აფხაზური მედიის ცნობით, სოხუმის რეჟიმის დე ფაქტო ლიდერი ასლან ბჟანია საქმიანი ვიზიტით მოსკოვში იმყოფება.
როგორც ბჟანიას პრესსამსახურის მიერ გავრცელებულ ინფორმაციაშია აღნიშნული, დღის წესრიგშია შეხვედრები „პრეზიდენტის ადმინისტრაციაში, მთავრობასა და რუსეთის ფედერაციის უშიშროების საბჭოში“.
ისინიც ხომ ამ ქვეყნის მოქალაქეები არიან და თუ რამე ეჭვები აწუხებდათ მოსამართლეებთან დაკავშირებით, რატომ არ მოითხოვეს მანამდე საგამოძიებო კომისიის შექმნა, სანამ ამ სანქციებს დაკვეთა არ იყო იქითა მხრიდან ისევე, როგორც ე.წ. რუსულ კანონთან დაკავშირებით?“ – ამის შესახებ „ხალხის ძალის“ ერთ-ერთმა ლიდერმა, მიხეილ ყაველაშვილმა, ტელეკომპანია „პოსტივის“ ეთერში განაცხადა.
მისი თქმით, ჯანსაღი ოპოზიცია საკუთარი გონებით უნდა მოქმედებდეს და არა უცხო, თუნდაც პარტნიორი ქვეყნების გავლენითა თუ დაკვეთით.
„მიუხედავად იმისა, რომ აღვნიშნავთ უდიდეს დღესასწაულს – აღდგომას, ჩვენი დღის წესრიგში დგას ის საკითხი, რომლის შესრულებაც აუცილებელია ჩვენი ქვეყნის კეთილდღეობისთვის: საზოგადოებას, რომელიც ჩვენი ქვეყნის მთავარ ძალას წარმოადგენს, ჰქონდეს მეტი ინფორმაცია ქვეყნის შიგნით, თუ გარეთ მომხდარი მოვლენების შესახებ. აღსანიშნავია, რომ პატრიარქი თავის ეპისტოლეში ამ გლობალურ საკითხებსაც შეეხო. ხაზგასასმელია, ასევე, მცდელობა, იმ უმრავლესობისა, რომელმაც ყველაზე კარგად გაითავისა ჩვენი ქვეყნის მდგომარეობა და მხარი დაუჭირა მშვიდობასა და ქვეყნის მშვიდობიანი გზით გამთლიანებას, რასაც, დარწმუნებული ვარ, ყველა მივესალმებით. სწორედ ეს არის გონივრული პოლიტიკა. ეს, რა თქმა უნდა, უფალთანაც დაკავშირებულია, რადგან თითოეულმა ადამიანმა უნდა ჩავიხედოთ ჩვენს შინაგან სამყაროში, უფრო მეტად ვიყოთ პასუხისმგებელნი ჩვენს გადაწყვეტილებაზე, თუ ჩვენს ნათქვამზე. ჩვენ, ყველას, ეს ქვეყანა გვაერთიანებს, ამიტომ აუცილებელია, რომ მისი გაერთიანებისა და კეთილდღეობისთვის ვიბრძოლოთ.
რაც შეეხება „ნაციონალურ მოძრაობას“, მათი დღის წესრიგი დღეს არ დადგენილა. მათი პოზიციები ცნობილი გახდა მათი ხელისუფლებაში მოსვლის დღიდან იქიდან გამომდინარე, თუ როგორ ექცეოდნენ საკუთარ მოქალაქეებს. შემდეგ ამ პარტიიდან ზოგი გავიდა, ზოგიც – შიგნითაა და ახლა ერთმანეთს ებრძვიან. მოკლედ, ამ ადამიანების არსებობასა და მოქმედებაზე კარგი იუმორისტული ფილმის გადაღებაც შეიძლება. დავით ქართველიშვილმა დღეს აღნიშნა, რომ ჩვენ, „ხალხის ძალამ“, შექმნის დღიდან ინფორმაციული მნიშვნელობის გზავნილებით ხაზი გავუსვით მშვიდობასაც, ეროვნულ ღირსებასაც, სუვერენიტეტსაც და ამით ვმოქმედებდით. ამის გამო უდიდესი ზეწოლის ქვეშ ვიყავით და დღემდე ვართ. მიუხედავად ამისა, ჩვენ მიგვაჩნია, რომ სწორედ ეს გზა გაგვიყვანს სამშვიდობოს. წინასწარ ვიცოდით, რომ ასეთი აგრესია იქნებოდა ჩვენ მიმართ, არც ნელდება ეს აგრესია, თუმცა ვიცით, რომ სწორ გზაზე ვდგავართ. ჩვენი ქვეყანა უნდა გადარჩეს და ის გონიერი პოლიტიკა, რომელსაც ხელისუფლება პირველივე დღიდან ატარებს, ამ ყველაფერს ემსახურება. ძალა, რომელიც, თითქოს, ქვეყნის მთავარ ოპოზიციურ ძალად უნდა აღიქმებოდეს, თითქმის დაიშალა. შიდა არჩევნებმაც გამოავლინა, თუ რას ფიქრობდნენ ისინი ერთმანეთზე. მე რომ მათი მხარდამჭერი ვიყო, ჩემთვის უკვე მიუღებელი იქნებოდა ის ქმედებები და ბრალდებები, რომლებსაც ერთმანეთის წინააღმდეგ იყენებენ. ჩვენც კი არ გაგვიჟღერებია მათ მიმართ ისეთი ბრალდებები, რასაც ერთმანეთს აბრალებენ. მიაჩუმათეს, რომ ჟორიკა რურუამ ვანო მერაბიშვილზე თქვა, რუსეთის აგენტიაო. ამაზე არავინ საუბრობს, თითქოს მას კი არ უთქვამს, არამედ ვიღაც „ქართული ოცნების“ წარმომადგენელმა ისაუბრა ამ თემაზე.
