როგორი ამინდია მოსალოდნელი დღეს საქართველოში

10:40 - 23/05/2023

23 მაისს ქუთაისში +28 გრადუსი და უნალექო დღეა მოსალოდნელი, ღამით კი +14 გრადუსი იქნება. მზიანი დღე იქნება ოზურგეთშიც, სადაც დღისით +30 გრადუსი დაფიქსირდება, ღამით კი +14 გრადუსია ნავარაუდევი. ბათუმში დღისით ჰაერი +25 გრადუსამდე გათბება, ღამით კი +15 გრადუსი დაფიქსირდება.

ფოთში უნალექო დღეა ნავარაუდები. დღისით +27 გრადუსი დაფიქსირდება, ღამით კი +15 გრადუსია მოსალოდნელი. ზუგდიდში დღისით ტემპერატურა +27 გრადუსს მიაღწევს, ღამით კი +14 გრადუსია ნავარაუდევი. +27 გრადუსია მოსალოდნელი დღისით სოხუმში, ღამით +15 გრადუსი დაფიქსირდება.

მესტიაში იწვიმებს. დღისით +20 გრადუსია, ღამით კი +7 გრადუსი დაფიქსირდება. ამბროლაურში ჰაერი დღისით +25 გრადუსამდე გათბება, ღამით კი +14 გრადუსი დაფიქსირდება. მოსალოდნელია ნალექი.

უნალექო დღეა მოსალოდნელი ჭიათურაში, დღისით +27 გრადუსი, ღამით კი +14 გრადუსი იქნება. ახალციხეშიც გამოიდარებს, სადაც დღისით ჰაერი +25 გრადუსამდე გათბება, ღამით კი ტემპერატურა +8 გრადუსამდე დაიწევს.

იწვიმებს ბორჯომში, დღისით +25, ღამით კი +10 გრადუსი დაფიქსირდება. ბაკურიანშიც წვიმაა მოსალოდნელი. დღისით +20 გრადუსია იქნება, ღამით კი +6 გრადუსი დაფიქსირდება.

გორში +26 გრადუსია და ნალექიანი დღეა მოსალოდნელი, ღამის განმავლობაში კი +11 გრადუსი დაფიქსირდება. ნალექიანი დღეა ცხინვალშიც, სადაც დღისით ჰაერს ტემპერატურა +25 გრადუსი იქნება, ღამით კი +10 გრადუსი დაფიქსირდება.

გუდაურში +15 გრადუსი და ნალექიანი დღეა ნავარაუდევი, ღამით კი ჰაერის ტემპერატურა +7 გრადუსი იქნება. წვიმიანი დღეა მოსალოდნელი ომალოშიც, სადაც დღისით +13, ღამით კი +7 გრადუსი დაფიქსირდება.

ლაგოდეხში უნალექო დღეა ნავარაუდები. ჰაერის ტემპერატურა დღის განმავლობაში +30 გრადუსი იქნება, ღამით კი +16 გრადუსი დაფიქსირდება. მზიანი დღეა თელავშიც, სადაც დღისით +26 გრადუსი დაფიქსირდება, ღამით კი +14 გრადუსია ნავარაუდევი.

გურჯაანში ნალექიან დღეს ვარაუდობენ. დღისით +28 გრადუსი, ღამით კი +14 გრადუსი დაფიქსირდება. სიღნაღში +28 გრადუსი და მოსალოდნელი, ღამით +16 გრადუსი დაფიქსირდება. იწვიმებს.

რუსთავში +28 გრადუსი და წვიმაა მოსალოდნელი, ღამით კი +15 გრადუსი დაფიქსირდება.

თბილისში ჰაერის ტემპერატურა დღისით +28 გრადუსს მიაღწევს, ღამით კი +15 გრადუსია მოსალოდნელი. მოსალოდნელია წვიმა.

“დიდი ალბათობით თურქეთში მარადიულ პრეზიდენტად ისევ ერდოღანი მოგვევლინება” – ზურაბ მარშანია

10:33 - 23/05/2023

დიდი ალბათობით მეზობელ თურქეთში მარადიულ პრეზიდენტად ისევ ერდოღანი მოგვევლინება, – ამის შესახებ სოციალურ ქსელში ექსპერტი საერთაშორისო საკითხებში ზურაბ მარშანია წერს.

