გაუჩინარებული წყალქვეშა ნავის ბორტზე მყოფი ხუთივე ადამიანი დაიღუპა

287
spot_img

კომპანია OceanGate-მა, რომელსაც ბატისკაფი „ტიტანი“ ეკუთვნის, განაცხადა, რომ ატლანტის ოკეანეში დაკარგული ბატისკაფის მგზავრები, სამწუხაროდ, გარდაცვლილები არიან.

„ახლა ჩვენ მივიჩნევთ, რომ ჩვენი აღმასრულებელი დირექტორი სტოკტონ რაში, შაჰზადა დავუდი და მისი ვაჟი სულემან დავუდი, ჰემიშ ჰარდინგი და პოლ-ანრი ნარჟოლე, სამწუხაროდ, გარდაცვლილები არიან“, – ნათქვამია კომპანიის განცხადებაში.

ინფორმაციას ავრცელებს აშშ-ის სანაპირო დაცვაც.  “ბრიტანელი ბიზნესმენი და მკვლევარი, ჰამიშ ჰარდინგი, წლის პაკისტანელი მილიარდერი ბიზნესმენი შაჰზადა დავუდი, მისი 19 წლის შვილი, სულემან დავუდი და წლის ფრანგი მკვლევარი პოლ-ჰენრი ნარგეოლე სამწუხაროდ დაიღუპნენ”. – ამის შესახებ აშშ-ის სანაპირო დაცვის ოფიციალურმა პირებმა საგანგებო პრესკონფერენციაზე განაცხადეს.

“აშშ-ის სანაპირო დაცვისა და მთელი ერთიანი სარდლობის სახელით, ღრმა მწუხარებას გამოვთქვამ ოჯახების მიმართ“, – განაცხადა აშშ-ის სანაპირო დაცვის კონტრადმირალმა, ჯონ მაუგერმა.

კომპანია OceanGate-ის ბატისკაფმა „ტიტანი“, რომელზეც „ტიტანიკის„ ჩაძირვის ადგილას 8-საათიან ექსპედიციაში წასვლა 250 ათას დოლარად შეიძლება, კავშირზე გამოსვლა 18 ივნისს შეწყვიტა.

წყალქვეშა ნავი იმყოფებოდა OceanGate Expeditions-ის მიერ ორგანიზებულ 8-დღიან ექსპედიციაზე, რომლის ფარგლებში ბორტზე მყოფ ადამიანებს ატლანტის ოკეანეში 3 800 მეტრ სიღრმეზე მყოფი ტიტანიკის ნამსხვრევები უნდა დაეთვალიერებინათ.

ბორტზე 5 ადამიანი იმყოფებოდა: ბრიტანელი მილიარდერი ჰემიშ ჰარდინგი, პაკისტანელი მეწარმე შაჰზად დავუდი და მისი ვაჟი სულემანი, OceanGate-ის დამფუძნებელი სტოქტონ რაში და ნავის ოპერატორი პოლ-ანრი ნარჟოლე.

კვლევითმა ხომალდმა Polar Prince-მა ნავ Titan-ი ეკიპაჟთან კონტაქტი წყალქვეშ გატარებული 1 საათისა და 45 წუთის შემდეგ, ადგილობრივი დროით დაახლოებით 09:45 საათზე დაკარგა.

აშშ-ს სანაპირო დაცვის თქმით, მათ პრობლემის შესახებ დაახლოებით 17:45 საათზე – კონტაქტის დაკარგვიდან რვა საათის შემდეგ შეატყობინეს, რის შემდეგაც დაიწყო სამძებრო სამუშაოები.