როგორ ხედავს „ქართული ოცნება“ მის წინააღმდეგ მიმართულ ოპოზიციის ქმედებებს, – ამ საკითხზე საპარლამენტო უმრავლესობის წევრმა ირაკლი ქადაგიშვილმა „დღის ქრონიკაში“ ისაუბრა.

ქადაგიშვილმა ახალი გაერთიანების ჩამოყალიბებაც შეაფასა და აღნიშნა, რომ თუ ოპოზიციის საზეიმო განწყობას არ მივაქცევთ ყურადღებას, ახალი ფაქტობრივად არაფერი ხდება.

„თუ საზეიმო განცხადებებს ყურადღებას არ მივაქცევთ და უბრალოდ მშრალად შინაარსს შევხედავთ, მარტივია, არაფერი სიახლე არ ხდება. არის ერთიანი დიდი „ნაციონალური მოძრაობა“, რომელიც შინაარსობრივად ერთიანია, მაგრამ შიდა შეუთავსებლობის გამო, ანუ ადამიანური ფაქტორების გამო, რამდენიმე ნაწილადაა დაშლილი.

ეს არის ორთოდოქსი „ნაციონალური მოძრაობა“, „გირჩი“ ჯაფარიძე აგრეთვე „ნაციონალური მოძრაობაა“, მელია– გვარამია აგრეთვე „ნაციონალური მოძრაობაა“ და ხოშტარია ასევე „ნაციონალური მოძრაობაა“. ისინი ისედაც იყვნენ ერთმანეთთან სხვადასხვა ფორმით დაჯგუფებულები, ახალა საარჩევნო საზეიმო განწყობით გამოგვიცხადეს. არაფერი რაიმე სიახლე აქ არც პოლიტიკური კონფიგურაციის სახით და არც ელექტორალური ახალი მიგნებების სახით არ გვაქვს.

ეს ის „ნაციონალური მოძრაობაა“, რომელიც დანაწევრებული იყო, და ახლა ეს დანაწევრებული ნაწილები აცხადებენ, რომ ჩვენ ახალა რაღაც ახალს ვქმნით, რაღაც გაერთიანებას ვქმნით, რაღაც გრანდიოზულს ვაკეთებთ, მაგრამ ეს ყველაფერი უბრალოდ სიტყვების თამაშია. შინაარსობრივად პერსონების დონეზე კი არის ერთი და იგივე ადამიანების თავშეყრის ადგილი“, – განაცხადა ირაკლი ქადაგიშვილმა.

კითხვაზე, გაერთიანდება თუ არა საქართველოს პრეზიდენტი, სალომე ზურაბიშვილი ამ პარტიებთან, ქადაგიშვილი უპასუხებს, რომ ზურაბიშვილისგან მათთან გაერთიანების რაიმე ნაბიჯები არ ჩანს.

„თვითონ სალომე ზურაბიშვილი როგორც ჩანს არ აპირებს არანაირ საარჩევნო სიაში ყოფნას. მისი დავალება არის რომ საპრეზიდენტო პოზიციიდან გარკვეული საბოტაჟი გასწიოს ყველაფერზე რაზეც კი შესაძლებელი იქნება. ის როგორც კი არ იქნება პრეზიდენტის პოზიციაზე მისი პოლიტიკური ფასი საერთოდ ნულდება. ამ შემთხვევაში მის ვეტოს და გადაწყვეტილებებს რაღაც დამაზიანებელი ძალა გააჩნია, მაგრამ როცა არ იქნება პრეზიდენტი არანაირი ძალა და პოლიტიკური ღირებულება აღარ ექნება“, – აღნიშნა უმრავლესობის წევრმა.

ქადაგიშვილი პაველ ჰერჩინსკის განცხადებებსაც გამოეხმაურა და თქვა, რომ მსგავსი განცხადებები საქართველოსა და ევროკავშირის ურთიერთობებს აზიანებს.

„საბოლოოდ რაიმე ახალი და განსაკუთრებული, ის რაც აქამდე არ გვინახავს არ იქნება. ელექტორალური ველიც დაახლოებით ისეთივე იქნება. ასეთი ტიპის განცხადებები, რა განცხადებებითაც დღეს ბატონი ჰერჩინსკი გამოვიდა, ან შეიძლება ხვალ კიდევ რაღაცა ამდაგვარი განაცხადონ, მიმართულია იქითკენ, რომ აი ამ ძველ „ნაციონალურ მოძრაობას“ რამენაირად სიცოცხლისუნარიანობა მისცენ, შთაბერონ და სპეკულირებენ. ამ მიზნების მისაღწევად საქართველო–ევროკავშირის ურთიერთობებს აზიანებენ“, – თქვა ირაკლი ქადაგიშვილმა.

