ჟურნალისტი ნანუკა ჟორჟოლიანი, სოციალურ ქსელში საქართველოს პრეზიდენტს, სალომე ზურაბიშვილს მიმართავს.
“ევროპაა ჩვენი მომავალიო რომ ამბობთ, ქოცებზე მეტად ფარისეველი ხართ. ევროპა და გვარამია ციხეში ერთად როგორაა? ან, რომელი ევროპის ნაწილია შეშინებული პრეზიდენტი, რომელიც პატიმარს ვერ იწყალებს.
ბლა ბლა ბლა. ეს ხართ თქვენ,” – წერს ჟურნალისტი.
ვერძი
ამ დღეს მუშაობა და მნიშვნელოვან საკითხებზე ყურადღების გამახვილება გიჭირთ. მოერიდეთ მძიმე ფიზიკურ შრომას და რუტინული მოვალეობების შესრულებას. სანამ ბიზნესწინადადებას დათანხმდებით, გირჩევთ ყველა წვრილმანი განიხილოთ და გამოცდილ ადამიანებს რჩევა სთხოვოთ. მხოლოდ ამის შემდეგ შეგიძლიათ წინადადებას დათანხმდეთ.
კურო
თავს დაღლილად და ძალაგამოცლილად გრძნობთ და რთული საკითხების გადაჭრა გიჭირთ. ვარსკვლავები გირჩევენ, რომ მუშაობის ძველ გზაზე უარი თქვათ და ინოვაციური მეთოდები გამოიყენოთ. ეს საქმის სწრაფად და წარმატებით დასრულებაში დაგეხმარებათ. უსმინეთ საკუთარ სხეულს, იზრუნეთ ჯანმრთელობაზე და ეცადეთ, არ გადაიღალოთ.
ტყუპები
ხელსაყრელი და წარმატებული დღეა. გახსოვდეთ, რომ თუ რაღაც პირველ ცდაზე არ გამოგდით, მეორედ უნდა სცადოთ. დღის მეორე ნახევარში თქვენი ენერგია და, შესაბამისად, საქმიანი აქტივობა მოიკლებს. ახალი ადამიანების გაცნობა და მნიშვნელოვანი შეხვედრები ჩანაფიქრის განხორციელებაში დაგეხმარებათ.
კირჩხიბი
ამ დღეს თავში მოგივათ იდეა, რომელსაც მალე მოგებიანად გამოიყენებთ. პლანეტების განლაგება მნიშვნელოვანი საქმის წარმატებით დასრულებაში დაგეხმარებათ, რაც თავდაჯერებას შეგმატებთ და ოპტიმიზმით დაგმუხტავთ. სავარაუდოდ, უცნობ გარემოში აღმოჩნდებით, რომელთანაც სწრაფი ადაპტაცია უნდა შეძლოთ.
ლომი
მოემზადეთ რთული და დაძაბული დღისთვის. როგორი რთულიც არ უნდა იყოს, საკუთარი პასუხისმგებლობას სხვებს არ გადააბაროთ – სავარაუდოდ, კოლეგები ან ახლობლები თქვენს იმედს არ გაამართლებენ და მათი საქმის თავიდან კეთება მოგიწევთ. კონფლიქტის თავიდან ასაცილებლად, გირჩევთ, ამ დღეს ურთიერთობა მაქსიმალურად შეზღუდოთ.
ქალწული
პრობლემები უკან დარჩა, ენერგიით სავსე ხართ და შეგიძლიათ ყველაზე რთულ ამოცანებსაც კი გაუმკლავდეთ. ამ დღეს შანსი გაქვთ, რომ დიდი ხნის წინ დაწყებული და მივიწყებული საქმე დაასრულოთ. ხელსაყრელი დღეა გაწყვეტილი ურთიერთობების აღდგენისა და ახალი კავშირების დამყარებისთვის.
სასწორი
მთლიანობაში, ხელსაყრელი და წარმატებული დღეა, თუმცა სამსახურში მნიშვნელოვანი წინააღმდეგობის დაძლევა და უამრავი პრობლემის მოგვარება მოგიწევთ. მიზნის მისაღწევად უფრო მეტი უნდა მოინდომოთ და რაც მთავარია, არ უნდა იზარმაცოთ. სასურველია, საღამოს საყვარელ ადამიანებს სამომავლო გეგმები შეუთანხმოთ.
მორიელი
ამჟამად ყველაზე კარგად ორგანიზებასა და დაგეგმვასთან დაკავშირებული საქმეები გამოგდით. თქვენი ყურადღების მიღმა უმცირესი წვრილმანიც კი არ დარჩება. ერთადერთი, რასაც უნდა მოერიდოთ, უკმაყოფილების საჯაროდ გამოხატვა და პრეტენზიებია, რასაც შეიძლება საპასუხო რეაქცია მოჰყვეს.
მშვილდოსანი
დღის პირველი ნახევარი რთული საკითხების მოსაგვარებლად ხელსაყრელი დროა. ნუ ინერვიულებთ, თუ თქვენთვის უცნობ სფეროში მუშაობა მოგიწიათ – ინტუიცია და გამოცდილება დაგეხმარებათ, რომ სიახლეებში ადვილად გაერკვიოთ.
თხის რქა
ამ დღეს საკუთარ ჯანმრთელობას განსაკუთრებული ყურადღება უნდა მიაქციოთ. დაძაბულმა მუშაობამ დიდი ძალა წაგართვათ, ამიტომ იმუნიტეტის აღდგენაზე უნდა იზრუნოთ. ახლა ყველაზე მეტად სრულფასოვანი ძილი და დასვენება გჭირდებათ. ოჯახის წევრებთან ურთიერთობაში უხეშობას უნდა მოერიდოთ.
მერწყული
ეცადეთ, სრულად გამოიყენოთ შესაძლებლობები, რომლებსაც ბედი გთავაზობთ და არ ინერვიულოთ, თუ მოულოდნელად გეგმების შეცვლა მოგიწევთ. ამ დღეს ემოციური დონე ამაღლებულია, ამიტომ შეიძლება კონფლიქტურ სიტუაციაში აღმოჩნდეთ. ნებისმიერ შემთხვევაში, კოლეგებთან და ხელქვეითებთან მეგობრული დამოკიდებულება უნდა შეინარჩუნოთ.
