბარსელონას რეისზე არსებულ ბორტზე, ამ დროისთვის ასაფეთქებელი მოწყობილობის არსებობა არ დასტურდება.

ამის შესახებ აეროპორტის გაერთიანების ხელმძღვანელი აცხადებს.

ირაკლი ქარქაშაძის თქმით, თვითმფრინავში საგამოძიებო მოქმედებები გრძელდება, რაც შეეხება ბარსელონას მიმართულებით ფრენას, ის 19:00-ზე საათზე შესრულდება. მგზავრები უკვე იმყოფებიან ასაფრენ დარბაზში. ჩაინიშნა ფრენები ყველა გადადებულ რეისზე და ისინი ეტაპობრივად განხორციელდება.

„ასაფეთქებელი ნივთიერების არსებობა საჰაერო ხომალდზე, ამ დროის მონაცემებით, არ დასტურდება. მგზავრების შემოწმება სრულად დავამთავრეთ და ისინი განთავსებული არიან გაფრენის დარბაზში, აღნიშნული რეისი შესრულდება დღეს 19:00 საათზე. ქუთაისის საერთაშორისო აეროპორტი სრულად დაუბრუნდა ოპერირების ჩვეულ რიტმს და ჩვენ განვაგრძობთ საჰაერო ხომალდების მიღებას და არცერთ სხვა რეისს არ ქონია შეფერხება და დაგვიანება, რაც შეეხება ამ კონკრეტულ საჰაერო ხომალდს, როგორც ჩვენი კომპეტენცია აქ არ არის და შესაბამისი სამსახურები ასრულებენ პროცედურებს და დარწმუნებული ვარ, ისინი თავად გააკეთებენ განცხადებას, თუმცა ჩვენს ხელთ არსებული ინფორმაციით მოცემული მომენტისთვის მიღებული ინფორმაცია არანაირად არ დასტურდება”, – განაცხადა ირაკლი ქარქაშაძემ.