უკვე სააშკარაოზე დევს, რომ „ნაციონალური მოძრაობა“ გარედან იკვებება. თვალსაჩინოა, თუ ვინ აერთიანებს საპარლამენტო, თუ პარლამენტს გარეთ ოპოზიციას. დღეს ჩვენი მიდგომით – „არ შეიძლება ვასალური დამოკიდებულება“, საუბრობს საფრანგეთის პრეზიდენტი მაკრონი და თურქეთის პრეზიდენტი ერდოღანი. ტრამპი საუბრობს საკუთარ ქვეყანაზე და საკუთარი უფლებების დაცვაზე, ამბობს, რომ იქაც არის ის ზეწოლა, რომელიც ჩვენ გვაქვს „გლობალური ომის პარტიიდან“ და რომელსაც ლიბერალური ფაშიზმი დავარქვით. ჩვენი რადიკალური ოპოზიცია, ზუსტად ამ „გლობალური ომის პარტიას“ ემსახურება და აქვთ დაკვეთები. მაგალითად, ჩვენს კანონპროექტთან დაკავშირებით პირდაპირი გზავნილი იყო ამერიკის საელჩოდან, რომ უნდა შეერაცხათ რუსულ კანონად, შემდეგ ნედ პრაისმა განაცხადა, რომ ეს არის რუსული კანონი და ვნახეთ, რა დღეში იყო ჩვენი ოპოზიცია პარლამენტთან. თუნდაც მოსამართლეების თემა ავიღოთ, იყო პირდაპირი გზავნილები სანქცირებასთან დაკავშირებით და იგივე ოპოზიციონერები ითხოვენ საგამოძიებო კომისიის შექმნას. ისინიც ხომ ამ ქვეყნის მოქალაქეები არიან და თუ რამე ეჭვები აწუხებდათ მოსამართლეებთან დაკავშირებით, რატომ არ მოითხოვეს მანამდე საგამოძიებო კომისიის შექმნა, სანამ ამ სანქციებს დაკვეთა არ იყო იქითა მხრიდან ისევე, როგორც ე.წ რუსულ კანონთან დაკავშირებით?“ – განაცხადა მიხეილ ყაველაშვილმა.
თუ თქვენ თვლით, რომ არანაირ ზეწოლას ადგილი არ აქვს და მურუსიძე დღეს წმინდანი გახდა, როცა თქვენ თვითონ ამბობდით, რომ წინა ხელისუფლების დროს უპრინციპო მოსამართლე იყო და გადაწყვეტილებებზე ზეგავლენას ახდენდა, შევისწავლოთ ეს. თუ პრობლემა არაფერი გაქვთ, რატომ გეშინიათ? , – ასე მიმართა რესპუბლიკური პარტიის“ თავმჯდომარე, ხათუნა სამნიძემ უმრავლესობას პარლამენტის პლენარულ სხდომაზე სიტყვით გამოსვლისას.
სამნიძის განცხადებით, 2012 წლამდე შეიქმნა საფუძვლები, იმისთვის, რასაც „დღეს ვიმკით“.
„ეს კომისია არ დაინფიცირებულა მხოლოდ სანქციების პასუხად. ჯერ კიდევ დეკემბერში იყო ინიციატივა და ეს კომისია დარეგისტრირდა. ეს იყო პასუხი იმ საკითხებზე, რომელიც სამოქალაქო საზოგადოებიდან ისმოდა. სამოქალაქო საზოგადოების მხრიდან იყო ინიციატივა ასეთ საგამოძიებო კომისიაზე. მოგვმართეს, რომ შეგვესწავლა გავლენიანი ჯგუფების მიერ სასამართლო გადაწყვეტილებების, საქმეების განაწილების და სხვა საქმეებთან დაკავშირებით, მათი ზეწოლის ფაქტები. მაშინ დავარეგისტრირეთ ჩვენ ეს ინიციატივა, მაგრამ სანქციების შემდეგ ეს კიდევ უფრო აქტუალური გახდა.
ეს არის ერთადერთი საკითხი, სადაც ოპოზიცია არის ერთიანი და აზრთა სხვადასხვაობა არ არსებობს. იმედი მქონდა, რომ ამ საკითხში, არც ხელისუფლებისგან წამოვიდოდა ასეთი კითხვები, თურმე 2012 წლამდე რა ხდებოდა. თუ ვინმემ არ იცით შემდეგი სიტყვები უნდა წაგიკითხოთ, რომელიც 2012 წლის თქვენს საარჩევნო პროგრამაში იყო: „სასამართლო საქმიანობას მთლიანად აკონტროლებს პოლიტიკური ხელისუფლება და უპრინციპო მოსამართლეთა ხელში სასამართლო ხშირად გვევლინება მისი უსამართლო სურვილების შემსრულებლად“. უპრინციპო და უსამართლო მოსამართლეებში მაშინ მურუსიძე იგულისხმებოდა. მეც იქ ვიყავი, მეც ამაში ვმონაწილეობდი და, ამიტომ შეკითხვების დასტაზე, რომელიც ეხებოდა თუ რა ხდებოდა 2012 წლამდე, დიახ, 2012 წლამდე შეიქმნა საფუძვლები, იმისთვის, რასაც დღეს ვიმკით.
