იუსტიციის უმაღლესი საბჭოს მოსამართლე წევრმა, დიმიტრი გვრიტიშვილმა ამერიკაში ტრენინგზე გამგზავრებული ქართველი მოსამართლეების შესახებ აშშ-ის საელჩოს განცხადება შეაფასა.

მისი თქმით, ამერიკაში ტრენინგზე გამგზავრებული ქართველი მოსამართლეების შესახებ აშშ-ის საელჩოს განცხადება იმ ხაზის გაგრძელებაა, რაც ამერიკის შეერთებული შტატების ელჩმა 2021 წლიდან დაიწყო, როდესაც აშკარად დაყო მოსამართლეები კარგ და ცუდ მოსამართლეებად.

„ეს არის იმ ხაზის გაგრძელება, რაც ამერიკის შეერთებული შტატების ელჩმა 2021 წლის ოქტომბრიდან დაიწყო. მაგალითად, როდესაც აშკარად დაყო მოსამართლეები კარგ და ცუდ მოსამართლეებად. როდესაც ფოტო გამოქვეყნდა ამ 10 მოსამართლის და საელჩოს კომენტარი, რომ ის მხარს უჭერს პროფესიონალ და კეთილსინდისიერ მოსამართლეებს, თუ გათვლა არის ის, რომ ამ კარგ მოსამართლეებს, ჩვენ ცუდი მოსამართლეები დავუპირისპირდეთ, ანუ, მე და ჩემ სანქცირებულ კოლეგებს გაგვიჩნდეს პროტესტის გრძნობა ამ 10 მოსამართლის მიმართ, მაშინ ძალიან ცდება ამ მეთოდის ავტორი. ეს არ მუშაობს.

მოსამართლე ლაშა ჩხიკვაძემ ღიად დააფიქსირა მისთვის კონკრეტულ საქმეზე გამოტანილი განაჩენის შესახებ ანგარიშის მოთხოვნის ფაქტი, ამით გაღიზიანებულმა საელჩომ გადაწყვიტა ერთგვარად დაესაჯა ეს მოსამართლე და სასწავლო ვიზიტით წასაყვან მოსამართლეთა სიიდან ამოეღო. შემდგომში დაფიქსირდა ასევე ფაქტი, როდესაც სხვა მოსამართლეებმა სოლიდარობა გამოუცხადეს ლაშა ჩხიკვაძეს და არც მათ მიიღეს მონაწილეობა ამ სასწავლო ვიზიტში“, – განაცხადა დიმიტრი გვრიტიშვილმა.

აშშ-ის სახელმწიფო დეპარტამენტი საქართველოს სასამართლო სისტემის 10 წარმომადგენელს, ტრენინგზე მასპინძლობს. „შეერთებული შტატები ამაყობს, რომ მხარს უჭერს საქართველოს შრომისმოყვარე, კეთილსინდისიერ, პროფესიონალ მოსამართლეებს, – ამ განცხადებით აჯამებს  აშშ-ის საელჩო ქართველ მოსამართლეთა სამუშაო ვიზიტს.

ეს არის გამოძალვა. აქციისთვის თანხის გარკვეულ ნაწილს, იღებთ, ჰპირდებით, მიგაქვთ და შემდეგ არ მოგყავთ ხალხი, – ასე მიმართა პარტია „კანონი და სამართლის“ ლიდერმა თაკო ჩარკვიანმა „ნაციონალური მოძრაობის“ წევრ დავით ნებიერიძეს გადაცემა „ვახო ხუზმიაშვილის თავისუფალ სივრცეში“.

„ერთ-ერთი აქციის გაკეთების დროს თანხა აიღოთ ადამიანებმა და მერე ხალხი არ მოიყვანოთ. აი ასე, ბატონო დავით. ახლა გირჩევთ, თქვენ აქ შეწყვიტოთ და წერტილი დაუსვათ… იკვებებით გადმოგდებული ოლიგარქის ფულებით… ეს არის სიმართლე… აი ახლა, რომ სხედხართ, შუბლის ძარღვი გაქვთ გაწყვეტილი. დავით, თქვენ ის დავით ნებიერიძე ხართ ჩემს ოფისში „კანონში და სამართალში“ მრავალი ადამიანის თანდასწრებით იჯექით და ძალიან გთხოვთ, დასვით ახლა წერტილი. ეს იყო ერთი წლის წინ. ამიტომ გეუბნები, რომ ორმაგ სტანდარტში ხართ თქვენ… სამარცხვინო ხართ. ახლავე გეუბნებით, რომ  ჩვეულებრივი გამომძალველი ხართ… ხართ ჩვეულებრივი ორმაგი სტანდარტის გამომძალველი…“, – განაცხადა თაკო ჩარკვიანმა.