მისი თქმით, ამ შემთხვევაში თურქეთში ქურთების პრობლემა გამწვავდება.

“რას შეცვლის ეს ჩვენს რეგიონსა და მსოფლიოში? არაფერს. თავის სანუკვარ ოცნებას, ოსმანთა იმპერიის აღდგენასა და ფადიშახობას რეჯეფ ბეი მაინც ვერ მიაღწევს. დარჩება თურქეთი ნატოში, მაგრამ ვერ შევა ევროკავშირში. ისევ ეცდება ერდოღანი დასავლეთსა და რუსეთ/ჩინეთს შორის ლავირებას გამორჩენის მიზნით და კვლავ ვერაფერს მიიღებს.

გამწვავდება თურქეთში ქურთების პრობლემა. ერთობ საეჭვოდ მოჩანს სომხეთ-თურქეთის ურთიერთობების ნორმალიზაცია და ყარაბაღის პრობლემის მოგვარება, რაშიდაც (რუსეთისაგან განსხვავებით) თურქეთი სისხლხორცეულად არის დაინტერესებული. მაშ რა ხეირს მიიღებს თურქეთი ავტორიტარიზმის მორიგი კონვულსიისაგან მარადიული პრეზიდენტის სახით? მხოლოდ დიდ ხვიშტს! თუმცა, თურქეთი, რომლის უამრავი ღირსეული მოქალაქე უკეთეს ცხოვრებას იმსახურებს, გამონაკლისი არ არის.

არსებობს ერთი უნივერსალური კანონზომიერება. სახელმწიფო შეიძლება ძლიერი იყოს სამხედრო-ეკონომიკური თვალსაზრისით. მასში შეიძლება ცხოვრობდნენ ბევრი დემოკრატიისა და დასავლური ფასეულობებისადმი ერთგული ადამიანები, მაგრამ სანამ ამ სახელმწიფოში ყოვლად ბნელი და გონებასუსტი ამომრჩევლების რიცხვი ჭარბობს, დემოკრატია და უკეთესი ცხოვრება მხოლოდ უტოპიად დარჩება. აი ასეთია თურქეთისა და რაც ყველაზე უფრო მტკივნეულია, ჩვენი სამშობლოს – საქართველოს ხვედრი. ზემოთაღნიშნულ კონტექსტში მხოლოდ სკოლაში ნასწავლი ეს სიტყვები მახსენდება: “ერთ ბედქვეშა ვართ ლაბავ მე და შენ”- წერს ზურაბ მარშანია.

“შეშფოთებული ვართ რუსეთსა და საქართველოს შორის პირდაპირი ფრენების აღდგენით” – აშშ-ის სახელმწიფო დეპარტამენტი

10:21 - 23/05/2023

შეშფოთებული ვართ რუსეთსა და საქართველოს შორის პირდაპირი ფრენების აღდგენით. ეს შეიძლება ნიშნავდეს, რომ საქართველოს აეროპორტების კომპანიები, შესაძლოა, სანქციების რისკის ქვეშ აღმოჩნდნენ, – ამის შესახებ აშშ-ის სახელმწიფო დეპარტამენტის პრესსპიკერმა, მეთიუ მილერმა განაცხადა.

მისი თქმით, ახლა რუსეთთან ურთიერთობის გაზრდის დრო არ არის.

„ბევრი დასავლური ქვეყანა, მათ შორის აშშ, კრძალავს რუსული თვითმფრინავების საჰაერო სივრცეში შესვლას. შეშფოთებული ვართ რუსეთსა და საქართველოს შორის პირდაპირი ფრენების აღდგენით. ეს შეიძლება ნიშნავდეს, რომ საქართველოს აეროპორტების კომპანიები, შესაძლოა, სანქციების რისკის ქვეშ აღმოჩნდნენ. ჩვენ – მთელმა დასავლურმა საზოგადოებამ ამ რეჟიმისგან დისტანცირება მოვახდინეთ და ახლა რუსეთთან ურთიერთობის გაზრდის დრო არ არის“, – აღნიშნა სახელმწიფო დეპარტამენტის პრესსპიკერმა.

