„ადგილობრივი ეკონომიკური განვითარება ინკლუზიური ზრდის წინაპირობაა. მიუხედავად იმისა, რომ ბოლო წლებში ორნიშნა ეკონომიკური ზრდა ფიქსირდება და მნიშვნელოვნადაა შემცირებული სიღარიბე და უმუშევრობის მაჩვენებელი, ჯერჯერობით რეგიონების წილი ეკონომიკურ აქტივობაში მაინც შეზღუდულია. ჩვენი მიზანია, რეგიონები ეკონომიკურად გავაძლიეროთ, რათა უზრუნველვყოთ ეკონომიკური ზრდის შემდგომი დაჩქარება და მეტი ინკლუზიურობა,” – განაცხადა ეკონომიკისა და მდგრადი განვითარების მინისტრის მოადგილე ვახტანგ ცინცაძემ კონფერენციაზე “ადგილობრივი ეკონომიკური განვითარების გაძლიერება საქართველოში” სიტყვით გამოსვლისას.

მინისტრის მოადგილემ ყურადღება გაამახვილა გადაწყვეტილებებზე, რომლებიც მიმართულია რეგიონებში ეკონომიკური აქტივობის გასაზრდელად. მისი თქმით, მცირე და საშუალო ბიზნესის განვითარება და კერძო სექტორის კონკურენტუნარიანობის გაუმჯობესება ეკონომიკური პოლიტიკის ერთ-ერთი უმნიშვნელოვანესი მიმართულებაა. „მცირე და საშუალო ბიზნესისთვის ფინანსებზე ხელმისაწვდომობის სახელმწიფო პროგრამების პარალელურად, ადგილობრივ დონეზე არსებული გამოწვევების საპასუხოდ, ეკონომიკისა და მდგრადი განვითარების სამინისტროს სააგენტომ „აწარმოე საქართველოში” დაიწყო რეგიონებში საკონსულტაციო ცენტრების განვითარება. ისინი ხელს შეუწყობს რეგიონებში სამეწარმეო და ბიზნეს უნარების განვითარებას და გაზრდის ხელმისაწვდომობას ადგილობრივი მოსახლეობისა და მეწარმეებისთვის საკონსულტაციო მომსახურებებზე,” – აღნიშნა მინისტრის მოადგილემ.

ვახტანგ ცინცაძემ ასევე აქცენტი გააკეთა საქართველოში ფართოზოლოვანი ინტერნეტ-ინფრასტრუქტურის მშენებლობასა და პროექტზე „Log-In Georgia”, რომელიც ხელს შეუწყობს რეგიონებში ბიზნეს პროცესების აუთსორსინგის განვითარებას, მომსახურების ექსპორტსა და შესაბამისად, ახალი სამუშაო ადგილების შექმნას. მისი თქმით, რეგიონებში ასევე აქტიურად ვითარდება ინოვაციების ხელშემწყობი ეკოსისტემა, რაც ახალ შესაძლებლობებს უხსნის რეგიონში მცხოვრებ ახალგაზრდებს. „ქვეყნის მასშტაბით ფუნქციონირებს 8 ინოვაციური ცენტრი, რაც არის უნიკალური შესაძლებლობა, რომ ახალგაზრდებს და არა მარტო მათ წვდომა ჰქონდეთ თანამედროვე ტექნოლოგიებთან, შექმნან თანამდეროვე ინოვაციური პროდუქტი, აწარმოონ ბიზნეს საქმიანობა, მიიღონ პირველადი ცოდნა ტექნოლოგიების გამოყენების შესახებ და აქციონ ინოვაციური იდეა ბიზნესად,” – აღნიშნა ვახტანგ ცინცაძემ.

მინისტრის მოადგილემ რეგიონებში ეკონომიკური ზრდის კიდევ ერთ კატალიზატორად ტურიზმის სფეროში მიმდინარე აქტივობები დაასახელა. მისი თქმით, ტურიზმის შემდგომი განვითარება მთავრობის ერთ-ერთი მნიშვნელოვანი პრიორიტეტია, რაც სექტორიდან მიღებული შემოსავლების დამატებული ღირებულების ზრდას შეუწყობს ხელს.

