საქართველოს პრეზიდენტი 31 მაისს, 13-წლიანი პაუზის შემდეგ, ევროპარლამენტს მიმართავს. ამის შესახებ ინფორმაციას საქართველოს პრეზიდენტის ადმინისტრაცია ავრცელებს.

საქართველოს პრეზიდენტი სალომე ზურაბიშვილი სამუშაო ვიზიტით ბრიუსელში გაემგზავრა.

„საქართველოს პრეზიდენტი პირისპირ შეხვედრებს გამართავს ევროკავშირის უმაღლესი თანამდებობების პირებთან: ევროპული საბჭოს პრეზიდენტ შარლ მიშელთან, ევროკომისიის პრეზიდენტ ურსულა ფონ დერ ლაიენთან და ევროპარლამენტის პრეზიდენტ რობერტა მეცოლასთან.

31 მაისს კი, საქართველოს პრეზიდენტი ევროპარლამენტს სიტყვით მიმართავს. დაგეგმილია საქართველოს პრეზიდენტის ინტერვიუები საერთაშორისო მედიასთან”, – აღნიშნულია ინფორმაციაში.

მადლობა ევროკავშირის ელჩს, რომ მან ხაზგასმით თქვა, ფრენების აღდგენა იყო ცალმხრივი გადაწყვეტილება, თუმცა, აქვე ობიექტურობისთვის უნდა დავძინოთ, მისი განცხადების მეორე ნაწილი შეიცავდა ფაქტობრივ უზუსტობას იმასთან დაკავშირებით, თითქოს საქართველოს მთავრობის თანხმობა სჭირდებოდა ამ გადაწყვეტილების აღსრულებას, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.

მისი თქმით, საქართველო არ აპირებს სანქციების დაწესებას და ამით საკუთარი მოქალაქეების დაზიანებას.

„არანაირი თანხმობა, არც პოლიტიკურ, არც ფორმალურ დონეზე ამას არ სჭირდებოდა. თუ საუბარია ტექნიკურ საკითხებზე, რომლებიც საჰაერო ნავიგაციამ, აეროპორტების გაერთიანებამ და ა.შ. უნდა გასცენ, ამაზე უარი ამ სუბიექტების მხრიდან იქნებოდა დე ფაქტო სანქციების დაწესება რუსეთის მიმართ.  არც დე ფაქტო და არც სხვაგვარ სანქციებს საქართველოს ხელისუფლება არ აწესებს. ეს არის პრინციპული პოზიცია, რადგან ეს დააზიანებს საქართველოს, მის თანამემამულეებს, მოქალაქეებს. ისეთი გადაწყვეტილებების მიღებას, რომელიც აზიანებს ჩვენს მოქალაქეებს, არ ვაპირებთ. გარდა ამისა, მინდა, ყველას შევახსენო ელემენტარული სტატისტიკა. 2022 წელს ევროკავშირისა და რუსეთის მთლიანი სავაჭრო ბრუნვა გახლდათ 258 მილიარდი ევრო, დღეში 700 მილიონი ევრო.  რაც არის ევროკავშირის ბრუნვა ოთხი დღის განმავლობაში, იმას ვაჭრობს საქართველო რუსეთთან. ასეთი საკითხები როცა არის ხელისგულზე, არ ვართ მოწოდებული, საყვედურები მივიღოთ მსგავს საკითხებზე. თუ რომელიმე განცხადება ჩვენი მეგობრების მხრიდან ემსგავსება მოთხოვნას სანქციების დაწესების შესახებ, ჩვენი პასუხია პრინციპული, ჩვენ სანქციების დაწესებით – არც დე ფაქტო, არც სხვა, რეალური სანქციების დაწესებით – არ ვაპირებთ ჩვენი მოქალაქეების და ქვეყნის დაზიანებას“, – განაცხადა მდინარაძემ.

დღეს ევროკავშირის ქვეყნების ელჩები ეკონომიკისა და მდგრადი განვითარების მინისტრს, ლევან დავითაშვილს შეხვდნენ. შეხვედრის შემდეგ საქართველოში ევროკავშირის ელჩმა, პაველ ჰერჩინსკიმ განაცხადა: „საქართველოს ვიცე-პრემიერს გადავეცი ევროკავშირის 27-ვე წევრი ქვეყნისგან, რომ ვწუხვართ საქართველოს მთავრობის გადაწყვეტილების გამო, მიიღოს პირდაპირი ფრენები რუსეთიდან“.

საპარლამენტო უმრავლესობა მხარს დაუჭერს საპარლამენტო პოლიტიკურ ჯგუფებთან დაკავშირებით ხატია დეკანოიძისა და რომან გოცირიძის მიერ დაინიცირებულ კანონპროექტს.

ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ უმრავლესობის სხდომის შემდეგ გამართულ ბრიფინგზე განაცხადა.

როგორც მან აღნიშნა, საპარლამენტო უმრავლესობა მხარს არ დაუჭერს ვიცე სპიკერის პოზიციაზე ლევან ბეჟაშვილის არჩევას.

„გაგაცნობთ რამდენიმე გადაწყვეტილებას: პირველი, საპარლამენტო უმრავლესობა მხარს დაუჭერს ხატია დეკანოიძისა და რომან გოცირიძის კანონპროექტს საპარლამენტო პოლიტიკურ ჯგუფებთან დაკავშირებით. მეორე, საპარლამენტო უმრავლესობის საერთო პოზიციიდან გამომდინარე, ჩვენ მხარს არ დავუჭერთ ვიცე სპიკერის პოზიციაზე ლევან ბეჟაშვილის არჩევას. მესამე, დღეს ფრაქცია „ქართულმა ოცნებამ“ უმრავლესობის სხდომაზე ერთხმად მიიღო გადაწყვეტილება იმის შესახებ, რომ ბატონი ნოდარ ტურძილაძე დაიკავებს ჩემი მოადგილის ვაკანტურ პოზიციას. წარმატებას ვუსურვებ ბატონ ნოდარს. ის არის უაღრესად კარგი ადამიანი, რაც ყველაზე მნიშვნელოვანია არის პროფესიონალი, წარმატებული მენეჯერი და დარწმუნებული ვარ, ამ პოზიციაზე ბევრ წარმატებას მიაღწევს და დაგვეხმარება ძალიან.

