“ყველაფერზე იბოდიალა, „ქოლ-ცენტრებისა” და ომის დროს, მისი ძმის სახელით, უზარმაზარი ფართის ქირავნობის გარდა”- ამირან სალუქვაძე

10:36 - 08/05/2023

სამხედრო ექსპერტი ამირან სალუქვაძე უკრაინის უმაღლეს რადაში ფრაქცია „ხალხის მსახურის“ ხელმძღვანელის, დავით არახამიას ტელეკომპანია „მთავარ არხთან” მიცემულ ინტერვიუს ეხმიანება.

როგორც სალუქვაძე წერს, არახამიამ ყველაფერზე ისაუბრა იმ მნიშვნელოვანი თემების გარდა, რაც ე.წ ქოლცენტრების საქმეს და მისი ძმის სახელით, აღმაშენებელზე ფართის ქირავნობას ეხება.

„გუშინ არახამიამ ყველაფერზე იბოდიალა, „ქოლ-ცენტრებისა” და ომის დროს, მისი ძმის სახელით, აღმაშენებელზე 4 ათას ლარად(?) უზარმაზარი ფართის ქირავნობის გარდა.

ახლა ჭკუას გვარიგებს დღეს საქართველოს ომი არ აწყობსო. შარშან მარტიდან მოყოლებული იქაური გონჩარენკოები და აქაური ლომჯარიები ვენებს იჭრიდნენ, ცეცხლის წვიმა გვირჩევნიაო, გინდათ თუ არა ოფიციალურად სამხედრო დახმარება გაგვიწიეთო და ა.შ. ვინ იყო ამ ყველაფრის დირიჟორი? ვინ იყო მთავრობების დონეზე ურთიერთობების გაფუჭების ინიციატორი?

დღემდე კოლექტიური ხოშტარიები შავ ხვრელებს ეძებენ. არ იციან, რომ (ყველაფერს ვერ დავწერ) ჩვენი საზღვარი 100%-ით გამჭვირვალეა ჩვენი პარტნიორებისთვის?

საკმარისია. არ ღირს უფრო ვრცლად. ათასჯერაა გადაღეჭილი. არახამია არაა უკრაინა, მით უმეტეს არაა საქართველო. არავის სჭირდება მისი დამოძღვრა. დედამიწაზე 8 მლრდ ადამიანი ცხოვრობს. ეს ერთ-ერთია.”- წერს ამირან სალუქვაძე სოციალურ ქსელში

“ყველაზე მძიმე დღეა, სადაც კი დედით წყეული ვაგნერელი იყო, ყველა შესეული ჰყავთ ბახმუტის დარჩენილ ნაწილზე”

10:30 - 08/05/2023

ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:

“დღეს 8 მაისია! ცივილიზებული სამყარო ფაშიზმე გამარჯვებას ზეიმობს! ფაშიზმის თანამედროვე ვერსია რაშიზმზე გამარჯვება გვეზეიმოს მალე ყველას ერთად!

გუშინდელი ღამე დაძაბული, მაგრამ წარმატებული გამოდგა ჩვენების ჰაერსაწინააღმდეგო თავდაცვის მეომრებისთვის! 35-დან 35 შაჰედი დრონი ჩამოაგდეს ჩვენებმა! აეგრე! მარტო კიევში 30 შაჰედი ჩამოაგდეს! ოდსაში შაჰედები ჩამოაგდეს, მაგრამ რაკეტა ხ-22 ით ცეცხლი გაუჩნდა კვების მრეწველობის საწარმოს! ჩავაქრეთ! მსხვერპლი არ არის!

“რუსებს ვკლავდით და კიდევ მოვკლავთ ყველგან, უკრაინის საბოლოო გამარჯვებამდე”- გენერალ კირილო ბუდანოვის პასუხი ურდოსტანში მის წინააღმდეგ ტერორიზმის ბრალის წაყენებაზე! აბბბა რააა! ყველა გონიერი მიხვდება რასაც გულისხმობს სამხედრო დაზვერვის გენერალი!

იმავე ინტერვიუში ბუდანოვი მტკიცებით ამბობს, რომ რუსეთს სერიოზული შეტევის ორგანიზების თავი აღარ აქვს! საერთაშორისო ომის შემსწავლელი ინსტიტუტის ექსპერტები კი აცხადებენ, რომ თავდაცვით მოქმედებებშიც სერიოზული ხარვეზები აქვს ურდოს!

კლოუნადა გუშინ ცოტა ხნით მორჩა! კუხარკა პრიგოჟინმა, აღარ გავდივართ, დაგვპირდნენ, რომ რამდენიც საჭიროა, იმდენი ჭურვი და იარაღი გვექნებაო! თან ატომური ფიზიკის აკადემიკოსმა დონდონ რამზანკა დიროვმა. ლუი ვიტონის კამუფლირებულ ლუქში კუხარკასთან “გაგებით” პირისპირ ბაასზე ჩასწერა მორიგი ვიდეო! მოკლედ, ეგ მასხრობები იქით იყოს, დღეს ყველაზე მძიმე დღეა! სადაც კი დედით წყეული ვაგნერელი იყო, ყველა შესეული ჰყავთ ბახმუტის დარჩენილ ნაწილზე, ხოლო არტილერია და ავიაცია მუშაობს 24 საათიან რეჟიმში, რომ ბახმუტის დასავლეთში დარჩენილი 10-15% როგორმე ხვალისთვის დაიპყრონ და გახრწნილ ბოტოქსა პუტლერს ხასიათი აუმაღლონ საცხრამაისოდ! ჩვენი ძალიან მაგარი გენერალი სირსკი ისევ ჩავიდა ადგილზე ბახმუტში და ახალი ბრძანებები გასცა! ცოცხალი ძალის და ტყვია წამლის მიწოდების გზები ჯერ კიდევ არსებობს და მოქმედებს!

ავდეევკის ალყაში მოქცევასაც მაგრამ ჩალიჩობენ და მარინკასაც უტევენ, მაგრამ ბიშტი მაგათ!
უკრაინა გაიმარჯვებს 2023-ში!”- წერს ალექსი პეტრიაშვილი.