„ქვეყნის გარშემო გამოძიების კონტექსტში ამოტივტივდა დავით კეზერაშვილის სახელი. ეს არის მძიმე დარტყმა და ბრალდება. „ბიბისი“ არ არის სახუმარო გამოცემა“, – ამის შესახებ პარტია „დროას“ ლიდერმა ელენე ხოშტარიამ ტვ „პირველის“ ეთერში „ბიბისის“ საგამოძიებო მასალასთან დაკავშირებით განაცხადა, რის თანახმადაც თავდაცვის ექსმინისტრი, „ფორმულას“ დამფუძნებელი დავით კეზერაშვილი გლობალურ თაღლითურ ქსელთან არის დაკავშირებული.

როგორც ხოშტარიამ აღნიშნა, რამდენიმე არაკეთილსინდისიერი ადამიანი გამოჩნდა, რომელიც ადრე კეზერაშვილთან კარგი ურთიერთობით სარგებლობდა და ახლა მის წინააღმდეგ კამპანიაში ჩაერთნენ.

„ვის როგორი დამოკიდებულება აქვს კეზერაშვილის მიმართ, მისი ბიზნესის მიმართ, ეს არის ადამიანების საქმეა და ყველა უნდა შეეჩვიოს რომ ყველანაირი კითხვა უნდა დაისვას. განსაკუთრებით მას შემდეგ რაც „ფორმულა“ შეიქმნა და რაც მიმდინარეობს დავით კეზერაშვილის წინააღმდეგ, ეს არის პოლიტიკური დევნის კამპანია, რომელიც ემსახურება არა მხოლოდ კეზერაშვილის დევნას, არამედ „ფორმულას“ დევნას, ოპოზიციის დევნას და ზოგადად მოცილებას, ვინც ეწინააღმდეგება რუსულ რეჟიმს.

მესამე საკითხი – ე.წ. ქოლ ცენტრების თემა არის უბინძურესი და უმძიმესი საქმე. ქვეყნის სირცხვილია და მიდის საერთაშორისო გამოძიება. ნებისმიერი ვინც ამაში არის ჩართული, კატასტროფაა. ამ საქმეზე გამოძიებას თავად ოპოზიცია ითხოვდა, იმიტომ რომ ფაქტია საქართველოში ეს სისტემა ფუნქციონირებს, საკმაოდ მასიურია, ბევრი ახალგაზრდაა დასაქმებული და შეუძლებელია ეს სუსის მფარველობის გარეშე ხდებოდეს.

სამწუხაროდ, არცერთი გამოძიება ამაზე არ ჩატარებულა. ვნახეთ, რომ ქვეყნის გარშემო გამოძიების კონტექსტში ამოტივტივდა დავით კეზერაშვილის სახელი. ეს არის მძიმე დარტყმა და ბრალდება. „ბიბისი“ არ არის სახუმარო გამოცემა.

ბოლო პუნქტი, რომელიც არ შემიძლია არ დავასახელო. მე ვხედავ რამდენიმე ძალიან არაკეთილსინდისიერ ადამიანს, რომელიც ძალიან კარგად სარგებლობდა დავით კეზერაშვილთან ურთიერთობით და დღეს, არ ვიცი რა მიზეზებით, უცებ კამპანიაში ჩაერთნენ, რომ თითქოს ეს ყველაფერი არის დამტკიცებული“, – აცხადებს ხოშტარია.

ახალაიას კლანი იქნება, პეტრეს კლანი იქნება, მელიას კლანი იქნება,  არ მაინტერესებს, დავიღალეთ ამ სიბინძურით – ამის შესახებ პარტია „კანონი და სიმართლის“ ლიდერმა თაკო ჩარკვიანმა გადაცემა „ვახო ხუზმიაშვილის თავისუფალ სივრცეში“ განაცხადა.

