23 ივნისს ქუთაისში +31 გრადუსი და წვიმიანი დღეა მოსალოდნელი, ღამით კი +18 გრადუსი იქნება. ოზურგეთში დღისით +30 გრადუსი დაფიქსირდება, ღამით კი +18 გრადუსია ნავარაუდევი. იწვიმებს. ბათუმში დღისით ჰაერი +29 გრადუსამდე გათბება, ღამით კი +97 გრადუსი დაფიქსირდება. მოსალოდნელია წვიმა.

ფოთში დღისით წვიმა და +29 გრადუსი დაფიქსირდება, ღამით კი +19 გრადუსია მოსალოდნელი. ზუგდიდში დღისით ტემპერატურა +32 გრადუსს მიაღწევს, ღამით კი +17 გრადუსია ნავარაუდევი. იწვიმებს. +28 გრადუსია მოსალოდნელი სოხუმში დღისით, ღამით +18 გრადუსი დაფიქსირდება. მოსალოდნელია ნალექი.

მესტიაში დღისით +26 გრადუსი, ღამით კი +10 გრადუსი დაფიქსირდება. იწვიმებს. ამბროლაურში ჰაერი დღისით +28 გრადუსამდე გათბება, ღამით კი +14 გრადუსი დაფიქსირდება. მოსალოდნელია ნალექი.

ჭიათურაშიც დღისით წვიმა და +28 გრადუსია მოსალოდნელი, ღამით კი +15 გრადუსი. ახალციხეში დღისით ჰაერი +25 გრადუსამდე გათბება, ღამით კი ტემპერატურა +12 გრადუსამდე დაიწევს. მოსალოდნელია წვიმა.

ბორჯომშიც იწვიმებს. დღისით +25, ღამით კი +12 გრადუსი დაფიქსირდება. ბაკურიანში დღისით +22 გრადუსია მოსალოდნელი, ღამით +6 გრადუსი დაფიქსირდება. მოსალოდნელია ნალექი.

გორში დღისით +27 გრადუსია მოსალოდნელი, ღამის განმავლობაში კი +13 გრადუსი დაფიქსირდება. იწვიმებს. ცხინვალში დღისით ჰაერს ტემპერატურა +26 გრადუსი იქნება, ღამით კი +12 გრადუსი დაფიქსირდება. მოსალოდნელია ნალექი.

გუდაურშიც წვიმას ვარაუდობენ. დღისით +17 გრადუსია ნავარაუდევი, ღამით კი ჰაერის ტემპერატურა +5 გრადუსი იქნება. ანალოგიური ამინდია მოსალოდნელი ომალოშიც, სადაც დღისით +17, ღამით კი +5 გრადუსი დაფიქსირდება.

ლაგოდეხში ჰაერის ტემპერატურა დღის განმავლობაში +27 გრადუსი იქნება, ღამით კი +17 გრადუსი დაფიქსირდება. იწვიმებს. თელავში დღისით +25 გრადუსი დაფიქსირდება, ღამით კი +15 გრადუსია ნავარაუდევი. მოსალოდნელია წვიმა.

გურჯაანში დღისით +25 გრადუსი, ღამით კი +16 გრადუსი დაფიქსირდება. მოსალოდნელია ნალექი. სიღნაღში დღისით +23 გრადუსი მოსალოდნელი, ღამით +14 გრადუსი დაფიქსირდება. იწვიმებს.

რუსთავში დღისით +23 გრადუსი და წვიმაა მოსალოდნელი, ღამით კი +11 გრადუსი დაფიქსირდება.

თბილისში ჰაერის ტემპერატურა დღისით +25 გრადუსს მიაღწევს, ღამით კი +16 გრადუსი იქნება. მოსალოდნელია წვიმა.

ვერძი

გირჩევთ სიურპრიზებითა და საინტერესო მოვლენებით სავსე დღისთვის მოემზადოთ. მარტოხელა ვერძებს რომანტიკული ნაცნობობა ელით, რაც სავარაუდოდ, ხანგრძლივ ურთიერთობაში გადაიზრდება. ამ დღეს თამამად შეგიძლიათ სარისკო შეთავაზება მიიღოთ ან ახალი საქმის დაწყება სცადოთ – ვარსკვლავების მხარდაჭერა წარმატებაში დაგეხმარებათ.

