დიახ, საქართველო და საქართველოს მოსახლეობა იმსახურებს სამართლიანად [კანდიდატის სტატუსს] და ამ შეცდომას გამოასწორებს ევროკომისია,- ამის შესახებ საპარლამენტო უმრავლესობის წევრმა, ირაკლი ზარქუამ გადაცემაში „ვახო ხუზმიაშვილის თავისუფალი სივრცე“ განაცხადა.

კითხვაზე, თუ რას აკეთებს ხელისუფლება იმისთვის, რომ საქართველომ მიიღოს კანდიდატის სტატუსი, ზარქუამ აღნიშნა, რომ რეკომენდაციების შესასრულებლად ყველაფერს აკეთებენ.

„ევროკომისიის დასკვნები წინა თვეში მივიღეთ, სადაც რეიტინგების მიხედვით საქართველო, რომელსაც არ მისცეს კანდიდატის სტატუსი და პირდაპირ ვთქვათ ევროკომისიის მხრიდან შეცდომა იყო, ამ რეიტინგებითაც ხომ გამოჩნდა, სადაც მოლდოვასაც და უკრაინასაც ვუსწრებთ, დანარჩენ პრეტენდენტებზე რომ არ ვთქვათ. მე მაქვს პოზიტიური მოლოდინი რომ ამ მეორე შეცდომას არ გაიმეორებს ევროკომისია და უკვე მიანიჭებს [საქართველოს კანდიდატის სტატუსს].

12 რეკომენდაციიდან ჩვენ 8 შესრულებული გვაქვს, დარჩა დეოლიგარქიზაცია და თქვენ იცით, რომ უკრაინული მოდელი პირდაპირ გადმოვიღეთ, გადავაგზავნეთ ვენეციის კომისიაში პირველი მოსმენის შემდეგ, დაგვიბრუნეს რეკომენდაციები, ამ რეკომენდაციების გათვალისწინებით საკომიტეტო განხილვა გავაკეთეთ, ისევ გადავაგზავნეთ და ველოდებით.

რჩება საბჭოში მოსამართლეების არჩევა, ამასაც მივიყვანთ ბოლომდე და ერთადერთი გვრჩება დეპოლარიზაციის შემცირება. ამასთან დაკავშირებითაც ჩვენ ყველაფერი გავაკეთეთ. მოსახლეობა ხედავს, უფრო მეტიც, დეპოლარიზაცია რომ შეგვემცირებინა ამისთვის შევქმენით სამუშაო ჯგუფები, თორემ ხაბეიშვილი ან ჭიჭე [გიორგი] ვაშაძე რას იმუშავებდა, პოპულისტი ჩვეულებრივი. ჩვენ შესაძლებლობა მივეცით ყველას და არც შემოსულა რადიკალური ოპოზიცია სამუშაო კომისიებში.

უფრო მეტიც, როგორც ხაზარაძემ თქვა, რასაც ესენი აკეთებენო ჩვენს უცხოელ პარტნიორებთანო არ მისცეთ კანდიდატის სტატუსიო, მავნებლობენ- ეს არის ამათი სახე და ჩვენ ყველაფერს ვაკეთებთ, ამ რეკომენდაციებს ბოლომდე მივიყვანთ. რეიტინგები გამოქვეყნებულია ევროკომისიის მხრიდან, სადაც წინ ვუსწრებთ და უკვე ბურთი იქნება ევროკომისიის მოედანზე“-განაცხადა ირაკლი ზარქუამ.

საერთაშორისო სანქციების მე-4 პაკეტის დაწესების დღიდან – ნებისმიერი ტიპის საქონელი, რომელიც სანქციების მონაწილე ქვეყნების მიერ მოხვედრილია სანქციების სიაში, საქართველოს მხრიდან ექვემდებარება მკაცრ საბაჟო კონტროლს, – ამის შესახებ ინფორმაციას შემოსავლების სამსახური ავრცელებს.

მათივე ინფორმაციით, საბაჟო რეგულაციებში არანაირი ცვლილება არ განხორციელებულა და როგორც ტრანზიტი, ისე ექსპორტი და რეექსპორტი ხორციელდება საერთაშორისო წესებისა და რეგულაციების სრული დაცვით.

„დღეს ერთ-ერთი ტელეკომპანიის ეთერით, გავრცელდა საქართველოს მიერ საერთაშორისო სანქციების აღსრულებასთან დაკავშირებული მორიგი ტყუილი და დეზინფორმაცია – თითქოს საქართველოს მხრიდან შეიცვალა საბაჟო პროცედურები და ქვეყანამ მხოლოდ ახლა დაიწყო დაწესებული საერთაშორისო სანქციების აღსრულება, რომელიც ითვალისწინებს რუსეთის ფედერაციასა და ბელარუსში ძვირადღირებული ავტომობილების შეტანას.

