ვერძი

ამ დღეს წარმატების მისაღწევად მკაფიოდ შედგენილი სამოქმედო გეგმა გჭირდებათ, რომელსაც ეტაპობრივად მიჰყვებით. გირჩევთ, მოქმედება ყველაზე რთული საქმეებით დაიწყოთ, რომლებიც ამ დრომდე ვერ დაასრულეთ. საჭიროების შემთხვევაში, შეგიძლიათ გარისკოთ. საღამოს ვარჯიში დაძაბულობის მოხსნაში დაგეხმარებათ.

კურო

მზად იყავით, რომ გეგმების შეცვლა და სპონტანურად მოქმედება მოგიწევთ. დღეს ვარსკვლავები სიურპრიზებს გპირდებიან. რაც არ უნდა მოხდეს, ეცადეთ, სიმშვიდე და ცივი გონება შეინარჩუნოთ. დღის მეორე ნახევარი, პირველთან შედარებით, გაცილებით უფრო წარმატებული და ხალისიანი იქნება.

ტყუპები

ამ დღეს ნებისმიერ საკითხზე რჩევის მიცემას და აზრის გამოხატვას ცდილობთ. მზად იყავით იმისთვის, რომ ეს შეიძლება ყველას არ მოეწონოს და კრიტიკის ნიაღვარი დაგატყდეთ. გამორიცხული არ არის, რომ იურიდიულ პრობლემას შეეჯახოთ, რომლის გადაჭრა სასწრაფოდ მოგიწევთ.

კირჩხიბი

მნიშვნელოვანია, დღეს თავი აარიდოთ კამათს, განსაკუთრებით – დღის პირველ ნახევარში. ბევრ რამეში არ ეთანხმებით სხვებს, მაგრამ ახსნა-განმარტებებზე დროის დაკარგვას ჯობია, უბრალოდ ის აკეთოთ, რაც თავად მიგაჩნიათ მიზანშეწონილად. საბედნიეროდ, გვერდით ისეთი ადამიანებიც გყავთ, რომლებსაც შეგიძლიათ დახმარებისთვის მიმართოთ. თუ შესაძლებელია, საღამოს ივარჯიშეთ ან სუფთა ჰაერზე გაისეირნეთ.

ლომი

ხელსაყრელი და ნაყოფიერი დღეა. შესანიშნავი განწყობა და ოპტიმიზმი საშუალებას მოგცემთ, საზოგადოებრივი საქმეები აკეთოთ და საინტერესო იდეები განახორციელოთ. საჯარო გამოსვლები და დისკუსიები წარმატებული იქნება და აღიარებას მოგიტანთ. მცირე სირთულეების დროს ეცადეთ, მოთმინება გამოიჩინოთ.

ქალწული

მშვიდი დღეა, სიურპრიზებს არ უნდა ელოდოთ. გირჩევთ, საკუთარ ჯანმრთელობას მეტი ყურადღება მიაქციოთ. თუ თავს შეუძლოდ გრძნობთ, მუშაობა უნდა შეამციროთ და დახმარებისთვის ექიმს მიმართოთ. კარგი იქნება, თუ ფეხით მეტს ივლით და კვების მენიუს ჯანსაღი პროდუქტებით შეავსებთ.

სასწორი

კოლეგების შექება და ქათინაურები განწყობას აგიმაღლებთ. ადამიანების მიმართ თქვენი კეთილგანწყობა საქმიანი და პირადი კავშირების გაძლიერებაში დაგეხმარებათ. შეგიძლიათ პოტენციურ პარტნიორებს საკუთარ გეგმებზე უამბოთ და ერთობლივი მოქმედების სტრატეგია შეიმუშაოთ. დიდი ხნის უნახავ მეგობარს თქვენი დახმარება სჭირდება. ეცადეთ, იმედი არ გაუცრუოთ.

მორიელი

დღეს მნიშვნელოვანი საკითხების მოგვარება და ყურადღების ცენტრში ყოფნა მოგიწევთ. დამატებითი სამუშაო ან ახალი ვალდებულებები უამრავ თავსატეხს გაგიჩენთ, მაგრამ ყველაფერს წარმატებით გაუმკლავდებით. ეცადეთ, გვერდით გყავდეთ ადამიანი, რომელიც რეალობის აღქმაში დაგეხმარებათ.