თევზები
ყველა თვალსაზრისით ხელსაყრელი დღეა. თუ დროს უსარგებლო საუბრებში არ დაკარგავთ, ბევრი რთული და მნიშვნელოვანი ამოცანის შესრულებას შეძლებთ. საყვარელი ადამიანები მზად არიან გულწრფელად და უანგაროდ დაგეხმარონ, მთავარია, სიამაყე დაძლიოთ და დახმარება სთხოვოთ.
BBC ე.წ. ქოლცენტრების საქმეზე, რომლის თაღლითური სქემის ორგანიზატორად დავით კეზერაშვილი სახელდება, ფილმი გამოაქვეყნა.
თითქმის ერთსაათიან დოკუმენტურ ფილმში თაღლითური სქემა დეტალურად არის განხილული. ფილმში დავით კეზერაშვილი „მისტერ ოფშორად“ არის მოხსენიებული.
ფილმში მოხვდა ერთ-ერთი სპეცოპერაციის კადრებიც, რომელიც ქოლცენტრების საქმესთან დაკავშირებით თბილისში, ე.წ. პიქსელის შენობაში ჩატარდა.
BBC-ის ჟურნალისტი ყვება, რომ ნახეს იმ ადამიანების სია, რომლებსაც თანხის გამოძალვის მიზნით უკავშირდებოდნენ, მათ შორის იყო რამდენიმე ბრიტანელის გვარიც. მისივე თქმით, ნაპოვნია ჩანაწერი, რომლის მიხედვითაც, ერთ-ერთ მსხვერპლს სურს უძრავი ქონების შეძენა, თუმცა 10 000 ფუნტზე ნაკლები აქვს.
ფილმში ასევე მოყვანილია ერთ-ერთი საპოლიციო რეიდის კადრები, რომელსაც ჟურნალისტებიც ესწრებოდნენ და რომელიც საქართველოს ფარგლებს მიღმა ჩატარდა.
BBC-ის ასევე ინტერვიუები აქვს ჩაწერილი თაღლითური სქემის რამდენიმე მსხვერპლთან და ე.წ. ქოლცენტრებში დასაქმებულებთან. ფილმში ისინი იდენტიფიცირებულნი არ არიან.
თაღლითური სქემით დაზარალებული პენსიონერი ცოლ-ქმარი ფილმში ყვება, რომ მათ 340 000 ფუნტი დაკარგეს.
„გვეუბნებოდნენ, ისე მოგივლით, როგორც საკუთარ დედას. ერთ-ერთი მამაკაცი გვეუბნებოდა: ფილ, იაზრებ, რომ მალე მილიონერი გახდები? ჩვენ 340 000 ფუნტი დავკარგეთ ზუსტად შვიდ დღეში“, – ყვება ერთ-ერთი დაზარალებული.
ერთ-ერთი ქართველი, ქოლცენტრის ყოფილი თანამშრომელი, რომელმაც BBC-სთან ანონიმურად საუბარი არჩია, აცხადებს, რომ თავდაპირველად არ იცოდა, რას აკეთებდა.
„სტუდენტებისთვის ძალიან რთულია კარგი სამსახურის მოძებნა მაღალი ანაზღაურებით. როდესაც მუშაობა დავიწყე, არ ვიცოდი, რას ვაკეთებდი. რეალურად გვეგონა, რომ ადამიანებს ვეხმარებოდით. როდესაც გავიგე, რა ხდებოდა სინამდვილეში, თავი ძალიან ცუდად ვიგრძენი იმ ადამიანების გამო, რომლებიც თაღლითობის მსხვერპლი გახდნენ“, – აცხადებს ქოლცენტრის ყოფილი თანამშრომელი.
ფილმში გერმანელი პროკურორი აცხადებს, რომ საქმის სამართლებრივი კუთხით უნდა დაინტერესდეს ბრიტანეთის შესაბამისი სამართალდამცავი ორგანო.
„უნდა ვიყოთ რეალისტები. ჩვენ არ შეგვიძლია, გადავარჩინოთ მსოფლიო. უკვე ისედაც ძალიან რთულია, გადავარჩინოთ გერმანიის ბაზარი. როგორც ვიცი, ბრიტანეთში უნდა იყოს გარკვეული სამართალდამცავი ორგანო. მათი მთავარი პასუხისმგებლობაა, ამას შეხედონ სამართლებრივი პერსპექტივიდან. ეს არ არის ჩვენი იურისდიქცია“, – განაცხადა გერმანელმა პროკურორმა.
მანამდე BBC-იმ გამოაქვეყნა ჟურნალისტური გამოძიების მასალები, სადაც გაშიფრულია ევროპელი პენსიონერების გაძარცვის სქემა, ხოლო თაღლითური სქემის ორგანიზატორად დავით კეზერაშვილია დასახელებული. სტატია სათაურით „ბიზნესმენების ძებნაში, რომლებიც მილიარდდოლარიანი თაღლითობის უკან დგანან“ გუშინ გამოქვეყნდა.
BBC-ის ცნობით, კიბერთაღლითების გლობალურმა ქსელმა ინვესტორები გაძარცვა. ზარალი მილიარდ დოლარს აღწევს.
ჟურნალისტური გამოძიების მიხედვით, თავდაპირველად თაღლითები ტელეფონით უკავშირდებოდნენ მოქალაქეებს და შემოსავლების იოლად მიღების გზებს სთავაზობდნენ, საბოლოო ჯამში კი, მათ საკრედიტო ბარათების მონაცემებს ართმევდნენ და ძარცვავდნენ.
