В Озургети для ветеранов проведут бесплатные офтальмологические обследования

01:22 - 23/05/2023

27-28 мая этого года при организации Государственной службы по делам ветеранов, в рамках меморандума о взаимосотрудничестве, глазная диабетическая клиника Лайонсов-Грузия для ветеранов войны и вооруженных сил и членов их семей, проживающих в Озургетском муниципатитете, проведет бесплатные офтальмологические обследования и в случае необходимости, будут проведены мини-операции.

В благотворительной акции будет участвовать группа из 12 квалифицированных медиков (офтальмологи, эндокринолог), оснащенные высокотехнологической аппаратурой. В случае необходимости, бенефициарам ведомства будут переданы оптические средства (очки).

Прием бенефициаров начнется в 10:00.

Адрес: г. Озургети, ул. 9 апреля №9; глазная клиника Озургети;

Меморандум о взаимосотрудничестве между Государственной службой по делам ветеранов и глазной диабетической клиникой Лайонсов-Грузия впервые был подписан в 2016 году и каждый год обновляется. Бесплатные медицинские акции проводятся перманентно в масштабах всей Грузии.

Благотворительные акции для ветеранов войны и вооруженных сил и членов их семей, в рамках меморандумов о взаимосотрудничестве, подписанных Государственной службой по делам ветеранов с разными медицинскими учреждениями, и в дальнейшем будут проводится в масштабах всей Грузии, информация о проведении которых ветеранам предварительно будет сообщатся.

23 მაისის ასტროლოგიური პროგნოზი

01:11 - 23/05/2023

ვერძი

ამ დღეს ზღვარგადასული ემოციურობა მუშაობაში ხელს გიშლით. მცირე უსიამოვნებებიც კი გულთან ახლოს მიგაქვთ და მძაფრად რეაგირებთ. მოერიდეთ ემოციური გადაწყვეტილებების მიღებას და ეცადეთ, ფაქტებს მეტი ყურადღება მიაქციოთ. პრაგმატული მიდგომა პრობლემების გადაჭრაში დაგეხმარებათ.

კურო

ამ დღეს გარშემომყოფებს თქვენი ყურადღება და მხარდაჭერა სჭირდებათ. მათი პრობლემები გაიძულებთ, საკუთარ საქმეს მოწყდეთ და ახლობელ ადამიანებზე იზრუნოთ. ემოციური ფონის გამო შეიძლება კონფლიქტურ სიტუაციაში აღმოჩნდეთ. ეცადეთ, კომპრომისული გადაწყვეტილება იპოვოთ და დაპირისპირება შეთანხმებით დაასრულოთ.

ტყუპები

რთული და დაძაბული დღეა. ბევრი საქმე გაქვთ და ვადებში რომ ჩაეტიოთ, საკუთარი მოქმედებები სწორად უნდა დაგეგმოთ. ვიღაც თქვენს მოტყუებას ცდილობს, ამიტომ ნებისმიერი ინფორმაცია რამდენჯერმე უნდა გადაამოწმოთ და თუ საჭიროა კითხვებიც დასვათ. წინააღმდეგ შემთხვევაში შეცდომებს თავიდან ვერ აიცილებთ. ეცადეთ, საყვარელი ადამიანების მიმართ მეტი სიყვარული და მზრუნველობა გამოიჩინოთ – რთული პერიოდი აქვთ და თქვენი მხარდაჭერა სჭირდებათ.

კირჩხიბი

ვარსკვლავები გირჩევენ, რომ ნათესავებთან ურთიერთობის გარკვევას მოერიდოთ, რათა კონფლიქტი და უსიამოვნება თავიდან აიცილოთ. ეცადეთ, პირადი ურთიერთობებიდან ყურადღება მუშაობაზე გადაიტანოთ. გახსოვდეთ, რომ სირთულეებს კოლეგებთან ან თანამოაზრეების გუნდთან ერთად უკეთ გაუმკლავდებით.

ლომი

დილიდან რთული და სტრესული სამუშაოსთვის უნდა მოემზადოთ. შეიძლება შექმნილმა ვითარებამ გეგმების შეცვლა და იმის გაკეთება გაიძულოთ, რაც არ გსურთ. გირჩევთ, პირველ რიგში საკუთარი ვალდებულებები შეასრულოთ და შემდეგ ახლობელი ადამიანის თხოვნა შეასრულოთ. იდეა, რომელიც ამ დღეს გეწვევათ, მალე ფინანსურ სარგებელს მოგიტანთ.