უკრაინელებმა რუსების მიერ კიევის წინააღმდეგ გაშვებული 35-ვე დრონი გაანადგურეს – ომის 439-ე დღე

10:23 - 08/05/2023

ომის 439-ე დღეს, უკრაინა დონბასში ოკუპანტთა იერიშებს კვლავაც იგერიებს. ყველაზე ცხელ წერტილად, კვლავ ბახმუტი რჩება, სადაც მძიმე ბრძოლები გრძელდება.

უკრაინის სახმელეთო ჯარების მეთაურის, ალექსანდრ სირსკის თქმით, რუსეთი ძალებს არ ზოგავს იმისთვის, რომ ქალაქზე სრული კონტროლი 9 მაისამდე დაამყაროს, უკრაინა კი ცდილობს, ოკუპანტებს ამის საშუალება არ მისცეს. პარალელურად, საოკუპაციო ძალები უკრაინის ქალაქებს ბომბავენ.

სარაკეტო დარტყმები დნიპროს, ხერსონის, ხარკოვისა და სუმის დასახლებულ რაიონებზე ხორციელდება. კიევში დრონებით განხორციელებული თავდასხმის შედეგად 5 ადამიანი დაშავდა.

უკრაინელებმა, რუსული ძალების მიერ წუხელ გაშვებული 35-ვე დრონი გაანადგურეს, – ინფორმაციას უკრაინული მედია შეიარაღებული ძალების საჰაერო ძალებზე დაყრდნობით ავრცელებს.

„ღამით მტერმა კვლავ შეუტია უკრაინის ტერიტორიას ირანული უპილოტო საფრენი აპარატების, Shahed 136/131-ის გამოყენებით. ჩვენმა დამცველებმა 35 დრონიდან 35 გაანადგურეს“, – აცხადებენ საჰაერო ძალებში.

კიევის საქალაქო სამხედრო ადმინისტრაციის ინფორმაციით, დედაქალაქში ნამსხვრევების ჩამოვარდნის შედეგად 5 ადამიანი დაშავდა და ავტომობილები და შენობები დაზიანდა.

გარდა ამისა, უკრაინის შეიარაღებული ძალების შეიარაღებული ძალების ინფორმაციით, წუხელ, რუსებმა ოდესის ოლქს Tu-22m3 ტიპის ბომბდამშენებიდან დაარტყეს. რაკეტები თარხანკუტის ტერიტორიიდან (ოკუპირებული ყირიმი) გაუშვეს. მათმა ნაწილმა სამიზნეს ვერ მიაღწია.

“დარწმუნებული ვარ, საქართველოში არჩევნების შემდეგ ეს მთავრობა აღარ იქნება ხელისუფლებაში”-დავით არახამია

10:08 - 08/05/2023

ვაპირებდი ვახტანგ კიკაბიძის დაკრძალვაზე ჩამოსვლას, მაგრამ გამაფრთხილეს, ალბათ საზღვრის კვეთისას უნდა შექმნილიყო პრობლემები, – ამის შესახებ უკრაინის რადას ფრაქციის, „ხალხის მსახურის“ თავმჯდომარემ, დავით არახამიამ „მთავარ არხთან“ ინტერვიუში განაცხადა.

„ზუსტად არ ვიცი, გამაფრთხილეს. ალბათ საზღვრის კვეთისას უნდა შექმნილიყო პრობლემები, იქნებოდა დიდი სკანდალი და ამერიკელებმა მთხოვეს თავის შეკავება. ისე აუცილებლად ჩამოვიდოდი. დარწმუნებული ვარ, არჩევნების შემდეგ ეს მთავრობა აღარ იქნება ხელისუფლებაში, ქართველი ხალხი ალბათ აღარ შეეგუება ასეთ ხელისუფლებას და იქნება ან ახალი ძალა, ან კოალიცია. ივანიშვილი ათ წელზე მეტია, რაც არის და ის არც მეფეა, არც მონარქი, არც დიქტატურაა. დარწმუნებული ვარ, ეს ვითარება შეიცვლება. მაგრამ ის ყველაფერს აკეთებს, მათ შორის საკანონმდებლო დონეზე, რომ შეინარჩუნოს ხელისუფლება. დარწმუნებული ვარ, ქართველი ხალხი მას საკადრის პასუხს გასცემს“, – განაცხადა არახამიამ.

როგორი ამინდია მოსალოდნელი დღეს საქართველოში

09:45 - 08/05/2023

8 მაისს ქუთაისში +17 გრადუსი და წვიმიანი დღეა მოსალოდნელი, ღამით კი +11 გრადუსი იქნება. წვიმიანი დღე იქნება ოზურგეთშიც, სადაც დღისით +17 გრადუსი დაფიქსირდება, ღამით კი +10 გრადუსია ნავარაუდევი. ბათუმშიც იწვიმებს. დღისით ჰაერი +16 გრადუსამდე გათბება, ღამით კი +13 გრადუსი დაფიქსირდება.

ფოთშიც ნალექიანი დღეა ნავარაუდები. დღისით +16 გრადუსი დაფიქსირდება, ღამით კი +13 გრადუსია მოსალოდნელი. ზუგდიდში დღისით ტემპერატურა +16 გრადუსს მიაღწევს, ღამით კი +10 გრადუსია ნავარაუდევი. იწვიმებს. +17 გრადუსი და ნალექია მოსალოდნელი დღისით სოხუმში, ღამით +12 გრადუსი დაფიქსირდება.

მესტიაში მოსალოდნელია ნალექი, დღისით +11 გრადუსი, ღამით კი +3 გრადუსი დაფიქსირდება. ამბროლაურში ჰაერი დღისით +14 გრადუსამდე გათბება, ღამით კი +9 გრადუსი დაფიქსირდება. იწვიმებს.

ნალექიანი დღეა მოსალოდნელი ჭიათურაშიც, დღისით +15 გრადუსია მოსალოდნელი, ღამით კი +9 გრადუსი. ახალციხეშიც წვიმს, დღისით ჰაერი +17 გრადუსამდე გათბება, ღამით კი ტემპერატურა +6 გრადუსამდე დაიწევს.