“ყველას, პირველ რიგში კი, ჩვენს აფხაზ თანამემამულეებს ვულოცავ დღევანდელ დღეს” – პრემიერი

10:11 - 23/05/2023

სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის ლოცვა-კურთხევით, საქართველოში 23 მაისს აფხაზეთობას აღვნიშნავთ. ყველას, პირველ რიგში კი, ჩვენს აფხაზ თანამემამულეებს ვულოცავ დღევანდელ დღეს, – ამის შესახებ საქართველოს პრემიერ-მინისტრი ირაკლი ღარიბაშვილი სოციალურ ქსელ „ფეისბუქში” წერს.

როგორც მთავრობის მეთაური აღნიშნავს, „ქართული ოცნების” პოლიტიკურმა გუნდმა აფხაზ ძმებს ახალი მიდგომა – შერიგებისა და ნდობის აღდგენის პოლიტიკა შესთავაზა.
პრემიერი საქართველოს მშვიდობასა და განვითარებას უსურვებს.

„ქართული ოცნების” პოლიტიკურმა გუნდმა ჩვენს აფხაზ ძმებს ახალი მიდგომა – შერიგებისა და ნდობის აღდგენის პოლიტიკა შესთავაზა, რადგან ქვეყნის ტერიტორიული მთლიანობის აღდგენამდე ჩვენი ხელისუფლების ერთ-ერთი უმთავრესი მიზანია ერთმანეთის ნდობა დავიმსახუროთ და ჩვენი ძმები, ჩვენი აფხაზი ხალხი დავიბრუნოთ.

ჩვენ ერთი ისტორია და კულტურა გვაქვს, ერთია ჩვენი ღირებულებები და ჩვენი შვილების უკეთესი მომავლისადმი სწრაფვის სურვილი. სწორედ ეს გვაძლევს იმედს, რომ ურთიერთპატივისცემისა და ნდობის აღდგენა და მეგობრობა ძლიერ, გაერთიანებულ, განვითარებულ და ევროპულ ქვეყნად გვაქცევს.

კიდევ ერთხელ გილოცავთ ყველას აფხაზეთის დღეს. მშვიდობასა და განვითარებას ვუსურვებ ჩვენს სამშობლოს – საქართველოს,”- აღნიშნავს ირაკლი ღარიბაშვილი.

Мемориальный турнир по волейболу имени Левана Девдариани

01:24 - 23/05/2023

21 мая этого года при организации мэрии Гардабанского муниципалитета и содействии и поддержке Государственной службы по делам ветеранов, в спортивном зале третьей средней школы Гардабани состоялся открытое первенство по волейболу, посвященное памяти Левана Девдариани, погибшего во время российско-грузинской войны 2008 года.

Турнир проходил в соответствии действующих правил Международной федерации волейбола (FIVB).

В этом году за победу соревновались семь команд. В финальном поединке друг с другом сражались команды “Чолури” и “Лукосанди”. Титул чемпиона этого года достался последнему (“Лукосанди”).

Обладатели призовых мест были награждены призами, учрежденными мэрией Гардабани, которые им вручил заместитель мэра Гардабанского муниципалитета Фуад Мирзоев, а начальник управления Квемо картли Государственной службы по делам ветеранов, Леван Гоголаури, членам команд, которые заняли первое, второе и третье места, вручил медали и грамоты ведомства, ну а чемпиону этого года был вручен специальный кубок Госслужбы.

Мемориальный турнир по волейболу имени героя российско-грузинской войны 2008 года, Левана Девдариани, по инициативе мэрии Гардабанского муниципалитета, был учрежден в 2016 году и в нем участвуют спортсмены из разных регионов.

24-летний капрал Леван Девдариани родился в селе Зесхо Лентехского муниципалитета. Ему было 6 лет, когда его семья сменила место жительства, и переехала в Гардабани. В 2008 году он окончил университет; Леван Девдариани не был призван в армию. До окончания университета, весной 2007 года он по своей воле сам явился в военный комиссариат; для четвертой пехотной бригады был объявлен прием и Леван по контракту вступил в ее ряды.