BBC-ის ცნობით, თაღლითურ სქემაში ფიგურირებს 152 კომპანია, მათ შორის საქართველოში მოქმედი კრიპტოვალუტით მოვაჭრე ფირმა „სოლო ქეფითალსი“. როგორც BBC- წერს, თაღლითების საერთაშორისო ქსელის გაშიფვრაზე ჟურნალისტები ერთი წელი მუშაობდნენ. მათივე ინფორმაციით, ეს ქსელი პოლიციისთვის ცნობილია „მილტონის ჯგუფის“ სახელწოდებით.
გამოძიების ფედერალური ბიუროს ინფორმაციით, პენტაგონის საიდუმლო დოკუმენტების საქმეზე საჰაერო ძალების ეროვნული გვარდიის წევრი, 21 წლის ჯეკ ტეიშეირა დააკავეს.
როგორც „ბიბისი“ წერს, სამართლდამცველების სანქცირებული ოპერაცია მასაჩუსეტსის შტატის ქალაქ ნორტ დაიტონში ჩატარდა. ტეიშეირა საკუთარ სახლში დააკავეს. 21 წლის ჯეკ ტეშეირა მასაჩუსეტსის ეროვნული გვარდიის საჰაერო თავდაცვის დანაყოფის დაზვერვის განყოფილების წევრი იყო.
„იუსტიციის დეპარტამენტმა დღეს ჯეკ ტეიშეირა ეროვნული თავდაცვის საიდუმლო ინფორმაციის სავარაუდო შენახვისა და გადაცემის ფაქტთან დაკავშირებით დააკავა. ტეიშეირა შეერთებული შტატების საჰაერო ძალების ეროვნული გვარდიის თანამშრომელია. გამოძიება გრძელდება და დამატებით ინფორმაციას შესაბამის დროს მოგაწვდით“, – განაცხადა აშშ-ის გენერალურმა პროკურორმა, მერიკ გარლანდმა.
სისხლის სამართლის დანაშაულზე გამოძიება მას შემდეგ დაიწყო, რაც დოკუმენტების გაჟონვის შესახებ პენტაგონმა იუსტიციის დეპარტამენტს აცნობა.
სოციალურ ქსელებში გავრცელებული საიდუმლო დოკუმენტები მოიცავს დეტალურ ინფორმაციას უკრაინისთვის შეიარაღებისა და სხვა აღჭურვილობის მიწოდებასთან დაკავშირებით.
აღნიშნული დოკუმენტები მიმდინარე წლის 23 თებერვლიდან პირველ მარტამდე პერიოდით თარიღდება და გრიფით საიდუმლოა, თუმცა მისი ავთენტურობა დადასტურებული არ არის.
„ევროჯასტი“ და „ევროპოლი“ ე.წ. ქოლცენტრების საქმესთან დაკავშირებით განცხადებას ავრცელებენ.
როგორც განცხადებაშია აღნიშნული, „ევროჯასტმა“ და „ევროპოლმა“ მხარი დაუჭირეს კოორდინირებულ მოქმედებას ონლაინსაინვესტიციო პლატფორმების თაღლითობის საქმეზე, რომლითაც, სულ მცირე, 33 000 ადამიანი დაზარალდა, ზარალის ოდენობამ კი დაახლოებით 89 მილიონ ევროს მიაღწია.
განცხადების თანახმად, გერმანიის ხელისუფლების მოთხოვნით, მარტში ორი ოპერაცია ჩატარდა, რომლის დროსაც ხუთი ეჭვმიტანილი დააკავეს. ბულგარეთში, რუმინეთსა და ისრაელში კი 15 ლოკაციაზე ჩატარდა ჩხრეკა, მათ შორის ხუთ არაკანონიერ ქოლცენტრში. ეს ოპერაცია არის 2021 წლის იმავე თაღლითური სქემის გამოძიების გაგრძელება.
2021 წელს ამ კოორდინირებულმა მოქმედებამ, დიდი რაოდენობით ინფორმაციისა და მტკიცებულებების დაგროვებამ შესაძლებელი გახადა ოპერაციის ჩატარება 2023 წლის მარტში. მანამდე თაღლითობის შედეგად მიყენებული ფინანსური ზარალი, სულ მცირე, 15 მილიონ ევროდ იყო შეფასებული. ახალი ინფორმაციის საფუძველზე, თაღლითური სქემის უკან არსებულმა კრიმინალურმა ქსელმა უფრო დიდი ფინანსური ზიანი გამოიწვია და კიდევ ბევრი ადამიანია დაზარალებული.
„ევროჯასტმა“ 2023 წლის იანვარში მხარი დაუჭირა ონლაინთაღლითობის სქემების შესახებ საგამოძიებო ჯგუფის შექმნისა და ორი საკოორდინაციო შეხვედრის ორგანიზებას ახალი მოქმედებებისთვის მოსამზადებლად. გარდა ამისა, სააგენტო დაეხმარა ევროპული დაპატიმრების ორდერების, ევროპული საგამოძიებო ორდერებისა და ურთიერთსამართლებრივი დახმარების მოთხოვნების შესრულებაში. სპეცოპერაციის დღეებში 33 გერმანელი პოლიციელი მონაწილეობდა. საგამოძიებო მოქმედებები ჩატარდა ბულგარეთში, რუმინეთში, საქართველოსა და ისრაელში. სპეცოპერაცია ჩატარდა „ევროპოლის“ სპეციალისტების მხარდაჭერით.
განცხადების მიხედვით, სპეცოპერაციის მხარდასაჭერად „ევროპოლმა“ შექმნა სპეციალური ოპერატიული სამუშაო ჯგუფი, რომლის მეშვეობითაც ხელი შეუწყო ინფორმაციის გაცვლას და ანალიტიკურ მხარდაჭერას. ბოლო სამოქმედო დღეებში „ევროპოლმა“ ექსპერტები გაგზავნა ისრაელში და დისტანციურად – „ევროჯასტის“ საკოორდინაციო ცენტრში. სპეცოპერაციის დროს ამოიღეს მთელი რიგი ძვირადღირებული ქონება, მათ შორის ძვირადღირებული საათები, ელექტრონული აღჭურვილობა, ნაღდი ფული, ბიტკოინები, საბანკო ბარათები, მრავალი დოკუმენტი და მონაცემთა შემნახველი მოწყობილობები.
