ჩეხეთის გენერალური შტაბის უფროსმა რუსეთსა და ნატოს შორის ომის ალბათობა დაუშვა

48
spot_img

ჩეხეთის გენერალური შტაბის ხელმძღვანელმა, კარელ რჟეჰკამ განაცხადა, რომ რუსეთსა და ნატოს შორის ომის შესაძლებლობა არსებობს.

ჩეხეთის გენერალური შტაბის ხელმძღვანელის თქმით, მომზადება და შეკავება მნიშვნელოვანია ასეთი სცენარის თავიდან ასაცილებლად.

„ომი რუსეთსა და ჩრდილოატლანტიკურ ალიანსს შორის, რაც ჩვენთვის ყველაზე ცუდი სცენარია, შეუძლებელი კი არა, შესაძლებელია“, – განაცხადა ჩეხეთის გენერალური შტაბის უფროსმა.

მან ასევე აღნიშნა, რომ ქვეყნის შეიარაღებული ძალები ცდილობენ მოემზადონ პოტენციური ინტენსიური კონფლიქტისთვის, რადგან „რუსეთი ახლა კონფლიქტის ტრაექტორიაზეა ჩრდილოატლანტიკურ ალიანსთან“.

„ჩეხეთი ნატოს წევრია და ამას მოაქვს სარგებელი, მაგრამ ასევე აკისრებს გარკვეულ ვალდებულებებს. ამიტომ, თუ ომი დაიწყება, ჩეხი ჯარისკაცების დიდი რაოდენობა შეუერთდება ბრძოლას ალიანსის გეგმების შესაბამისად“, – განაცხადა მან.