როცა ვამბობთ, რომ სისტემურ შესწავლაზე იქნება ორიენტირებული ეს კომისა, ეს ნიშნავს იმას, რომ სისტემურ პრობლემებს შეისწავლის და არა რომელიმე საქმეს. რომ მეკითხებით გირგვლიანთან დაკავშირებითო. გირგვლიანთან დაკავშირებით სტრასბურგის სასამართლომ დასკვნა გამოიტანა. ამ სიტყვებსაც წაგიკითხავთ: „გამაოგნებელია ის ფაქტი, რომ არც პროკურატურა და არც ადგილობრივი სასამართლოები არ შეეცადნენ გაერკვიათ საქმის ძირითადი გარემოებები“. ეს ითქვა და ამის გადახედვა გინდათ?“,- განაცხადა სამნიძემ.
მისივე თქმით, საგამოძიებო კომისიაში შეისწავლის ყელა პერიოდში არსებულ პრობლემებს.
„საგამოძიებო კომისიაში დიახ, შევისწავლით ყელა პერიოდში არსებულ პრობლემებს, სისტემური მიდგომით. მიზანი არის ის, რომ გამოძიება არსებობდეს და კონკრეტული ფაქტები არსებობდეს და არა სანქციების საკითხების გადახედვას. ამ საკითხების გადახედვას არავინ აპირებს.
თუ თქვენ თვლით, რომ არანაირ ზეწოლას ადგილი არ აქვს და მურუსიძე დღეს წმინდანი გახდა, როცა თქვენ თვითონ ამბობდით, რომ წინა ხელისუფლების დროს უპრინციპო მოსამართლე იყო და გადაწყვეტილებებზე ზეგავლენას ახდენდა , შევისწავლოთ ეს . თუ არაფერი პრობლემა არ გაქვთ რატომ გეშინიათ?“,- განაცხადა სამნიძემ.
პარლამენტის პლენარულ სხდომაზე სასამართლო სისტემაში კორუფციული და სხვა სახის სამართალდარღვევების შესწავლის მიზნით საგამოძიებო კომისიის შექმნის საკითხს განიხილავენ.
თქვენ გინდათ, უბრალოდ მორიგი შოუ დადგათ, რომ რადიკალურმა ოპოზიციამ ცოტა სახე შეინარჩუნოთ, მოსახლეობას დაანახოთ, რომ თითქოს მუშაობთ, – ამის შესახებ საპარლამენტო უმრავლესობის წევრმა ირაკლი ზარქუამ განაცხადა.
ირაკლი ზარქუას განცხადებით, ოპოზიციას საგამოძიებო კომისიის შექმნის ნაცვლად შეეძლო ელჩი დაებარებინა და მისთვის დაესვა კითხვები.
ზარქუამ მიმართა, დეპუტატ ხათუნა სამნიძეს და აღნიშნა, რომ „ვერ მიხვდა“ რა არის საგამოძიებო კომისიის შექმნის არგუმენტი.
„ქალბატონო ხათუნა, მთელი დღეა გისმენთ და სიმართლე გითხრათ ვერ მივხვდი, არგუმენტი ვერ გავიგე, რატომ გინდათ კომისიის შექმნა, ერთადერთი, რასაც ლოგიკურად ვხვდები ისაა, რომ ჩავარდნილი აქციების შემდეგ, ბოლო 9 აპრილის აქციისთვის, რომ მთელი თვე ემზადებოდით რადიკალური ოპოზიცია და შემდეგ მარტო ჩემს ხაბეზე გადატეხეთ [ჯოხი],ეგ იყო ავტორიო, თორემ ჩვენ რა შუაში ვართო და გაემიჯნეთ…. თუ რეალურად საქმე გაინტერესებდათ თქვენ და დანარჩენ რადიკალებს, შეგეძლოთ ქალბატონი ელჩი დაგებარებინათ და გეკითხათ, ქალბატონო ელჩო, კონკრეტული არგუმენტები მოგვეცით, რომ ჩვენ გაგვიადვილდეს შემდეგ მუშაობა. არა, თქვენ ეს არ გაინტერესებთ, თქვენ გინდათ, უბრალოდ მორიგი შოუ დადგათ, რომ ამ რადიკალურმა ოპოზიციამ ცოტა სახე შეინარჩუნოთ, მოსახლეობას დაანახოთ, რომ თითქოს მუშაობთ.
ქალბატონო ხათუნა კითხვა მაქვს პირადად თქვენთან, გეგმავთ თუ არა, რომ შეისწავლოთ ადეიშვილის დროინდელი სასამართლო სისტემა და თქვათ, რომ მაშინ ტირანია იყო სააკაშვილის ხელმძღვანელობით და იქიდან უნდა დავიწყოთ შესწავლა?“, – განაცხადა ირაკლი ზარქუამ.
