ემილი ლაში ავსტრალიელი “ბლოგერი” და მოგზაურია, რომელიც ხშირად წერს ქართულ ღვინის კულტურაზე, მევენახეობა-მეღვინეობაზე, ისტორიასა და ქვევრზე.

ამჯერად კი კახეთში 12 საუკეთესო მარანს ასახელებს და მკითხველს მათ ღვინოსა და იქ სტუმრობას ურჩევს.

სიაში პირველ ადგილს “აკიდო” იკავებს, რომელიც იყალთოს მონასტერთანაა ახლოს და საოჯახო, მცირე მეღვინეობაა: “აქაურობა გამორჩეულია მე-20 საუკუნის ულამაზესი სახლითა და საოჯახო მემკვიდრეობით, რომელიც მფლობელებმა ძველი, საოჯახო ფოტოებითა და კახური ხალიჩებით გააფორმეს” – წერს ავტორი.

შემდეგია “გიუაანის მეღვნეობა”, რომელიც საგარეჯოში მდებარეობს, თბილისიდან მხოლოდ 1 საათის სავალ გზაზე. “გიუაანში” ღვინო 1894 წლიდან იწარმოება, მარანი კი 2010 წელს დააარსეს. მათ 22 ღვინის სახეობას ბევრი ჯილდო აქვს აღებული, ავტორი კი მკითხველს “გიუაანის” ნახევრად-ტკბილ წითელს და მშრალ მანავს ურჩევს.

Wine Yard N1 – ეს მარანი ახალსოფელშია და ძალიან მყუდრო, სასიამოვნო და ლამაზი გარემოთი გამოირჩევა, აქ შეგიძლიათ რთველთან ერთად ჩურჩხელისა და თონის პურის მასტერკლასებსაც დაესწროთ.

“ვახო ოქრუაშვილის ღვინის მარანი” – ამ პატარა საოჯახო მარანში ქვევრის ღვინის დაყენების პროცესს დააკვირდებით: “ეს პირველი მარანი იყო, სადაც პირდაპირ ქვევრიდან გადმოღებული ღვინო დავაჭაშნიკე თიხის ფიალით, რაც ძალიან დასამახსოვრებელ მომენტად იქცა ჩემთვის” – წერს ავტორი.

“შალაურის ღვინის მარანი” თელავში მეგობრებმა დააფუძნეს. აწარმოებენ მხოლოდ ქვევრის ღვინოებს, მათ შორის კი წინანდლის მიკროზონის 30 წლის ვაზისგან – საფერავს. წითელი ღვინოები “შალაურის მარანში” 4 წლის განმავლობაშია დავარგებული და ყოველწლიურად 25 000 ბოთლს იწარმოება: “აქ უგემრიელესი კერძებია და შესანიშნავი ხედები, ნამდვილად ერთ-ერთი გამორჩეული ადგილია, სადაც ვყოფილვარ” – ვკითხულობთ სტატიაში.

“მეგობრების მარანი” 11 სხვადასხვა ქვეყნიდან ღვინით აღტაცებული მეგობრების დაარსებულია. Friend’s Cellar ძალიან ლამაზი ხედებითა და სადეგუსტაციო ოთახ-რესტორნით შილდაში მდებარეობს, ქინძმარაულის მიკროზონაში, ნეკრესის მონასტერთან ახლოს. მარანში ფოლადის ავზებსაც იყენებენ და ქვევრსაც. როგორც ვკითხულობთ, ავტორს განსაკუთრებით საფერავი მოეწონა.

“ღვარძელაშვილის მარანს” გიორგი ღვარძელაშვილი, ძველი, გამოცდილი მეღვინე მართავს, აქ ძალიან არომატულ, ბიო და დაბალი ინტერვებციის ღვინოებს გასინჯავთ. შეხვდებით წინანდლის მიკროზონის ვაზის ღვინოებს, მათ შორის ჟღიას, რომელიც საკმაოდ იშვიათია.

“საოჯახო მეღვინეობა ნასრაშვილი” კახეთის სამხრეთ-აღმოსავლეთით, ვაშლოვანისა და ლაგოდეხის გზაზე მდებარეობს: “ღვინოები ძალიან სხეულიანი, არომატული და დახვეწილია, გავსინჯე თავკვერის მშრალი წითელი ღვინო და შავკაპიტო.” – წერს ემილი.