წვიმას ვარაუდობენ ბორჯომში, სადაც დღისით +17 ღამის ღამით კი +7 გრადუსი დაფიქსირდება. ბაკურიანში დღისით წვიმა და +13 გრადუსია მოსალოდნელი, ღამით +1 გრადუსი დაფიქსირდება.

გორშიც წვიმაა მოსალოდნელი. დღისით +18 გრადუსია მოსალოდნელი, ღამის განმავლობაში კი +7 გრადუსი დაფიქსირდება. ცხინვალში, დღისით ჰაერს ტემპერატურა +17 გრადუსი იქნება, ღამით კი +6 გრადუსი დაფიქსირდება. იწვიმებს.

გუდაურშიც ნალექიანი დღე და +11 გრადუსი და თოვლია ნავარაუდევი, ღამით კი ჰაერის ტემპერატურა +3 გრადუსი იქნება. იწვიმებს ომალოშიც, სადაც დღისით +15, ღამით კი +3 გრადუსი დაფიქსირდება.

ლაგოდეხში უნალექოდ ჩაივლის დღე. ჰაერის ტემპერატურა დღის განმავლობაში +23 გრადუსი იქნება, ღამით კი +13 გრადუსი დაფიქსირდება. თელავში დღისით +21 გრადუსი დაფიქსირდება, ღამით კი +11 გრადუსია ნავარაუდევი. მოსალოდნელია წვიმა.

გურჯაანშიც ნალექიანი დღეა ნავარაუდები. დღისით +22 გრადუსი, ღამით კი +11 გრადუსი დაფიქსირდება. სიღნაღში +22 გრადუსი და უნალექო დღეა მოსალოდნელი, ღამით +11 გრადუსი დაფიქსირდება.

რუსთავში +22 გრადუსია მოსალოდნელი, ღამით კი +12 გრადუსი დაფიქსირდება. იწვიმებს.

თბილისში ჰაერის ტემპერატურა დღისით +21 გრადუსს მიაღწევს, ღამით კი +11 გრადუსი იქნება. მოსალოდნელია წვიმა.

,,როდესაც ხმარობ სიტყვებს „იდიოტი“, „გამყიდველი“, „მოღალატე“, ჩემთვის ეს უკვე კრიტიკა აღარ არის”- მასტერი

23:35 - 07/05/2023

მასტერმა განმარტა რატომ გადაწყვიტა სიმღერის „ბატონო ლევან“ დაწერა, რომელიც ლევან ბერძენიშვილს და მის ყველაზე ხმაურიან განცხადებებს ეძღვნება. ამ თემაზე რეპერმა გადაცემაში „იმედი LIVE“ ისაუბრა.

„2 თვე ვფიქრობდი როგორი სტრატეგიით გამეკეთებინა ეს ყველაფერი. ჩემში პროტესტი გამოიწვია ორმა ფაქტმა. ერთია, რომ შეიძლება გავაკრიტიკოთ მეფე და რომელიმე საზოგადო მოღვაწე. მაგრამ როდესაც ხმარობ სიტყვებს „იდიოტი“, „გამყიდველი“, „მოღალატე“, ჩემთვის ეს უკვე კრიტიკა აღარ არის, ეს არის შეურაცხყოფა. თან ვის მიმართ და ვისგან. და მეორე, რამაც ძალიან დიდი პროტესტი გამოიწვია ასევე ჩემში, იყო ის, რომ ადამიანი ლექციებს კითხულობს და სტუდენტებს ეუბნება, რომ თურმე ევროპის განათლებული ნაწილი უკვე აღარ აღიარებს ღმერთს და ეს არის არატრენდული“, – აცხადებს რეპერი.

„არავითარი ომი არ გვინდა საქართველოში, ეს სისულელეა – უკრაინას არ სურს ომი“ – დავით არახამია

23:20 - 07/05/2023

„არავითარი ომი არ გვინდა საქართველოში, ეს სისულელეა – უკრაინას არ სურს ომი“, – ამის შესახებ უკრაინის მმართველი პარტიის „ხალხის მსახურის“ თავმჯდომარემ დავით არახამიამ „მთავარ არხთან“ ინტერვიუს დროს განაცხადა.

არახამია აცხადებს, რომ უკრაინა დაეხმარება საქართველოს გახდეს ევროკავშირის წევრი.

მისი თქმით, საქართველოდან დაბრუნებული უკრაინელები აცხადებენ, რომ მათ არაჩვეულებრივი მიღება მოუწყვეს საქართველოში.

არახამია, ამბობს, რომ ქართველი ხალხი იმსახურებს ევროპულ მომავალს.

„ჩვენ არავითარი ომი არ გვინდა საქართველოში. მომისმენია საქართველოს მთავრობის წევრების ბრალდებები, რომ ჩვენ ომი გვინდა საქართველოში. ეს სისულელეა – უკრაინას არ სურს ომი, სადმე იყოს, ერთადერთი შეიძლება ეს რუსეთში გვინდოდეს მხოლოდ. როგორ შეიძლება ომი გვინდოდეს იმ ქვეყანაში – საქართველოში, რომელმაც შეიფარა ბევრი დევნილი, საბედნიეროდ, ეს ხალხი უკან ბრუნდება და როდესაც როდესაც სხვადასხვა ქვეყნებიდან ჩამოსული ადამიანების განწყობას ვკითხულობთ მათ მიმართ მოპყრობაზე, საქართველო ტოპ სამეულშია ყოველთვის.

საქართველოდან დაბრუნებულები სულ ამბობდნენ, არაჩვეულებრივი მიღება მოგვიწყო ქართველმა ხალხმაო. ეს მუდმივად რჩება მეხსიერებაში. უკრაინელებს მუდმივად ემახსოვრებათ, რომ ქართველი ხალხი ძნელბედობის დროს გვეხმარებოდა, ამიტომ ჩვენც მუდმივად იგივე განწყობა გვაქვს. ჩვენ ახლა შევეცდებით დავეხმაროთ საქართველოს გახდეს ევროკავშირის წევრი“, – აცხადებს დავით არახამია.