მშვილდოსანი

ამ დღეს შეხმატკბილებული გუნდური მუშაობა უამრავი პრობლემის გადაჭრის საშუალებას მოგცემთ. გირჩევთ, ამ დღეს მოლაპარაკებები არაფორმალურ გარემოში დაგეგმოთ – ეს შეთანხმების მიღწევაში დაგეხმარებათ. ახალი ნაცნობობა შეიძლება ხანგრძლივ ურთიერთობაში გადაიზარდოს და მხოლოდ თქვენზეა დამოკიდებული, მოვლენები რა მიმართულებით განვითარდება. ბიუჯეტის დასაგეგმად დღის პირველი ნახევარი უფრო ხელსაყრელია.

თხის რქა

წარმატებული და ნაყოფიერი დღეა. შეიძლება მოგებიანი ბიზნესწინადადება მიიღოთ, რომელიც უყურადღებოდ არ უნდა დატოვოთ. ეცადეთ დამოუკიდებლად, სხვების დახმარების გარეშე იმუშაოთ, რადგან ეს სასურველი შედეგის მიღწევას გაგიადვილებთ. შეეცადეთ, მეტი მზრუნველობა გამოიჩინოთ საყვარელი ადამიანების მიმართ. ისინი მზად არიან, დაგეხმარონ ნებისმიერ სიტუაციაში და თქვენ?

მერწყული

ამ დღეს თქვენი ენერგია პიკს მიაღწევს, რაც იმას ნიშნავს, რომ სადილამდე მარტივად გაართმევთ თავს ყველა დავალებას და სწორად შედგენილი გეგმის დახმარებით თქვენი ჩანაფიქრი ადვილად განხორციელდება. შესაძლოა, ნათესავს ან მეგობარს თქვენი დახმარება დასჭირდეს და მის ცხოვრებაში მნიშვნელოვანი როლის შესრულება მოგიწიოთ.

თევზები

ნაყოფიერი და საინტერესო დღეა. ეცადეთ, თქვენმა ემოციურობამ საქმიან ურთიერთობებზე არ იმოქმედოს, წინააღმდეგ შემთხვევაში კონფლიქტები და გაუგებრობა გელით. მანქანის მართვისას სიფრთხილე უნდა გამოიჩინოთ. საღამოს მოულოდნელი სიახლეს შეიტყობთ, მაგრამ დასკვნების გამოტანამდე ინფორმაცია უნდა გადაამოწმოთ.

თავდაცვის ახალი კოდექსით განსაზღვრულია წვევამდელის ეროვნულ სამხედრო სამსახურში გაწვევის გადავადების და ასევე გათავისუფლების სხვადასხვა გარემოებები.

ამასთან, დადგენილია წვევამდელთა ეროვნულ სამხედრო სამსახურში გაწვევის გადავადების მოსაკრებლის ოდენობა და გაწვევის 1 კალენდარული წლით გადავადების საფასური 5 000 ლარს შეადგენს.

კოდექსის თანახმად, წვევამდელის სამხედრო აღრიცხვაზე შეიძლება აყვანილ იქნეს 17 წლიდან 27 წლამდე პირი, რომელიც სამხედრო აღრიცხვაზე არ იმყოფება და ამ პირის წვევამდელის სამხედრო აღრიცხვაზე აყვანა ხორციელდება აღნიშნული ფაქტის გამოვლენისთანავე.

განსაზღვრულია სამხედრო აღრიცხვაზე აყვანილი პირის ვალდებულებებიც.

პირი ვალდებულია: ა) საცხოვრებელი (რეგისტრაციის) ადგილის შეცვლისას წვევამდელის სამხედრო აღრიცხვაზე ასაყვანად 2 კვირის ვადაში გამოცხადდეს ახალი საცხოვრებელი ადგილის მიხედვით; ბ) საზღვარგარეთ 1 თვეზე მეტი ვადით ყოფნის შემთხვევაში მისი დასრულებიდან 2 კვირის ვადაში გამოცხადდეს წვევამდელის სამხედრო აღრიცხვაზე ასაყვანად საზღვარგარეთ საქართველოს დიპლომატიურ წარმომადგენლობაში ან საკონსულო დაწესებულებაში.