Temi Community Winery გრემში მდებარეობს. “თემი” დაახლოებით 70-მდე ადამიანს აერთიანებს. აქ აყენებენ მაღალი ხარისხის, ორგანულ ქვევრის ღვინოებს რქაწითელისა და საფერავის ვაზებისგან. ავტორი სტუმრებს შემოდგომასა და გაზაფხულზე სტუმრობას ურჩევს.

სტატიის დასასრულს კი “მეღვინეობა ხარებასა” და “კორპორაცია ქინძმარაულზე” საუბრობს. ორივეს აუცილებლად სანახავ ადგილად ასახელებს და ყველას ურჩევს მათ მონახულებას, ღვინის დეგუსტაციასა და მარნის დათვალიერებას.

წყარო

თიბისის მხარდაჭერით კომპანიამ „ყვარლის ღვინის მარანი“ პანდემიისგან შექმნილი პრობლემები გადალახა, წარმოება გააფართოვა და ღვინის ექსპორტზე გატანას გეგმავს. კომპანიის ერთ-ერთი დამფუძნებელი, გიორგი სეხნიაშვილი „ყვარლის ღვინის მარანზე“ გვიყვება:

„ვიდრე საკუთარ კომპანიას დავაფუძნებდი, ამ სფეროში მუშაობის დაახლოებით 8 წლიანი გამოცდილება მქონდა დაგროვილი და ზუსტად ვიცოდი იმ გამოწვევების შესახებ, რაც ღვინის ბაზარზე და ღვინის ტურიზმში არსებობდა. ეს გამოცდილება დამეხმარა, მოგვენიშნა კომპანიის ნიშა და სეგმენტი.

კომპანია „ყვარლის ღვინის მარანი“ 2017 წელს დავაფუძნეთ. ძველი მარანი გავაახლეთ, ახალი ქვევრები ჩავყარეთ და 2018 წლის სეზონისთვის მომხმარებელს საფერავის, რქაწითელის და მწვანეს ჯიშებისგან, ტრადიციული კახური მეთოდით დამზადებული, მცირე რაოდენობის წითელი მშრალი და თეთრი მშრალი ღვინოები შევთავაზეთ. ამ წელს დაახლებით 8000 ბოთლი ღვინო გამოვუშვით და ძირითადი გათვლა ქართულ ბაზარზე არსებულ უცხოელ მომხმარებელზე გვქონდა.

მომდევნო, 2019 წელს, უკვე 11 სახეობის 30 000 ბოთლი ღვინო ჩამოვასხით, მცირე რაოდენობა ადგილობრივ ბაზარზე, 30-იოდე მაღალი ხარისხის ღვინის მაღაზიაში ჩავაბარეთ, დიდი ნაწილი კი ექსპორტზე – ავსტრიასა და ჩინეთში გავუშვით.
პირველი ორი წელი ბიზნესი საკმაოდ კარგად აეწყო, თუმცა პანდემია ჩვენნაირი სტარტაპერებისთვის სერიოზული დარტყმა აღმოჩნდა და ბიზნესის ფუნქციონირება 2 წლით შეაფერხა.
პანდემიის შემდეგ ყველაფრის ნულიდან დაწყება მოგვიწია. დასახმარებლად თიბისის მივმართეთ და მისი მხარდაჭერა იმდენად დიდი იყო, რომ ყველა სხვა ბანკს ჩავეხსენით და ყველა სამომავლო გეგმაც თიბისის დავუკავშირეთ.
დაწყებული გვაქვს მუშაობა და იგეგმება „მწვანეს“, „წინანდალის“, „ქისის“, „საფერავის“, „რქაწითელის“,“ ალაზნის ველის“, „ქინძმარაულის“, „მუკუზანის“, „მცვივანის“, ასევე ქვევრის ღვინოების – „რქაწითელის“, „ქისის“, „საფერავის“ ჩამოსხმა.

ამ ეტაპზე ევროპული ღვინისთვის საწარმო იჯარით გვაქვს აღებული. სამომავლოდ, თიბისის მხარდაჭერით, ვფიქრობთ, შევისყიდოთ ევროპული ღვინის დასამზადებელი ტექნოლოგია და დანადგარები და უკვე საკუთარ საწარმოში ჩამოვასხათ ევროპული ღვინო.

ამჟამად მხოლო საშუალო და მაღალფასიან სეგმენტზე ვმუშაობთ. საკუთარი საწარმოს გახსნისა და ევროპული ღვინის რაოდენობის გაზრდის შემდეგ კი ვფიქრობთ დაბალფასიანი სეგმენტის ათვისებასაც.“

(R)