8 მაისის ასტროლოგიური პროგნოზი

23:19 - 07/05/2023

ვერძი (21 მარტი – 20 აპრილი)

შესაძლოა, ამ დღემ თქვენს ნერვებს გამოცდა მოუწყოს. მოერიდეთ ნაჩქარევი გადაწყვეტილებების მიღებას, რომელიც შეიძლება მცდარი აღმოჩნდეს. ნუ იქნებით უმადური – ძაღლიც არ კბენს იმ ხელს, რომელიც აჭმევს.

კურო (21 აპრილი – 21 მაისი)

ხელსაყრელი დღეა მწერლების, ჟურნალისტების, მეცნიერებისა და მკვლევრებისთვის – შესრულებული სამუშაო წარმატებას და აღიარებას მოგიტანთ. ეცადეთ ტყუპები თქვენს მოკავშირედ აქციოთ. ის თქვენსა და ჰუმანიტარულ ორგანიზაციებს შორის შუამავლის როლში მნიშვნელოვან სამუშაოს შეასრულებს.

ტყუპები (22 მაისი – 21 ივნისი)

მრავალმხრივი ინტერესების მქონე, ცნობისმოყვარე ადამიანი ხართ, ამიტომ იმის ნაცვლად, რომ ყურადღება ერთ საკითხზე გაამახვილოთ და ხვალინდელ დღეზე იზრუნოთ, შეიძლება ენერგია ყველა მიმართულებით, უსარგებლოდ დახარჯოთ. გირჩევთ საზღვარგარეთ სწავლასა და პროფესიულ განვითარებაზე სერიოზულად იფიქროთ.

კირჩხიბი (22 ივნისი – 22 ივლისი)

შესაძლოა, ამ დღეს სიყვარული გეწვიოთ, თანაც ამისთვის სახლიდან გასვლაც კი არ გჭირდებათ – სავარაუდოდ, მეზობლად მცხოვრებ საინტერესო ადამიანს გაიცნობთ, რომელიც დანახვისთანავე მოგხიბლავთ. ნუ ეცდებით გრძნობას შეეწინააღმდეგოთ – ის თქვენს ცხოვრებას დადებითი მიმართულებით შეცვლის.

ლომი (23 ივლისი – 23 აგვისტო)

ბევრს ფიქრობთ, მაგრამ საქმის კეთებისთვის განწყობილი არ ხართ. სიზარმაცის შეტევას ებრძვით, რომელსაც მოგვიანებით ქაოსური მოქმედებები ჩაანაცვლებს, თუმცა საეჭვოა, ამან სარგებელი მოგიტანოთ. პროფესიულ საქმიანობაზე ნაყოფიერი ოჯახური საქმიანობა იქნება – სახლში სარემონტო ან საყოფაცხოვრებო სამუშაოები გელით.

ქალწული (24 აგვისტო – 23 სექტემბერი)

საქმის საბოლოო შედეგი დამოკიდებულება იმ გავლენაზე, რომელსაც გარშემო მყოფები თქვენზე ახდენენ. არ შეიძლება, რომ გამუდმებით სხვების ჩრდილქვეშ იყოთ. დროა, საკუთარი გზით იაროთ და საკუთარი უნარები თამამად წარმოაჩინოთ.

სასწორი (24 სექტემბერი – 23 ოქტომბერი)

ამ დღეს იძულებული იქნებით ქონებასთან ან მემკვიდრეობასთან დაკავშირებული ოჯახური საქმეების მოგვარებაზე იზრუნოთ. არასოდეს დაკარგოთ ოპტიმიზმი და ენთუზიაზმი – ისინი რთული დაბრკოლებების დაძლევაში დაგეხმარებათ. დღეს ყველაზე ნაკლებად სხვის რჩევებს უნდა ენდოთ და საკუთარ ინტუიციას დაეყრდნოთ.

მორიელი (24 ოქტომბერი – 22 ნოემბერი)

ხელსაყრელი დროა ერთობლივი დასვენებისა და გართობისთვის, თუმცა, ოჯახის უფროსი და უმცროსი თაობის წარმომადგენელთა ურთიერთობაში მოსალოდნელია პრობლემები. დროა გადაწყვიტოთ რა არის თქვენთვის უფრო მნიშვნელოვანი: მეგობრული ან სოციალური კავშირები, გატაცება და სიყვარული თუ ოჯახური ცხოვრება?

მშვილდოსანი (23 ნოემბერი – 21 დეკემბერი)

გელოდებათ მივლინებები, მოგზაურობა. პირადი გამოცდილებისა და დაგროვილი ცოდნის წყალობით კარიერული ზრდაა მოსალოდნელი. საინტერესო სამუშაოს შემოგთავაზებენ, საქმეები მოიმატებს, ყურადღების ცენტრში აღმოჩნდებით. უთხარით საკუთარ თავს, რომ თქვენ გააკეთებთ იმას, რისი გაკეთებაც გსურთ და ამისთვის საუკეთესო გზებსაც იპოვით.

თხის რქა (22 დეკემბერი – 20 იანვარი)

ამ დღეს თხის რქები ვენერას გავლენას ემორჩილებიან. ცდილობთ, ახალ გრძნობას ყოველმხრივ შეეწინააღმდეგოთ, მაგრამ არაფერი გამოგივათ. ემოციების შეკავების ნაცვლად ეცადეთ, ადამიანის მიმართ თქვენი ნამდვილი გრძნობები გამოხატოთ. გულწრფელად ნათქვამ რამდენიმე სიტყვას სიტუაციას რადიკალურად შეცვლა შეუძლია.

მერწყული (21 იანვარი – 18 თებერვალი)

საინტერესო დღე გელით. საკუთარ თავში ისეთ ნაკლს მოერევით, რომელიც დიდი ხანია, ბევრ საქმეში ხელს გიშლით. ამ დღეს ინტუიციას ნუ ენდობით და სანამ გადაწყვეტილებას მიიღებთ, საკმარისი ინფორმაცია მოაგროვეთ.

მარტოხელა მერწყულები დაქორწინების შეთავაზებას მიიღებენ. ეს დღე ხელსაყრელია ოჯახის გაფართოებისთვის, უძრავი ქონების შეძენისა ან გაყიდვისთვის.

