ლიბანისა და ისრაელის საზღვარზე მზარდი დაძაბულობის ფონზე ჭურვი სამხრეთ ლიბანში გაეროს სამშვიდობო მისიის (Unifil) შტაბბინაში ჩამოვარდა, – ამის შესახებ გაეროს წარმომადგენელმა განაცხადა.
ჭურვი არ აფეთქდა და არავინ დაშავებულა, მაგრამ დაზიანდა ბაზა.
Unifil-ი მუშაობს თავდასხმის წარმოშობის დადგენაზე.
ლიბანური დაჯგუფება „ჰეზბოლასა“ და ისრაელის სამხედროებსა შორის ცეცხლის გახსნა საღვრის გასწვრივ, ბოლო სამი კვირის განმავლობაში გახშირდა.
შეკრებისა და მანიფესტაციის“ შესახებ კანონპროექტზე პრეზიდენტის მიერ ვეტოს დადებას პარლამენტის დამოუკიდებელი დეპუტატი თეონა აქუბარდია ეხმაურება.
„ვეტო იყო გამართლებული. მიუხედავად იმისა, რომ ვეტოს სავარაუდოდ დაძლევს „ქართული ოცნება“, მე ვფიქრობ, რომ საკონსტიტუციო სასამართლოში უნდა გაგრძელდეს ამაზე დავა იმიტომ, რომ ეს ეწინააღმდეგება იმ ძირითად პრინციპს გამოხატვისა და შეკრების თავისუფლების, რომელიც ჩვენი კონსტიტუციით არის გარანტირებული და პოლიციელი არ უნდა წყვეტდეს მისცეს თუ არა უფლება მომიტინგეებს, როგორ გამოხატოს თავისი პროტესტი“, – განმარტა აქუბარდიამ
ვიმედოვნებ, რეკომენდაციები იქნება პოზიტიური და ევროკომისია რეკომენდაციას მისცემ ევროკავშირის 27 წევრ ქვეყანას, წინ წავწიოთ საქართველო ევროინტეგრაციის პროცესში, – ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა.
მისი თქმით, ახლა ბრიუსელში საქართველოსთან დაკავშირებით დასკვნით ანგარიშზე მუშაობა დასასრულს უახლოვდება.
„ანგარიში გადაეცემა ევროკავშირს რეკომენდაციის სახით. ვიმედოვნებ, რომ ეს რეკომენდაციები იქნება პოზიტიური და ევროკომისია რეკომენდაციას მისცემ ევროკავშირის 27 წევრ ქვეყანას, წინ წავწიოთ საქართველო ევროინტეგრაციის პროცესში და მიეცეს მას კანდიდატის სტატუსი. ანგარიში გამოქვეყნდება 8 ნოემბერს და მოდით, იმედი ვიქონიოთ, რომ ის პოზიტიური იქნება“, – აღნიშნა პაველ ჰერჩინსკიმ.
მას შემდეგ, რაც გასულ ღამეს ღაზის სექტორში ისრაელის თავდაცვის ძალებმა სახმელეთო ოპერაციების მასშტაბი გაზარდეს და ინტენსიური საჰაერო იერიშები მიიტანეს, ქვეყნის თავდაცვის მინისტრმა, იოავ გალანტმა აღნიშნა, რომ „ჰამასთან“ ომის „ახალ ეტაპზე“ გადავიდნენ.
„ღაზაში მიწა ზანზარებდა. იერიშები მივიტანეთ მიწის ზევითაც და ქვევითაც, თავს დავესხით ყველა რანგის ტერორისტს, ყველგან. ძალების ბრძანება ცხადია: ოპერაცია გაგრძელდება მანამ, სანამ ახალი წესრიგი არ დამყარდება“, – თქვა გალანტმა.
ისრაელის თავდაცვის მინისტრმა აღნიშნა, რომ ქვეყნის ჩრდილოეთში, ცენტრალურ ნაწილსა და ყველა დანარჩენ რეგიონში, მოქალაქეების დასაცავად უსაფრთხოებას აუმჯობესებენ.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში
ეს არის საუკუნის პროექტი, რომელიც წარმოადგენს ძალიან სერიოზულ ეტაპს, მთელი პროექტის შესრულებაში, მინდა მივულოცო მთავრობას, – ამის შესახებ აზიის განვითარების ბანკის საქართველოს წარმომადგენლობის ხელმძღვანელმა ლესლი ბეარმან ლაჰმმა, რიკოთის მაგისტრალური გზის 27 კმ-იანი მონაკვეთის გახსნაზე განაცხადა.