„საიდანაც მოსდით ეს კრეატიულობა – ერთ-ერთი ქვეყნის საელჩოდან, ეტყობა ის საელჩო ოპოზიციას ეუბნება – აღარ ვიცით როგორ გამოგაცოცხლოთ, ბალზამირება გჭირდებათ მხოლოდ და მიწაში ჩადება, ამიტომ, რაღაცით გააქტიურდით, რაღაც შექმენით, დაიწყეთ საგამოძიებო კომისია, რადგან წააწყდებით წინააღმდეგობას, დააბრალებთ ხელისუფლებას, რომ ხელს გვიშლის, კომისია ვერ შეგვიქმნიაო და ა.შ. ამიტომ ვამბობ – შექმნან ეს კომისია,“ – ამის შესახებ „ხალხის ძალის“ წევრმა დავით ქართველიშვილმა გადაცემა „პოლიტიკურ პოსტში“ განაცხადა.
მისი თქმით, საპარლამენტო ოპოზიციის მიერ სამი მოქმედი და ერთი ყოფილი მოსამართლისათვის კორუმპირებულობის ბრალდებასთან დაკავშირებით საგამოძიებო კომისიის შექმნას მიესალმება, რადგან ოპოზიციას ფაქტობრივი მასალა არ აქვს და „საინტერესოა, რას გამოიძიებენ და ამ ცირკიდან როგორ გამოვლენ“.
„მივესალმები საპარლამენტო ოპოზიციის მიერ სამი მოქმედი და ერთი ყოფილი მოსამართლისათვის კორუმპირებულობის ბრალდებასთან დაკავშირებით საგამოძიებო კომისიის შექმნას – მაინტერესებს, რას გამოიძიებენ და ამ ცირკიდან როგორ გამოვლენ.
საიდანაც მოსდით ეს კრეატიულობა, ერთ-ერთი ქვეყნის საელჩოდან, ეტყობა ის საელჩო ოპოზიციას ეუბნება – აღარ ვიცით როგორ გამოგაცოცხლოთ, ბალზამირება გჭირდებათ მხოლოდ და მიწაში ჩადება, ამიტომ, რაღაცით გააქტიურდით, რაღაც შექმენით, დაიწყეთ საგამოძიებო კომისია, რადგან წააწყდებით წინააღმდეგობას, დააბრალებთ ხელისუფლებას, რომ ხელს გვიშლის, კომისია ვერ შეგვიქმნიაო და ა.შ. ამიტომ ვამბობ – შექმნან ეს კომისია. ძლივს შევიკრიბეთო, ხომ ტიროდნენ დღეს ოპოზიციის წარმომადგენლები – შექმნან ეს საგამოძიებო კომისია, იმიტომ, რომ ფაქტობრივი მასალა არ აქვთ – აბსოლუტურად არაფერი არ აქვთ. ოღონდ, სწორი შეკითხვების დასმის უფლებით, „ქართული ოცნების“ წარმომადგენელი შევიდეს იმ კომისიაში და პირდაპირ ეთერში გაუშვან, რადგან ჩვენ პოლიტიკური სანახაობა, მართალია, არ გვაკლია, მაგრამ კიდევ ერთი განსხვავებული სანახაობა გველოდება“, – განაცხადა დავით ქართველიშვილმა.
დავით ქართველიშვილმა გადაცემაში BBC-ის ჟურნალისტური გამოძიების შესახებაც ისაუბრა და აღნიშნა, რომ იმედი აქვს, ბრიტანეთის საზოგადოებრივი მაუწყებელი საქმეს ბოლომდე მიიყვანს, რადგან თავად ინგლისის სახელმწიფოს ორმაგი სტანდარტები და ხელის დაფარების მცდელობა კეზერაშვილთან მიმართებით არაერთხელ გამოუვლენია.
„როდესაც BBC-ის ჟურნალისტური გამოძიება გავიდა იმაზე, რაზეც დიდი ხანია ვსაუბრობთ, ამაშიც ჩანს „იუპიტერისა და ხარის დამოკიდებულება“.
მათი საერთაშორისო სამართლებრივი ველის მიმართ ნდობა მინდა მქონდეს და საიდან უნდა მქონდეს, ეს მაინც გამაგებინონ. როდესაც საქართველოსგან სასამართლოსა თუ მართლმსაჯულების სფეროში რეფორმების მეოთხე თუ მეხუთე ტალღის გატარებას ითხოვენ, სახელმწიფო ამ ყველაფერს აკეთებს, ასევე, კეზერაშვილთან მიმართებით ყველაფერს კანონის ფარგლებში აკეთებს, რომლის გასაჩივრება ნებისმიერ ნორმალურ ადვოკატს სტრასბურგის ჩათვლით შეუძლია, საიდანაც ჩვენი სახელმწიფოს სასარგებლოდ გამოტანილი ვერდიქტები მოდის, ვინც ამ რეფორმების გატარებას ითხოვს საქართველოსგან, ისინი რას აკეთებენ იგივე კეზერაშვილთან მიმართებით, მოდი, გავიხსენოთ:
2013 წელს კეზერაშვილი დააკავეს, სასამართლო პროცესი საფრანგეთში გაიმართა და მის ექსტრადირებაზე საქართველოს უარი უთხრეს. რატომ? რის საფუძველზე? იმიტომ, რომ საქართველოს, ანუ ხარის სამართალი წინააღმდეგობაში მოვიდა მათი, ანუ იუპიტერის იურისპრუდენციასთან?