ფინანსთა სამინისტროს შემოსავლების სამსახური საზოგადოებისთვის კიდევ ერთხელ განმარტავს, რომ არანაირი ცვლილება საბაჟო რეგულაციებში არ განხორციელებულა და როგორც ტრანზიტი, ისე ექსპორტი და რეექსპორტი ხორციელდება საერთაშორისო წესებისა და რეგულაციების სრული დაცვით და არ არსებობს ამის საპირისპირო დამადასტურებელი არც ერთი ფაქტი.

საზოგადოებისთვის ობიექტური ინფორმაციის მიწოდების მიზნით განვმარტავთ, რომ უკრაინაში რუსეთის ფედერაციის საომარ მოქმედებებთან დაკავშირებით, ევროკავშირმა ამერიკის შეერთებულ შტატებთან და G7-ის წევრ ქვეყნებთან ერთად, ჯერ კიდევ 2022 წლის 15 მარტს მიიღო სანქციების მე-4 პაკეტი, რომლითაც აიკრძალა ფუფუნების საგნების ექსპორტი აღნიშნული ქვეყნებიდან რუსეთის ფედერაციასა და ბელარუსში, მათ შორის, ძვირადღირებული მსუბუქი ავტომობილებისა და მოტოციკლების შეტანა.

კერძოდ, აიკრძალა ევროკავშირიდან ავტომობილების პირდაპირ ან ირიბად რუსეთის ფედერაციაში გაყიდვა, გადაცემა, მიწოდება ან ექსპორტი ნებისმიერ იურიდიული თუ ფიზიკური პირისთვის თუ ავტომობილის ღირებულება აღემატება 50 000 ევროს ან მოტოციკლეტის თუ მისი ღირებულება აღემატება 5000 ევროს, აგრეთვე აიკრძალა აშშ-დან მსუბუქი ავტომობილების რუსეთის ფედერაციასა და ბელარუსში მიწოდება, თუ ავტომობილის ღირებულება აღემატება 50 000 აშშ დოლარს ან მოტოციკლეტის თუ მისი ღირებულება აღემატება 5000 აშშ დოლარს.

სანქციების მე-4 პაკეტის დაწესების დღიდან – ნებისმიერი ტიპის საქონელი, მათ შორის, მსუბუქი ავტომობილები/მოტოციკლეტები, რომელიც სანქციების მონაწილე ქვეყნების მიერ მოხვედრილია სანქციების სიაში, საქართველოს მხრიდან ექვემდებარება მკაცრ საბაჟო კონტროლს“, – აღნიშნულია გავრცელებულ ინფორმაციაში.

საპარლამენტო უმრავლესობის წევრის ირაკლი ზარქუას განცხადებით, მას შემდეგ, რაც აშშ-მ სასამართლოს წარმომადგენლებს სანქციები დაუწესა, შემდეგ კი შესაბამისი არგუმენტები არ წარუდგინა, გაუჭირდებათ, მოსახლეობას აუხსნან, „რომ ევროატლანტიკური სივრცე სამართლიანობაა“.

„სააკაშვილი რატომ ზის აქ? – სტრასბურგის გადაწყვეტილების მიხედვით. ამათ და ამათ პარტნიორებს რომ ჰკითხო, ფასიან ლობისტებს, ევროპარლამენტში რეზოლუცია მიიღეს და სამარცხვინო ვუწოდეთ… კუბილიუსები, ეს ფოტიგები სამარცხვინოები არიან. რეზოლუცია მიაღებინეს ევროპარლამენტს, სადაც ჩაწერეს, რომ სააკაშვილი პოლიტდევნილია და ეს კაცი BBC რომ გამოძიებას ატარებს და „მისტერ ოფშორს“ ეძახის, ეს თურმე მედიადევნილია. ამიტომაც, ორმაგი სტანდარტი მიუღებელია. ქალბატონ დეგნანს მინდა ვუთხრა – ორმაგი სტანდარტი არსად გავა, შეუძლებელია, ჩვენ ღირსეული ქვეყანა ვართ, მე ვარ უდიდესი კულტურის შვილი, ეს ბანანების რესპუბლიკა არ არის და თითოეულ სიტყვას აქვს ფასი. როდესაც თქვენ, ჩვენი ხელისუფლების მნიშვნელოვან შტოს, სასამართლოს ამ რეფორმების შემდეგ, რომელიც ამერიკული კომპანიების მხრიდან შეფასებულია დადებითად და სანქციას უწესებთ და შემდეგ უკან იხევთ და არგუმენტებიც არ გინდათ წარმოადგინოთ, ეს მიუღებელია. ამის შემდეგ გაგვიჭირდება, რომ ჩვენს მოსახლეობას ავუხსნათ, რომ ევროატლანტიკური სივრცე სამართლიანობაა. დღეს შეცდომას შეცდომა დაამატეთ და თქვით, რომ კეზერაშვილის „ქეისზე“ სასამართლომ უნდა იმსჯელოსო“, –  ირაკლი ზარქუამ მერდიასთან განაცხადა