მისი თქმით აზიის განვითარების ბანკი და სხვა საერთაშორისო ფინანსური ორგანიზაციები ამაყობენ ბოლო 15 წლის განმავლობაში მთავრობასთან თანამშროლობით.
„მოგესალმებით, ჩემთვის ძალიან დიდი პატივია აქ ვიმყოფებოდე ხევი შორაპანის სექციისა რიკოთის უღელტეხილის, ეს არის საუკუნის პროექტი, რომელიც წარმოადგენს ძალიან სერიოზულ ეტაპს, მთელი პროექტის შესრულებაში, მინდა მივულოცო მთავრობას, რეგიონალური განვითარებისა და ინფრასტრუქტურის სამინისტროს, განსაკუთრებით სხვადასხვა დეპარტამენტებს აღნიშნული ეტაპის გავლა. ჩვენ ვამაყობთ ბოლო 15 წლის განმავლობაში მთავრობასთან თანამშროლობით, ისევე როგორც სხვა ფინანსური ორგანიზაციები რომელიც დღეს აქ არიან წარმოდგენილები, ჩვენ ვამბობთ, რომ აღმოსავლეთ-დასავლეთის გზა განსაზღვრავს საქართველოს მოძრაობას, გააძლიერებს საქართველოს პოზიციას, როგორც სატრანზიტო ჰაბის პოზიციას, მაგრამ მინდა ხაზი გაუსვა აღმოსავლეთ-დასავლეთ კონტექსტს აი ამ გზის.
რამდენიმე ციფრს გაგიზიარებთ მნიშვნელობას ამ გზისას, 60 პროცენტი მოსახლოებისა ცხოვრობს 20 კილომეტრზე, აღმოსავლეთ-დასავლეთის გზაზე გადის 60 პროცენტი ტრანზიტისა 25 პროცენტი საერთაშორისო გზებისა საქართველოსი ADB-მ 800 მილიონის ინვესტიცია მოახდინა 2009 წლიდან და ეს გახლავთ ქობულეთის შემოვლითი გზა განსაკუთრებით, რომელმაც მოგვცა საშუალება თავიდან აგვეცილებინა საცობები, ბათუმის შემოვლითი გზა, რომელმაც ბათუმიდან გადაისროლა მძიმე სატვირთო მანქანები შემოვლით გზაზე, ხევი უბისაში 35 ხიდია და 20 გვირაბი, შორაპანი არგვეთა, რომელიც ძალიან კარგად მიდის წინ და დასრულდება შემდეგ თვეებში, როგორც მოვისმინეთ, აღმოსავლეთ-დასავლეთის მაგისტრალის როლი შუა დერეფანის შესაძლებლობას გაზრდის და ჩვენ ამას ვაღიარებთ და ჩვენ გვინდა ვანახოთ აი ეს სატრანსფორმაციო პროექტები, ADB-ს ყოველწლიურ შეხვედრაზე, რომელიც გაიმართება შემდეგ წელს”, – განაცხადა ლესლი ბეარმან ლაჰმმა.
„თურქეთი ისრაელს მთელი საერთაშორისო თანამეგობრობის წინაშე სამხედრო დამნაშავე ქვეყნად გამოაცხადებს“. ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა. ინფორმაციას teletrader.com ავრცელებს.
თურქეთის პრეზიდენტმა ეს განცხადება სტამბოლში ათათურქის სახელობის აეროპორტში გააკეთა, სადაც პალესტინის მხარდამჭერი მრავალათასიანი მიტინგი გაიმართა. ერდოღანმა დაამატა, რომ ისრაელის სამხედრო დამნაშავედ გამოცხადების საკითხზე მუშაობა უკვე მიმდინარეობს.
მან ასევე ისრაელს „ოკუპანტი დაჯგუფება“ უწოდა. ასევე ერდოღანი ამბობს, რომ პალესტინური მოძრაობა „ჰამასი“ ტერორისტული ორგანიზაცია არ არის.
საქართველოს ეროვნულ გმირს, გიორგი ანწუხელიძეს თავის მშობლიურ სოფელ ქვემო ალვანში ბიუსტი დაუდგეს. ბიუსტის გახსნის ღონისძიებაში მონაწილეობა გიორგი ანწუხელიძის შვილებმა მიიღეს.