როდესაც 2014 წლის ოქტომბერში ინტერპოლი წითელი ცირკულარით ძებნას აცხადებს კეზერაშვილზე, რატომ, რის საფუძველზე მოუხსნა ეს ძებნა 2015 წლის თებერვალში?
როდესაც 2016 წელს საქართველოს ხელისუფლება ოფიციალური თხოვნით მიმართავს დიდ ბრიტანეთს კეზერაშვილის ექსტრადირებასთან დაკავშირებით, რატომ, რის საფუძველზე უთხრეს საქართველოს უარი?
გაგვაგებინონ მათი სამართლებრივი სფერო, ველი რას ეფუძნება, ჩვენი კანონმდებლობა მათთან თანხვედრაში რაში ვერ მოდის? ეს მაინც ახსნან. კი ბატონო, გამოიძია BBC-იმ და ჩააბარა სკოტლანდ-იარდს თავისი მოპოვებული მასალები – რას იზამს ინგლისი, რომელმაც კეზერაშვილის ექსტრადირებაზე საქართველოს უარი ერთხელ უკვე უთხრა? დააკავებს ის იმ კეზერაშვილს, რომელსაც დღეს საშუალება მისცა დიდი ბრიტანეთის ტერიტორია დაეტოვებინა? ყველამ ვნახეთ რომ კვიპროსზე იმყოფება, სადაც უფრო მიუწვდომელი იქნება იმ საერთაშორისო მართლმსაჯულებისთვის.
სამწუხაროა და სამარცხვინოა ის, რომ 2023 წელია და ისევ „ნაცმოძრაობის“ რეჟიმის არქიტექტორების გამო BBC-ის იმ საგამოძიებო ფილმში საქართველო ნეგატიურ კონტექსტშია წარმოდგენილი. ვის გამო? ამათ გამო, რომელთაც ვერ აკავებენ, ვერც იჭერენ და ექსტრადირებაზეც უარს გეუბნებიან. როგორ მოვიქცეთ, რა კანონზე და რა მეხუთე ტალღის რეფორმაზე ვიმუშაოთ, როცა მათ ყველა ტალღა ფეხებზე ჰკიდიათ და ჩვენს კანონმდებლობასთან უნდობლობა აქვთ?
ჩვენი ჯარისკაცები რომ გაძარცვა კეზერაშვილმა, ეს არ სჯერათ ჩვენგან და ამ ადამიანის მიმართ სამართლიანობის აღდგენაზე უარს გვეუბნებიან, მაგრამ მინდა BBC-ის კოლექტივს ვუსურვო, რომ ბოლომდე მიიყვანონ ეს საქმე – მათი პრესტიჟია, რადგან მათი პენსიონერები გაიძარცვნენ,“ – განაცხადა დავით ქართველიშვილმა.
ქართული ოცნების“ თავმჯდომარის ირაკლი კობახიძის განცხადებით, წინა ხელისუფლების პერიოდთან შედარებით, დღეს სასამართლო სისტემაში რადიკალური ცვლილებებია.
როგორც მან პარლამენტში საგამოძიებო კომისიის განხილვისას განაცხადა, დღეს სასამართლო პოლიტიკური კონტროლისგან თავისუფალია.
„რადიკალური ცვლილება გვაქვს. თქვენი აზრით, რამ გამოიწვია ეს ამხელა ცვლილება. ხომ არ არის ამის მიზეზი ის, რომ გათავისუფლდა პოლიტიკური კონტროლისგან სასამართლო სისტემა. მიზეზი ხომ არა არის ის, რომ სასამართლო არის რეალურად დამოუკიდებელი და მოსამართლეები გათავისუფლებული არიან წნეხისგან. ეს არის რეალობა, რასთან დაკავშირებითაც მინდა დაგისვათ შეკითხვა, რას დაარქმევდით ამას, რა ხდებოდა 2012 წლამდე და რა ხდება 2012 წლის შემდეგ“, – განაცხადა კობახიძემ.
მან 2012 წლამდე არსებული პერიოდი და ამჟამინდელი მდგომარეობა ერთმანეთს შეადარა.
„2012 წლიდან 3-ჯერ შემცირდა წინასწარი პატიმრობის შეფარდების მაჩვენებელი საქართველოში. ასევე, 3-ჯერ შემცირდა ადმინისტრაციული პატიმრობის შეფარდების მაჩვენებელი ჩვენს ქვეყანაში. 5-ჯერ ნაკლებია ჯარიმების მოცულობა, რაც საქართველოს მოქალაქეებს გამოუწერეს. 18-ჯერ შემცირდა გირაოს მაჩვენებელი. 2-ჯერ შემცირდა საგამოძიებო მოქმედებებზე შუამდგომლობები“, – განაცხადა კობახიძემ.
პარლამენტის პლენარულ სხდომაზე სასამართლო სისტემაში კორუფციული და სხვა სახის სამართალდარღვევების შესწავლის მიზნით საგამოძიებო კომისიის შექმნის საკითხს განიხილავენ.