თევზები (19 თებერვალი – 20 მარტი)

დილიდან ცვალებად განწყობაზე ხართ და ნებისმიერი შენიშვნა გაღიზიანებთ. დღის პირველ ნახევარში ფინანსური უზრუნველყოფის საკითხზე მოსალოდნელია კამათი და კონფლიქტები. ვენერა ფრიად საეჭვო სასიყვარულო ურთიერთობებს გპირდებათ. გირჩევთ, უარი თქვათ ფინანსებთან დაკავშირებული ხელშეკრულებების გაფორმებაზე. მოერიდეთ ფიზიკურ აქტივობებს და ეცადეთ, ადრე დაიძინოთ.

სერბეთის განათლების მინისტრმა, ბრანკო რუზიჩმა თანამდებობა დატოვა

23:03 - 07/05/2023

სერბეთის განათლების მინისტრმა, ბრანკო რუზიჩმა თანამდებობა დატოვა. ამის შესახებ სააგენტო „როიტერი“ წერს.

მედიის ცნობით, ეს გადაწყვეტილება რუზიჩმა მას შემდეგ მიიღო, რაც ოთხშაბათს დაწყებით სკოლაში მომხდარი სროლის დროს რვა ბავშვი და ერთი დაცვის თანამშრომელი დაიღუპა, ხუთშაბათს კი, შეიარაღებულმა პირმა მოძრავი მანქანიდან გამვლელებს ცეცხლი გაუხსნა, რის შედეგადაც რვა ადამიანი დაიღუპა.

ოპოზიციურმა პარტიებმა მომხდარში სერბეთის მთავრობა დაადანაშაულეს და სხვა საკითხებთან ერთად, განათლების მინისტრის გადადგომაც მოითხოვეს.

„როგორც პასუხისმგებლობის მქონე და კარგად აღზრდილმა ადამიანმა, როგორც პროფესიონალმა ყველა საჯარო მოვალეობის შესრულებაში, როგორც მშობელმა, როგორც უბრალოდ სერბეთის მოქალაქემ, მივიღე გადაწყვეტილება გადადგომის შესახებ“, – განაცხადა რუზიჩმა.

,,ყველაფერს გავაკეთებ, რომ საქართველო იცოდნენ, როგორც დიდი კულტურის მქონე ერი”- ნუცა ბუზალაძე

22:07 - 07/05/2023

ნუცა ბუზალაძემ American Idol-ის ქასთინგისა და კონკურსის შესახებ ახალი დეტალები გაამხილა. ბუზალაძე პირველი უცხოელი გახდა, რომელიც შოუს ტოპ-12-ში მოხვდა.

ბუზალაძემ ამერიკულ მუსიკალურ კომპანიასთან კონტრაქტი გააფორმა და თავის პირველ ამერიკულ ალბომზე მუშაობს. პარალელურად American Idol-ის ფინალისთვის ემზადება და ქართველ გულშემატკივრებს მადლობას უხდის.

„ისე მავსებდა საქართველოსა და ჩემი ხალხის მხარდაჭერა, ჩემი ხალხის სიყვარული. ეს ისეთი ძალაა, რომ ვერავინ ვერასოდეს მომერევა, როცა ასეთი ერი მიდგას უკან. თქვენ არ იცით, რამდენს ნიშნავს, როცა შენი სისხლი გიჭერს მხარს. ეს უფრო დიდი მოტივაციაა, რომ უფრო წინ ვიარო. როგორც შევძლებ და რის საშუალებასაც მომცემს ჩემი თავი და ჩემი კარიერა, ყველაფერს გავაკეთებ, რომ საქართველო იცოდნენ არა როგორც შტატი, არამედ როგორც ყველაზე მაგარი, ყველაზე ნიჭიერი და ყველაზე დიდი კულტურის მქონე ერი. აი ეს მინდა, რომ ყველამ იცოდეს და ძალიან ბევრი ტურისტი ჩამოვიდეს“, – ამბობს ბუზალაძე.

თენგიზ ცერცვაძე პანდემიის გაუქმებასთან დაკავშირებით პოსტს აქვეყნებს

21:09 - 07/05/2023

COVID-19-ის პანდემია 21-ე საუკუნის ყველაზე სერიოზული გამოწვევაა, რომელმაც 7 მილიონამდე ადამიანის სიცოცხლე იმსვერპლა და სერიოზული პრობლემები შეუქმნა მთელი მსოფლიოს მოსახლეობის სიცოცხლეს, ცხოვრების ხარისხს და ქვეყნების ეკონომიკას.

ჯანმრთელობის მსოფლიო ორგანიზაციამ COVID-19-ის გლობალურ პანდემიად გამოცხადების დღიდან (2020 წლის 11 მარტი) 1151 დღის შემდეგ ა.წ. 5 მაისს დასრულებულად გამოაცხადა COVID-19-თან დაკავშირებული საერთაშორისო საგანგებო მდგომარეობა. თუმცა აღნიშნა, რომ COVID-19 რჩება გლობალური ჯანდაცვის მიმდინარე პრობლემად. ეს იმას ნიშნავს, რომ COVID-19 გლობალური ჯანრმთელობისთვის აღარ წარმოადგენს კრიტიკულ და საგანგებო საფრთხეს და ქვეყნებს შეუძლიათ COVID-19-ის საგანგებო მართვიდან გადაეწყონ და COVID მართონ ისე, როგორც მართავენ სხვა ინფექციურ დაავადებებს. ამავე დროს ჯანმო-მ აღნიშნა, რომ COVID არ დასრულებულა და მხოლოდ გასულ კვირას მსოფლიოში COVID-19-ის გამო ყოველ 3 წუთში 1 ადამიანი კვდებოდა და ეს მხოლოდ იმ მონაცემებით, რაც ვიცით. ეს ვირუსი ჯერ არსად წასულა, ის ჯერაც კლავს და ჯერაც იცვლება, რის გამოც არსებობს ახალი ვარიანტების გაჩენის რისკი. ამასთან ჯანმო აპირებს მიიღოს უპრეცედენტო გადაწყვეტილება და შექმნას კომიტეტი, რომელიც ქვეყნებისთვის COVID-19-ის მართვის გრძელვადიან წესებს შექმნის.