Солдат, погибший в борьбе за территориальную целостность Грузии похоронен на братском кладбище Мухатгверди. Леван Девдариани посмертно был награжден орденом Вахтанга Горгасали I степени.

В Озургети для ветеранов проведут бесплатные офтальмологические обследования

01:22 - 23/05/2023

27-28 мая этого года при организации Государственной службы по делам ветеранов, в рамках меморандума о взаимосотрудничестве, глазная диабетическая клиника Лайонсов-Грузия для ветеранов войны и вооруженных сил и членов их семей, проживающих в Озургетском муниципатитете, проведет бесплатные офтальмологические обследования и в случае необходимости, будут проведены мини-операции.

В благотворительной акции будет участвовать группа из 12 квалифицированных медиков (офтальмологи, эндокринолог), оснащенные высокотехнологической аппаратурой. В случае необходимости, бенефициарам ведомства будут переданы оптические средства (очки).

Прием бенефициаров начнется в 10:00.

Адрес: г. Озургети, ул. 9 апреля №9; глазная клиника Озургети;

Меморандум о взаимосотрудничестве между Государственной службой по делам ветеранов и глазной диабетической клиникой Лайонсов-Грузия впервые был подписан в 2016 году и каждый год обновляется. Бесплатные медицинские акции проводятся перманентно в масштабах всей Грузии.

Благотворительные акции для ветеранов войны и вооруженных сил и членов их семей, в рамках меморандумов о взаимосотрудничестве, подписанных Государственной службой по делам ветеранов с разными медицинскими учреждениями, и в дальнейшем будут проводится в масштабах всей Грузии, информация о проведении которых ветеранам предварительно будет сообщатся.

23 მაისის ასტროლოგიური პროგნოზი

01:11 - 23/05/2023

ვერძი

ამ დღეს ზღვარგადასული ემოციურობა მუშაობაში ხელს გიშლით. მცირე უსიამოვნებებიც კი გულთან ახლოს მიგაქვთ და მძაფრად რეაგირებთ. მოერიდეთ ემოციური გადაწყვეტილებების მიღებას და ეცადეთ, ფაქტებს მეტი ყურადღება მიაქციოთ. პრაგმატული მიდგომა პრობლემების გადაჭრაში დაგეხმარებათ.

კურო

ამ დღეს გარშემომყოფებს თქვენი ყურადღება და მხარდაჭერა სჭირდებათ. მათი პრობლემები გაიძულებთ, საკუთარ საქმეს მოწყდეთ და ახლობელ ადამიანებზე იზრუნოთ. ემოციური ფონის გამო შეიძლება კონფლიქტურ სიტუაციაში აღმოჩნდეთ. ეცადეთ, კომპრომისული გადაწყვეტილება იპოვოთ და დაპირისპირება შეთანხმებით დაასრულოთ.

ტყუპები

რთული და დაძაბული დღეა. ბევრი საქმე გაქვთ და ვადებში რომ ჩაეტიოთ, საკუთარი მოქმედებები სწორად უნდა დაგეგმოთ. ვიღაც თქვენს მოტყუებას ცდილობს, ამიტომ ნებისმიერი ინფორმაცია რამდენჯერმე უნდა გადაამოწმოთ და თუ საჭიროა კითხვებიც დასვათ. წინააღმდეგ შემთხვევაში შეცდომებს თავიდან ვერ აიცილებთ. ეცადეთ, საყვარელი ადამიანების მიმართ მეტი სიყვარული და მზრუნველობა გამოიჩინოთ – რთული პერიოდი აქვთ და თქვენი მხარდაჭერა სჭირდებათ.

კირჩხიბი

ვარსკვლავები გირჩევენ, რომ ნათესავებთან ურთიერთობის გარკვევას მოერიდოთ, რათა კონფლიქტი და უსიამოვნება თავიდან აიცილოთ. ეცადეთ, პირადი ურთიერთობებიდან ყურადღება მუშაობაზე გადაიტანოთ. გახსოვდეთ, რომ სირთულეებს კოლეგებთან ან თანამოაზრეების გუნდთან ერთად უკეთ გაუმკლავდებით.