„არ მაინტერესებს ვინ რა გვარის არის. ახალაიას კლანი იქნება, პეტრეს კლანი იქნება, მელიას კლანი იქნება, არ მაინტერესებს, დავიღალეთ ამ სიბინძურით, რეფორმები მინდა სამართლებრივ ქვეყანაში, რომ კლანური მმართველობა და მკვლელები არ ბედავდნენ ტლინიკინს პირველ რიგში“, – განაცხადა ჩარკვიანმა.

გურამ მაჭარაშვილმა ამერიკაში ტრენინგზე გამგზავრებული ქართველი მოსამართლეების შესახებ აშშ-ის საელჩოს განცხადება შეაფასა. „ხალხის ძალის“ წევრს მიაჩნია, რომ საელჩო ქართულ მართლმსაჯულებაზე კონტროლის დამყარებას ცდილობს.

„სამწუხაროდ, შეერთებული შტატების საელჩოს სურს რომ კონტროლი დაამყაროს ქართულ მართლმსაჯულებაზე, პირდაპირ ერევა მართლმსაჯულებაში. ეს ფაქტიც ამის პირდაპირი დადასტურებაა. როდესაც საელჩო ამბობს, რომ ეს მოსამართლე არის კარგი და კეთილსინდისიერი, მეორე მოსამართლე კი არ არის კარგი და კეთილსინდისიერი, ანუ პრაქტიკულად ყოფს სიტუაციას, ეს არის აშკარა. სხვას კი არაფერს ვამბობთ. ელჩი გადაწყვეტილებას ვერ გამოიტანს. ამაზეა ზუსტად საუბარი, რომ მოსამართლეებს ეუბნება: „შენ კარგი ხარ, იმიტომ რომ მიჯერებ, ამიტომ წაგიყვან ჩემთან ამერიკაში. ის ცუდია, იმიტომ რომ არ მიჯერებს და ამერიკაში ჩემთან არ წავიყვან“, – აცხადებს მაჭარაშვილი.

აშშ-ის სახელმწიფო დეპარტამენტი საქართველოს სასამართლო სისტემის 10 წარმომადგენელს, ტრენინგზე მასპინძლობს. „შეერთებული შტატები ამაყობს, რომ მხარს უჭერს საქართველოს შრომისმოყვარე, კეთილსინდისიერ, პროფესიონალ მოსამართლეებს, – ამ განცხადებით აჯამებს აშშ-ის საელჩო ქართველ მოსამართლეთა სამუშაო ვიზიტს.

პარტია „მოქალაქეების“ ლიდერი ალეკო ელისაშვილი „პალიტრანიუსის“ ეთერში დასმული კითხვის საპასუხოდ BBC-ის ჟურნალისტურ გამოძიებას გამოეხმაურა, რომლის თანახმადაც თავდაცვის ექსმინისტრი, „ფორმულას“ დამფუძნებელი დავით კეზერაშვილი გლობალურ თაღლითურ ქსელთან არის დაკავშირებული.

როგორც ელისაშვილმა აღნიშნა, კეზერაშვილი იშვიათი გარეწარია და ამისთვის საზოგადოებას „ბიბისის“ გამოძიება არ სჭირდებოდა.

„კეზერაშვილი რომ იშვიათი გარეწარია, რად გვინდოდა ამისთვის „ბიბისის“ გამოძიება. ერთადერთი კაცი, რომელიც 2008 წლის ომის შემდეგ ბედნიერი იყო, ეს იყო კეზერაშვილი. მას შემდეგ რაც ჩვენი საწყობები რუსებმა  გაძარცვეს, განსაკუთრებით უფლისციხის ცენტრალური საწყობი, კეზერაშვილმა ცხვარი ან ხარი დაკლა ბედნიერებისგან, იმიტომ რომ მანამდე რაც ჰქონდა მოპარული და შეჭმული, მიდი და გაიგე.

დავლურს ცეკვავდა ბედნიერებისგან, ისედაც კი ჰქონდა ჰეროინი მიღებული და ბედნიერი დარბოდა იმ დღეებში. აქ იყო და კეზერაშვილმა გაძარცვა ქართული ჯარი, ევროპაში წავიდა და გაძარცვა ევროპელი პენსიონერები“, – აცხადებს ალეკო ელისაშვილი.

