“ქართველი ხალხის ფულს არ ხარჯავენ, ისე მავნებლობენ და ფულს სხვისას ხარჯავენ ამ მავნებლობაში” – ხვიჩია „ენჯეო“ სექტორის რეიტინგზე

29
spot_img

ჩემი აზრით, მთავარია მათი არაადეკვატურობა, ზოგადად აქედან გამომდინარეობს ყველა მათი პრობლემა, – ამის შესახებ „გირჩის“ ერთ-ერთმა ლიდერმა იაგო ხვიჩიამ „ენჯეო“ სექტორის რეიტინგზე საუბრისას განაცხადა.

მისი თქმით, ენჯეოებს არსებული რეიტინგიც იმიტომ აქვთ, რომ ქართველი ხალხის ფულს არ ხარჯავენ და მარტო ისე მავნებლობენ ქართველ ხალხთან.

„ხალხი ბეწვზეა გადარჩენილი, რომ ქართველი გადამხდელის ფულით არ ფინანსდება და სხვები აფინანსებენ, თორემ ისე ხალხს რატომ უნდა უყვარდეს? ის რეიტინგიც იმიტომ აქვს, რომ ქართველი ხალხის ფულს არ ხარჯავენ მაინც, მარტო ისე მავნებლობენ ქართველ ხალხთან, ფულს სხვისას ხარჯავენ ამ მავნებლობაში, თორემ ისე რეიტინგი კი არა, ჩემი აზრით, სიარული გაუჭირდებოდათ. ჩემი აზრით, მთავარი მათი არაადეკვატურობა, ზოგადად აქედან გამომდინარეობს ყველა მათი პრობლემა“, – აღნიშნა იაგო ხვიჩიამ.

საერთაშორისო ორგანიზაცია „დემოკრატიის მრავალფეროვნება“ რეიტინგის დრამატული ვარდნის შესახებ იუწყება. ერთ წელში 50 პუნქტით გაუარესებული მონაცემები ასახავს არასამთავრობოთა მიმართ ხალხის ნდობას და იმას, თუ რამდენად პასუხობს საზოგადოების ინტერესებს სამოქალაქო საზოგადოება.