ქალწული

ვალდებულებების დროულად შესრულებისთვის შესაძლოა, კოლეგების ან მეგობრების დახმარება დაგჭირდეთ. მათგან შეიძლება ღირებული რჩევა ან ინფორმაცია მოისმინოთ, რომელსაც მოგვიანებით თქვენ სასარგებლოდ გამოიყენებთ. საყვარელ ადამიანებთან ურთიერთობა სტრესისგან გათავისუფლებასა და სიმშვიდის აღდგენაში დაგეხმარებათ.

სასწორი

ეს დღე ამაღლებულ ემოციურ ფონზე ჩაივლის. ყურადღების მოკრეფა და შექმნილი ვითარების ობიექტურად შეფასება გიჭირთ. გირჩევთ, საყვარელ ადამიანებს საკუთარი გრძნობები და გამოცდილება გაუზიაროთ, უთხარით რა გახარებთ და რა გაწუხებთ. ეს სულიერი სიმშვიდის და კარგი განწყობის აღდგენაში დაგეხმარებათ.

მორიელი

ვარსკვლავები გირჩევენ, რომ საკუთარი გეგმებისა და იდეების შესახებ არავის უამბოთ, წინააღმდეგ შემთხვევაში, ვიღაც ამით ისარგებლებს. ამ დღეს საკუთარ სიმართლეს ნებისმიერ კამათში ადვილად დაამტკიცებთ. თუ ვინმესთან ნაჩხუბარი ხართ, ეს შესანიშნავი დღეა ურთიერთობის გარკვევისა და შერიგებისთვის.

მშვილდოსანი

ყოველმხრივ ხელსაყრელი დღეა. შეხვედრები და მოლაპარაკებები თქვენთვის სასურველი შედეგით დასრულდება. საკუთარი პოზიციის სისწორეში ადამიანების დარწმუნებას ადვილად ახერხებთ და შეგიძლიათ ოპონენტი მხარდამჭერად აქციოთ. ვარსკვლავები გირჩევენ, რომ პირად ურთიერთობებში მეტი თავშეკავება გამოიჩინოთ და ემოციები აკონტროლოთ.

თხის რქა

მშვენიერი დღეა პარტნიორთან ურთიერთობების გარკვევის და შეთანხმების მიღწევისთვის. ბიზნესსფეროში ეცადეთ, პრობლემები, გონების გარდა, პიროვნული ხიბლის დახმარებითაც მოაგვაროთ. შესთავაზეთ ოპონენტს ყავა, ჩაი, ტკბილეული და ეცადეთ, მისი კეთილგანწყობა მოიპოვოთ. ურთიერთობა როგორც პირად ცხოვრებაში, ისე ბიზნესში კარგად აეწყობა. ეცადეთ, სახლსა და სამსახურში პირადი სივრცის მოსაწესრიგებლად დრო გამონახოთ.

მერწყული

თქვენი სურვილი და ოცნება შეიძლება ახდეს, თუ ახალ შესაძლებლობებს და იღბლიან დამთხვევებს გამოიყენებთ. ხელსაყრელი დროა თამამი გეგმებისა და საინტერესო იდეების განხორციელებისთვის. დღის მეორე ნახევარში ახლობელ ადამიანთან მოლაპარაკებას და სადავო საკითხებში შეთანხმებას შეძლებთ.

თევზები

ვარსკვლავები გირჩევენ, რომ ემოციები აკონტროლოთ და პრაგმატულად იმოქმედოთ. მოსალოდნელი სირთულეების მიუხედავად, ბევრი მნიშვნელოვანი საკითხის გადაწყვეტას შეძლებთ. პარტნიორთან გულწრფელი საუბარი უთანხმოების მოგვარებასა და ურთიერთობების განმტკიცებაში დაგეხმარებათ.

“ირაკლი კობახიძე მთლიანად იხსნის ნიღაბს”- ადამ კინზინგერი

00:56 - 23/05/2023

ირაკლი კობახიძე ახლა მთლიანად იხსნის ნიღაბს. ქართველებს არ სურთ, რომ რუსეთის საკუთრება იყვნენ, ირაკლის სურს , – ამის შესახებ ყოფილმა კონგრესმენმა, ადამ კინზინგერმა „ტვიტერის“ საკუთარ გვერდზე დაწერა.