„განმარტებით ბარათში გიწერიათ პირდაპირ, რომ სასამართლო უნდა გაწმენდილიყო კადრებისგან, მაინტერესებს, როგორ ხდება დამოუკიდებელი და თავისუფალი სასამართლოს, ანუ კონსტიტუციით დაცული ცალკე სახელისუფლებო შტოს წმენდა თქვენს წარმოდგენაში, როგორ უნდა გაწმინდოს მთავრობამ ან პარლამენტმა სასამართლო, თუ ის დამოუკიდებელია?“ – ამ კითხვით მიმართა პარლამენტის ვიცე-სპიკერმა არჩილ თალაკვაძემ ოპოზიციონერ დეპუტატ ხათუნა სამნიძეს პარლამენტის პლენარულ სხდომაზე.
არჩილ თალაკვაძემ ასევე მიმართა სამნიძეს, მოიყვანოს მაგალითი, სადაც საერთაშორისო სასამართლომ დაადასტურა, რომ საქართველოს სასამართლო სისტემაში მიღებული გადაწყვეტილებები ეწინააღმდეგებოდა ადამიანის უფლებების დაცვის და სამართლიანობის პრინციპებს.
„ხომ არ შეგიძლიათ მოგვიყვანოთ მაგალითი, სადაც საერთაშორისო სასამართლომ დაადასტურა, რომ საქართველოს სასამართლო სისტემაში მიღებული გადაწყვეტილებები ეწინააღმდეგებოდა ადამიანის უფლებების დაცვის პრინციპებს და სამართლიანობის პრინციპებს, რომელიც კონვენციურია და რომლის ვალდებულებაც საქართველოს აქვს აღებული – ერთი და მეორე – აქ თქვენ განმარტებით ბარათში გიწერიათ პირდაპირ, რომ სასამართლო უნდა გაწმენდილიყო კადრებისგანო, აგერ ვკითხულობთ – ნაცვლად იმისა, რომ სასამართლო გაწმენდილიყო კადრებისგანო – ციტატა. მაინტერესებს როგორ ხდება დამოუკიდებელი და თავისუფალი სასამართლოს, ანუ კონსტიტუციით დაცული ცალკე სახელისუფლებო შტოს წმენდა თქვენს თეორიაში, თქვენს წარმოდგენაში, როგორ უნდა გაწმინდოს მთავრობამ ან პარლამენტმა სასამართლო, თუ ის დამოუკიდებელია?“ – განაცხადა არჩილ თალაკვაძემ.
ფრაქცია „ქართული ოცნების“ წევრმა ლადო კახაძემ პარლამენტის დღევანდელ სხდომაზე, სასამართლო სისტემაში კორუფციული და სხვა კანონის საწინააღმდეგო ქმედებათა შემსწავლელი დროებითი საგამოძიებო კომისიის შექმნის საკითხთან დაკავშირებით კომისიის შექმნის ერთ-ერთ ინიციატორს, ხათუნა სამნიძეს მიმართა კითხვით – იმ შემთხვევაში, თუ აშშ-ის მიერ დასანქცირებული თითოეული მოსამართლე გამართლდა, როგორი იქნება ოპოზიციის სამოქმედო გეგმა აშშ-სთან ურთიერთობის კუთხით.
„პირველად ჩემს ცხოვრებაში, მექნება ძალიან მოკლე, მშრალი შეკითხვა. ნებისმიერი კომისიის საბოლოო პროდუქტი არის ორი – პესიმა, ოპტიმა. თქვენ ემზადებით უარყოფითი დასკვნისთვის, მაგრამ რომ აღმოჩნდეს ისე, რომ მიიღოთ დადებითი შედეგი და გამართლდეს თითოეული მათგანი, როგორი იქნება თქვენი სამოქმედო გეგმა ამერიკასთან, ჩვენს სტრატეგიულ პარტნიორთან მიმართებაში?“, – განაცხადა ლადო კახაძემ.
შეგახსენებთ, აშშ-ის სახელმწიფო დეპარტამენტმა ოთხ ქართველ სასამართლო ჩინოვნიკს, მიხეილ ჩინჩალაძეს, ლევან მურუსიძეს, ირაკლი შენგელიას და ვალერიან ცერცვაძეს ამერიკის ტერიტორიაზე შესვლა აუკრძალა.
რუსეთის პატრიარქი კირილე ირწმუნება, რომ კრემლის ლიდერისგან ბრძანება არასოდეს მიუღია. ამის შესახებ პროკრემლისტური მედიასაშუალება TASS-ი იტყობინება.
რუსეთის პატრიარქის თქმით, ქვეყანაში ხელისუფლებისა და ეკლესიის ურთიერთობაში ერთგვარი სიმფონია ჩამოყალიბდა.
ამასთან, რუსეთის პატრიარქი ამბობს, რომ რუსეთის ეკლესია „თავისუფლების კუნძულია“.
„თავისუფლების კუნძული – არის ჩვენი ქვეყანა და ჩვენი ეკლესია. ჩვენ ნამდვილად თავისუფლები ვართ. ზოგიერთი ჩვენი ოპონენტი ხელს იშვერს და აცხადებს, რომ პატრიარქი პრეზიდენტის დავალებებით მოქმედებს. ღვთის წინაშე გეუბნებით პრეზიდენტს პატრიარქისთვის არასდროს არაფერი უბრძანებია.
დარწმუნებული ვარ იმაშიც, რომ როგორც მართლმადიდებელი მორწმუნე ეკლესიურად მცხოვრები ადამიანი, არც მომავალში იზამს ამას“, – აცხადებს პატრიარქი კირილე.