ლომი

დილიდან რთული და სტრესული სამუშაოსთვის უნდა მოემზადოთ. შეიძლება შექმნილმა ვითარებამ გეგმების შეცვლა და იმის გაკეთება გაიძულოთ, რაც არ გსურთ. გირჩევთ, პირველ რიგში საკუთარი ვალდებულებები შეასრულოთ და შემდეგ ახლობელი ადამიანის თხოვნა შეასრულოთ. იდეა, რომელიც ამ დღეს გეწვევათ, მალე ფინანსურ სარგებელს მოგიტანთ.

ქალწული

ვალდებულებების დროულად შესრულებისთვის შესაძლოა, კოლეგების ან მეგობრების დახმარება დაგჭირდეთ. მათგან შეიძლება ღირებული რჩევა ან ინფორმაცია მოისმინოთ, რომელსაც მოგვიანებით თქვენ სასარგებლოდ გამოიყენებთ. საყვარელ ადამიანებთან ურთიერთობა სტრესისგან გათავისუფლებასა და სიმშვიდის აღდგენაში დაგეხმარებათ.

სასწორი

ეს დღე ამაღლებულ ემოციურ ფონზე ჩაივლის. ყურადღების მოკრეფა და შექმნილი ვითარების ობიექტურად შეფასება გიჭირთ. გირჩევთ, საყვარელ ადამიანებს საკუთარი გრძნობები და გამოცდილება გაუზიაროთ, უთხარით რა გახარებთ და რა გაწუხებთ. ეს სულიერი სიმშვიდის და კარგი განწყობის აღდგენაში დაგეხმარებათ.

მორიელი

ვარსკვლავები გირჩევენ, რომ საკუთარი გეგმებისა და იდეების შესახებ არავის უამბოთ, წინააღმდეგ შემთხვევაში, ვიღაც ამით ისარგებლებს. ამ დღეს საკუთარ სიმართლეს ნებისმიერ კამათში ადვილად დაამტკიცებთ. თუ ვინმესთან ნაჩხუბარი ხართ, ეს შესანიშნავი დღეა ურთიერთობის გარკვევისა და შერიგებისთვის.

მშვილდოსანი

ყოველმხრივ ხელსაყრელი დღეა. შეხვედრები და მოლაპარაკებები თქვენთვის სასურველი შედეგით დასრულდება. საკუთარი პოზიციის სისწორეში ადამიანების დარწმუნებას ადვილად ახერხებთ და შეგიძლიათ ოპონენტი მხარდამჭერად აქციოთ. ვარსკვლავები გირჩევენ, რომ პირად ურთიერთობებში მეტი თავშეკავება გამოიჩინოთ და ემოციები აკონტროლოთ.

თხის რქა

მშვენიერი დღეა პარტნიორთან ურთიერთობების გარკვევის და შეთანხმების მიღწევისთვის. ბიზნესსფეროში ეცადეთ, პრობლემები, გონების გარდა, პიროვნული ხიბლის დახმარებითაც მოაგვაროთ. შესთავაზეთ ოპონენტს ყავა, ჩაი, ტკბილეული და ეცადეთ, მისი კეთილგანწყობა მოიპოვოთ. ურთიერთობა როგორც პირად ცხოვრებაში, ისე ბიზნესში კარგად აეწყობა. ეცადეთ, სახლსა და სამსახურში პირადი სივრცის მოსაწესრიგებლად დრო გამონახოთ.

მერწყული

თქვენი სურვილი და ოცნება შეიძლება ახდეს, თუ ახალ შესაძლებლობებს და იღბლიან დამთხვევებს გამოიყენებთ. ხელსაყრელი დროა თამამი გეგმებისა და საინტერესო იდეების განხორციელებისთვის. დღის მეორე ნახევარში ახლობელ ადამიანთან მოლაპარაკებას და სადავო საკითხებში შეთანხმებას შეძლებთ.