როგორც განცხადებაშია აღნიშნული, თაღლითობის უკან არსებული ქსელი იზიდავდა ინვესტორებს ვებსაიტებზე განთავსებული პროფესიონალური ბანერებითა და სოციალურ მედიაში გავრცელებული რეკლამების საშუალებით. ამისთვის კი ევროპის სხვადასხვა ქვეყანაში არსებულ ქოლცენტრებს იყენებდნენ. თაღლითები თავიანთ მსხვერპლს ეუბნებოდნენ, რომ თავდაპირველად გაეკეთებინათ მცირე ინვესტიციები, 200-დან 250 ევრომდე, აჩვენებდნენ მაღალ მოგებას ყალბი გრაფიკებისა და პროგრამული უზრუნველყოფის საშუალებით. დაზარალებულებს დაუკავშირდნენ ეგრეთ წოდებული პირადი ფინანსური მრჩევლები, რომლებიც დაჰპირდნენ უფრო მაღალ მოგებას უფრო დიდ ინვესტიციებზე. ეს მაღალი ინვესტიციები შემდგომში დაიკარგა, უკანონო მოგებები კი დამნაშავეთა ანგარიშებზე ირიცხებოდა.
განცხადებაში ასევე აღნიშნულია, რომ თაღლითობის სქემა, სავარაუდოდ, 2019-დან 2021 წლების დროის მონაკვეთში მოქმედებდა. 2021 წელს ოპერაციებში ეჭვმიტანილებმა ან მათმა თანამოაზრეებმა ხელახლა შექმნეს ქოლცენტრები ბულგარეთსა და რუმინეთში. დაბალი საპროცენტო განაკვეთის გამო, ამ პერიოდში ინვესტორები დაინტერესებული იყვნენ მაღალი რისკის ფინანსურ ინსტრუმენტებში ინვესტიციების ჩადებაში, როგორიცაა ბინარული ვარიანტები. ბინარული ვარიანტი ხშირად ექვემდებარება თაღლითობას, შესაბამისად, გამოიყენება ონლაინთაღლითობაშიც. მსგავსი ვარიანტები უმეტეს შემთხვევაში არის ფიქსირებული თანხები, რომლებიც ემსახურება სარისკო ფინანსური ტრანზაქციების ან აქტივების თეორიული ფასის გარანტიას.
1tv.ge
საქართველოს მთავრობის ადმინისტრაცია სტრასბურგში ვიზიტის გადადებასთან დაკავშირებით საქართველოს პრეზიდენტის ადმინისტრაციის განცხადებას ეხმაურება.
„გვსურს, გამოვეხმაუროთ საქართველოს პრეზიდენტის განცხადებას ქალაქ სტრასბურგში მისი ვიზიტის გადადებასთან დაკავშირებით.
ხაზგასმით ვაცხადებთ, ინფორმაცია იმის შესახებ, რომ საქართველოს მთავრობამ ხელოვნურად გააჭიანურა თანხმობის გაცემის პროცესი, რაც გახდა ვიზიტის გადადების მიზეზი, არის მცდარი და სიმართლეს არ შეესაბამება.
საქართველოს მთავრობის მხრიდან სიტყვიერი თანხმობა სტრასბურგში დაგეგმილ ვიზიტთან დაკავშირებით პრეზიდენტმა ჯერ კიდევ მარტის დასაწყისში, მისი აშშ-ში ვიზიტის დროს მიიღო. მთავრობის ადმინისტრაციასა და პრეზიდენტის ადმინისტრაციას შორის მიმდინარეობდა სამუშაო პროცესი და ტექნიკური დეტალების დაზუსტება. ბოლო, დაზუსტებული წერილი პრეზიდენტის ადმინისტრაციიდან მთავრობის ადმინისტრაციაში შემოვიდა გუშინ, 12 აპრილს და მეორე დღესვე, 13 აპრილს მას გაეგზავნა წერილობითი თანხმობა 17-19 აპრილს საფრანგეთის რესპუბლიკაში, ქალაქ სტრასბურგში სამუშაო ვიზიტთან დაკავშირებით.
ასევე, საქართველოს პრეზიდენტს გაეგზავნა წერილობითი თანხმობა დიდ ბრიტანეთსა და ჩრდილოეთ ირლანდიის გაერთიანებულ სამეფოში სამუშაო ვიზიტთან დაკავშირებით.
აქვე აღვნიშნავთ, რომ 13-16 მარტს საფრანგეთის რესპუბლიკასა და ბელგიის სამეფოში პრეზიდენტის სამუშაო ვიზიტის შემთხვევაში პრეზიდენტის ადმინისტრაციიდან 10 მარტს შემოსულ წერილზე მთავრობის ადმინისტრაციამ თანხმობა 13 მარტს გასცა. შესაბამისად, მთავრობის ადმინისტრაციამ როგორც წინა ვიზიტების შემთხვევაში, ასევე აღნიშნულ ვიზიტთან დაკავშირებითაც თანხმობა მყისიერად გასცა“, – ნათქვამია საქართველოს მთავრობის ადმინისტრაციის განცხადებაში.
საქართველოს მთავრობის ადმინისტრაცია ასევე აქვეყნებს პრემიერ-მინისტრ ირაკლი ღარიბაშვილის მიერ ხელმოწერილ შესაბამის განკარგულებებს.
საქართველოს პრეზიდენტის ადმინისტრაციამ სტრასბურგში 18 აპრილს დაგეგმილი სალომე ზურაბიშვილის ვიზიტის გადადებასთან დაკავშირებით განცხადება დღეს გაავრცელა. „საქართველოს მთავრობის მხრიდან ხელოვნურად გაჭიანურებული თანხმობის მიღების პროცესის გამო სალომე ზურაბიშვილმა მიიღო გადაწყვეტილება, გადაედო ვიზიტი სტრასბურგში“, – ნათქვამია პრეზიდენტის ადმინისტრაციის განცხადებაში.