ევროკომისარი ოლივერ ვარჰეი სამოქალაქო საზოგადოების ორგანიზაციებს პასუხობს, რომლებმაც მას ევროკავშირის მიერ საქართველოსთვის ევროპული პერსპექტივის მინიჭების შესახებ მიმართეს.
როგორც ევროკომისარი აცხადებს, ევროკავშირი მადლიერია საქართველოს სამოქალაქო საზოგადოების ევროკავშირი-საქართველოს ასოცირების შეთანხმების იმპლემენტაციის მონიტორინგის პროცესში ჩართულობისთვის.
„საქართველოს სამოქალაქო საზოგადოებრივი ორგანიზაციების ძვირფასო წარმომადგენლებო, მადლობას გიხდით თქვენი 2023 წლის 24 მარტის წერილისთვის საქართველოს მიერ ევროკომისიის 2023 წლის 17 ივნისის მოსაზრებაში განსაზღვრული 12 პრიორიტეტის შესრულებასთან დაკავშირებით. ნება მომეცით, პირველ რიგში, ხაზი გავუსვა ჩვენს ერთგულებას ევროპულ გზაზე საქართველოს მხარდაჭერის შესახებ. სამოქალაქო საზოგადოება მნიშვნელოვან როლს თამაშობს ამ ძალისხმევაში და ასევე არსებითი როლი აქვს დემოკრატიული სახელმწიფოს დაცვის კუთხით. ჩვენ მადლიერი ვართ საქართველოს სამოქალაქო საზოგადოების ევროკავშირი-საქართველოს ასოცირების შეთანხმების იმპლემენტაციის მონიტორინგის პროცესში ჩართულობისთვის, ისევე როგორც მისი წვლილისთვის პოლიტიკის ფორმირებაში.
როგორც თქვენს წერილშია აღნიშნული, 2022 წლის 23-24 ივნისს ევროპულმა საბჭომ მიანიჭა საქართველოს ევროპული პერსპექტივა. ამ გადაწყვეტილების შემდგომ კომისია ყურადღებით აკვირდება საქართველოს მიერ გადადგმულ ნაბიჯებს 12 პრიორიტეტის იმპლემენტაციის მიმართულებით და ხელს უწყობს საქართველოს ძირითადი საკითხების რაც შეიძლება სწრაფად და ეფექტიანად მოგვარებაში. ამავდროულად, ისევე როგორც გაფართოების პოლიტიკის მონაწილე ყველა ქვეყნის შემთხვევაში, ევროკავშირის გზაზე პროგრესის ტემპი დამოკიდებულია საკვანძო რეფორმების განხორციელებაზე. კომისია 2023 წლის გაზაფხულზე ზეპირად წარუდგენს საბჭოს განახლებულ ინფორმაციას საქართველოს მიერ 12 პრიორიტეტის შესრულების თაობაზე. ამ განახლების ვადები და მოდალობები კვლავ განხილვის სტადიაზეა. ოფიციალური ანგარიში პრიორიტეტების იმპლემენტაციის შესახებ იქნება კომისიის გაფართოების ყოველწლიური პაკეტის ნაწილი შემოდგომაზე“, – ნათქვამია ვარჰეის წერილში.
23 მარტს არასამთავრობო ორგანიზაციების წარმომადგენლებმა ოლივერ ვარჰეის მიმართეს, რეკომენდაციების შესრულებასთან დაკავშირებული შუალედური შეფასება საჯარო იყოს.
ფსიქოლოგი ნათია ფანჯიკიძე სოციალურ ქსელში წერს:
,,ყველა წესს რომ ვიცავდე, როგორც ძველი რაჭული ანდაზა ამბობს, ჩემს ძილს ძაღლი არ დაჰყეფდა – რატომ არ შეიძლება ძილამდე სამი საათის განმავლობაში ჭამა და სმა, შენ ხარ ჩემი ბატონი და ბევრი მიზეზით, მინიმუმ ცუდი სიზმრები იცის. თუმცა ენდოკრინული მიზეზები გამოსატოვებელი არაა, რადგან სწორედ შაქრების ვერგადამუშავებას და მითუმეტეს ასე გავრცელებულ შაქრიან 1 და 2 ტიპის დიაბეტს თან ახლავს საჩუქრად ძილის დარღვევაც, შფოთვაც, უენერგიობაც და ზოგჯერ მეტიც. თირკმელსაც უჭირს სითხეების რეგულირება და თირკმელი რადგან სხეულზე ორიენტირებულ ფსიქოთერაპიაში ღრმა სტრესის შემნახველ სალაროდაა მიჩნეული, ასეთივე ღრმად დაბუდებული სტრესების ამოწევას იწყებს ღამის საათებში და სიმშვიდეც ღრმად ირღვევა. პასკების უხვად ჩალაგების მიზეზით ცხოვრებაში პირველად ვიგრძენი ე.წ. გულძმარვა, ხოდა რაც კი რამ წამიკითხავს ამის შესახებ, თითის გაყოლებით მესიზმრებოდა სახელმძღვანელოს გვერდები და გუგლის დიაგნოსტიკასავით ნაირნაირ მიზეზს ვფიქრობდი. ძილში გულძმარვის გამომწვევი ერთერთი მიზეზი საყლაპავი მილის თიაქარია, რომელსაც ბონუსად მოსდევს შფოთვითი აშლილობები. თიაქარით გამოწვეული გულძმარვა ძილის საათებში მაშინ ვლინდება, თუ ისე ხარ ამოტენილი საკვებით, რომ მაგალითად, პასკის ნაჭრები მთელ ჩვენს უამრავმეტრიან ნაწლავებში კუპატის შიგთავსივითაა ჩალაგებული. ძილშივე პირობას ვდებდი, ამას აღარასდროს ჩავიდენმეთქი. მოკლედ მეგობრებო, ფსიქო-სომატიკის საუკეთესო მიგნებების მიხედვით, თუ წესრიგშია საჭმლის მომნელებელი და ან ენდოკრინული სისტემები – მინიმუმ განახევრებულია ნევროზი. ხოლო ეს ყველაფერი რომ წესრიგში იყოს, ჭარბი კვებით თვითდაზიანება მინიმუმამდე უნდა დავიყვანოთ. დავტოვოთ “ქეიფი” ექსცესად, თავის იშვიათ დაჯილდოებად. სხვა დანარჩენ დროს დავიცვათ ფიზიოლოგიური ინტერვალი – 12 საათი.