„როდესაც BBC ჟურნალისტურ გამოძიებას იწყებს და ტრანსნაციონალური დანაშაულის გამოძიების პროცესში, ამა თუ იმ კომპანიების მფლობელებზე ინფორმაციის შეგროვებისას, ყველა კვალი კეზერაშვილთან მიდის, ეს, რა თქმა უნდა, არ არის ის მტკიცებულება, რომ ვინმეს კეზერაშვილის სისხლის სამართლის პასუხისმგებლობაში მიცემა შეეძლოს, მაგრამ, არის ძალიან სერიოზული ბრალდება სწორედ იმისთვის, რომ სავარაუდო სისხლის სამართლის დანაშაულზე გამოძიება დაიწყოს“, – ამის შესახებ გადაცემა „პოლიტიკურ პოსტში“ „ხალხის ძალის“ წევრმა ეკა სეფაშვილმა განაცხადა.

მისი თქმით, მას შემდეგ, რაც დავით კეზერაშვილის ფინანსების წარმომავლობაზე კითხვა უკვე საერთაშორისო დონეზე დაისვა, ასევე საინტერესო ხდება, რა ფულს იღებენ მის მიერ დაფინანსებული პარტიები და მედიები.

„BBC-ის მიერ გამოქვეყნებული ეს ჟურნალისტური გამოძიება რამდენიმე ფაქტორის გამო არის მნიშვნელოვანი. დავიწყოთ იმით, რომ BBC ერთ-ერთი ყველაზე აღიარებული მედიასაშუალებაა, სადაც მიუკერძოებლობისა და ობიექტურობის პრინციპი უმაღლეს დონეზეა დაცული. მათი მაუწყებლობის ქცევის კოდექსს გავეცანი იქიდან გამომდინარე, რომ პარლამენტშიც, მაუწყებლობის შესახებ კანონში გარკვეული ცვლილებები შევიტანეთ, რაც ასოცირების დღის წესრიგით იყო განპირობებული. BBC-ში მიუკერძოებლობის იმდენად მაღალი სტანდარტია, რომ გაგიკვირდებათ. ზედმეტად, ეპითეტის გამოყენების უფლებაც კი არ აქვთ საინფორმაციო გადაცემებში, იმის გამო, რომ მიკერძოებულობაში არ ჩაეთვალოთ და რაიმე პოზიცია არ დააფიქსირონ. აქედან გამომდინარე, როდესაც BBC ჟურნალისტურ გამოძიებას იწყებს და ტრანსნაციონალური დანაშაულის გამოძიების პროცესში, ამა თუ იმ კომპანიების მფლობელებზე ინფორმაციის შეგროვებისას, ყველა კვალი კეზერაშვილთან მიდის, ეს, რა თქმა უნდა, არ არის ის მტკიცებულება, რომ ვინმეს კეზერაშვილის სისხლის სამართლის პასუხისმგებლობაში მიცემა შეეძლოს, მაგრამ, არის ძალიან სერიოზული ბრალდება სწორედ იმისთვის, რომ სავარაუდო სისხლის სამართლის დანაშაულზე გამოძიება დაიწყოს.

გვახსოვს შარშან, გერმანელ სამართალდამცველებთან ერთად ანალოგიური ბრალდება იყო წაყენებული. ჩვენი გერმანელი კოლეგები სწორედ ამ საკითხს იკვლევდნენ და ამ თემასთან დაკავშირებით ჩვენს სამართალდამცველებთან თანამშრომლობდნენ. ევროინტეგრაციის გზაზე ჩვენი მიღწევაა, რომ შეთანხმება გვაქვს დადებული, ასეთი ტიპის დანაშაულის გამოძიებისას ერთობლივად ვიმოქმედოთ. ველოდები, რომ ეს ყველაფერი მალე გაცილებით უფრო საფუძვლიანი იქნება და სისხლის სამართლის პასუხისმგებლობის საკითხიც დადგება. ამის თქმის საფუძველს თვითონ BBC-ის მაღალი სტანდარტი მაძლევს.