„მე ძალიან გამიხარდა, რომ ძალიან ბევრი ხალხი მოვიდა აქ. ეს ჩემთვის სტიმულია, იმიტომ, რომ ამდენი ხანი გავიდა და კიდევ ახსოვს ხალხს მამაჩემის სახელი. ვამაყობ ამით“, – თქვა გიორგი ანწუხელიძის შვილმა, ლევან ანწუხელიძემ.
„ძალიან მძიმეა ჩემთვის მაგრამ ამაყი ვარ დღეს იმიტომ, რომ გიორგი სახელი გაჟღერდა კიდევ ერთხელ. მადლობა მინდა ყველას გადავუხადო, თითოეულ ადამიანს, ვინც მიიღო მონაწილეობა ამის ორგანიზებაში, ორგანიზატორებს, ადამიანებს, რომლებიც უცხოები არიან, მაგრამ 1 ლარი მაინც გადმორიცხეს”, – განაცხადა გიორგი ანწუხელიძის ცოლმა, მაკა ჩიკვილაძემ.
ბიუსტის გახსნას გიორგი ანწუხელიძის ოჯახის წევრების გარდა, ადგილობრივები, ხელისუფლების წარმომადგენლები და ოპოზიციური პარტიების წევრები დაესწრნენ.
ბიუსტზე მოქანდაკე ბადრი თავბერიძემ იმუშავა. საქართველოს ეროვნული გმირის ბიუსტი ადგილობრივების ინიციატივით დაიდგა და ამისთვის თანხა მათ თავად შეაგროვეს.
“შეკრებისა და მანიფესტაციის” შესახებ კანონპროექტზე პრეზიდენტის მიერ ვეტოს დადებას უმრავლესობაში ეხმაურებიან. ფრაქცია “ქართული ოცნების” თავმჯდომარის მოადგილე, გიორგი ცაგარეიშვილი ამბობს, რომ მმართველი გუნდი ყველა საშუალებას გამოიყენებს იმისთვის, რომ სამოქალაქო მშვიდობა დაიცვას.
“არიან ადამიანები, რომლებიც სამოქალაქო არეულობებისთვის, სამოქალაქო დაპირისპირებებისთვის ემზადებიან. ჩვენ არ გვჭირდება არეულობა, ჩვენ არ გვჭირდება დაპირისპირება, თავ-პირის ლეწვა, ურთიერთლანძღვა, გინება. ჩვენ გვჭირდება მშვიდობა. ყველა საშუალებას გამოვიყენებთ იმისთვის, რომ სამოქალაქო მშვიდობა დაცული იყოს,” – ამბობს გიორგი ცაგარეიშვილი.
აღმოსავლეთ-დასავლეთის საერთაშორისო მაგისტრალური გზის (E60-ის) შემადგენელი რიკოთის ჩქაროსნული მაგისტრალის 27 კმ-იან მონაკვეთზე ავტოტრანსპორტის მოძრაობა დღეიდან გაიხსნება.
რიკოთის მაგისტრალური გზის ახალი 27 კმ-იანი, 4 ზოლიანი მონაკვეთი იწყება ხარაგაულის მუნიციპალიტეტის სოფელ ხევთან და მთავრდება ზესტაფონის მუნიციპალიტეტის დაბა შორაპანთან. ხევი-შორაპნის მონაკვეთი მოიცავს 65 ხიდსა და 38 გვირაბს.
ახალი მონაკვეთი რიკოთზე გადაადგილების მანძილს 8 კმ-ით, ხოლო გადაადგილების დროს 25 წუთით შეამცირებს. სამშენებლო სამუშაოების ჯამური ღირებულება 2.6 მილიარდ ლარამდეა, პროექტის დასრულება კი, 2024 წელს იგეგმება.
პროექტის ფარგლებში, სურამთან, შროშასთან და ზესტაფონთან მოეწყობა სპეციალური სივრცეები, ე.წ. სავაჭრო მოედნები, სადაც მოსახლეობა საკუთარი პროდუქციის რეალიზაციას გამართული ინფრასტრუქტურისა და საგზაო უსაფრთხოების პირობებში შეძლებს.
აღმოსავლეთ-დასავლეთის მაგისტრალური გზის 60% (261 კმ) ავტოტრანსპორტისთვის უკვე გახსნილია. სამშენებლო სამუშაოები გრძელდება მაგისტრალური გზის 81 კმ-ზე.
91 ასაკში მსახიობი თენგიზ არჩვაძე გარდაიცვალა. ამის შესახებ ინფორმაციას კოტე მარჯანიშვილის სახელობის თეატრი ავრცელებს.