ვგიჟდები ასეთ “რჩევებზე” უკვე ნაქეიფარზე. მანამდე ხომ არც თქვენთვის მიკადრებია, ლაგამი მოჭიმეთმეთქი და არც საკუთარი თავისთვის მიწყენინებია. აი ესაა ტაქტი და აღზრდა!
სთქვა მან და პასკის ზორბა ნაჭერი გადაიღო, ვინაიდან და რადგანაც, ამ ხნის ქალი მოყრილიყო და საუზმეზე გლახა არაფერი წაეკითხა.”
თბილისის საკრებულოს განათლებისა და კულტურის კომისიის თავმჯდომარე კახა ლაბუჩიძე ქართულ-ებრაულ სკოლა „ორ ავნერში“ ჰოლოკოსტის დღესთან დაკავშირებით გამართულ კონფერენციას დაესწრო.
კონფერენცია, რომელიც ისრაელის საელჩოსა და თბილისის სახელმწიფო უნივერსიტეტის ისრაელის ცენტრთან პარტნიორობით გაიმართა, მიზნად ჰოლოკოსტის შესახებ ახალგაზრდების ცნობიერების ამაღლებას ისახავდა.
თბილისის საკრებულოს განათლებისა და კულტურის კომისიის თავმჯდომარემ, კახა ლაბუჩიძემ კონფერენციაზე მიწვეულ სტუმრებს სიტყვით მიმართა. მან ჰოლოკოსტის შესახებ ისაუბრა და განაცხადა, რომ ამ საკითხთან დაკავშირებით ახალგაზრდების ცნობიერების ამაღლება მნიშვნელოვანია, რათა ეს უმძიმესი ფაქტი აღარასდროს განმეორდეს.
„ჰოლოკოსტის დღე უმძიმესია კაცობრიობისთვის, რამდენადაც ამ ისტორიულმა მოვლენამ მილიონობით უდანაშაულო ადამიანის სიცოცხლე შეიწირა. მსოფლიო ისტორიის ეს ტრაგიკული თარიღი გვახსენებს ჰოლოკოსტის დროს ჩადენილ სასტიკ დანაშაულებს და ამავდროულად გვაფიქრებს ტოლერანტობის მნიშვნელობაზე. ამ საკითხთან დაკავშირებით ახალგაზრდების ცნობიერების ამაღლება მნიშვნელოვანია, რათა ეს უმძიმესი ფაქტი აღარასდროს განმეორდეს.
ასევე მნიშვნელოვანია, რომ სკოლის მოსწავლეებთან ერთად კიდევ ერთხელ დავფიქრდეთ წარსულის მაგალითებზე, წინ აღვუდგეთ შეუწყნარებლობას და დავიცვათ დღევანდელი და მომავალი მსოფლიო მსგავსი ბოროტებისა და სისასტიკისგან“, – განაცხადა კახა ლაბუჩიძემ.
თბილისის საკრებულოს განათლებისა და კულტურის კომისიის თავმჯდომარემ ქართველი და ებრაელი ხალხების მეგობრობის შესახებაც ისაუბრა და განაცხადა, რომ ებრაელთა დევნის პერიოდში ქართულმა სახელმწიფომ შეძლო სრულიად მსოფლიოსთვის ეჩვენებინა თანამეგობრობის და შემწყნარებლობის საუკეთესო მაგალითი.
„ბედნიერი ვარ, წარმოვადგენდე იმ ქვეყანას, რომელმაც ებრაელ ერს მრავალსაუკუნოვანი დევნის დროსაც მხარდაჭერა გამოუცხადა. განათლებისა და კულტურის კომისია მხარდაჭერას უცხადებს ქართულ-ებრაულ სკოლას და ვიმედოვნებთ, ჩვენი პარტნიორობა მომავალშიც გაგრძელდება“, – განაცხადა კახა ლაბუჩიძემ.
ქართულ-ებრაული სკოლის მიერ გამართულ კონფერენციას თბილისის საკრებულოს უმრავლესობის წევრი ვლადიმერ ბოჟაძე, ისრაელის საელჩოს, საქართველოს განათლების და მეცნიერების სამინისტროს, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის, საქართველოს უნივერსიტეტების, ზოგადი და კერძო სკოლების, ებრაული თემის წარმომადგენლები ესწრებოდნენ.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