კურო

სავარაუდოდ, ამ დღეს დიდი იმედგაცრუება გელით. გამორიცხული არ არის, რომ საყვარელი ადამიანის რაღაც მოქმედებამ გულით გატკინოთ. დღის მეორე ნახევარში მოსალოდნელია საინტერესო ნაცნობობა ან სასიამოვნო თავგადასავალი. გირჩევთ, საკუთარი გეგმებისა და იდეების შესახებ არავის უამბოთ.

ტყუპები

დაგეგმილი საქმეების გადადება ან გაუქმდება მოგიწევთ. გარემოებების შეცვლის გამო ახალ გარემოსთან და ადამიანებთან შეგუება მოგიწევთ. გირჩევთ ბიზნესაქტივობა შეამციროთ და ახალ პროექტის დასაწყებად უკეთესი დრო შეარჩიოთ. ამ დღეს ძველი, მტკივნეული კითხვის პასუხს იპოვით.

კირჩხიბი

ამ დღეს გარშემომყოფების დახმარების იმედი ნუ გექნებათ – ყველა პრობლემის დამოუკიდებლად მოგვარება მოგიწევთ. თამამად გარისკეთ და ყველაფერს მიაღწევთ, რაც დაგეგმეთ, თუმცა ფინანსურ საკითხებში სიფრთხილე უნდა გამოიჩინოთ – არსებობს გაუთვალისწინებელი ხარჯების რისკი.

ლომი

ეცადეთ მოვლენების შუაგულში იტრიალოთ და ცვალებად გარემოებებს მოერგოთ – ვარსკვლავები ამბობენ, რომ სასურველს მხოლოდ ამ შემთხვევაში მიაღწევთ. თავშეკავება და ემოციების კონტროლი მნიშვნელოვან ფინანსურ მოგებას მოგიტანთ. მოინახულეთ ნათესავი, რომელსაც თქვენი დახმარება სჭირდება და სიკეთე აუცილებლად დაგიბრუნდებათ.

ქალწული

მოვლენებით დატვირთული და საინტერესო დღეა. ვარსკვლავების დახმარებით საინტერესო პროექტში მონაწილეობას და მნიშვნელოვანი საკითხების მოგვარებას შეძლებთ. შესაძლოა, თანამოაზრეები იპოვოთ, რომლებიც პროფესიულ საქმიანობაში და და კარიერულ წინსვლაში დაგეხმარებიან. გადაწყვეტილების მიღებამდე გირჩევთ მიღებული ინფორმაცია კარგად გადაამოწმოთ.

სასწორი

ამ დღეს შეგიძლიათ ყველაზე რთულ და უსიამოვნო საქმეებს გაუმკლავდეთ და ამაში ვარსკვლავები დაგეხმარებიან. დაძაბული დღის შემდეგ ოჯახური საქმეები ძალისა და სულიერი სიმშვიდის აღდგენაში დაგეხმარებათ. გირჩევთ საყვარელ ადამიანის მიმართ მეტი პატივისცემა გამოიჩინოთ და მის რჩევებს მეტი ყურადღებით უსმინოთ.

მორიელი

ამ დღეს ყველა წვრილმანს ყურადღება უნდა მიაქციოთ და ნებისმიერ ჟესტსა და მინიშნებაში ფარული აზრი ეძებოთ. ეს გვერდით მყოფი ადამიანების ნამდვილი მიზნების ამოცნობაში დაგეხმარებათ. ეცადეთ სამსახურში არ გადაიღალოთ – იპოვეთ მიზეზი, რომელიც ხშირად შესვენების საშუალებას მოგცემთ და, რაც მთავარია, არავითარ შემთხვევაში არ ინერვიულოთ.

მშვილდოსანი

ამ დღეს კონფლიქტის დაწყება ადვილია, დასრულება კი ძნელი, ამიტომ ეცადეთ, დაძაბულ სიტუაციებს თავი დააღწიოთ და სიმშვიდე შეინარჩუნოთ. დროა საყოფაცხოვრებო პრობლემის მოგვარებაზე იზრუნოთ, რომელიც დიდი ხანია თავის დროს ელის.

თხის რქა

დისკუსიაში საკუთარი პოზიციის დაცვის არ უნდა შეგეშინდეთ. ეს გუნდში თქვენს ავტორიტეტს გააძლიერებს და თანამოაზრეებს გაგიჩენთ. არ მისცეთ გარშემო მყოფებს უფლება, რომ თქვენს პირად ცხოვრებაში ჩაერიონ და საკუთარი წესები გიკარნახონ

მერწყული

გირჩევთ საკუთარი ცხოვრებიდან გაუშვათ წარსული, რომელიც განვითარებაში ხელს გიშლით და ახალი იდეებისა და ნაცნობობისთვის ადგილი გაათავისუფლოთ. ნუ მისცემთ უფლებას ემოციებს, რომ ურთიერთობებში ჩაერიონ. ახალი და უჩვეულო საქმე წარმატებას მოგიტანთ.

