“საქართველოს უნივერსიტეტის” სამართლის სკოლის ადამიანის უფლებების ცენტრის ხელმძღვანელი – ამ პოზიციიდან განაგრძობს კარიერას ნინო ლომჯარია.

ყოფილი სახალხო დამცველთან თანამშრომლობასა და საქმიან ურთიერთობაზე ისაუბრა გიული ალასანიამ. მიხეილ სააკაშვილის დედა ამბობს, რომ ერთადერთი კრიტერიუმი, რის გამოც ნინო ლომჯარიას მის უნივერსიტეტში ადამიანის უფლებების ცენტრის ხელმძღვანელის პოზიცია ჩააბარეს – პროფესიონალიზმია.

ნინო ლომჯარია სახალხო დამცველის პოზიციას 2017 წლიდან იკავებდა, ალასანიას უნივერსიტეტში აკადემიურ საქმიანობას კი 5 დღის წინ შეუდგა.

ყოვლად გაუგებარია, რა მიზანს ემსახურებოდა პოლონელი ექიმების კომისიის წევრის, ნეიროქირურგის მხრიდან აღნიშნული ქმედების განხორციელება, – ამის შესახებ სასამართლო ექსპერტიზის ცენტრის “ვექტორი” ხელმძღვანელმა ალექსანდრე გეჯაძემ პოლონელ ექიმთან დაკავშირებულ ინციდენტზე საუბრისას განაცხადა.

„თუკი ის [ნიმუში] არ არის ოფიციალურად ამოღებული, ის ყოველგვარ მტკიცებულებით ძალას კარგავს და მისი გამოყენება არაფრით შეიძლება. ეს ქმედება განახორციელა პროფესიით ნეიროქირურგმა, ბატონ მიხეილ სააკაშვილს არანაირი ნეიროქირურგიული ჩარევა არ ესაჭიროებოდა. წესით ამ ექსპერტთა კომისიაში უნდა ჩაერთოთ არა ნეიროქირურგი, ვინც ეს მასალის არაოფიციალურად გამოიტანა, არამედ უნდა ჩაერთოთ ნევროლოგი“, – აღნიშნა გეჯაძემ.

სპეციალურმა პენიტენციურმა სამსახურმა 14 ივლისს მიხეილ სააკაშვილთან პოლონელი ექიმების ვიზიტის შესახებ განცხადება გაავრცელა, სადაც აღნიშნულია, რომ მსჯავრდადებულ სააკაშვილისგან აღებული ნიმუში ერთ-ერთმა პოლონელმა ექიმმა ქაღალდში გადაახვია და ფეხსაცმლის მეშვეობით ცდილობდა მის მალულად გატანას. პენიტენციურმა სამსახურმა ინციდენტის ამსახველი კადრებიც გაავრცელა.

ამასთან, გუშინ საქართველოს იუსტიციის მინისტრმა, რატი ბრეგაძემ სოციალურ ქსელში დაწერა, რომ პოლონელმა ექიმმა ჩამორთმეულ ახსნა-განმარტებაში თავად დაადასტურა მიხეილ სააკაშვილისგან აღებული ნიმუშის წინდაში განთავსებისა და გატანის მცდელობის ფაქტი.

პოლონელ მედიკოსთან დაკავშირებული ინციდენტის გამო საქართველოს საგარეო საქმეთა სამინისტროში იმყოფებოდა პოლონეთის ელჩის მოვალეობის შემსრულებელი.

საქართველოს პრეზიდენტის ადმინისტრაცია განცხადებას ავრცელებს, რომელსაც უცვლელად გთავაზობთ:

,,პრეზიდენტის ადმინისტრაცია ეხმაურება ტვ პირველის ეთერში გასულ ინტერვიუს პიერ-ალექსანდრე კრევოსთან.

საზოგადოების იმ მცირე ნაწილისთვის, რომელიც მისი საუბრით დაინტერესდა, საჭიროა, რამდენიმე ფაქტობრივი ინფორმაციის მიწოდება.

ის არასდროს იკავებდა საქართველოს პრეზიდენტის მრჩევლის პოზიციას. იგი 2018 წლის 24 დეკემბრიდან იყო სტაჟიორი. პრეზიდენტის ეს გადაწყვეტილება იმ მიდგომის შემადგენელი ნაწილი იყო, რომელიც უცხოეთში მყოფი ქართული წარმოშობის ახალგაზრდებისთვის სამშობლოში დაბრუნების შესაძლებლობების მიცემას ემსახურებოდა.

უნდა აღინიშნოს, რომ იმავე პერიოდში პრეზიდენტის ადმინისტრაციაში დასაქმდნენ ბევრად უფრო წარმატებული ქართველი სტუდენტები წამყვანი ამერიკული და ევროპული უნივერსიტეტებიდან (კოლუმბია, სიანს პო და ვესტ პოინტი).

ალექსანდრ კრევო 2019 წლის 1 აპრილიდან 2022 წლის 31 დეკემბრამდე მუშაობდა კომუნიკაციის სამსახურის სპეციალისტის პოზიციაზე შრომითი ხელშეკრულებით. მისი საჯარო მოხელის პოზიციაზე დასაქმება არ მოხდა, რადგან ვერ წარმოადგინა უმაღლესი განათლების დამადასტურებელი დოკუმენტი. 2023 წლიდან პრეზიდენტის ადმინისტრაციამ არ გააგრძელა მასთან შრომითი ხელშეკრულება, ამის ერთ-ერთი მიზეზი იყო მისი მხრიდან კოვიდრეგულაციების უხეში დარღვევა, რითაც საფრთხე შეუქმნა თანამშრომლების ჯანმრთელობას. აღნიშნულიდან გამომდინარე, ნათელია, რომ მას არ აქვს არც უფლება და არც ლეგიტიმაცია, გაავრცელოს ჭორები პრეზიდენტის თითქოსდა პოზიციებსა და მოსაზრებებზე. ყველაზე გასაკვირი და ნამდვილად სამწუხაროა, თუ რა სისწრაფით აღიქვა, აითვისა და გაითავისა უცხოეთში გაზრდილმა ახალგაზრდამ საქართველოს პოლიტიკური სივრცის ყველაზე მახინჯი და უღირსი თვისებები”, – ნათქვამია განცხადებაში.