უკრაინის თავდაცვის საკონტაქტო ჯგუფის მეთერთმეტე შეხვედრამ რუსეთი პასუხისმგებლობის დაკისრებასთან დააახლოვა, – წერს უკრაინის თავდაცვის მინისტრი ოლექსეი რეზნიკოვი “რამშტეინის” შეხვედრის შემდეგ.
როგორც რეზნიკოვი წერს, რუსეთი ნიურნბერგ II-ს უახლოვდება.
“რამშტაინ-11-ის შედეგები: რუსეთი უახლოვდება ნიურნბერგ-II-ს. ამ ფორმატის ყოველი შეხვედრა არა მხოლოდ უფრო სასარგებლო “საჩუქრებს” აძლევს უკრაინის შეიარაღებულ ძალებს, არამედ მიზნად ისახავს დამნაშავეების პასუხისგებაში მიცემას” – წერს რეზნიკოვი
შეგახსენებთ, 21 აპრილს, გერმანიაში, აშშ-ის საჰაერო ძალების “რამშტეინის” ბაზაზე უკრაინის თავდაცვის საკონტაქტო ჯგუფის მე-11 შეხვედრა გაიმართა. შეხვედრაზე, განიხილეს უკრაინისთვის საჰაერო თავდაცვის, საბრძოლო მასალისა და მხარდაჭერის საშუალებების საკითხები.