თევზები

ამ დღეს ყველა პრობლემის მოგვარება დამოუკიდებლად, სხვების დახმარების გარეშე მოგიწევთ. უსმინეთ საკუთარ ინტუიციას, რომელიც საუკეთესო გამოსავალს გიკარნახებთ. ადამიანს, რომელიც ბევრჯერ უანგაროდ დაგეხმარათ, თქვენი მხარდაჭერა სჭირდება და იმედი არ უნდა გაუცრუოთ.

კომპანია მზად არის, თანამშრომელთა პასუხისმგებლობის გათავისებისა და სრული კონსენსუსის შემთხვევაში, ჭიათურის მაღაროები მაღაროელებს მართვაში გადასცეს, – ამის შესახებ კომპანია „ჯორჯიან მანგანეზის“ განცხადებაშია ნათქვამი.

როგორც განცხადებაშია აღნიშნული, კომპანიისთვის თანამშრომლების ჯანმრთელობის დაცვა და მათი უსაფრთხოება კომპანიის მთავარი ღირებულებაა.

„„ჯორჯიან მანგანეზის“ არაერთი მცდელობისა და შეთავაზების მიუხედავად, რომ დასაქმებულებსა და დამსაქმებელს შორის შეთანხმება შემდგარიყო, თანამშრომელთა ნაწილმა პროტესტის რადიკალურ ფორმას მიმართა. კომპანიისთვის თანამშრომლების ჯანმრთელობის დაცვა და მათი უსაფრთხოება ჩვენი მთავარი ღირებულებაა. ზემოთ აღნიშნულიდან გამომდინარე, კომპანია ეხმაურება მიმდინარე აქციებზე არაერთგზის გაჟღერებულ მოთხოვნას, რომ ჭიათურის მაღაროები მაღაროელებს გადაეცეთ. ​ჩვენი მიზანია, შექმნილი კრიზისული სიტუაცია დროულად მოგვარდეს, შეწყდეს პროტესტის რადიკალური ფორმა, თანამშრომლები სამუშაო პროცესს დაუბრუნდნენ, აღდგეს ქალაქის ყოველდღიური ცხოვრების რიტმი. ამისათვის კომპანია მზად არის, თანამშრომელთა პასუხისმგებლობის გათავისებისა და სრული კონსენსუსის შემთხვევაში, ჭიათურის მაღაროები მაღაროელებს მართვაში გადასცეს“, – ნათქვამია განცხადებაში.

აღნიშნულ განცხადებამდე „ჯორჯიან მანგანეზმა“ კიდევ ერთი განცხადება გაავრცელა და ჭიათურაში დასაქმებულთა ნაწილის ანაზღაურება გაასაჯაროვა.

„გაფიცული თანამშრომლების მოთხოვნის საფუძველზე და საზოგადოების მაღალი ინტერესის გათვალისწინებით, კომპანიამ გადაწყვიტა ჭიათურაში დასაქმებულთა ნაწილის ანაზღაურება გაასაჯაროოს. აღნიშნული გადაწყვეტილება კომპანიამ მას შემდეგ მიიღო, რაც გაფიცულებმა ანაზღაურების შესახებ არასწორი ინფორმაცია გაავრცელეს და საზოგადოება შეცდომაში შეიყვანეს. საუბარია კომპანიაში დასაქმებულ იმ თანამშრომლებზე, რომლებიც აქტიურად მონაწილეობენ საპროტესტო აქციებში. ქვემოთ მოყვანილი მონაცემების მიხედვით, ნათლად ჩანს, თუ რას შეადგენს 2022 წელს საშუალოდ დარიცხული ხელფასები – 3187 ლარი (გაცემულია 01.02.2022 – 01.02.2023). ​აქვე ვაცხადებთ, რომ კომპანია მზადყოფნას გამოთქვამს, გასაჯაროებული ინფორმაცია დოკუმენტაციით დაადასტუროს“, – ნათქვამია განცხადებაში.

https://www.facebook.com/georgianmanganese.ge/posts/294726816239181?ref=embed_post