როგორც ადრე ვწერდით, საქართველო იყო ერთ-ერთი პირველი ქვეყანა მსოფლიოში, რომელმაც ჯერ კიდევ ერთი წლის წინ, 2022 წლის მაისიდან COVID ფატალური დაავადებიდან გადააქცია რიგით რესპირაციულ ინფექციად, რაც ნიშნავს, რომ COVID-ით გამოწვეული სიკვდილობა და მისი ნეგატიური გავლენა ადამიანის ცხოვრების ხარისხსა და ეკონომიკაზე, პრაქტიკულად არ აღემატება, ან მხოლოდ ცოტათი აღემატება სხვა რესპირაციული ინფექციებით, მაგალითად გრიპით და სხვა ე.წ. სეზონური ინფექციებით გამოწვეულ შესაბამის მაჩვენებლებს, კერძოდ: საქართველოში ბოლო 1 წლის მანძილზე (2022 წლის მაისიდან) COVID გარდაცვალების შემთხვევები რჩებოდა მინიმალურ ნიშნულზე და ყოველ 1 მილიონ მოსახლეზე გადაანგარიშებით იყო ბევრად ნაკლები, ვიდრე ამერიკის, ევროპის და დანარჩენი მსოფლისო უმეტეს ქვეყნებში, მათ შორის ისეთებშიც (აშშ, გერმანია, სკანდინავიის ქვეყნები, იაპონია, სამხრეთ კორეა, ავსტრალია, ისრაელი და სხვ.), რომლებიც სანიმუშოდ ითვლებოდნენ COVID-ის მართვაში. ყოველივე ამას მივაღწიეთ ქვეყნის და ჯანდაცვის სამინისტროს ხელმძღვანელობის მიერ დროული და ეფექტიანი საპასუხო ზომების გატარებით, ექიმების (მათ შორის ოჯახის ექიმების), ექთნების და საზოგადოებრივი ჯანდაცვის მუშაკების მაღალი პროფესიონალიზმით და გმირული შრომით, ხშირად საკუთარი ჯანმრთელობის და სიცოცხლის ფასად. ამის გაკეთება ადვილი არ იყო. საქართველოში, ბევრი სხვა ქვეყნისგან განსხვავებით, COVID-ის პიკის პერიოდებშიც კი, როდესაც დღეში გვქონდა 25 ათასზე მეტი აქტიური COVID შემთხვევა და გვყავდა 8000-მდე სტაციონარული ავადმყოფი, არცერთი ავადმყოფი არ დარჩენილა ექიმისა და სრულფასოვანი სამედიცინო მომსახურების გარეშე. უკლებლივ ყველა, ვისაც სჭირდებოდა ჰოსპიტალიზაცია, იყო ჰოსპიტალიზებული. ყველაზე კრიტიკულ პერიოდებშიც კი ჰოსპტალიზაციის დაყოვნება არ აღემატებოდა რამოდენიმე საათს ან იშვიათად, 1-2 დღეს. არცერთხელ არ დაფიქსირებულა საწოლების, მათ შორის რეანიმაციული საწოლების, მედიკამენტების, სუნთქვის აპარატების, ჟანგბადის და სხვ. დეფიციტი. ამას ყოველთვის ვერ ახერხებდნენ სხვა, მათ შორის ყველაზე განვითარებული ქვეყნებიც კი. ჩვენთან არასოდეს მომხდარა ავადმყოფების პრიორიტიზება, პრაქტიკულად არ ყოფილა სასწრაფო დახმარების მანქანებში გარდაცვალების შემთხვევები და მინიმალური იყო ბინაზე გარდაცვალება, ისიც მაშინ, როცა ავადმყოფი თავად აცხადებდა კატეგორიულ უარს ჰოსპიპტალიზაციაზე. საქართველომ ერთ-ერთმა პირველმა დანერგა COVID-ის მკურნალობის (მათ შორის პროაქტიური მკურნალობის) უახლესი და ყველაზე ეფექტიანი მეთოდები და მიდგომები (რემდესივირი, პაქსლოვიდი, ტოცილიზუმაბი, მონოკლონური ანტისხეულები, ბარიციტინიბი, კორტიკოსტეროიდები, ჟანგბადის მიწოდება მაღალი ნაკადით, სისხლის ექსტრაკორპორული გაწმენდა სპეციალური ფილტრების/სორბენტების გამოყენებით, ავადმყოფების მართვა მულტიდისციპლინური გუნდის მიერ და სხვ.). მნიშვნელოვანი და ძალიან ეფექტიანი ინოვაცია იყო ე.წ. COVID სასტუმროები. რა თქმა უნდა, იყო სერიოზული სიძნელეებიც და გამოწვევებიც, რომელთა წარმატებით დაძლევა ყოველთვის ვერ ხერხდებოდა. ასე მაგალითად: საქართველოში, ევროპის და სხვა განვითარებულ ქვეყნებთან შედარებით, დაბალი იყო მოსახლეობის COVID ვაქცინაციით მოცვა და ეს მიუხედავად იმისა, რომ ვაქცინაციისათვის სახელმწიფოს მიერ მოსახლეობისთვის შექმნილი იყო ოპტიმალური პირობები, როგორც ხელმისაწვდომობის, ისე ვაქცინების ხარისხის თვალსაზრისით. სამწუხაროდ, ზოგიერთი ექიმიც ღიად ან ფარულად ნეგატიურად იყო განწყობილი ვაქცინაციის მიმართ. ძალიან დაბალი იყო პირბადეების გამოყენება, მათ შორის საზოგადოებრივი შეკრების ადგილებსა და ხალხმრავალი შეკრებების დროს. ყოველივე ამან განაპირობა ქვეყანაში COVID შემთხვევების მაღალი რიცხვი (1 მილიონ 840 ათასზე მეტი) და 17 ათასზე მეტი გარდაცვალება. თუმცა COVID-ის კლინიკური მართვის ძირითადი ინდიკატორი – ყველა დადასტურებულ შემთხვევას შორის გარდაცვალების მაჩვენებელი – ე.წ. CFR (case fatality rate) საქართველოს მსოფლიოს 112 ქვეყანაზე დაბალი (ანუ უკეთესი) აქვს (0.93%). რაც იმას ნიშნავს, რომ ყოველი 100 დადასტურებული COVID შემთხვევიდან მხოლოდ 1-ზე ნაკლები მთავრდებოდა ფატალურად. პრობლემა იყო აგრეთვე პაციენტების დაგვიანებული მომართვიანობა და მკურნალობაზე არასაკმარისი დამყოლობა, რასაც ხელს უწყობდა ისიც, რომ ექიმების ნაწილი სამწუხაროდ, თავისი არაკომპეტენტურობის, თუ სხვა მიზეზების გამო არ უჭერდა მხარს COVID ავადმყოფების პროაქტიურ მკურნალობას თანამედროვე მედიკამენტებით (რემდესივირი, ტოცილიზუმაბი, მონოკლონური ანტისხეულები და სხვ.) და რომ არა ყველაფერი ეს, გამოსავლები კიდევ უფრო უკეთესი იქნებოდა.