თევზები

ვარსკვლავები გირჩევენ, რომ ემოციები აკონტროლოთ და პრაგმატულად იმოქმედოთ. მოსალოდნელი სირთულეების მიუხედავად, ბევრი მნიშვნელოვანი საკითხის გადაწყვეტას შეძლებთ. პარტნიორთან გულწრფელი საუბარი უთანხმოების მოგვარებასა და ურთიერთობების განმტკიცებაში დაგეხმარებათ.

“ირაკლი კობახიძე მთლიანად იხსნის ნიღაბს”- ადამ კინზინგერი

00:56 - 23/05/2023

ირაკლი კობახიძე ახლა მთლიანად იხსნის ნიღაბს. ქართველებს არ სურთ, რომ რუსეთის საკუთრება იყვნენ, ირაკლის სურს , – ამის შესახებ ყოფილმა კონგრესმენმა, ადამ კინზინგერმა „ტვიტერის“ საკუთარ გვერდზე დაწერა.

კინზინგერი აღნიშნული „ტვიტით“ ირაკლი კობახიძის იმ განცხადებას გამოეხმაურა, სადაც „ქართული ოცნების“ თავმჯდომარემ, სერგეი ლავროვის ოჯახის წევრების ქორწილის მეორე დღის ჩაშლასთან დაკავშირებით, საქართველოს პრეზიდენტი, სალომე ზურაბიშვილი ქსენოფობიური განცხადებების წაქეზებაში დაადანაშაულა.

“უკრაინას ბელგოროდის ოლქში მიმდინარე მოვლენებთან კავშირი არ აქვს” -მიხაილ პოდოლიაკი

00:05 - 23/05/2023

უკრაინას ბელგოროდის ოლქში მიმდინარე მოვლენებთან კავშირი არ აქვს, – ამის შესახებ უკრაინის პრეზიდენტის ადმინისტრაციის მრჩეველი მიხაილ პოდოლიაკი სოციალურ ქსელში წერს.

პოდოლიაკის თქმით, „უკრაინა ინტერესით აკვირდება რუსეთის ბელგოროდის ოლქის მოვლენებს და სწავლობს სიტუაციას, თუმცა არავითარი კავშირი არ გააჩნია“.

„ტოტალიტარულ ქვეყანაში ერთადერთი მამოძრავებელი პოლიტიკური ძალა ყოველთვის, გარდაუვლად იქცევა პარტიზანულ მოძრაობად იარაღით ხელში“, – წერს პოდოლიაკი.

შეგახსენებთ, რომ რუსეთის ბელგოროდის ოლქის ხელისუფლება ამტკიცებს, რომ მათ ტერიტორიაზე უკრაინელი დივერსანტები იმყოფებიან და მათთან ბრძოლა მიმდინარეობს. რუსული მედია იუწყება რამდენიმე დაშავებული სამოქალაქო პირის შესახებაც.

Єдиною рушійною політичною силою в тоталітарній країні закручених гайок завжди неминуче стає партизанський рух зі зброєю в руках. #Україна із цікавістю спостерігає за подіями в Бєлгородській області Росії та вивчає ситуацію, утім не має до неї безпосереднього стосунку. Як відомо,…

— Михайло Подоляк (@Podolyak_M) May 22, 2023

ბელგოროდის ოლქის გუბერნატორი აცხადებს, რომ ოლქში იერიშის შედეგად არიან დაშავებულები

20:19 - 22/05/2023

ბელგოროდის ოლქის გუბერნატორის, ვიაჩესლავ გლადკოვის განცხადებით, გრაივორონში სამი ადამიანი – ორი მამაკაცი და ერთი ქალი – დაშავდა.

მისივე თქმით, მათი მდგომარეობა საშუალო სიმძიმისაა და ისინი საავადმყოფოში გადაიყვანეს.

გლადკოვის თქმითვე, დაზიანებულია სამი კერძო საცხოვრებელი სახლიც.