კინზინგერი აღნიშნული „ტვიტით“ ირაკლი კობახიძის იმ განცხადებას გამოეხმაურა, სადაც „ქართული ოცნების“ თავმჯდომარემ, სერგეი ლავროვის ოჯახის წევრების ქორწილის მეორე დღის ჩაშლასთან დაკავშირებით, საქართველოს პრეზიდენტი, სალომე ზურაბიშვილი ქსენოფობიური განცხადებების წაქეზებაში დაადანაშაულა.

“უკრაინას ბელგოროდის ოლქში მიმდინარე მოვლენებთან კავშირი არ აქვს” -მიხაილ პოდოლიაკი

00:05 - 23/05/2023

უკრაინას ბელგოროდის ოლქში მიმდინარე მოვლენებთან კავშირი არ აქვს, – ამის შესახებ უკრაინის პრეზიდენტის ადმინისტრაციის მრჩეველი მიხაილ პოდოლიაკი სოციალურ ქსელში წერს.

პოდოლიაკის თქმით, „უკრაინა ინტერესით აკვირდება რუსეთის ბელგოროდის ოლქის მოვლენებს და სწავლობს სიტუაციას, თუმცა არავითარი კავშირი არ გააჩნია“.

„ტოტალიტარულ ქვეყანაში ერთადერთი მამოძრავებელი პოლიტიკური ძალა ყოველთვის, გარდაუვლად იქცევა პარტიზანულ მოძრაობად იარაღით ხელში“, – წერს პოდოლიაკი.

შეგახსენებთ, რომ რუსეთის ბელგოროდის ოლქის ხელისუფლება ამტკიცებს, რომ მათ ტერიტორიაზე უკრაინელი დივერსანტები იმყოფებიან და მათთან ბრძოლა მიმდინარეობს. რუსული მედია იუწყება რამდენიმე დაშავებული სამოქალაქო პირის შესახებაც.

Єдиною рушійною політичною силою в тоталітарній країні закручених гайок завжди неминуче стає партизанський рух зі зброєю в руках. #Україна із цікавістю спостерігає за подіями в Бєлгородській області Росії та вивчає ситуацію, утім не має до неї безпосереднього стосунку. Як відомо,…

— Михайло Подоляк (@Podolyak_M) May 22, 2023

ბელგოროდის ოლქის გუბერნატორი აცხადებს, რომ ოლქში იერიშის შედეგად არიან დაშავებულები

20:19 - 22/05/2023

ბელგოროდის ოლქის გუბერნატორის, ვიაჩესლავ გლადკოვის განცხადებით, გრაივორონში სამი ადამიანი – ორი მამაკაცი და ერთი ქალი – დაშავდა.

მისივე თქმით, მათი მდგომარეობა საშუალო სიმძიმისაა და ისინი საავადმყოფოში გადაიყვანეს.

გლადკოვის თქმითვე, დაზიანებულია სამი კერძო საცხოვრებელი სახლიც.

„იერიში განხორციელდა ადმინისტრაციის შენობაზეც. სოფელ ზამოსტიეში ჭურვი საბავშვო ბაღს მოხვდა, რის შედეგადაც მას ცეცხლი გაუჩნდა. ასევე, დაშავებულია ქალბატონი, რომელსაც ჭრილობა ხელის არეში აღენიშნება. მას დახმარება ადგილზე აღმოუჩინეს. ზიანის შესახებ ინფორმაცია ახლდება“, – განაცხადა ბელგოროდის ოლქის გუბერნატორმა.

რუსეთის ბელგოროდის ოლქის გუბერნატორმა, ვიაჩესლავ გლადკოვმა განაცხადა, რომ უკრაინის არმიის “დივერსიულმა და სადაზვერვო ჯგუფმა” რუსეთის ტერიტორიაზე შეაღწია. ამასთან, უკრაინის თავდაცვის სამინისტროს დაზვერვის მთავარი სამმართველოს წარმომადგენელმა, ანდრეი იუსოვმა განაცხადა, რომ ბელგოროდის ტერიტორიაზე „რუსეთის თავისუფლების ლეგიონისა“ და „რუსეთის მოხალისეთა კორპუსის“ წარმომადგენლები ახორციელებენ სპეცოპერაციას, რომლის მიზანია ტერიტორიის ე.წ. პუტინის რეჟიმისგან გათავისუფლება, რათა შექმნან უსაფრთხოების გარკვეული ზონა უკრაინელი მშვიდობიანი მოსახლეობის დასაცავად. კრემლის ცნობით, რუსეთის პრეზიდენტი, ვლადიმერ პუტინი ბელგოროდის ტერიტორიაზე უკრაინელი დივერსანტების შეღწევის მცდელობის შესახებ ინფორმირებულია.