ასევე, ჩვენ მიმდინარე უმრავლესობის ხდომაზე ვისაუბრეთ პოლიტიკურ საკითხებზე, რეგიონის გამოწვევებზე. ამ მიმართულებით მინდა კიდევ ერთხელ ჩვენი პარტიის, უმრავლესობის სახელით მივულოცოთ ჩვენი მეგობარი ქვეყნის პრეზიდენტს საპრეზიდენტო არჩევნების მეორე ტურში გამარჯვება. მიგვაჩნია, რომ ეს გამარჯვება ძალიან მნიშვნელოვანია მშვიდობისა და სტაბილურობის უზრუნველყოფისათვის რეგიონში“, – განაცხადა მამუკა მდინარაძემ.

„ჩვენ ვიცოდით, რომ „ნაციონალური მოძრაობა“ იყო უსამშობლო ადამიანების პოლიტიკური პარტია და ახლა გავიგეთ, რომ ეჭვიანი ადამიანების პოლიტიკური პარტიაც ყოფილა იმიტომ, რომ მთელ ამ პროცესში ყველაზე მეტად რაც დაინახა საზოგადოებამ, ხომ ვიცოდით, რომ ღირებულებებისგან დაცლილი იყვნენ ეს ადამიანები, მაგრამ ერთმანეთს როგორ არ ენდობიან და რა ხარისხის უნდობლობა აქვთ ერთმანეთის მიმართ ეს ყველაფერი დაინახა,“- ამის შესახებ საპარლამენტო უმრავლესობის წევრმა, რატი იონათამიშვილმა „ქრონიკასთან“ განაცხადა, რითაც „ნაციონალურ მოძრაობაში“ მიმდინარე პროცესები შეაფასა.

„ასეთი უნდობლობის და ეჭვიანობის ხარისხი აჩვენეს მათ საზოგადოებას და როდესაც პოლიტიკური პარტია ასე ნიღაბ ჩამოხსნილია და ვერ მალავს თავის რეალურ სახეს, რისი იმედი უნდა ჰქონდეს პოლიტიკურ სივრცეში ჩემთვის ცოტა წარმოუდგენელია, მაგრამ მე ამ პროცესებს მივესალმები იმიტომ, რომ რაც უფრო დასუსტდება „ნაციონალური მოძრაობა“ მით უფრო გაძლიერდება დემოკრატიული პროცესები ჩვენს ქვეყანაში“- აღნიშნა იონათამიშვილმა.

ოპოზიციონერი დეპუტატების, ხატია დეკანოიძის და რომან გოცირიძის ინიციატივაზე, პარლამენტში პოლიტიკური ჯგუფის შექმნაზე, რატი იონათამიშვილმა განმარტა, რომ პარლამენტის რეგლამენტის თანახმად თუ ერთი პარტიული სიით არიან წარმოდგენილი ადამიანები პარლამენტში, მათ აქვთ პოლიტიკური ჯგუფის შექმნის უფლება, ხოლო თუ ბლოკის სიით არიან წარმოდგენილი, როგორც „ნაციონალური მოძრაობა“ მათ ამის უფლება არ აქვთ.

„სინამდვილეში, თავის დროზე, მე-10 მოწვევის პარლამენტში ჩვენ პოლიტიკური ჯგუფების ცნება შემოვიტანეთ იმიტომ, რომ ამით საპარლამენტო ტრიბუნის სარგებლობის შესაძლებლობა მიგვეცა პოლიტიკური პარტიებისთვის და ოპოზიციური პარტიებისთვის და ესეც ერთგვარი ნაბიჯი იყო ჩვენი მხრიდან გადადგმული იმისთვის, რომ პატარა პოლიტიკური პარტიების გაძლიერებისთვის შეგვეწყო ხელი და თანმიმდევრული ნაბიჯი იყო, ამ კონტექსტში ჩვენ არაერთი სხვა გადაწყვეტილება გვაქვს მიღებული, მათ შორის, კონსტიტუციის დონეზე. ამ შემთხვევაში, ის ჩანაწერი, რომელიც მოქმედია პარლამენტის რეგლამენტში გულისხმობს, რომ თუ ერთი პარტიული სიით არიან წარმოდგენილი ადამიანები პარლამენტში, მათ აქვთ იმის უფლება, რომ პოლიტიკური ჯგუფი შექმნან და თუ ბლოკის სიით არიან წარმოდგენილი, როგორც „ნაციონალური მოძრაობა“ მათ ამის უფლება არ აქვთ. შესაბამისად, როდესაც ეს ორი ადამიანი, დეკანოიძე და გოცირიძე გავიდნენ „ნაციონალური მოძრაობიდან“ იმიტომ ვერ შეიქმნა, რომ ეს ბლოკი იყო თავის დროზე. ახლა ისინი რომ ამ ინიციატივით შემოვიდნენ, ჩვენ ამაზე ჯერ არ გვაქვს ჩამოყალიბებული პოზიცია და უნდა ვიმსჯელოთ ზუსტად უმრავლესობის სხდომაზე, სანამ ამ საკითხის განხილვა იქნება კომიტეტებზე.“-განაცხადა რატი იონათამიშვილმა.