„იერიში განხორციელდა ადმინისტრაციის შენობაზეც. სოფელ ზამოსტიეში ჭურვი საბავშვო ბაღს მოხვდა, რის შედეგადაც მას ცეცხლი გაუჩნდა. ასევე, დაშავებულია ქალბატონი, რომელსაც ჭრილობა ხელის არეში აღენიშნება. მას დახმარება ადგილზე აღმოუჩინეს. ზიანის შესახებ ინფორმაცია ახლდება“, – განაცხადა ბელგოროდის ოლქის გუბერნატორმა.

რუსეთის ბელგოროდის ოლქის გუბერნატორმა, ვიაჩესლავ გლადკოვმა განაცხადა, რომ უკრაინის არმიის “დივერსიულმა და სადაზვერვო ჯგუფმა” რუსეთის ტერიტორიაზე შეაღწია. ამასთან, უკრაინის თავდაცვის სამინისტროს დაზვერვის მთავარი სამმართველოს წარმომადგენელმა, ანდრეი იუსოვმა განაცხადა, რომ ბელგოროდის ტერიტორიაზე „რუსეთის თავისუფლების ლეგიონისა“ და „რუსეთის მოხალისეთა კორპუსის“ წარმომადგენლები ახორციელებენ სპეცოპერაციას, რომლის მიზანია ტერიტორიის ე.წ. პუტინის რეჟიმისგან გათავისუფლება, რათა შექმნან უსაფრთხოების გარკვეული ზონა უკრაინელი მშვიდობიანი მოსახლეობის დასაცავად. კრემლის ცნობით, რუსეთის პრეზიდენტი, ვლადიმერ პუტინი ბელგოროდის ტერიტორიაზე უკრაინელი დივერსანტების შეღწევის მცდელობის შესახებ ინფორმირებულია.

” საქართველოს ხელისუფლება 2008 წელს აკეთებდა ყველაფერს, რომ მომხდარიყო კონსოლიდირება პუტინის წინააღმდეგ”- ხაბეიშვილი

20:00 - 22/05/2023

დღეს აბსოლუტურად სხვა რეალობაა, ვიდრე იყო 2008 წელს. საქართველოს ხელისუფლებას, ნაცვლად იმისა, რომ იყოს პირველი, ვინც იაქტიურებს პუტინის რუსეთის წინააღმდეგ, რადგან ის ჩვენი დაუძინებელი მტერია, რუსული პოზიცია უჭირავს, რაც სამარცხვინოა, – ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა განაცხადა.

ხაბეიშვილის თქმით, 2008 წელს საქართველო და საქართველოს ხელისუფლება აკეთებდა ყველაფერს, რომ მომხდარიყო კონსოლიდირება პუტინის რეჟიმის წინააღმდეგ.

„ჩვენ გვქონდა თხოვნა მთელი მსოფლიოსთვის, რომ მათ ეღიარებინათ პუტინი, როგორც ტერორისტი, როგორც სამხედრო დამნაშავე. ჩვენდა სამწუხაროდ, მაშინ ევროპას და დასავლეთს არ ჰქონდათ ჩამოყალიბებული პოზიცია პუტინის წინააღმდეგ. დღეს არის 2023 წელი, როდესაც პუტინი არის სამხედრო დამნაშავე, ჰააგის ტრიბუნალზე გასამართლდა, როგორც მკვლელი და მწამებელი. იმ დროს, როცა 2023 წელს ეს რეალობა გვაქვს, საქართველოს ხელისუფლებას, ნაცვლად იმისა, რომ იყოს პირველი, ვინც იაქტიურებს პუტინის რუსეთის წინააღმდეგ, რადგან ის ჩვენი დაუძინებელი მტერია, ჩვენი ქვეყნის ტერიტორიები აქვს მითვისებული და დღესაც აგრძელებს, პირდაპირი მნიშვნელობით, ქართველი ხალხის გენოციდს, რუსული პოზიცია უჭირავს, რაც სამარცხვინოა.