როგორი უნდა იყოს ჩვენი ტაქტიკა სადღეისოდ:

როგორც ზემოთ აღვნიშნეთ, საქართველოში ბოლო 1 წლის მანძილზე ძალიან კარგი და სტაბილური COVID სიტუაციაა. COVID რეგულაციები მოხსნილია. თუმცა რისკები რჩება. ქვეყანაში COVID სიტუაციის გაუარესების პრევენციისა და შესაძლო არასახარბიელო გამოსავლების თავიდან ასაცილებლად გადამწყვეტი მნიშვნელობა აქვს, რომ მინიმუმამდე იქნეს დაყვანილი COVID-ის გვიანი დიაგნოსტიკის და დაგვიანებული მომართვიანობის შემთხვევები. ამიტომ კიდევ ერთხელ დაბეჯითებით მოვუწოდებ მოსახლეობას, რესპირაციული ინფექციების პირველივე სიმპტომების გამოვლენისთანავე ყველამ ჩაიტაროს COVID ტესტირება, რაც შეიძლება ადრე (სასურველია პირველივე დღეს) და COVID დიაგნოზის დადასტურების შემთხვევაში დაუყოვნებლივ მიმართოს ოჯახის ექიმს და ზედმიწევნით შეასრულოს მისი რეკომენდაციები, მათ შორის დროულ ჰოსპიტალიზაციასთან (ვისაც ეს სჭირდება) დაკავშირებით. ასევე დაბეჯითებით ვთხოვ ოჯახის და კლინიკების ექიმებს ყველა ამბულატორიულ, თუ სტაციონარულ COVID ავადმყოფთან სათანადო ჩვენების შემთხვევაში (60 წელზე მეტი ასაკი, თანხმლები ქრონიკული დაავადებები და სხვ.) აუცილებლად გამოიყენონ ანტივირუსული მედიკამენტები: პაქსლოვიდი ან რემდესივირი, რომლებიც ძალიან მაღალი პროცენტით (90%-მდე) ამცირებენ დაავადების დამძიმების და მითუმეტეს ფატალური გამოსავლის ალბათობას. ამას ასეთი ხაზგასმით იმიტომ აღვნიშნავ, რომ სამწუხაროდ, ჯერ კიდევ გვხვდება შემთხვევები, როდესაც ოჯახის ან კლინიკის ექიმები, სათანადო ჩვენებების არსებობის შემთხვაშიც კი სრულიად გაუმართლებლად თავს იკავებენ პაქსლოვიდის ან რემდესივირის გამოყენებისგან, რითაც იზრდება COVID პაციენტების დამძიმების და არასახარბიელო გამოსავლის რისკები.

რას ასწავლიან ახალგაზრდებს ზურაბ ჯაფარიძის ტრენინგებზე – დეტალები

21:02 - 07/05/2023

„იმედის კვირის“ გუნდმა შეძლო დეტალურად გაერკვია იმ ტრენინგების შინაარსი და მიზანი, რომელსაც ზურაბ გირჩი ჯაფარიძე და მისი თანაგუნდელები მართავენ. „სისხლი“ და „რევოლუცია“ – ეს სიტყვები ისმის იმ ფარულ ვიდეოჩანაწერში რომელიც ერთ-ერთი ტრენინგის დასრულების შემდეგ მონაწილემ „იმედს“ მიაწოდა. სწორედ ამის შემდეგ გადაწყდა იმის მოკვლევა თუ რას ასწავლიან ჯაფარიძე და მისი პარტნიორები შაბათ-კვირის შეკრებებზე სტუდენტებსა და სკოლის მოსწავლეებს.

სამუშაო პროცესში ხელის შეშლის მიუხედავად, გადამღებმა ჯგუფმა შეისწავლა და მოიპოვა უამრავი ფოტო და აუდიო მასალა ღია თუ დახურული წყაროებიდან.

„იმედის კვირას“ წყარომ ასევე მიაწოდა აუდიოჩანაწერი, რომელშიც ჯაფარიძის პარტიის ლიდერები დეტალურად განიხილავენ როგორ უნდა გარდაიქმნას ე.წ. თავისუფლების უიკენდები პროტესტად, რა როლი ექნება ამ პროცესში ჯაფარიძეს. წყაროს ინფორმაციით, საუბარი გირჩელებს – ანა ჩიქოვანს, გიორგი მოსიაშვილსა და ხვიჩა ბერელაშვილს შორის 2022 წლის სექტემბერში შედგა.

ხ. ბერელაშვილი: ჰო, აი, ამ „უიკენდების“ შეხვედრას ცოტა მეტი სიმძაფრე რომ მოემატოს კარგი იქნება რა.

ა. ჩიქოვანი: კი, ეგ უიკენდები, რაღაც „პონტში“, საბოლოოდ პროტესტად უნდა გარდაიქმნას.

ხ. ბერელაშვილი: ხალხი რომ იკრიბება, ანუ ეს მიტინგები, აქციები, რაღაცა ყველა მიდის იმაზე, რომ რაღაც ტრადიციულად, რაღაც დაპირისპირება უნდა მოხდეს რა. აი, ამ შოუს ელოდებიან ყველა რა…

ა.ჩიქოვანი: კი, კი, კი… მერე იმედგაცრუებულები მიდიან.