საქართველოს პრეზიდენტის ადმინისტრაცია სტრასბურგში 18 აპრილს დაგეგმილი სალომე ზურაბიშვილის ვიზიტის გადადებასთან დაკავშირებით განცხადებას ავრცელებს და ვიზიტის გადადების მიზეზს განმარტავს.
„საქართველოს მთავრობის მხრიდან ხელოვნურად გაჭიანურებული თანხმობის მიღების პროცესის გამო, საქართველოს პრეზიდენტმა მიიღო გადაწყვეტილება, გადაედო უმნიშვნელოვანესი ვიზიტი ქალაქ სტრასბურგში, რადგან პრეზიდენტს მიაჩნია, რომ ეს უნდა იყოს ნაბიჯი დეპოლარიზაციისკენ და არა პირიქით.
ევროპარლამენტისადმი მიმართვა და ევროკავშირის უმაღლეს წარმომადგენელებთან შეხვედრების შესაძლებლობა მაქსიმალურად უნდა იყოს გამოყენებული ჩვენი კანდიდატის სტატუსის გასამყარებლად. ამიტომ, ევროპარლამენტის პრეზიდენტთან ერთად იქნება შერჩეული გამოსვლის სათანადო დრო“, – ნათქვამია განცხადებაში.
მიმდინარე წლის 13 აპრილს, ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ, ამერიკულ არასამთავრობო ორგანიზაცია – ”TAPS”-ის („Tragedy Assistance Program for Survivors”-”ტრაგედიის დახმარების პროგრამა მარჩენალდაკარგულთათვის”) დამფუძნებელს და პრეზიდენტს, ქალბატონ ბონი ქეროლს უმასპინძლა.
კობა კობალაძემ სტუმარს გააცნო სამსახურის სტრუქტურა, მიზნები, ამოცანები, სამომავლო გეგმები, ის ერთობლივი პროგრამები, რომელთაც სამსახური, სახელმწიფოსთან და არასამთავრობო სექტორთან ერთად ახორციელებს ვეტერანების, ომში დაღუპულთა ოჯახის წევრების მხარდასაჭერად. მან, ასევე, ისაუბრა იმ გამოწვევებზე, რომლებიც სამსახურისა და საქართველოს ვეტერანების წინაშე ჯერ კიდევ დგას და რომელთა გადალახვაშიც საერთაშორისო პარტნიორების თანადგომა მნიშვნელოვანია.
სამსახურის დირექტორმა ხაზი გაუსვა საქართველოს გეოსტრატეგიულ მნიშვნელობას, ჩვენი ქვეყნის წინაშე მშვიდობისა და უსაფრთხოების კუთხით არსებულ გამოწვევებს, რომელთაც რუსული ოკუპაცია აყენებს თითოეული მოქალაქის და მთლიანად, სახელმწიფოს წინაშე.
ბონი ქეროლმა განაცხადა, რომ გააგრძელებს ომში დაღუპულ მეომართა შვილების, ოჯახის წევრების მხარდაჭერას და სამსახურის დირექტორთან ერთად, მომავალი თანამშრომლობის გზებზე ისაუბრა.
შეხვედრას, ასევე, ესწრებოდნენ, ვეტერანების საქმეთა სახელმწიფო სამსახურის დირექტორის პირველი მოადგილე, ნიკოლოზ კვეზერელი, მოადგილე, მირონ ჩიგოგიძე, დირექტორის მრჩეველი, ვლადიმერ იმნაძე, სამსახურის პასუხისმგებელი თანამდებობის პირები, ”TAPS”-ის წარმომადგენელი, ფატმა მეგრაჰი.
დღესვე, ბონი ქეროლი, კობა კობალაძესთან ერთად, წეროვანში, მარო მაყაშვილის სახელობის სარეაბილიტაციო ცენტრს ესტუმრა და ცენტრის მუშაობას გაეცნო.
ქალბატონი ბონი ქეროლი ამერიკელი ვეტერანის, გარდაცვლილი ბრიგადის გენერლის, ტომი ქეროლის მეუღლეა. ტომი ქეროლი 1992 წელს, სამხედრო თვითმფრინავის კატასტროფის დროს, 7 ოფიცერთან ერთად დაიღუპა. 1994 წელს, ბონი ქეროლმა, ომში დაღუპულთა ოჯახების მხარდასაჭერად, ორგანიზაცია „Tragedy Assistance Program for Survivors”( ”TAPS’) დაარსა და მათი თანადგომისთვის, მთელი მსოფლიოს მასშტაბით ახორციელებს სხვადასხვა მხარდამჭერ პროექტებსა და ღონისძიებებს, ატარებს სემინარებს.
ბონი ქეროლის ვიზიტი საქართველოში კიდევ ორ დღეს გასტანს. ვიზიტის ფარგლებში, მას დაგეგმილი აქვს ვ.სანიკიძის სახელობის ვეტერანთა კლინიკური ჰოსპიტლის მონახულება, შეხვედრა პარლამენტის თავდაცვისა და უშიშროების კომიტეტთან და ომში დაღუპულ მებრძოლთა ოჯახის წევრებთან.
საქართველოს პროკურატურა ე.წ ქოლ-ცენტრების საქმესთან დაკავშირებით განცხადებას ავრცელებს.უწყება ეხმაურება ევროჯასტის მიერ დღეს გავრცელებულ განცხადებას, რამდენიმე ქვეყანაში, მათ შორის საქართველოში ჩატარებულ სპეციალურ ღონისძიებასთან დაკავშირებით.
პროკურატურის ინფორმაციით, დაგეგმილი საგამოძიებო მოქმედებები, მხარეთა შეთანხმებით ერთდროულად ჩატარდა რამდენიმე ქვეყანაში, კერძოდ ბულგარეთში, რუმინეთში, ისრაელში და საქართველოში, რის შედეგადაც სხვა ქვეყნის ტერიტორიაზე დაკავებულია, შესაძლო დანაშაულში მონაწილე 5 პირი.
საქმეზე გრძელდება გამოძიება და საერთაშორისო თანამშრომლობა დანაშაულებრივი ჯგუფის წევრების, ასევე ანალოგიური საქმიანობით დაკავებული სხვა ფიზიკური თუ იურიდიული პირების გამოვლენისა და მხილების მიზნით.