100 წლის წინ, ზუსტად ასევე ებრძოდნენ ამბროსი ხელაიას. პატრიარქი არის უაღრესად ავტორიტეტული პიროვნება არამარტო საქართველოში, არამედ მთელ ქრისტიანულ სამყაროში, – ამის შესახებ ისტორისკომა ედიშერ გვენეტაძემ განაცხადა, რითაც გამოხმაურა სხვადასხვა რადიკალური ჯგუფის მხრიდან პატრიარქის წინააღმდეგ განხორციელებულ შეტევებს.

„[ხვიჩა] კვარაცხელია კი არის ახალგაზრდობის, მომავალი თაობის კუმირი და ისინი თვლიან, რომ კვარაცხელია როდესაც გადის სტადიონზე, პირჯვარს იწერს და ქრისტიანულ წეს-ჩვეულებას ასრულებს, ეს არის უდიდესი დარტყმა მათთვის“, – აღნიშნავს ისტორიკოსი.

პარტია „სტრატეგია აღმაშენებლის“ ლიდერიგიორგი ვაშაძე აცხადებს, რომ პოლიტოლოგი გია ხუხაშვილის პროგნოზები არასდროს ამართლებს და ოპოზიციას უნდა აცადონ, თვითონ შეიმუშაონ ხელისუფლებასთან ბრძოლის მეთოდები.

ამის შესახებ ვაშაძემ გია ხუხაშვილის მიერ ოპოზიციისთვის შეთავაზებული გეგმის საპასუხოდ განაცხადა.

ხელისუფლებას უნდა გავაგებინოთ – არ იქნება სამართალი, არ იქნება მშვიდობა! – გია ხუხაშვილი

„ბატონი გიას მოსაზრებებს ყოველთვის ვეცნობი, მაგრამ ყოველთვის მცდარ დასკვნებს აკეთებს ხოლმე. არ გაურტყია არც ერთ შემთხვევაში პროგნოზირებისას – ასე იყო რუსულ კანონთან დაკავშირებით, ასე იყო საპარლამენტო მუშაობასთან დაკავშირებით… ასე რომ, მე ნამდვილად არ მინდა კონფლიქტში შევიდე ამ ადამიანთან. ოპოზიციას აქვს თავისი გეგმა, ყველას აქვს თავისი აზრის გამოხატვის შესაძლებლობა. პარლამენტარობა და ოპოზიციონერობა არ ნიშნავს, რომ ყოველდღე ფიზიკურ ჩხუბში უნდა იყო ჩართული. როცა საჩხუბარია, ოპოზიცია კონკრეტული პოზიციის ფიზიკურ დაცვაზეც არ ამბობს უარს, მაგრამ ცარიელი კედლების მტვრევას და სპეცნაზებთან მუშაობას არამგონია, რომ ჰქონდეს ის ეფექტი. ერთხელ რაც გაკეთდა, ნუ ჰგონიათ, რომ მეორედ, მესამედ, მეშვიდედ და ყოველთვის გამოვა. გვაცადეთ რა“, -გიორგი ვაშაძემ  მედიასთან განაცხადა

ცნობისთვის, გია ხუხაშვილმა ოპოზიციას ურჩია, ინიციატივა აიღონ ხელში და „გამოაცხადონ, რომ არ დატოვებენ პარლამენტის შენობას, სანამ კენჭისყრა არ შედგება და პარალელურად, პარლამენტის წინ სამოქალაქო საზოგადოებამ მოაწყოს პერმანენტული აქცია იგივე მოთხოვნით“.

შეგახსენებთ, პარლამენტში მეორე დღეა სასამართლო სისტემასთან დაკავშირებით საგამოძიებო კომისიის შექმნის საკითხზე კენჭისყრა კვორუმის არარსებობის გამო ვერ ხერხდება. „ქართული ოცნების“ თავმჯდომარე ირაკლი კობახიძემ მოსამართლეებისთვის სოლიდარობის ნიშნად განაცხადა, რომ უმრავლესობის წევრი დეპუტატები რეგისტრაციას არ გაივლიდნენ.

პარლამენტში დროებითი საგამოძიებო კომისიის შექმნის ინიციატივით ოპოზიცია მას შემდეგ გამოვიდა, რაც შშ-ის სახელმწიფო დეპარტამენტმა ოთხ ქართველ სასამართლო ჩინოვნიკს, მიხეილ ჩინჩალაძეს, ლევან მურუსიძეს, ირაკლი შენგელიასა და ვალერიან ცერცვაძეს ამერიკის ტერიტორიაზე შესვლა აუკრძალა.