„ხალხის ძალის“ წევრი ზურაბ ქადაგიძე ე.წ. „ქოლცენტრების“ საქმეზე რატი ალექსიძის დაკავებას ეხმიანება და წერს, რომ კეზერაშვილის უდანაშაულობას ვერ გაასაღებთ სულ რომ ბლინკენმა გამართოს პრესკონფერენცია.

როგორც ქადაგიძე აღნიშნავს, არ გაგიკვირდეთ, ხვალ საკუთარი მამიდები რომ გამოფინონ სააშკარაოზე, ოღონდ კეზერაშვილი გაათეთრონ, მაგრამ როგორც ყველაფრისგან სალამური არ ითლება, ისე კეზერასგან ვერ გამოძერწავთ უდანაშაულოს.

„მოსამართლეების თემით ვერ გადაფარეს… კომისიის თემით ვერაფერი ქნეს… კელი დეგნანი ლამის ნაც-მოძრაობის თავმჯდომარე გახადონ და მაინც ვერ ფარავენ კეზერაშვილის თაღლითობას.. ჰო და ახლა, „საზარბაზნე ხორცად“ საკუთარი გარემოცვის წევრი გამოაგდეს. თან ყველაზე მაგარი „ნარატივით“, მინისტრის ბიძაშვილის ცოლის დის ყოფილი ქმარიო თუ რაღაც ეგეთი სისულელე… ბიჭოოო თქვენ მაგრად გაჟრიალებთ.

კეზერაშვილის უდანაშაულობას ვერ გაასაღებთ სულ რომ ბლინკენმა გამართოს პრესკონფერენცია. ეგ ნაგავი თქვენია და თქვენვე მოგიწევთ მაგის ზიდვა! P.S. არ გაგიკვირდეთ, ხვალ საკუთარი მამიდები რომ გამოფინონ სააშკარაოზე, ოღონდ კეზერაშვილი გაათეთრონ, მაგრამ… როგორც ყველაფრისგან სალამური არ ითლება, ისე კეზერასგან ვერ გამოძერწავთ უდანაშაულოს…“- წერს ზურაბ ქადაგიძე Facebook-ზე.

„ქოლცენტრების საქმეზე უცხოეთში რატი ალექსიძე დააკავეს, დიახ ის რატი ალექსიძე რომელიც დღემდე კეზერაშვილის და ირაკლი სვანიძის ახლო მეგობარია,“- ამის შესახებ სოციალურ ქსელში „ხალხის ძალის“ წევრი თამთა მეგრელიშვილი წერს.

როგორც მეგრელიშვილი აღნიშნავს, მათ შავ საქმეში სწორედ რატი ალექსიძე გაიწირა.

„ქოლცენტრების საქმემ“ კეზერაშვილი გაანულა. იფიქრა, იფიქრა და ისრების ქართული ოცნებისკენ გადმოტანა სცადა, რაც არ გამოვიდა! ქოლცენტრების საქმეზე უცხოეთში რატი ალექსიძე დააკავეს, დიახ ის რატი ალექსიძე რომელიც დღემდე კეზერაშვილის და ირაკლი სვანიძის ახლო მეგობარია.

მათ შავ საქმეში სწორედ ის გაიწირა. ჩასვრილებო, ისრების გადატან გადმოტანა არ გამოგდით. თქვენი მეგობრის, რატი ალექსიძის დაკავებით კიდევ უფრო გამოიკვეთა ის თეთრი ძაფი რომლითაც ამ საქმეს კერავთ. კეზერაშვილო მოემზადე, შენთანაც მოდიან!,“- წერს თამთა მეგრელიშვილი.

ცნობისთვის, შაბათის ფორმულას ინფორმაციით, ე.წ. ქოლცენტრების საქმეზე ინტერპოლმა, ევროპის ერთ-ერთ ქვეყანაში საქართველოს ეროვნული ნაკრების ყოფილი ფეხბურთელი, რატი ალექსიძე დააკავა.

„ქოლცენტრების“ საქმეზე უცხოეთში დაკავებული რატი ალექსიძე არის კეზერაშვილის და მისი მარჯვენა ხელის, ირაკლი სვანიძის უახლოესი ძმაკაცი და მათ მიერ თავისთან დასაქმებული პირი“, – ამის შესახებ საპარლამენტო უმრავლესობის წევრი, რატი იონათამიშვილი სოციალურ ქსელში წერს.

„ქოლცენტრების საქმემ“კეზერაშვილი და ნაცების კრიმინალური სინდიკატი საგონებელში ჩააგდო, რადგან მართლმსაჯულების სიახლოვე იგრძნეს და მორიგ ჯერზე, უკადრებელი იკადრეს. ე. წ. ტელეკომპანია „ფორმულას“ ეთერში გატესტეს ჯერ. ოღონდ ისრები „ქართული ოცნებისკენ“ გადმოეტანათ და უახლოესი ძმაკაცი გაწირეს…

„ქოლცენტრების“ საქმეზე უცხოეთში დაკავებული რატი ალექსიძე არის კეზერაშვილის და მისი მარჯვენა ხელის, ირაკლი სვანიძის უახლოესი ძმაკაცი და მათ მიერ თავისთან დასაქმებული პირი. მთელმა თბილისმა იცის ეს ამბავი, როგორ დაიმალებოდა…

ამავე დროს, ალექსიძე ჯუანშერ ბურჭულაძის ყოფილი ქვისლია! ამ ნიშნით შეარჩიეს და გაწირეს! იქნებ აქეთ გადმოესროლათ უბინძურესი ბრალდება! გახსოვთ, ალბათ, კეზერაშვილის დაპირება, ხელისუფლებას ვამხელ ამ საქმეშიო… სცადა! არ გამოუვიდა! ყველამ ყველაფერი იცის, ზეპირად!

თავისი ძმაკაციც გაწირეს და ბოლომდე გაშიშვლდნენ, როგორც მორალისგან აბსოლუტურად დაცლილი ხალხი“, – წერს რატი იონათამიშვილი.