„გვსურს გამოვეხმაუროთ ევროჯასტის მიერ დღეს გავრცელებულ განცხადებას, რამდენიმე ქვეყანაში, მათ შორის საქართველოში ჩატარებულ სპეციალურ ღონისძიებასთან დაკავშირებით,რომელიც მიმართული იყო თაღლითური ონლაინ პლატფორმების და დანაშაულში მონაწილე პირთა გამოსავლენად.
ერთ-ერთ ესეთი ღონისძიება მიმდინარე წლის მარტში ჩატარდა, დანაშაულში მონაწილე პირთა გამოსავლენად, რომელთა ქმედებების შედეგად 89 მილიონი ევროს ზიანი მიადგა მინიმუმ 33 000 დაზარალებულს, ევროპის სხვადასხვა ქვეყნის მოქალაქეებს.
დანაშაულებრივი თაღლითური ქსელი, რომელიც სავარაუდოდ მოქმედებდა 2019-2021 წლების პერიოდში, სოციალურ მედიაში და სხვა საჯარო სივრცეში განთავსებული რეკლამებისა და ე.წ ქოლ-ცენტრებს გამოყენებით, ევროპის სხვადასხვა ქვეყნის მოქალაქეებს ინვესტიციების მოზიდვას, სანაცვლოდ კი მაღალ სარგებელს ჰპირდებოდა. მოგვიანებით, დაზარალებულები გაწეულ ინვესტიციებს კარგავდნენ, რომელიც დამნაშავეთა საბანკო ანგარიშებზე ნაწილდებოდა.
საქართველოში ჩატარებულ ღონისძიებას უძღვებოდა საქართველოს პროკურატურა, ევროჯასტში საქართველოს მეკავშირე პროკურორთან კოორდინაციით.
ერთობლივი საგამოძიებო ჯგუფის ფარგლებში, საქართველოს ტერიტორიაზე ჩასატარებელი საგამოძიებო მოქმედებები, საქართველოს პროკურატურისა და გერმანიის ფედერაციული რესპუბლიკის სამართალდამცავი სტრუქტურების შესაბამის წარმომადგენლების ჩართულობით იგეგმებოდა ბოლო რამდენიმე თვის განმავლობაში, სისხლის სამართლის სფეროში თანამშრომლობის ევროკავშირის იუსტიციის ერთიანი ქსელის – ევროჯასტის მხარდაჭერით.
დაგეგმილი საგამოძიებო მოქმედებები, მხარეთა შეთანხმებით ერთდროულად ჩატარდა რამდენიმე ქვეყანაში, კერძოდ ბულგარეთში, რუმინეთში, ისრაელში და საქართველოში, რის შედეგადაც სხვა ქვეყნის ტერიტორიაზე დაკავებულია, შესაძლო დანაშაულში მონაწილე 5 პირი. ასევე, გამოიკითხნენ სავარაუდო დანაშაულთან შემხებლობაში მყოფი პირები, ამოღებულია უამრავი დოკუმენტაცია და ელექტრონული ინფორმაციის მატარებლები.
საქმეზე გრძელდება გამოძიება და საერთაშორისო თანამშრომლობა დანაშაულებრივი ჯგუფის წევრების, ასევე ანალოგიური საქმიანობით დაკავებული სხვა ფიზიკური თუ იურიდიული პირების გამოვლენისა და მხილების მიზნით.
საზოგადოებას შევახსენებთ, რომ საქართველოს პროკურატურა ევროჯასთის მხარდაჭერით ე.წ თაღლითური ქოლ-ცენტრების საქმიანობის წინააღმდეგ საბრძოლველად არაერთი წელია აქტიურად თანამშრომლობს გერმანიის ფედერაციული რესპუბლიკისა და სხვა მრავალი ქვეყნის კომპეტენტურ უწყებებთან.
ერთობლივი საგამოძიებო ჯგუფის ფარგლებში, ტრანსნაციონალური, ე.წ თაღლითური ქოლ-ცენტრების და ორგანიზებულ დანაშაულში მონაწილე პირთა გამოვლენის მიზნით, საქართველოს ტერიტორიაზე 2021 წლის ოქტომბერსა და 2022 წლის ნოემბერში ჩატარდა ფართომაშტაბიანი ღონისძიებები.
ღონისძიების ფარგლებში განხორციელდა რამდენიმე მოქმედი ქოლ-ცენტრის, ათეულობით ფიზიკური პირის, მათი საცხოვრებელი ბინების, ავტომანქანების და სამუშაო ადგილების ჩხრეკა. ამოღებული იქნა ასეულობით ინფორმაციის ელექტრონული მატარებელი, დოკუმენტაცია და დიდი ოდენობით ფულადი თანხა. ამავდროულად ყადაღა დაედო სავარაუდოდ დანაშაულებრივი გზით მოპოვებულ ათეულობით მილიონი ლარის ღირებულების ქონებებს და საბანკო ანგარიშებზე განთავსებულ დიდი ოდენობით თანხებს.
ჩატარებული ფართომაშტაბიანი ღონისძიებების შედეგად დაკავებულ იქნა დანაშაულებრივი ორგანიზებული ჯგუფის ხელმძღვანელები და ათეულობით წევრი, სისხლისსამართლებრივი დევნა დაიწყო დანაშაულში მონაწილე იურიდიული პირების მიმართ.
საქართველოში ჩატარებულ სპეციალურ ოპერაციებში გერმანიის ფედერაციული რესპუბლიკის 80-მდე და საქართველოს სამართალდამცავი ორგანოების 400-მდე თანამშრომელი მონაწილეობდა.