ვინ თავისუფლდება წვევამდელთა ეროვნულ სამხედრო სამსახურში გაწვევისგან

1. წვევამდელთა ეროვნულ სამხედრო სამსახურში გაწვევისგან თავისუფლდება:

ა) პირი, რომელიც ჯანმრთელობის მდგომარეობის გამო წვევამდელთა ეროვნული სამხედრო სამსახურისთვის შეუსაბამოდ არის ცნობილი;

ბ) პირი, რომელმაც სამხედრო სამსახური ან სამხედრო სამსახურის ალტერნატიული სამსახური უცხო ქვეყნის სამხედრო ძალებში გაიარა;

გ) პირი, რომელიც სისხლის სამართლის მძიმე ან განსაკუთრებით მძიმე დანაშაულის ჩადენისთვის არის ნასამართლევი;

დ) პირი, რომელსაც აქვს საქართველოს კანონმდებლობით განსაზღვრული შესაძლებლობის შეზღუდვის სტატუსი;

ე) პირი, რომლის შესაძლებლობის შეზღუდვის სტატუსის მოქმედების ვადა ამოიწურა, − ამ ვადის ამოწურვიდან აღნიშნული სტატუსის გადამოწმებამდე პერიოდში, მაგრამ არაუმეტეს 3 თვისა;

ვ) პირი, რომელმაც გაიარა არასამხედრო, ალტერნატიული შრომითი სამსახური;

ზ) პირი, რომელიც არის ერთადერთი ვაჟი ოჯახში, რომლის 1 წევრი მაინც დაიღუპა საქართველოს ტერიტორიული მთლიანობისთვის ბრძოლებში ან სამხედრო სამსახურის გავლის დროს;

თ) საქართველოს პარლამენტის წევრი.

2. საქართველოს პრემიერ-მინისტრი უფლებამოსილია შესაბამისი კომისიის რეკომენდაციის საფუძველზე გაათავისუფლოს წვევამდელთა ეროვნულ სამხედრო სამსახურში გაწვევისგან განსაკუთრებული ნიჭით დაჯილდოებული წვევამდელი.

3. კომისიის შემადგენლობასა და საქმიანობის წესს განსაზღვრავს საქართველოს მთავრობა.

4. წვევამდელი, რომელიც ექვემდებარება წვევამდელთა ეროვნულ სამხედრო სამსახურში გაწვევისგან გათავისუფლებას, გარდა ამავე მუხლის პირველი ნაწილის „ა“−„დ“ ქვეპუნქტებით გათვალისწინებული პირობისა, სურვილის შემთხვევაში ნებაყოფლობით გაიწვევა წვევამდელთა ეროვნულ სამხედრო სამსახურში.

წვევამდელთა ეროვნულ სამხედრო სამსახურში გაწვევის გადავადების დადგენილი გარემოებები შეგიძლიათ დეტალურად ნახოთ კოდექსის 65-ე მუხლში. მათ შორის არის საგანმანათლებლო პროცესში მონაწილეობით გამოწვეული ვითარებებიც.

ზემოაღნიშნულ პირთა შორის არის წვევამდელი, პირს, რომელმაც გადაიხადა თავდაცვის კოდექსით დადგენილი წვევამდელთა ეროვნულ სამხედრო სამსახურში გაწვევის გადავადების მოსაკრებელი – 5 000 ლარი.

“წვევამდელთა ეროვნულ სამხედრო სამსახურში გაწვევის გადავადების მოსაკრებელი არის საქართველოს სახელმწიფო ბიუჯეტში გადასახდელი, რომლის გადახდა სავალდებულოა წვევამდელთა ეროვნულ სამხედრო სამსახურში გაწვევის გადავადების უფლებით სარგებლობისთვის. წვევამდელთა ეროვნულ სამხედრო სამსახურში გაწვევის 1 კალენდარული წლით გადავადებისთვის 5 000 (ხუთი ათასი) ლარია. პირს წვევამდელთა ეროვნულ სამხედრო სამსახურში გაწვევის გადავადების მოსაკრებლის გადახდის უფლებით შეუძლია ისარგებლოს 25 წლის მიღწევამდე”, – ვკითხულობთ თავდაცვის კოდექსში.

წვევამდელთა ეროვნულ სამხედრო სამსახურში გაწვევის პროცესს, წვევამდელის ვალდებულებებსა და მისი შეუსრულებლობის შემთხვევაში დამდგარი გარემოებების შესახებ ინფორმაციას გაეცანით თავდაცვის კოდექსის 67-ე მუხლში.