თენგიზ არჩვაძე 1954 წლიდან კოტე მარჯანიშვილის სახელობის სახელმწიფო თეატრის მსახიობი იყო. მას სულ 46 კინოროლი აქვს შესრულებული.
1967-1972 წლებში იყო რუსთავის თეატრის მსახიობი; მის მიერ შესრულებული როლებიდან აღსანიშნავია: „მოკვეთილი“, „დედა“, „ღალატი“, „თვალი პატიოსანი“, „როცა ქალაქს სძინავს“ „მე ვხედავ მზეს“, „დღის წესრიგშია ერთი საკითხი“, „კვაჭი კვაჭანტირაძე“, „30 აგვისტო“, „ჯორდანო ბრუნო“ და სხვ. 1960 წლიდან კინოსტუდია „ქართული ფილმის“ მსახიობი; გადაღებულია ფილმებში: „კეთილი ადამიანები“, „ერთი ცის ქვეშ“, „ხევისბერი გოჩა“, „ხევსურული ბალადა“, „დიდოსტატის მარჯვენა“, „დათა თუთაშხია“, „შეხვედრა წარსულთან“, „შეხვედრა მთაში“, „მალე გაზაფხული მოვა“ და სხვ.
მიღებული აქვს ჯილდოები, პრემიები და პრიზები: თბილისის საპატიო მოქალაქე, ბრწყინვალების საპრეზიდენტო ორდენი, პრემია „საგურამო“, ღირსების ორდენი, შოთა რუსთაველის სახელობის სახელმწიფო პრემია, საქართველოს სახალხო არტისტი, საქართველოს დამსახურებული არტისტ
2012 წლიდან, მას შემდეგ, რაც ჩვენი ხელისუფლება მოვიდა სათავეში, 261 კმ მაგისტრალური გზიდან, 193 კმ არის ჩვენ მიერ აშენებული და ჩვენი მთავრობის დროს გახსნილი, – ამის შესახებ საქართველოს პრემიერ-მინისტრმა, ირაკლი ღარიბაშვილმა რიკოთის ჩქაროსნული მაგისტრალის 27 კმ-იან მონაკვეთის გახსნის ღონისძიებაზე სიტყვით გამოსვლისას განაცხადა.
როგორც ირაკლი ღარიბაშვილმა აღნიშნა, ახალი გზის გახსნა გაუადვილებს ჩვენს მოქალაქეებს გადაადგილებას, ტურისტებს, მგზავრებს, ყველას, ვინც სარგებლობს ამ გზით.
„მინდა, პირველ რიგში გითხრათ, ვარ ძალიან გახარებული და ბედნიერი, რომ ასეთი მნიშვნელოვანი და მასშტაბური პროექტის გახსნის ცერემონიალში ვიღებ მონაწილეობას. ყველამ კარგად ვიცით, რაოდენ დიდი მნიშვნელობა აქვს ჩვენი ქვეყნის განვითარებისთვის მაგისტრალების მშენებლობას, გზების მშენებლობას და განსაკუთრებით აღმოსავლეთ-დასავლეთის მაგისტრალური გზის მშენებლობას. დღეის მდგომარეობით, 261 კმ მაგისტრალი არის გახსნილი, აქედან 193 კმ მაგისტრალი ჩვენი მთავრობის დროს აშენდა და გაიხსნა. ყველაზე რთული, გამოწვევებით აღსავსე, იყო რიკოთის მონაკვეთი, რომელიც მიჩნეული იყო და არის ჯერ კიდევ, როგორც ერთ-ერთი ყველაზე რთული და გამომწვევი მონაკვეთი, მაგრამ თქვენ უყურებთ, რომ აშენდა ოთხზოლიანი ჩქაროსნული მაგისტრალი და გრძელდება ეს პროცესი.
ჩვენ დღეს საზეიმოდ გავხსენით 27 კმ. 27 კმ ოთხზოლიანი ახალი მაგისტრალური გზა, რომელიც მოიცავს 65 ხიდს და 38 გვირაბს. მინდა, ისიც აღვნიშნო, რომ რა თქმა უნდა ამ ახალი გზის გახსნა გაუადვილებს ჩვენს მოქალაქეებს გადაადგილებას, არა მხოლოდ ჩვენს მოქალაქეებს, არამედ ტურისტებს, მგზავრებს, ყველას, ვინც სარგებლობს ამ გზით. ასევე, რა თქმა უნდა გადაზიდვები გაცილებით უფრო კომფორტული გახდება, გამტარუნარიანობას გაზრდის ამ მაგისტრალური გზის გახსნა“, – განაცხადა პრემიერმა.