საქართველოს გენერალური პროკურატურის ერთ-ერთ ძირითად მიმართულებას სწორედ ტრანსნაციონალური დანაშაულის წინააღმდეგ ბრძოლა წარმოადგენს, რომელიც ფართოდ არის გავრცელებული ევროპის სხვადასხვა ქვეყნის ტერიტორიაზე, დანაშაულებრივი სქემისა და მონაწილე პირების გამოვლენაში ჩართულია არაერთი ქვეყნის სამართალდამცავი სტრუქტურის თანამშრომელი, რომლებთანაც საქართველოს გენერალური პროკურატურა აქტიურ რეჟიმში თანამშრომლობს.
საქართველოს პროკურატურა კიდევ ერთხელ მადლობას უხდის ევროჯასტს და გერმანიის ფედერაციული რესპუბლიკის საგამოძიებო სტრუქტურებს ტრანსნაციონალური დანაშაულის წინააღდეგ ბრძოლაში ეფექტიანი თანამშრომლობისთვის”, – აღნიშნავს პროკურატურა განცხადებაში.
რუსი ოპოზიციონერი ალექსეი ნავალნი ქართველების მიმართ „დამამცირებელი ეპითეტისთვის“ ბოდიშს იხდის და საქართველოს ხელისუფლებას მიხეილ სააკაშვილის გათავისუფლებისკენ მოუწოდებს.
მინდა ვისაუბრო მიხეილ სააკაშვილზე. ჩვენ მას არ ვიცნობთ და არასდროს შევხვედრილვართ. მის გუნდში არავის ვიცნობ და ჩემთვის ამ პოსტის დაწერა არც არავის უთხოვია.
მე, ჩემდა სამარცხვინოდ, ქართულ პოლიტიკაზე საკმაოდ სუსტი წარმოდგენა მაქვს და შეიძლება რამე არასწორადაც ვთქვა. ჩემდა კიდევ უფრო დიდად სამარცხვინოდ, რატომღაც, იმის გავლენით, რომ ჩემი მეგობარი ცხინვალში იყო დაბომბვების ქვეშ, 2008 წელს ქართველების მისამართით შეურაცხმყოფელი პოსტი დავწერე. ამის გამო ბოდიშს კიდევ ერთხელ ვიხდი, მაგრამ ვიცი, რომ ამ მხრივ ჩემს აზრს საქართველოში დიდი წონა არ აქვს.
თუმცა, გადავწყვიტე, დამეწერა როგორც ადამიანს და ქრისტიანს, რადგან ეს ძნელი საყურებელია. სააკაშვილი იტანჯება, მისი ოჯახი და მთელი საქართველო იტანჯება. ცუდია, რაც რაც ხდება და ამაში კარგი არაფერია არც მათთვის, ვისაც სურს, რომ სააკაშვილი სიცოცხლის ბოლომდე ციხეში იყოს.
მე მჯერა საქართველოს ბედნიერი, ევროპული მომავლის. ეს შესანიშნავი ქვეყანაა, რომელსაც კეთილდღეობისთვის ყველაფერი აქვს. მჯერა, რომ პოლიტიკური დაპირისპირება, (და სად არ არის ეს?) მშვიდობიანად და უსაფრთხოდ მოგვარდება. მაგრამ ყოფილი პრეზიდენტის პატიმრობა და ტანჯვა საშინელი და უგულოა. ეს გავლენას ახდენს ევროპულ არჩევანზე, განვითარებაზე, ამცირებს ქვეყნის ნორმალური მომავლის შანსს. აქვეითებს მორალს და ქვეყანას ბოროტებით ავსებს.
გასაგებია, რომ ეს დაპირისპირება სასტიკი და ემოციებით სავსეა. ეჭვი არ მეპარება, რომ სააკაშვილის მოწინააღმდეგეებს ბევრი დასამახდოვრებელი და შურის საძიებელი აქვთ. და ამაზე მინდა საუბარი, თუ ვინმე გაიგებს. არ არის საჭირო შურისძიება, თუმცა ძალიან მინდა. ამ შურისძიებით მთელი საქართველო დაზარალდება. ეს გადაწყვეტილება ჩიხში შემყვანი და სტრატეგიულად ყველასთვის სასტიკი და არახელსაყრელია. ჩვეულებრივ, ყველაფერი ეყრდნობოდა იმას, რომ სახის შენარჩუნება ყველას სურს.
მაგრამ, ხელისუფლება უფრო მოწყალე უნდა იყოს, ვიდრე მისი ოპონენტები. ის არის ძალა.
სააკაშვილი ძალიან ავადაა და სიმულაციაზე საუბარი სისულელეა. დამიჯერეთ, ციხე ყველას ართმევს ჯანმრთელობას, თან ძალიან სწრაფად. მისი პირობითი სასჯელით, მკურნალობის მიზნით გათავისუფლება, ან ისეთი რამის გაკეთება, რაც მხარეებს კანონის დაცვისა და სახის გადარჩენის საშუალებას მისცემს, სწორი ნაბიჯი იქნება.
ახლა მართლმადიდებლურ ქვეყნებში წმინდა კვირაა, შემდეგ კვირა კი აღდგომის კვირაა. ახლა კარგი დროა ქვეყნის სასიკეთოდ რთული, მაგრამ მოწყალე მოქმედებისთვის და ეროვნული შერიგებისკენ გადადგმული ნაბიჯისთვის.
მოვუწოდებ საქართველოს ხელისუფლებასა და მიხეილ სააკაშვილის ყველა ოპონენტს, გადადგას ეს ნაბიჯი ქრისტიანული ქველმოქმედებისა და მშვიდობის დამყარების სულისკვეთებით.
ნეტარ იყვნენ მოწყალენი, რამეთუ იგინი შეიწყალნენ”, – წერს ნავალნი.