ხ. ბერელაშვილი: სულ მაგას სკანდირებენ, რომ აი, გეგმა. რომ ყვიროდნენ, გახსოვს?

ა. ჩიქოვანი: კი, კი, მახსოვს.

ხ. ბერელაშვილი: აი, ეგ რაღაცები რომ იყო, ამ გეგმაში ცხადია, ყველა ელოდებოდა პასუხს, რომ „დავაი“ შევვარდეთ რა. ახლა ჯაფარა რასაც აკეთებს, ზუსტად ნიადაგს, ნიადაგი მზადდება იმით, რომ რაზე ხართ წამსვლელები… (აწყვეტინებს)

ა.ჩიქოვანი: რომ იცოდნენ რა, რაზე… იცოდნენ რაზე მიდიან.

ხ. ბერელაშვილი: ეს ფრაზაც მაგას ნიშნავს, რაზე ხარ წამსვლელი რა, მე რომ მივაწვები და შევალ, მომყვები? იქ რომ ვიღაცამ „დუბინკა“ ჩაგარტყას ან რაღაც ეგეთი? ანუ ხომ მაგ თემასაც გახვედრებს, რა ვიცი, აი, ხომ გინდოდათ გეგმა, აგერ გეგმას ახლა „უიკენდებზე“ ვწერ.

ა.ჩიქოვანი: მანდ რამდენჯერაც დარბევა და ის იყო სულ რაღაცა 1000 კაცი იყო ბოლოს შემორჩენილი და როცა ძალიან ბევრი ათასია, იქ ვერაფერს შვრებიან უბრალოდ.

ხ. ბერელაშვილი: ჰო, „მარა“ მაგ შემთხვევაში ჯაფარა სულ გაურბის ხოლმე ეგეთ ლიდერობას და მოუწევს.

ა.ჩიქოვანი: კი.

ხ. ბერელაშვილი: მოუწევს ესე ხელის ქნევა, „ძაან“ არ უყვარს, მაგრამ მოუწევს. მაგას არ იზამს და ჩააგდებს. თან მესმის ახლა ეგეც, ჯაფარას ეგ ისა რა… ეგეთი გადაწყვეტილებები, მაგრამ აქამდე მიჰყავს და მერე უკან დახევა აღარ შეიძლება. ბიჭო, ყველაფერი მაქამდე იხარშება, რომ მართლა ხალხს უნდა. შეიძლება….ცოტა არ მომწონს ეგ ბაზარი, მაგრამ მეტი გზა არ ჩანს ხოლმე რა, ძალით უნდა შეხვიდე. ჩხუბები დავიდარაბა და გაწევ-გამოწევა არავის არ გვინდა, არც ახლა არ მოიაზრება, „მარა“ საქმე მიდის მაქამდე, რომ იძულებით მიაწვე რა და შეხვიდე მართლა რა…ჯაფარას ეს განცხადებები, რომ ეს შენობა ხალხს ეკუთვნის და ჩვენ გვაქვს უფლება, რომ შევიდეთ. ანუ ბევრი ხალხი თუ შეიკრიბა აგერ ტექსტიც ესაა, რომ შევვარდეთ.

მოსე შენ რას იტყვი?

გ. მოსიაშვილი: რასთან დაკავშირებით?

ხ. ბერელაშვილი: ჯაფარა მეთქი ახლა რომ აგორებს ამ უიკენდების თემას და მეტი სიმძაფრე ექნება.

გ.მოსიაშვილი: რა თქმა უნდა, ვუგროვებ ხალხს, მთავარია ხალხი.

ხ. ბერელაშვილი: ჰოდა, ხალხი შეგროვდეს მართლა და ბევრი და მივადგეთ შენობას…

გ.მოსიაშვილი: დედას მო***ნავთ!

ხ. ბერელაშვილი: ჯაფარას მოუწევს მეთქი ლიდერობა ისეთი, რომელსაც გაურბის ხოლმე.

გ.მოსიაშვილი: რა თქმა უნდა კი ეგ გააზრებული აქვს, იმიტომ რომ თვლის მეტი გამოსავალი არ არსებობს.

ხ. ბერელაშვილი: ანუ ეგეთი რაღაცები არ მიყვარსო.

გ. მოსიაშვილი: ჰო ბაზარი არაა, არ უყვარს ,მაგრამ მიყვარს არ მიყვარს რა შუაშია, დავკარგეთ ქვეყანა აგერ და დედა გვე***ნება….

ხ. ბერელაშვილი: არა, მოუწევს.

გ.მოსიაშვილი: ჰოდა, მოუწევს კი.

ხ.ბერელაშვილი: ჰოო, „ჯოს“, „ჯოს“ძახილიც მოუწევს.

საუბრის მონაწილე ზურა ჯაფარიძის თანაგუნდელები არ მალავენ რომ მათ და მათ ლიდერსაც ახალგაზრდული ბანაკები კონკრეტული მიზნებისთვის სჭირდებათ. არც იმის თქმას ერიდებიან რომ ჯაფარიძეს რევოლუციონერის როლის მორგება მოუწევს.

ამასთან, ახალგაზრდულ ბანაკებში დიდი როლი აქვს იარაღს, უფრო კონკრეტულად – ცეცლხსასროლი იარაღის პრაქტიკულ კურსებს.

ღია წყაროებიდან მოპოვებულ ფოტო და ვიდეო მასალებში ნათლად ჩანს, რომ უიკენდების შემადგენელი ნაწილია იარაღთან მოპყრობის და მისი მოხმარების სწავლება და ამისთვის სემინარებზე სპეციალურად მენტორები ჩადიან. მშობლების დიდმა ნაწილმა კი ამის შესახებ არაფერი იცის. წყარო „იმედის კვირას“ უყვება რომ ბაკურიანის სემინარზე მენტორის სტატუსით იმყოფებოდა აშშ-ის არმიის ყოფილი ოფიცერი და ამერიკელი სამხედრო ინსტრუქტორი დევიდ ბერტელესი.

1...2,3112,3122,313...2,462 Page 2,312 of 2,462