” საქართველოს ხელისუფლება 2008 წელს აკეთებდა ყველაფერს, რომ მომხდარიყო კონსოლიდირება პუტინის წინააღმდეგ”- ხაბეიშვილი

20:00 - 22/05/2023

დღეს აბსოლუტურად სხვა რეალობაა, ვიდრე იყო 2008 წელს. საქართველოს ხელისუფლებას, ნაცვლად იმისა, რომ იყოს პირველი, ვინც იაქტიურებს პუტინის რუსეთის წინააღმდეგ, რადგან ის ჩვენი დაუძინებელი მტერია, რუსული პოზიცია უჭირავს, რაც სამარცხვინოა, – ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა განაცხადა.

ხაბეიშვილის თქმით, 2008 წელს საქართველო და საქართველოს ხელისუფლება აკეთებდა ყველაფერს, რომ მომხდარიყო კონსოლიდირება პუტინის რეჟიმის წინააღმდეგ.

„ჩვენ გვქონდა თხოვნა მთელი მსოფლიოსთვის, რომ მათ ეღიარებინათ პუტინი, როგორც ტერორისტი, როგორც სამხედრო დამნაშავე. ჩვენდა სამწუხაროდ, მაშინ ევროპას და დასავლეთს არ ჰქონდათ ჩამოყალიბებული პოზიცია პუტინის წინააღმდეგ. დღეს არის 2023 წელი, როდესაც პუტინი არის სამხედრო დამნაშავე, ჰააგის ტრიბუნალზე გასამართლდა, როგორც მკვლელი და მწამებელი. იმ დროს, როცა 2023 წელს ეს რეალობა გვაქვს, საქართველოს ხელისუფლებას, ნაცვლად იმისა, რომ იყოს პირველი, ვინც იაქტიურებს პუტინის რუსეთის წინააღმდეგ, რადგან ის ჩვენი დაუძინებელი მტერია, ჩვენი ქვეყნის ტერიტორიები აქვს მითვისებული და დღესაც აგრძელებს, პირდაპირი მნიშვნელობით, ქართველი ხალხის გენოციდს, რუსული პოზიცია უჭირავს, რაც სამარცხვინოა.

2023 წელია დღეს, აბსოლუტურად სხვა რეალობაა, ვიდრე იყო 2008 წელს. 2008 წლის შემდეგ როცა ლაპარაკობთ ტურისტებზე, იქ იყვნენ მართლა ტურისტები და აქ, როცა 10 ათასობით ტურისტი გამორბის, რათა სანქციებს აარიდონ თავი და აგენტურის ქსელი გააბან საქართველოში, შესაძლოა, იყვნენ დივერსანტებიც და საქართველოს სახელმწიფოს ემუქრებოდეს რამე.

აბსოლუტურად სხვადასხვა რამეზე ვსაუბრობთ და ჩვენ ვიცით, რომ მათი ათიათასობით ინდივიდუალური მეწარმე დარეგისტრირდა, უნდათ შავი ფულის ტრიალი და სხვადასხვა ხიფათია“, – განაცხადა ლევან ხაბეიშვილმა.

აშშ-ში ვიზიტის ფარგლებში კობა კობალაძე სტიუარტ ტეილორს შეხვდა

19:00 - 22/05/2023

ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ, ამერიკის შეერთებულ შტატებში სამუშაო ვიზიტის ფარგლებში, შეხვედრა გამართა “მოკავშირე ძალების ფონდის” პრეზიდენტთან, სტიუარტ ტეილორთან.

შეხვედრაზე, კობა კობალაძემ, სტიუარტ ტეილორს სამსახურის სტრუქტურა გააცნო და იმ პროგრამებზე ესაუბრა, რომელთაც სამსახური, ვეტერანებისა და ომში დაღუპულთა ოჯახის წევრების ფსიქო-სოციალური და ეკონომიკური მდგომარეობის გასაუმჯობესებლად ახორციელებს.