საქართველოსა და ევროკავშირის თანამშრომლობა დაფუძნებულია ასოცირების შეთანხმებაზე, აღებული გვაქვს ვალდებულებები, რასაც თანმიმდევრულად, ლოგიკურად ვასრულებთ, შესაბამისად, ევროკავშირის მიერ სამხედრო დახმარების გაყინვასთან დაკავშირებით მიღებული გადაწყვეტილება გაუგებარია, – ამის შესახებ საქართველოს საგარეო საქმეთა მინისტრმა ილია დარჩიაშვილმა ვაშინგტონში, ჟურნალისტებთან საუბარში განაცხადა.

მინისტრის თქმით, უსაფრთხოების თვალსაზრისით არსებული გამოწვევები, მათ შორის ოკუპაცია, არსად არ წასულა. მისივე განცხადებით, საქართველოს კიდევ უფრო მეტად სჭირდება თავდაცვისუნარიანობის გაძლიერება იმისთვის, რომ უფრო მეტად შეძლოს საფრთხეებთან გამკლავება.

“ზოგადად, მსგავსი ტიპის ფინანსური დახმარებები ემსახურებოდა და ემსახურება ჩვენი ქვეყნის თავდაცვისუნარიანობის გაძლიერებას და იმ შესაძლებლობების განვითარებას, რომლითაც ქვეყანამ უნდა შეძლოს საფრთხეების თავიდან აცილება. ჩვენთვის გაუგებარია მსგავსი ტიპის მიკრო გადაწყვეტილებები, რადგან ის გამოწვევები უსაფრთხოების თვალსაზრისით, მათ შორის ოკუპაცია, არსად არ წასულა. საქართველოს კიდევ უფრო მეტად სჭირდება თავდაცვისუნარიანობის გაძლიერება იმისთვის, რომ ჩვენ უფრო მეტად შევძლოთ საფრთხეებთან გამკლავება. შესაბამისად, ჩვენ იმედი გვაქვს, რომ მსგავსი ტიპის გადაწყვეტილებები ძალიან მალე დაუბრუნდება თავის ძველ ნიშნულს და ჩვენ გავაგრძელებთ ევროკავშირთან ამ მიმართულებით თანამშრომლობას და ვფიქრობ, რომ ზოგადადაც, საქართველოსა და ევროკავშირის თანამშრომლობა დაფუძნებულია ასოცირების შეთანხმებაზე. ჩვენ ყველას გვაქვს აღებული ჩვენი ვალდებულებები, ჩვენ თანმიმდევრულად, ლოგიკურად ვასრულებთ ამ ვალდებულებებს,” – განაცხადა საგარეო საქმეთა მინისტრმა.

როგორც ილია დარჩიაშვილმა აღნიშნა, საქართველოს არც ერთი პროცესი არ შეუჩერებია, თანმიმდევრულად აგრძელებს რეფორმების დღის წესრიგს, ასრულებს ევროკავშირის წინაშე აღებულ ვალდებულებებს, რომელიც აუცილებლად მიგვიყვანს ჩვენს მთავარ მიზნამდე და ეს არის ევროკავშირის სრულფასოვანი წევრობა.

“მე არ ვიხმარდი ისეთ, ძალიან მკაცრ შეფასებას, რომელიც ევროკავშირის ელჩმა განაცხადა. ვფიქრობ, რომ ეს არის მიკრო დონეზე მიღებული გადაწყვეტილებები, რომელიც ვერანაირად ვერ შეაფერხებს საქართველოს სწრაფვას ევროპული ინტეგრაციის მიმართულებით. მე ვფიქრობ, რომ დღეს თუ ამ მიმართულებით არის გამოწვევები მოლაპარაკებების გახსნასთან დაკავშირებით, მე იგივე შემიძლია გავიხსენო, გვქონდა ჩვენ კანდიდატის სტატუსის მიღებასთან დაკავშირებით სირთულეები, თუმცა ჩვენ გავაკეთეთ ყველაფერი იმისთვის, რომ სტატუსი მიეღო ქვეყანას და მსგავსი ტიპის ოპტიმიზმი მაქვს იმასთან დაკავშირებითაც, რომ ძალიან მალე ჩვენ გავხსნით მოლაპარაკებებსაც, რომელიც არის ძალიან გრძელი, რთული პროცესი, თუმცა, ჩვენ მზაობა გვაქვს იმისთვის, რომ საქართველო შეუქცევადად ვატაროთ ევროპული ინტეგრაციის გზაზე,” – განაცხადა ილია დარჩიაშვილმა.