თიბისი და Glovo, პარტნიორობის ფარგლებში, Tbilisi Open Air-ზე მისულ ადამიანებს მაქსიმალურკომფორტს შეუქმნიან.

Glovo, წელს მესამედ უერთდება Tbilisi Open Air-ს და მომხმარებლებს შესაძლებლობას მისცემს, ფესტივალის დღეებში, 23-24-25 ივნისს, რიგში დგომის გარეშე ნებისმიერი სასურველი საკვები თუ სურსათი Glovo-ს აპლიკაციის დახმარებით მარტივად შეუკვეთონ.

თიბისი კი, Glovo-ს აპლიკაციაში თიბისის ნებისმიერი ბარათით გადახდისას მომხმარებელს თანხის 25%-ის დაბრუნებას სთავაზობს, რომელიც Glovo-ს ანგარიშზე ავტომატურად, მაქსიმუმ 24 საათის განმავლობაში აისახება.

ტოპ მომხმარებლები, რომლებიც ყველაზე მეტად იაქტიურებენ ფესტივალის ფარგლებში, დამატებით დასაჩუქრდებიან Glovo-სგან სხვადასხვა პრიზით.

ფესტივალის ფარგლებში, Glovo-ს აპლიკაციაში შესულ მომხმარებლებს დახვდებათ ერთი მთავარი კატეგორია, Tbilisi Open Air, სადაც თავს მოიყრის მხოლოდ ფესტივალზე წარმოდგენილი კვებისა და სურსათის ობიექტები. მომხმარებლები მარტივად შეძლებენ, ამ კატეგორიიდან სასურველი პროდუქტების შეკვეთას.

მომხმარებელს შეკვეთის მიღების ორი ვერსია ექნება:

1) საკვები ობიექტიდან გატანა ე.წ. Pick Up, ანუ თვითმომსახურება. სასურველ კვების ობიექტში შესვლისას მთავარია, რომ მომხმარებლებმა აირჩიონ takeaway სერვისი delivery–ს ნაცვლად და ყოველგვარი დამატებითი საფასურის გარეშე მიიღონ სასურველი პროდუქტი.

ამის შემდეგ, აპლიკაციაში მიუვათ შეტყობინება, რომ მათი შეკვეთა მზადაა, მოუწევთ კვების ობიექტთან მისვლა და რიგში დგომის გარეშე მიიღებენ გამზადებულ შეკვეთას.

2) ალბათ, მომხმარებლებისთვის Glovo წარმოუდგენელია მიტანის სერვისის გარეშე, შესაბამისად, აუცილებლად იქნება ხელმისაწვდომი delivery service-იც.

ფესტივალის ტერიტორიაზე ნავიგაციის გამარტივების მიზნით კი იქნება 3 მიტანის პუნქტი, სადაც Glovo-ს კურიერები მომხმარებლებს გადასცემენ შეკვეთებს გამზადების შემდეგ.
ამ იდეას დადებითი გამოხმაურება უკვე მოჰყვა კომპანიების მხრიდანაც და რამდენიმე მსხვილი კომპანია ამ შესაძლებლობას იყენებს თანამშრომლებისათვის დამატებითი ბენეფიტის შესაქმნელადაც. შესაბამისად, Glovo-მ კომპანიებსაც გაუმარტივა თანამშრომლებზე ზრუნვის პროცესი.

მომხმარებლებისთვისა და ფესტივალის სტუმრებისთვის საუკეთესო გამოცდილების შესაქმნელად, თიბისი და Mastercard-ი დამატებით შეთავაზებასაც აანონსებენ. ფესტივალზე წარმოდგენილ ყველა ობიექტში თიბისის ნებისმიერი Mastercard ბარათით გადახდისას მომხმარებელი ანგარიშზე თანხის 20%-ს დაიბრუნებს.
თიბისი უკვე მრავალი წელია Tbilisi Open Air-ის მხარდამჭერია. Glovo-სა და თიბისის კი ექსკლუზიური პარტნიორობა 2022 წლის სექტემბრიდან აკავშირებთ.

R