განსაკუთრებული ყურადღება დაეთმო დაჭრილ-დაშავებული სამხედრო -მოსამსახურეებისა და ვეტერანების წინაშე არსებული გამოწვევების დაძლევას და ამ მიმართულებით, ერთობლივი ღონისძიებების და აქტივობების დაგეგმვას.

აღსანიშნავია, რომ სტიუარტ ტეილორი, დოქტორ ბარბარა ვან დელანთან და დოქტორ რენდი ფელპსთან ერთად, 2018 წელს, საქართველოში, ვეტერანების საქმეთა სახელმწიფო სამსახურს სტუმრობდა.

როგორც შეხვედრაზე სტიუარტ ტეილორმა განაცხადა, ის კვლავ აპირებს საქართველოში დაბრუნებას და პროექტის – “სილქროუდ ჩელენჯის” განხორციელებას, რომელიც ითვალისწინებს დაჭრილ-დაშავებული სამხედრო- მოსამსახურეებისა და ვეტერანებისთვის სხვადასხვა ტიპის აქტივობების დაგეგმვას და მათში ჩართულობას.

სტიუარტ ტეილორი, 1986-2011 წლებში, მსახურობდა ბრიტანულ არმიაში პირველი კლასის უფროს ოფიცრად. 2011 წლიდან გახლავთ არასამთავრობო-არაკომერციული ორგანიზაციის „ მოკავშირე ძალების ფონდის” პრეზიდენტი და აღმასრულებელი დირექტორი. ფონდის მიზანია, გააერთიანოს დაჭრილ-დაშავებული ვეტერანები, აშშ-დან, დიდი ბრიტანეთიდან და სხვა მოკავშირე ქვეყნებიდან.

შეხვედრას,ასევე, ესწრებოდნენ: ვეტერანების საქმეთა სახელმწიფო სამსახურის სამართლებრივი უზრუნველყოფის დეპარტამენტის უფროსის მოადგილე, ირაკლი ჭანტურიძე, პროტოკოლის განყოფილების უფროსი, მარიამ ადამაშვილი, ამერიკის შეერთებულ შტატებში საქართველოს საელჩოს უფროსი მრჩეველი, პაატა პატიაშვილი და თავდაცვის ატაშე აშშ-სა და კანადაში, პოლკოვნიკი რობერტ არღვლიანი.

ვეტერანების საქმეთა სახელმწიფო სამსახურის დირექტორი, კობა კობალაძე, სამთავრობო და არასამთავრობო სექტორთან აშშ-ში შეხვედრებს განაგრძობს.

შემიძლია, თამამად ვთქვა, რომ „ნაციონალური მოძრაობის“ პოლიტსაბჭოს 90 პროცენტი არის დაკომპლექტებული პირდაპირი არჩევის გზით

18:27 - 22/05/2023

იმ პირობებში, როდესაც რუსულმა პარტიამ საქართველოში ფაქტობრივად ყველა წითელი ხაზი გადალახა და მოღალატეობრივ საქმიანობას ეწევა, უფრო მნიშვნელოვანია „ნაციონალური მოძრაობა“ იყოს ძლიერი, მინდა, საზოგადოებას ვაუწყო, რომ 63 მუნიციპალიტეტში გამოცხადებული არჩევნები დასრულდა, 62-ში დარეგისტრირდნენ კანდიდატები და ხუთ მუნიციპალიტეტში იყო კონკურენცია, – ამის შესახებ „ნაციონალური მოძრაობის“ წევრმა, ლევან ხაბეიშვილმა განაცხადა.

ხაბეიშვილის თქმით, ხუთ მუნიციპალიტეტში არჩევნები მიმდინარეობდა მთელი დღის განმავლობაში და იყო უპრეცედენტოდ დიდი დასწრება.