შეგახსენებთ, რამდენიმე ხნის წინ ვიხილეთ, რომ კეზერაშვილი წარდგა ქართული სასამართლოს წინაშე, სადაც ჯარისგან 5 მილიონი დოლარის არაკანონიერი გზებით მითვისება დაუმტკიცდა. სულ ცოტა ხანში კი ვიხილეთ კეზერაშვილის გამოსვლა ტელევიზიით, სადაც ის ამბობდა, რომ პოლიტიკურ პარტიებს, არასამთავრობო ორგანიზაციებსა და ტელევიზიებს აფინანსებს. ანუ, პირდაპირ მონაწილეობს საქართველოს პოლიტიკურ ცხოვრებაში. შესაბამისად, ასეთი კითხვა მებადება: თავისთავად ცხადია, რომ მის მიერ მოპოვებული თანხები არის არაკანონიერი, ანუ ე.წ. შავი ფული. როგორ აფინანსებს ის ტელევიზიებს, არასამთავრობო ორგანიზაციებს, პოლიტიკურ პარტიებს? შავი ფულით? ეს სერიოზულად დასაფიქრებელი საკითხია და ასეთი საკითხების მოგვარების ერთ-ერთი საშუალება იყო ჩვენ მიერ ინიცირებული კანონი უცხოური გავლენის გამჭვირვალობის შესახებ, რომელიც სამწუხაროდ, ვერ მივიღეთ“, – განაცხადა ეკა სეფაშვილმა.

მისი თქმით, BBC-ის ამ სტატიამ ის ევროპარლამენტარებიც ამხილა, რომლებიც დავით კეზერაშვილს „მედიამენეჯერს“ უწოდებდნენ და მის მიმართ საქართველოში დაწყებულ გამოძიებას „სიტყვის თავისუფლების შეზღუდვას“ უწოდებდნენ.

„აღსანიშნავია, რომ შარშან ივნისში გამოიცა, ე.წ. პოლიტიკოსების, ევროპარლამენტარების რეზოლუცია, სადაც აღნიშნული იყო, რომ თურმე კეზერაშვილს დევნის ქართული ხელისუფლება და ეს არის საქართველოში თავისუფალი მედიის ხელყოფა და შეზღუდვა. მე მათ პოლიტიკოსებს საერთოდ არ ვუწოდებ, ისინი არიან ჩვეულებრივი მოსყიდული ადამიანები. ჩვენ მაშინაც ვთქვით და ახლა კიდევ უფრო დარწმუნებით შეგვიძლია გავიმეოროთ, რომ ეს რეზოლუციები, რომელთაც ევროპარლამენტი იღებს, არის ძალიან დიდი სირცხვილის ლაქა ევროპარლამენტარების რეპუტაციისთვის. მათ არა მარტო მიიღეს ეს რეზოლუცია, არამედ მოახერხეს სხვა დეპუტატების აყოლიებაც, რაც ევროპარლამენტისთვის კიდევ უფრო დიდი სირცხვილია. ვფიქრობ, ეს თემა უნდა გაჟღერდეს ხოლმე იმ დიპლომატიურ ორმხრივ თუ მრავალმხრივ შეხვედრებში, სადაც საქართველო მონაწილეობს. ევროკავშირის წევრი სახელმწიფოების პოლიტიკა კი უნდა იყოს ისეთი, რომ როდესაც ევროპარლამენტი იღებს რეზოლუციას, ცოტა უფრო მეტი ყურადღებით მოეკიდონ ფაქტებს და ელემენტარულად გადაამოწმონ, მიღებული ინფორმაცია რამდენად შეესაბამება სიმართლეს.