მისივე თქმით, რიკოთის მაგისტრალური გზაზე ჯამში იქნება 97 ხიდი და 51 გვირაბი.
„დღეის მდგომარეობით, 48 გვირაბი უკვე გაჭრილია და 83 ხიდი უკვე აშენებულია. ეს არის გრანდიოზული სამუშაოები. ყველაზე მასშტაბური პროექტი. თამამად შეიძლება, ითქვას, რომ ასეთი მასშტაბის, ასეთი სირთულის გადაწყვეტის თვალსაზრისით, არ განხორციელებულა ჩვენი ქვეყნის რეალობაში ასეთი ანალოგიური პროექტი. მინდა ვთქვა, რომ ჩვენ მივესალმებით აი ამ მნიშვნელოვანი პროექტის განხორციელებას. მთლიანად სამუშაოები რიკოთის მონაკვეთზე დასრულდება 2024 წელს. დარჩენილი რამდენიმე კილომეტრზე აქტიურად მიმდინარეობს სამუშაოები და აქვე მინდა გითხრათ, რომ ჩვენი გეგმის მიხედვით, როგორ უკვე აღვნიშნე, 2024 წლის ბოლოს მთლიანად გაიხსნება რიკოთის მონაკვეთი.
კიდევ ერთხელ მინდა, შეგახსენოთ, რომ 2012 წლიდან, მას შემდეგ, რაც ჩვენი ხელისუფლება მოვიდა სათავეში, 261 კმ მაგისტრალური გზიდან, 193 კმ არის ჩვენ მიერ აშენებული და ჩვენი მთავრობის დროს გახსნილი. ახლა მიმდინარეობს 81 კმ-ზე სამუშაოები, მინდა, შეგახსენოთ, რომ 2013 წლიდან მოყოლებული ჯამურად 16 000 კმ გზა აშენდა და რეაბილიტირდა. ეს არის ძალიან მასშტაბური სამუშაოები, აქედან მხოლოდ ინფრასტრუქტურის სამინისტროს გზების დეპარტამენტიდან 6 მლრდ ლარი არის ინვესტირებული, რაც რა თქმა უნდა, ძალიან მნიშვნელოვანია. მე მითქვამს და მინდა, გავიმეორო – გზების მშენებლობას, მაგისტრალების მშენებლობას მოქვს სწრაფი განვითარება და კეთილდღეობა. ჩვენ გვესმის, რომ ეს არის საკმაოდ ხანგრძლივი პროცესი და დიდი დანახარჯები აქვს აი ამ მასშტაბურ პროექტებს, მაგრამ თქვენ ხედავთ, რომ ქვეყანა იცვლება. აი, ამ პერიოდში ქვეყანა ვითარდება, განვითარდა, გაძლიერდა, გამდიდრდა და ეს დოვლათი, რომელიც იქმნება ქვეყანაში, გადანაწილდება და გადანაწილდა რეგიონების მიხედვით.
მე არ შემიძლია, განსაკუთრებული მადლობა არ გადავუხადო ევროკავშირის ელჩს, ასევე ევროპის საინვესტიციო ბანკის წარმომადგენელს, აზიის განვითარების ბანკის წარმომადგენელს, მსოფლიო ბანკის წარმომადგენელს, ყველა დონორ ორგანიზაციას, ვინც ჩართული იყვნენ ამ გრანდიოზული, საუკუნის პროექტის განხორციელების, დაფინანსების პროცესში. მინდა, მადლობა ვუთხრა რა თქმა უნდა, ირაკლი ქარსელაძეს და მის გუნდს, გზების დეპარტამენტს, ყველა მშენებელს, ინჟინერს, ვინც ჩართული იყო ამ ძალიან მნიშვნელოვანი პროექტის განხორციელებაში. მეგობრებო, გრძელდება მშენებლობა და მიმაჩნია, რომ ეს არის ის, რაც ჩვენ ყველას გვახარებს, ჩვენი ქვეყნის ყველა მოქალაქეს უხარია ამ განვითარების, პროგრესის ხილვა და ეს პროცესი გაგრძელდება, მივა ბოლომდე“, – განაცხადა ირაკლი ღარიბაშვილმა.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