„წალენჯიხაში ფიზიკურად არჩევნებში მონაწილეობა მიიღო ადგილზე მისვლით 2 127-მა ადამიანმა, მარნეული – 1 051, წყალტუბო 737, ქუთაისი – 692, ახალქალაქი 350 -მა „ნაციონალური მოძრაობის“ წევრმა. ეს ნიშნავს, რომ უპრეცედენტოდ დიდი კონკურენცია იყო. მნიშვნელოვანია, რომ შიდა დემოკრატია მნიშვნელოვანია ჩვენივე ამომრჩევლებისთვის. დარჩენილ 57 მუნიციპალიტეტში, სადაც დელეგატების მიერ ელექტრონულად მოხდა თავმჯდომარეების არჩევა, საბოლოო ჯამში, შეადგინა 30 ათასამდე ჩვენმა მხარდამჭერმა. შემიძლია, უკვე თამამად ვთქვა, რომ „ნაციონალური მოძრაობის“ პოლიტსაბჭოს 90 პროცენტი არის დაკომპლექტებული პირდაპირი არჩევის გზით და ეს არჩევანი გააკეთა „ნაციონალური მოძრაობის“ ამომრჩეველმა“, – განაცხადა ხაბეიშვილმა.

ნატო-ს საპარლამენტო ასამბლეამ რუსეთის ომის დანაშაული უკრაინის წინააღმდეგ გენოციდად აღიარა

17:58 - 22/05/2023

ნატო-ს საპარლამენტო ასამბლეამ რუსეთის ომის დანაშაული უკრაინის წინააღმდეგ გენოციდად აღიარა. ამის შესახებ ნატო-ს საპარლამენტო ასამბლეაში უკრაინის მუდმივი დელეგაციის ხელმძღვანელმა, იგორ ჩერნევმა განაცხადა.

„ლუქსემბურგში ასამბლეის სესიაზე ჩვენ მივაღწიეთ, რომ მიგვეღო უკიდურესად ძლიერი დეკლარაცია, რომელსაც ექნება შორსმიმავალი პოლიტიკური შედეგები“, – აღნიშნა ჩერნევმა.

მისივე თქმით, ლუქსემბურგში ნატო-ს სესიაზე მიიღეს დეკლარაცია, რომელიც გულისხმობს ნატო-ს ქვეყნების პარლამენტარების ერთსულოვან მხარდაჭერას საერთაშორისო ტრიბუნალის საკითხზე, ასევე უკრაინის დახმარებას გამარჯვებამდე და გამარჯვების შემდეგ.

დოკუმენტი მხარს უჭერს უკრაინის ტერიტორიულ მთლიანობას, სანქციებს რუსეთის წინააღმდეგ და ასევე უკრაინის აღდგენის „მარშალის გეგმას“.

ამასთან, ასამბლეამ მოუწოდა თავისი ქვეყნების წარმომადგენლებს, ვილნიუსის სამიტზე ღიად დაუჭირონ მხარი უკრაინის ალიანსში გაწევრიანების საკითხს და შეთანხმდნენ ქვეყნის ნატო-ში გაწევრიანების შემდგომ კონკრეტულ ნაბიჯებზე.

“ნაციონალურმა მოძრაობამ“ დრამატული შეცდომები დაუშვა” – მიხეილ სარჯველაძე

17:41 - 22/05/2023

საპარლამენტო უმრავლესობის წევრის, მიხეილ სარჯველაძის განცხადებით, „ნაციონალურმა მოძრაობამ“ ხელისუფლებაში ყოფნის პერიოდში დრამატული შეცდომები დაუშვა.

მისივე თქმით, უკრაინის ტერიტორიების ოკუპაციასთან დაკავშირებით ცდილობენ, ანტირუსული აგრესიული კამპანია იქადაგონ, საქართველოს ტერიტორიების ოკუპაციასთან დაკავშირებით კი სხვა პათოსით იყვნენ შეიარაღებული.

„ფაქტია, „ნაციონალურმა მოძრაობამ“ დაუშვა დრამატული შეცდომები, რის შედეგადაც საქართველომ ვერ შეძლო, თავიდან აერიდებინა ის, რაც 2008 წელს მოხდა. ეს არის მოცემულობა. ამის შემდეგ, როდესაც თვალს ვადევნებთ რეზოლუციას, რომელიც მათ შორის, მათი მხრიდან იქნა მხარდაჭერილი, მგონი, გასაგებია, რომ უბრალო შეცდომებთან არ გვაქვს საქმე. რეალურად, ჩვენი სახელმწიფოს წინააღმდეგ მტრული გადაწყვეტილებები მიიღეს. არ ვიცი, რით უნდა გაამართლონ, მათ შორის დღეს შეცვლილი რიტორიკა, როდესაც უკრაინის ტერიტორიების ოკუპაციასთან დაკავშირებით ცდილობენ, ანტირუსული აგრესიული კამპანია იქადაგონ და საქართველოს ტერიტორიების ოკუპაციასთან დაკავშირებით სრულიად სხვა პათოსით იყვნენ შეიარაღებული.