გავიხსენებ პირველი რეზოლუციის მიღების ფაქტს, რომელიც, სხვათა შორის, ბატონი ბიძინა ივანიშვილისთვის სანქციების დაწესებას ეხებოდა. ერთ-ერთმა ევროპარლამენტარმა, მარინა კალიურანდმა, რომელიც საქართველოს კრიტიკით გამოირჩევა, მას ხელი არ მოაწერა იქიდან გამომდინარე, რომ საფუძველს ვერ ხედავდა. ასევე იყო საქართველოს შესახებ ანგარიში, რომელსაც თვითონ ავტორმა არ მოაწერა ხელი, იმდენი ცვლილება შევიდა თავდაპირველ ვერსიაში. ე.ი. ესე იგი ადრე ევროპარლამენტარები პატიოსნებასა და ობიექტურობას მეტად იჩენდნენ. ალბათ, კარგი იქნება, ამ მიმართულებით სვლას თუ გააგრძელებენ და ასე სასაცილოდ არ გაიხდიან თავს. თუ ადრე, როდესაც ჩვენ ვთქვით, რომ ეს რეზოლუციები სიმართლეს არ შეეფერებოდა და იურიდიული ტერმინი რომ ვიხმაროთ, „ჩვენი სიტყვა მათი სიტყვის საწინააღმდეგოდ“ იყო, ახლა გამოდის, რომ ჩვენი სიტყვა უკვე არა მარტო ჩვენ მიერ მოპოვებული ფაქტებით, არამედ უკვე ევროპის ყველაზე პრესტიჟული და რეიტინგული გამოცემის, BBC-ის საგამოძიებო ჟურნალისტების მიერ მოძიებული ფაქტებითა და არგუმენტებითაა გამყარებული. აღმოჩნდა, რომ ჩვენ აბსოლუტურად მართლები ვიყავით ამ სიტუაციაში. მათ თავის დროზეც იცოდნენ, რომ ტყუილზე აწერდნენ ხელს, მაგრამ შეგნებულად წავიდნენ ამაზე, რადგან ისინიც ფიქრობდნენ, რომ საზოგადოებისთვის მთავარია აღქმები. მაგრამ ცრუ ნარატივზე, დეზინფორმაციასა და ტყუილზე აგებული აღქმების ყველაზე დიდი ნაკლი ის არის, რომ როგორც წესი, ძალიან მალე გაცამტვერდება ხოლმე. ახლა ისიც ვიხილეთ, რომ ხუხულასავით ჩამოენგრათ თავიანთი რეზოლუციის მტკიცებულებები და ისიც, რომ მათ რეპუტაციას ისეთი ზიანი ადგება, რომლის ჩამორეცხვაც შეუძლებელია. როგორც ვამბობთ ხოლმე საქართველოში, სახელის გატეხას თავის გატეხა გერჩივნოსო. ფაქტობრივად, სახელგატეხილნი არიან ეს ევროპარლამენტარები. მართალია, არც მანამდე აკლდათ სახელის გატეხა, მაგრამ ახლა ვფიქრობ, რომ საფუძვლიანად არის მათი რეპუტაცია შერყეული და ამიერიდან როგორი რეზოლუციაც არ უნდა „გამოაცხონ“ საქართველოს წინააღმდეგ, ქართულ საზოგადოებაში ძალიან დაბალი ნდობა ექნება. ალბათ, დაიჯერებენ ისევ მათი მომხრეები, ან ისინი, ვისაც უნდა, რომ საქართველოს რეპუტაციას რაიმე ზიანი მიადგეს, ხოლო ჩვენი ქვეყნის ნამდვილი გულშემატკივარი, რომელიც შეიძლება, ობიექტურად იყოს დაინტერესებული, რამე ცუდი ხომ არ მოხდა საქართველოში, უკვე ნამდვილად აღარ დაუჯერებს მათ შექმნილ ტყუილზე დაფუძნებულ რეზოლუციებს“, – აღნიშნა ეკა სეფაშვილმა.

„ხალხის ძალის“ წევრი და დეპუტატი დეოლიგარქიზაციის შესახებ პარლამენტში მიმდინარე მსჯელობასაც შეეხო და განმარტა, რომ კანონი პირდაპირ დავით კეზერაშვილს ესადაგება.

„პარლამენტი მსჯელობს დეოლიგარქიზაციის კანონის შესახებ და კეზერაშვილი სრულად შეესაბამება ამ კანონის განმარტებას ოლიგარქიის შესახებ, რადგან კანონის განმარტების თანახმად, ოლიგარქია პიროვნება, რომელიც ფლობს დიდძალ ფულად სახსრებს, მედიას და ქვეყნის პოლიტიკურ ცხოვრებაში ერევა. ეს არის ის სამი ძირითადი კრიტერიუმი, რითაც დასტურდება ამა თუ იმ ადამიანის ოლიგარქობის სტატუსი“, – განაცხადა ეკა სეფაშვილმა.