მსგავსი ტიპის ფინანსური დახმარებები ემსახურება ჩვენი ქვეყნის თავდაცვისუნარიანობის გაძლიერებას. ჩვენთვის გაუგებარია მსგავსი ტიპის მიკრო გადაწყვეტილებები, რადგან ის გამოწვევები უსაფრთხოების თვალსაზრისით, მათ შორის ოკუპაცია არსად წასულა, – ასე გამოეხმაურა საგარეო საქმეთა მინისტრი ილია დარჩიაშვილი ევროკავშირის ელჩის განცხადებას თავდაცვის ძალებისთვის 30-მილიონიანი გრანტის გაყინვის თაობაზე.

მისი თქმით, ასეთი გადაწყვეტილებები საბოლოო ჯამში ევროპული ინტეგრაციის მიმართულებით საქართველოს სწრაფვას ვერ შეაფერხებს.

„საქართველოს კიდევ უფრო მეტად სჭირდება თავდაცვისუნარიანობის გაძლიერება, რათა საფრთხეებთან გამკლავება უფრო მეტად შევძლოთ. შესაბამისად, ჩვენ ვიმედოვნებთ, რომ ასეთი გადაწყვეტილებები კვლავ დაუბრუნდება ძველ ნიშნულს. ჩვენ გავაგრძელებთ ევროკავშირთან ამ მიმართულებით თანამშრომლობას და ვფიქრობ, რომ ზოგადადაც საქართველოს და ევროკავშირის თანამშრომლობა დაფუძნებულია ასოცირების შეთანხმებაზე. ჩვენ ყველას გვაქვს აღებული ჩვენი ვალდებულებები და თანმიმდევრულად ვასრულებთ ამ ვალდებულებებს და მე არ მივცემდი ისეთ ძალიან მკაცრ შეფასებას, რომელიც ევროკავშირის ელჩმა განაცხადა. ვფიქრობ, რომ ეს არის მიკროდონეზე მიღებული გადაწყვეტილებები, რომელიც ვერ შეაფერხებს საქართველოს სწრაფვას ევროპული ინტეგრაციის მიმართულებით“, – აღნიშნა დარჩიაშვილმა.

საქართველოს თავდაცვის ძალები ევროკავშირმა გამოყოფილი გრანტის გარეშე  დატოვა. საუბარია 30 მილიონ ევროზე, რომელიც ახლა სამოქალაქო სექტორს და მედიას მოხმარდება.

როდესაც 2014 წელს ევროკავშირი ვერ პოულობდა ცენტრალური აფრიკის რესპუბლიკაში სამხედრო მისიისთვის მონაწილეობის მსურველებს, „ქართული ოცნების“ ხელისუფლებამ, ევროკავშირის ეს მისია ჩაშლას გადაარჩინა, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

მისი განცხადებით, საქართველო ამ ურთულეს ოპერაციაში, ევროკავშირის არაწევრი ერთადერთი ქვეყანა იყო, სამხედრო კონტინგენტით კი მეორე ქვეყანა საფრანგეთის შემდეგ.

,,უნდა გვახსოვდეს, რომ როდესაც 2014 წელს ევროკავშირი თავის წევრ ქვეყნებში ვერ პოულობდა ცენტრალური აფრიკის რესპუბლიკაში სამხედრო მისიისთვის (EUFOR RCA) მონაწილეობის მსურველებს, საქართველომ (“ქართული ოცნების” ხელისუფლების გადაწყვეტილებით) 150 ჯარისკაცის გაგზავნით, ევროკავშირის ეს მისია, ჩაშლას გადაარჩინა. ჩვენ, ამ ურთულეს ოპერაციაში, ევროკავშირის არაწევრი ერთადერთი ქვეყანა ვიყავით, სამხედრო კონტინგენტით კი მეორე ქვეყანა საფრანგეთის შემდეგ,” – წერს შალვა პაპუაშვილი.