ამიტომ, რასაკვირველია, ამ ხალხს არ დაეჯერება, როდესაც ხელისუფლებას აბრალებენ იმას, რასაც აბრალებენ. მათი შეცდომების შედეგად დავკარგეთ ასობით სოფელი საქართველოში. ეს ყველაფერი აბსოლუტურად მცდარი, არასწორი პოლიტიკისა და უგუნური ნაბიჯების რეზულტატია. შესაძლებელი იყო, მაგალითად, როყიო განცხადებებისგან ვინმეს თავი შეეკავებინა, ისეთივე აქტიურები ყოფილიყვნენ საერთაშორისო ასპარეზებზე, როგორიც დღევანდელი ხელისუფლებაა. სტრასბურგში საქმეს საქმეზე იგებს საქართველოს ხელისუფლება რუსეთის წინააღმდეგ. ხე ნაყოფით იცნობაო, ვიცით, რაც მოიტანა მათმა პოლიტიკამ და 2008 წლის შემდეგ პოლიტიკა როგორი იყო, არამც თუ წინააღმდეგობრივი, არამედ მსოფლიო სავაჭრო ორგანიზაციაში იყო თანხმობა. როდესაც რუსეთი მიისწრაფოდა კონკრეტული ეკონომიკური ინტერესის დაკმაყოფილებისთვის, საქართველოს ხელისუფლებამ რის სანაცვლოდ გასცა თანხმობა, რა მოტივით აიხსნება ეს გადაწყვეტილება? ვინმემ ამიხსნას ისევ „ნაციონალური მოძრაობის“ ხელისუფლებიდან. აქა-იქ წამოსცდებათ ხოლმე და ვიღაცამ თქვა, საიდანღაც დავალებად მივიღეთო, თორემ სხვა ახსნა ამას არ აქვს“, – განაცხადა მიხეილ სარჯველაძემ.

“აზერბაიჯანსა და სომხეთს შორის სამშვიდობო შეთანხმების ხელმოწერა გარდაუვალია”- ალიევი

17:28 - 22/05/2023

აზერბაიჯანის პრეზიდენტის ილჰამ ალიევის განცხადებით, აზერბაიჯანსა და სომხეთს შორის სამშვიდობო შეთანხმების ხელმოწერა გარდაუვალია. ამის შესახებ აზერბაიჯანული მედია იტყობინება.

აზერბაიჯანის პრეზიდენტის თქმით, სამშვიდობო შეთანხმება უნდა შეესაბამებოდეს საერთაშორისო ნორმებსა და პრინციპებს.

ალიევი ასევე იმედოვნებს, რომ აზერბაიჯანსა და სომხეთს შორის სამშვიდობო მოლაპარაკებები კავკასიაში გრძელვადიან მშვიდობას მოიტანს.

როგორც ცნობილია, 25 მაისს მოსკოვში კრემლის ლიდერის შუამავლობით ფაშინიანისა და ალიევის შეხვედრა იგეგმება.

ინფორმაციისთვის, სომხეთის პრემიერ-მინისტრმა ნიკოლ ფაშინიანმა 22 მაისს გამართულ პრესკონფერენციაზე განაცხადა, რომ სომხეთი აღიარებს მთიან ყარაბაღს, როგორც აზერბაიჯანის ნაწილს.

უცხოური ვალუტის კურსი 23 მაისისთვის

17:15 - 22/05/2023

1 აშშ დოლარის ოფიციალური ღირებულება 2.5376 ლარი გახდა.

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.5376 ლარი გახდა. კურსი, რომელიც დღეს მოქმედებდა, 2.5340 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0036 ლარი შეადგინა.

რაც შეეხება ევროს, მისი კურსი 2.7462 ლარია. მაშინ, როცა დღეს მოქმედი კურსი 2.7352 ლარს შეადგენდა. შესაბამისად, ევროს ცვლილებამ 0.0110 ლარი შეადგინა. დღევანდელი ვაჭრობის შედეგად მიღებული კურსები ძალაში ხვალ შევა.

1...1,9551,9561,957...2,179 Page 1,956 of 2,179