2023 წელია დღეს, აბსოლუტურად სხვა რეალობაა, ვიდრე იყო 2008 წელს. 2008 წლის შემდეგ როცა ლაპარაკობთ ტურისტებზე, იქ იყვნენ მართლა ტურისტები და აქ, როცა 10 ათასობით ტურისტი გამორბის, რათა სანქციებს აარიდონ თავი და აგენტურის ქსელი გააბან საქართველოში, შესაძლოა, იყვნენ დივერსანტებიც და საქართველოს სახელმწიფოს ემუქრებოდეს რამე.

აბსოლუტურად სხვადასხვა რამეზე ვსაუბრობთ და ჩვენ ვიცით, რომ მათი ათიათასობით ინდივიდუალური მეწარმე დარეგისტრირდა, უნდათ შავი ფულის ტრიალი და სხვადასხვა ხიფათია“, – განაცხადა ლევან ხაბეიშვილმა.

აშშ-ში ვიზიტის ფარგლებში კობა კობალაძე სტიუარტ ტეილორს შეხვდა

19:00 - 22/05/2023

ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ, ამერიკის შეერთებულ შტატებში სამუშაო ვიზიტის ფარგლებში, შეხვედრა გამართა “მოკავშირე ძალების ფონდის” პრეზიდენტთან, სტიუარტ ტეილორთან.

შეხვედრაზე, კობა კობალაძემ, სტიუარტ ტეილორს სამსახურის სტრუქტურა გააცნო და იმ პროგრამებზე ესაუბრა, რომელთაც სამსახური, ვეტერანებისა და ომში დაღუპულთა ოჯახის წევრების ფსიქო-სოციალური და ეკონომიკური მდგომარეობის გასაუმჯობესებლად ახორციელებს.

განსაკუთრებული ყურადღება დაეთმო დაჭრილ-დაშავებული სამხედრო -მოსამსახურეებისა და ვეტერანების წინაშე არსებული გამოწვევების დაძლევას და ამ მიმართულებით, ერთობლივი ღონისძიებების და აქტივობების დაგეგმვას.

აღსანიშნავია, რომ სტიუარტ ტეილორი, დოქტორ ბარბარა ვან დელანთან და დოქტორ რენდი ფელპსთან ერთად, 2018 წელს, საქართველოში, ვეტერანების საქმეთა სახელმწიფო სამსახურს სტუმრობდა.

როგორც შეხვედრაზე სტიუარტ ტეილორმა განაცხადა, ის კვლავ აპირებს საქართველოში დაბრუნებას და პროექტის – “სილქროუდ ჩელენჯის” განხორციელებას, რომელიც ითვალისწინებს დაჭრილ-დაშავებული სამხედრო- მოსამსახურეებისა და ვეტერანებისთვის სხვადასხვა ტიპის აქტივობების დაგეგმვას და მათში ჩართულობას.

სტიუარტ ტეილორი, 1986-2011 წლებში, მსახურობდა ბრიტანულ არმიაში პირველი კლასის უფროს ოფიცრად. 2011 წლიდან გახლავთ არასამთავრობო-არაკომერციული ორგანიზაციის „ მოკავშირე ძალების ფონდის” პრეზიდენტი და აღმასრულებელი დირექტორი. ფონდის მიზანია, გააერთიანოს დაჭრილ-დაშავებული ვეტერანები, აშშ-დან, დიდი ბრიტანეთიდან და სხვა მოკავშირე ქვეყნებიდან.

შეხვედრას,ასევე, ესწრებოდნენ: ვეტერანების საქმეთა სახელმწიფო სამსახურის სამართლებრივი უზრუნველყოფის დეპარტამენტის უფროსის მოადგილე, ირაკლი ჭანტურიძე, პროტოკოლის განყოფილების უფროსი, მარიამ ადამაშვილი, ამერიკის შეერთებულ შტატებში საქართველოს საელჩოს უფროსი მრჩეველი, პაატა პატიაშვილი და თავდაცვის ატაშე აშშ-სა და კანადაში, პოლკოვნიკი რობერტ არღვლიანი.

ვეტერანების საქმეთა სახელმწიფო სამსახურის დირექტორი, კობა კობალაძე, სამთავრობო და არასამთავრობო სექტორთან აშშ-ში შეხვედრებს განაგრძობს.

1...2,0882,0892,090...2,312 Page 2,089 of 2,312