საქართველოს სამართალდამცავ ინსტიტუციებს – უშიშროების სამსახურს, პროკურატურას, შსს-სა თუ ფინანსურ პოლიციას სხვისი ჭკუის დარიგება არ სჭირდება, – ასე უპასუხა საპარლამენტო უმრავლესობის წევრმა, ბექა ოდიშარიამ კითხვას იმის შესახებ, თუ რას ფიქრობს კელი დეგნანის შეფასებაზე, რომელმაც აღნიშნა, რომ საქართველოს ხელისუფლებას ექნება შესაძლებლობა, თავად გამოიძიოს მათ მიერ მოსამართლეებისთვის წარდგენილი ბრალდებები:
„საქართველოს სამართალდამცავ ინსტიტუციებს – უშიშროების სამსახურს, პროკურატურას, შსს-სა თუ ფინანსურ პოლიციას სხვისი ჭკუის დარიგება არ სჭირდება. როდესაც გერმანულ მხარესთან ერთად ჩატარდა სპეცოპერაცია, გერმანიის ელჩის მოადგილემ განაცხადა, რომ 110 ადამიანი მონაწილეობდა საგამოძიებო პროცესში და მათ შორის ეს იყო საქართველოს გენერალური პროკურატურა, შსს, უსაფრთხოების სამსახური და ფინანსური პოლიცია. ასე, რომ ვფიქრობ, ყოველგვარი მითითებების გარეშე იმოქმედებენ ეს სტრუქტურები“, – განაცხადა ოდიშარიამ.
ოპონენტების განმარტებები, რომ თურმე იგივე ადამიანებისგან შემდგარი სასამართლო ცუდი იყო წინა ხელისუფლების დროს და დღესაც ასეა, არის დიდი „ბლეფი“ – მურუსიძის ავკარგიანობას განაპირობებდა ის, რომ აღმასრულებელი ხელისუფლებას იღლიაში ჰქონდა ამოდებული მთელი სასამართლო ხელისუფლება, – ამის შესახებ ჟურნალისტებთან პარლამენტის ადამიანის უფლებათა კომიტეტის თავმჯდომარე მიხეილ სარჯველაძემ განაცხადა.
სარჯველაძე მიიჩნევს, რომ თუ წინა ხელისუფლების პირობებში ვინმე ზეწოლას ვერ უძლებდა, ეს იმას არ ნიშნავს, რომ ჯოხი მასზე უნდა გადატყდეს.
მისივე თქმით, საგამოძიებო კომისიის ფუნქცია არის კონკრეტული სამართალდარღვევის გამოძიება და რეაგირება, კონკრეტული ფაქტები კი არ არსებობს, ხოლო კომისიის მხრიდან მოსამართლის გათავისუფლების ან პასუხისმგებლობის საკითხის დაყენება მიუღებელია და ხელისუფლების დანაწილების პრინციპს ეწინააღმდეგება.
“ჩვენ შეიძლება გვქონდეს განსხვავებული ინტერპრეტაციები, არგუმენტები, მოსაზრებები, მაგრამ ამას აზრი არ ექნება, თუ არ გვეცოდინება, რა არის მიზეზი (მოსამართლეთა დასანქცირების). კორუფცია საერთოდ არ არის კავშირში გირგვლიანის საქმესთან. თუ ზეწოლაზე გვაქვს საუბარი, ზეწოლის განმახორციელებელი ვინ იყო, გახსოვთ, აღმასრულებელი და საკანონმდებლო ხელისუფლება იმხანად. თუ ეს გვახსოვს, კატეგორიულად მიუღებელია ჩვენი ოპონენტების განმარტებები, რომ თურმე სასამართლო იგივე ადამიანებისგან შემდგარი ცუდი იყო წინა ხელისუფლების დროს და დღესაც ასეა, ეს არის დიდი ბლეფი – მურუსიძის ავკარგიანობას ძირითადად განაპირობებდა ის, რომ აღმასრულებელი ხელისუფლება იყო ისეთი, რომ [მაპატიეთ გამოთქმისთვის, შეურაცხყოფისთვის არ ვიძახი] მთლიანად იღლიაში ჰქონდა ამოდებული მთელი სასამართლო ხელისუფლება, რის გამოც სასამართლო არ იყო დამოუკიდებელი, მთლიანად კონტროლდებოდა აღმასრულებელი ხელისუფლებიდან. ეს ვითარება შეიცვალა 2012 წლიდან. როცა სასამართლოში ვინმე იმ ზეწოლას ვერ უძლებდა, რასაც ადგილი ჰქონდა პოლიტიკური ხელისუფლებიდან, იმაზე ჯოხის გადატეხვას ნურავინ ეცდება. იმას თავის წილი პასუხისმგებლობა აქვს, მაგრამ ამას სჭირდება რელევანტური შეფასება. ახლა ყველაზე მთავარი – საბედნიეროდ, საქართველოში აღარ არის სისტემა, რომლის დროსა პოლიტიკოსების სიმპათიაზე და ანტიპათიაზე შეიძლება იყოს დამოკიდებული კონკრეტული მოსამართლეების სასამართლოში ყოფნა – არყოფნა. კონსტიტუცია ბრძანებს, რომ სასამართლო ხელისუფლება დამოუკიდებელია და არაერთი ნორმა მიგანიშნებთ, რომ სასამართლოდან ადამიანების გათავისუფლება არ არის აღმასრულებელი და საკანონმდებლო ხელისუფლების პრეროგატივა, ამიტომ როგორიც არ უნდა იყოს ჩემი დამოკიდებულება ინდივიდუალური მოსამართლეების მიმართ, ვერც ერთ შემთხვევაში ვერ უნდა ხდებოდეს მათი გათავისუფლების მიზეზი.
კომისია რეგლამენტის თანახმად კონკრეტულ შემთხვევასთან დაკავშირებით იქნება და ასეთი დღემდე არ ვიცით. ის, რომ ვინმეს გვარზეა საუბარი არ არის ეს კონკრეტული შემთხვევა. რეაგირება და სამართალდარღვევის შესწავლა წარმოადგენს რეგლამენტის თანახმად კომისიის ფუნქციას. დავუშვათ მივიდა დასკვნამდე, რომ ადგილი არ აქვს ან აქვს სამართალდარღვევას, კომისიამ თქვენი აზრით უნდა მიიღოს გადაწყვეტილება რომელიმე მოსამართლის გათავისუფლებაზე ან პასუხისმგებლობის შესახებ? – ეს იქნებოდა ხელისუფლების დანაწილების უხეში დარღვევა”, – განაცხადა სარჯველაძემ.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge