Home Blog Page 1949

“ვაგნერის“ აჯანყების დროს დასავლეთი უკრაინას სთხოვდა, რომ რუსეთისთვის არ დაერტყა” – CNN

„ვაგნერის ჯგუფის“ აჯანყების დროს დასავლელმა მოკავშირეებმა უკრაინას ურჩიეს, რომ რუსეთის ტერიტორიაზე დარტყმა არ განეხორციელებინათ, – ამის შესახებ CNN-ი დასავლელ ოფიციალურ პირზე დაყრდნობით წერს.

გამოცემის ცნობით, უკრაინელ ოფიციალურ პირებს სხვადასხვა დონეზე დაუკავშირდნენ და გააფრთხილეს, რომ რუსეთში არსებული ქაოსი დარტყმების განსახორციელებლად არ გამოეყენებინათ. ისინი შიშობდნენ, რომ დარტყმის განხორციელების შემთხვევაში, უკრაინასა და დასავლეთს ევგენი პრიგოჟინის დახმარებაში დაადანაშაულებდნენ.

„მესიჯი იყო, რომ ეს რუსეთის შიდა საქმეა. მოკავშირეებმა გააფრთხილეს უკრაინელები, რომ სიტუაციის პროვოცირება არ უნდა მოეხდინათ და რუსეთის ტერიტორიაზე სამხედრო ობიექტებისთვის არ უნდა დაერტყათ“, – აღნიშნა დასავლელმა ოფიციალურმა პირმა.

“ვაგნერი მორჩა! უკრაინაში ყოველ შემთხვევაში მორჩა!” – ალექსი პეტრიაშვილი

ალექსი პეტრიაშვილი სოციალურ ქსელში უკრაინაშიმიმდინარე მოვლენებს ეხმაურება:

“რუსი ვაენკორები და ბლოგერებიც კი გამოშტერდნენ და იძახდნენ, არ არსებობს სულ ეს იყოსო, ალბათ 1-2 დღეში რეალურად დაიჭექებს საკადრო ცვლილებებზეო!

“მისი გამოსვლა რუსეთის ბედს განსაზღვრავსო”, დააბრეხვა მისმა მოლაპარაკე …მა ულვაშა ქვიშოვმა! აი შენ კი გაქრი მართლა შენი მარჩიელობით!

თან მაგარი რამე თქვა: ვაგნერი მორჩა! უკრაინაში ყოველ შემთხვევაში მორჩა! კუხარკა იძახის, ჩემი ბიჭებიდან არავინ მოაწერს ხელს შაიგუს კანტორასთანო! მოკლედ, გაჰყვათ ლუკაშასთან ბელარუსში! ლუკაშამ გაიჩალიჩა, ნუ ერთი კაი რაც მიიღო, 2031 წლამდე ყველაზე იაფი გაზი მსოფლიოში ბელარუსს ექნებაო! აჰაჰააჰა, რა 2031-მდე, ტიპი ჩვეულებრივი ფარჩაკი იყო გუშინდელ 5-წუთინკაში! ლენგლიში და ტემზაზე სიცილით მოკვდებოდნენ ბიჭები, თუმცა, არის ადგილები, აქვე ახლოს, სადაც მაგარი ცუდი გემო დარჩებოდათ პირში პუტლერას გუშინდელი სფიჩიდან! ჯერ სად არიან!

ეს მართლა ჟურნალი იყო მგონი! ტიპმა პრიგოჟინი ვერ დაასახელა, ვაგნერელებს გმირები უძახა, თუ არ გინდათ, ბელარუსში გადადითო! მანამდე ძალოვნებს შეხვდა, იქ ჩვეულებრივი პანაშვიდი იყო! შაიგუ თან დაიწვა, დილას მითამ ფრონტის ხაზზე იყო და აღმოჩნდა (ვციტირებ რუს პროპატელეგრამშიკებს), რომ დაკონსერვებული ვიდეო გაუშვეს, ანუ ძველი.

ეს მართლა კლოუნი. მაგარ დუხზე იქნებიან გუშინდელის მერე ურდოს სამხედროები და ზოგადად რუსები! ცხადია! პუტინის მითიც დაინგრა! აუ რას ეფოფინებოდნენ ბიჯო დასავლეთში და არიქა ცარ და წლის ყველაზე გავლენიანი პიროვნება – აჰაჰაჰაჰაჰაჰა! ჩვენ გაგვიშრო სისხლი ამ ნაძირალამ, თორემ კი გამოჩნდა, რაის მაჩოც არის! ანეკდოტი ხო გახსოვთ: ჩემო ჩმოოო, ჩემო ჩმოოო და კაცი უსწორებს ცოლს, რამდენჯერ გითხარი, ჩმო კი არა მაჩოოო! აქაც ეგრეა, ოღონდ პირიქით, მაჩო მაჩოოო და ჩმო გამოდგა ჩვეულებრივი!

აი, წარსულში კომიკოსი და ამჟამად უკრაინის პრეზიდენტი ვოლოდიმირ ზელენსკი კი ნამდვილად იმყოფებოდა ისევ ფრონტის წინა ხაზზე დონეცკის და ზაპოროჟიეს რეგიონებში! დააჯილდოვა მებრძოლები, განიხილა ვითარება ფრონტზე და გლიჯა სელფების სესია უკრაინელ სამხედროებთან ერთად, თავისუფლად, დაძაბვის გარეშე! ისევ 100-ით ნული ზელეს სასარგებლოდ!

ახლა დასავლეთს არ იკითხავთ: ევროკომისიის უმაღლესმა წარმომადგენელმა ჯოზეპ ბორელმა, რუსეთის კრიზისის მერე ერთადერთი სწორი აზრია, უკრაინისთვის შეიარაღების მიწოდების გაორმაგებაო.

აშშ დღეს გამოაცხადებს ახალ, 500-მილიონიან სამხედრო დახმარებას. 30 ბრედლი, 25 სტრაიკერი, რაკეტები ჰაიმარსებისთვის, ჯაველინები, სტინგერები – მიდი მოვდივარ!

ავსტრალიამ გამოაცხადა 120 მილიონი დოლარის დახმარება – 28 ჯავშანმანქანა მ113, სპეც ტექნიკა, 105 მილიმეტრიანი ჭურვები და ა.შ.

გერმანიამ აიღო ვალდებულება ჭურვებით უკრაინის გრძელვადიანად მომარაგება-უზრუნველყოფაზე;
დანიამ დაიწყო უკრაინელი პილოტების მომზადება და ვადაზე ადრე გადასცემს უკრაინას ფ-16-ებს;
პოლონეთში აბრამსების სარემონტო საწარმო გაიხსნება;

გერმანია ლიეტუვაში 4000 სამხედროს განალაგებს;

რა პუტლერი, რა რუსეთი, გამოშტერდით ხო სულ? შეცვალეთ ფირფიტა, გერჩივნოთ!

ერთადერთი ორბანი და მისი მთავრობა ურევს. ახლაც სამხედრო დახმარების 500-მილიონ ევროიანი ტრანში გაჭედა, უნგრული ბანკი გამოიყვანოს უკრაინამ სანქცირებულთა სიიდანო (არადა ეს ბანკი აი პირდაპირ არის ჩართული ომის მხარდაჭერაში) და კარპატიაში მცხოვრები უნგრული უმცირესობის შევიწროებას შეეშვანო. წერას ჰყავს ატანილი ეს ორბანი!

ახლა ფრონტის ამბებს არ იკითხავთ: გუშინ კიდევ ერთი დასახლება როვნოპოლი გაათავისუფლეს ჩვენებმა და მნიშვენლოვნად წაიწიეს წინ სტარმლინოვკის მიამრთულებით; 3 საყრდენი პუნქტიდან ამოძირკვეს ჩვენებმა ურდოსები;

ავდეევკის მიმართულებაზე სერიოზულად წაიწიეს წინ პერვომაისკოესკენ;

მარიინკაში ერთი კვარტლიდან მთლიანად გაყარეს ურდო;

ბახმუტის შემოგარენში თითქმის აღარ დარჩნენ ურდოსები. სევერსკი დონეცის არხის გასწვრივ ტყის მასივებს ჩაუტარდა სრული დეზინფექცია ურდოსებისგან; ჩვენებმა წაიწიეს წინ ოზარაიანოვკას დასახლების მიმართულებით; თვითონ ბახმუტში ურდოს მედესანტეები და ზეკებისგან შემდგარი შტორმ ზ დანაყოფებია. მალე გაიწმინდება ბახმუტი;

ხერსონის მიმართულებაზე ანტონოვკის ხიდის გასწვრივ და გაყოლებაზე მთლიანად გაწმინდეს ურდოსგან ტყის მასივები და დაჩების დასახლება და მიიწევენ წინ ოლეშკების დასახლებული პუნქტისკენ!

უკრაინა უეჭველი გაიმარჯვებს 2023-ში! საქართველო, ვიყოჩაღოთ 2023-ში! პუტლერის ბოროტების იმპერიაზე მე დავწერო თუ თქვენით იტყვით? კაი დავწერ ჯერ – გრუხუნით ჩამოინგრევა 2023-ში! (არ თქვათ მერე, არ გაგიფრთხილებივართო!
დიდება უკრაინას!
გაუმარჯოს საქართველოს!
დიდება გმირებს!
დიდება ერს!
სიკვდილი მტერს!” – წერს ალექსი პეტრიაშვილი.

Koba Kobaladze and Georgian delegation paid tribute to the compatriots died during Texel rebellion

Within the framework of a working visit to the Kingdom of the Netherlands, Major General Koba Kobaladze, Director of the State Service of Veterans Affairs, together with the Extraordinary and Plenipotentiary Ambassador of Georgia to the Kingdom of the Netherlands, Davit Solomonia, representatives of the Service, members of the Georgian delegation and hosts – representatives of the Netherlands Veterans Institute, visited the cemetery of the brothers of the Georgian soldiers who dies during the uprising against fascism on the island of Texel, laid a wreath at the memorial of Georgian soldiers and paid tribute to their memory.

The members of the delegation visited the museum, where the personal and war items of the participants of the uprising are displayed. They visited the bunkers where the prisoners were hiding.

It should be noted that the Georgian delegation was accompanied by Tika Svanidze-Venko, president of the “Georgian Culture Center in the Kingdom of the Netherlands” who also visited the island of Texel. On May 4, 2023, She initiated initiative and supported to open a memorial in cooperation with the Texel Island City Hall and the Ministry of Defense of the Kingdom of the Netherlands, in order to immortalize the memory of the Georgian soldiers who died fighting against fascism, on which the names of the Georgian soldiers buried at the Texel Brothers Cemetery are engraved. Among the fighters buried in the Georgian cemetery of Texel, about ten soldiers from Russian-occupied Abkhazia and Tskhinvali region have been identified. restorer Davit (Devi) Khmaladze is the author of the design of the memorial who is our compatriot and a sculpturer working in the Kingdom of Belgium.

Georgian uprising on Texel – this is how they call the armed uprising of the 822nd Georgian battalion of the Wehrmacht on the island of Texel occupied by Nazi Germany from April 4 to May 20, 1945.

The Uprising on Texel was chronologically the last episode on the European front of World War II and is therefore often referred to as the last battle of Europe. The revolt of Georgian soldiers led by Shalva Loladze began on the night of April 5, 1945 with their attack on German officers. Soon, almost the entire island was in the hands of the rebels, but the landing of the allies was delayed. Additional German forces suppressed the uprising. 565 Georgians and 117 local residents died in heavy fightings.

As a reminder, Major General Koba Kobaladze, Director of the State Service of Veterans’ Affairs, and the representatives of the Service are paying their working visit to the Kingdom of the Netherlands at the official invitation of the Netherlands Veterans Institute. The delegation is also comprised of members of the Defense and Security Committee of the Parliament of Georgia – Gia Benashvili and Aleksandre Tabatadze, Public Defender Levan Ioseliani, representatives of the Maro Makashvili Military Servicemen’s Rehabilitation Center and the Defense and Security Civil Council.

The visit of Koba Kobaladze and the Georgian delegation to the Kingdom of the Netherlands continues.

 

მოსწავლე-ახალგაზრდობის ცენტრ “განთიადში” ილია ბაბუციძის ტურნირი ძიუდოში გაიმართა

მოსწავლე-ახალგაზრდობის ცენტრ “განთიადში”, საქართველოს ტერიტორიული მთლიანობისთვის 2008 წლის რუსეთ-საქართველოს ომში დაღუპული ილია ბაბუციძის ხსოვნისადმი მიძღვნილი IV რესპუბლიკური შეჯიბრი გაიმართა ძიუდოში. აღნიშნულ ტურნირში მონაწილეობა მიიღეს თბილისისა და საქართველოს რეგიონების ძიუდოს კლუბების წარმომადგენლებმა. 2009-2010 წელს დაბადებულმა ვაჟებმა და 2009-2010-2011 წლებში დაბადებულმა გოგონებმა. შეჯიბრებაში სულ 250-მდე მოზარდმა მიიღო მონაწილეობა.

ტურნირში გამარჯვებულებს, ვეტერანების საქმეთა სახელმწიფო სამსახურის მიერ დაწესებული დიპლომები, მედლები და თასები გადაეცათ. პრიზიორი სპორტსმენები ვეტერანების საქმეთა სახელმწიფო სამსახურის რეგიონული მართვის დეპარტამენტის, სამგორის რაიონის წარმომადგენელმა, კობა დიასამიძემ დააჯილდოვა. ღონისძიებას, საპატიო სტუმრები და 2008 წლის რუსეთ-საქართველოს ომის გმირის, ილია ბაბუციძის მშობლები დაესწრნენ.

მოსწავლე-ახალგაზრდობის ცენტრი „განთიადი” 2016 წლიდან ფუნქციონირებს. იგი ემსახურება ახალგაზრდა თაობებში ჯანმრთელი ცხოვრების წესის დანერგვის ხელშეწყობას. ცენტრი ამ მიზნის მისაღწევად პერმანენტულად ატარებს საქალაქო და რაიონულ ტურნირებს და სხვადასხვა ღონისძიებებს.

ილია ბაბუციძე წარმოშობით აჩაბეთიდან იყო. 1982 წლის 25 მარტს ცხინვალში დაიბადა. ცხრა კლასის დასრულების შემდეგ, სწავლა კადეტთა კორპუსში განაგრძო, შემდეგ უკრაინაში, ქ. ხმელნიცკის სახელობის სასაზღვრო აკადემია წარმატებით დაასრულა და სხვადასხვა დროს, საქართველოს საზღვრებს იცავდა მთა-თუშეთსა და ლაგოდეხში. 2008 წლის მაისიდან კი, IV ბრიგადაში, 41-ე ბატალიონის კავშირგაბმულობის ( J6-ის) უფროსი იყო. 2008 წლის 9 აგვისტოს, საომარი მოქმედებების დროს, ცხინვალში დაიღუპა. ილია,თავისი სამსახურებრივი მოვალეობიდან გამომდინარე, ზურგში უნდა დარჩენილიყო, თუმცა, როდესაც ცხინვალის მშენებარე ინსტიტუტში, მტრის ალყაში მოხვედრილი ქართული ასეულის შესახებ შეიტყო, რომლებიც შველას ითხოვდნენ, მიატოვა პოსტი და ათკაციანი ჯგუფით, მათ დასახმარებლად გაეშურა. თანამებრძოლები გადაარჩინა, მაგრამ თავად დაიღუპა_სნაიპერის ტყვიამ იმსხვერპლა. უფროსი ლეიტენანტი, ილია ბაბუციძე დაჯილდოებულია ვახტანგ გორგასლის I ხარისხის ორდენით. ასევე, ორდენით ”მხედრული მამაცობისათვის”.

“მგონია, რომ „საარჩევნო კოდექსზე“ პრეზიდენტის ვეტოს დავძლევთ”- ბექა დავითულიანი

ჩნდება ეჭვები, რომ ვიღაცებს არ ჰქონდათ სურვილი, საარჩევნო პროცედურებით, მშვიდობიანად წასულიყო პროცესი და მყარად ყოფილიყო საარჩევნო ადმინისტრაცია, – ამის შესახებ „ქართული ოცნების“ წევრმა, ბექა დავითულიანმა პრეზიდენტ სალომე ზურაბიშვილის მიერ „საარჩევნო კოდექსში“ ცვლილებებისთვის ვეტოს დადების საკითხზე საუბრისას განაცხადა.

მისი თქმით, გაუგებარია, რატომ დასჭირდა ვეტოს გამოყენება პრეზიდენტს.

„ჩვენ გვქონდა ძველი წესით, კანონით ისეთი რეგულაცია, რომელიც ამბობდა, რომ ექვს თვეში ერთხელ უნდა დაგვემტკიცებინა ხელახლა მოვალეობის შემსრულებელი. სამწუხაროდ, ვერ მოხდა ოპოზიციასთან შეთანხმება თავმჯდომარეზე, რომელსაც თავისი ვადით დავამტკიცებდით და ამიტომ მოუწია უმრავლესობას გადაწყვეტილების მიღება, რომ მოვალეობის შემსრულებელი მაინც იყოს სტაბილურ მდგომარეობაში და არჩევნების დროს ორგანიზაციამ, უბრალოდ, ფუნქციონირება შეძლოს. ამისთვის ვეტოს დადება რატომ დასჭირდა პრეზიდენტს, ვერ გეტყვით, თუმცა ზუსტად ვიცი, რომ აუცილებელია იმისთვის, რომ დამატებითი კითხვის ნიშნები არ იყოს და სიმყარის განცდა ჰქონდეს ადმინისტრაციას, რომ ისინი ასრულებენ მოვალეობას საარჩევნო წელს მაინც, გარკვეული ვადით იმუშაონ. ეს გადაწყვეტილება მივიღეთ, დაედო ვეტო, მგონია, რომ დავძლევთ ამ ვეტოს“, – განაცხადა დავითულიანმა.

საქართველოს პრეზიდენტმა „საარჩევნო კოდექსში“ ცვლილებებს ვეტო დაადო.

13 მილიონი ლარის ქონების დაუფლების მცდელობის ფაქტზე სამი პირი დააკავეს

საქართველოს ფინანსთა სამინისტროს საგამოძიებო სამსახურის თანამშრომლების მიერ, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ყალბი დოკუმენტის დამზადება-გამოყენების გზით, წინასწარი შეთანხმებით ჯგუფის მიერ, განსაკუთრებით დიდი ოდენობით ქონების მოტყუებით დაუფლების მცდელობის ფაქტზე, დაკავებულ იქნა სამი პირი, მათ შორის ერთი უცხო ქვეყნის მოქალაქე.

როგორც ფინანსთა სამინისტროს საგამოძიებო სამსახურის მიერ გავრცელებულ ინფორმაციაშია ნათქვამი, დანაშაული სასჯელის სახით 6-დან 9 წლამდე ვადით თავისუფლების აღკვეთას ითვალისწინებს.

„გამოძიებით დადგინდა, რომ ბრალდებულებმა, საქართველოში რეგისტრირებული ერთ-ერთი კომპანიის დაახლოებით 13 მილიონი ლარის ღირებულების უძრავი ქონების მოტყუებით დაუფლების მიზნით, გააყალბეს საზღვარგარეთ მოქმედი ნოტარიუსის სახელით დამოწმებული მინდობილობა, რომლითაც კომპანიის დამფუძნებელი თითქოსდა აძლევდა ერთ-ერთ ბრალდებულს უფლებამოსილებას მისი წარმომადგენლობის თაობაზე.

„აღნიშნული ყალბი მინდობილობის გამოყენებით, ბრალდებულებმა იუსტიციის სახლში წარადგინეს განცხადება, რომლითაც მოითხოვეს კომპანიის სადამფუძნებლო კაპიტალის, მათივე დანაშაულებრივი ჯგუფის წევრზე გადაფორმება და დირექტორის ცვლილება, რაც ვერ განახორციელეს საგამოძიებო სამსახურისა და იუსტიციის სამინისტროს სსიპ საჯარო რეესტრის ეროვნული სააგენტოს კოორდინირებული მოქმედებების შედეგად.

გამოძიება მიმდინარეობს საქართველოს სისხლის სამართლის კოდექსის 362-ე და 180-ე მუხლებით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით“, – ნათქვამია გავრცელებულ ინფორმაციაში.

“უნგრეთი უკრაინის ევროკავშირში გაწევრიანებას იმ შემთხვევაში მოაწერს ხელს, თუ ევროკავშირის სხვა ქვეყნები საქართველოსთვის კანდიდატის სტატუსის მინიჭებას დათანხმდებიან”-რიკარდ იოზვიაკი 

„რადიო თავისუფლების“ ევროპის ბიუროს რედაქტორი რიკარდ იოზვიაკი აცხადებს, რომ უნგრეთი უკრაინის ევროკავშირში გაწევრიანებას იმ შემთხვევაში მოაწერს ხელს, თუ ევროკავშირის სხვა ქვეყნები საქართველოსთვის კანდიდატის სტატუსის მინიჭებას დათანხმდებიან. ამის შესახებ იოზვიაკი ევროკავშირის წარმომადგენელზე დაყრდნობით წერს, რომლის ვინაობას არ ასახელებს.

„ერთი სცენარი, რომელიც ახლახან ევროკავშირის ოფიციალური პირისგან მოვისმინე, არის ის, რომ უნგრეთი უკრაინის გაწევრიანებას იმ შემთხვევაში მოაწერს ხელს, თუ ევროკავშირის სხვა ქვეყნები საქართველოსთვის კანდიდატის სტატუსის მინიჭებას დათანხმდებიან“, – აცხადებს „რადიო თავისუფლების“ ევროპის ბიუროს რედაქტორი.

იოზვიაკი აღნიშნავს, რომ ბოლო წლებში საქართველოს მთავრობამ უნგრეთთან უფრო მჭიდრო ურთიერთობა დაამყარა.

სტატიაში ასევე განხილულია ევროკომისიის შენიშვნები 12 რეკომენდაციაზე.

„საქართველოს კანდიდატის სტატუსზე კონსენსუსის მიღწევა, რბილად რომ ვთქვათ, რთული იქნება, განსაკუთრებით იმის გათვალისწინებით, თუ რამდენი სამუშაო სჭირდება ქვეყანას“, – წერს იოზვიაკი.

როგორც „რადიო თავისუფლების“ ევროპის ბიუროს რედაქტორი აცხადებს, ნიკა გვარამიას შეწყალება სწორედ ის პროგრესია, რასაც ევროკომისია მედიაპლურალიზმის მხრივ ითხოვს და მის საქმეს პოლიტიკურად მოტივირებულს უწოდებს.

იაზვიაკი ასევე შეეხო პოლიტიკურ პოლარიზაციას, ლგბტ უფლებებსა და იუსტიციის საბჭოს არამოსამართლე წევრების დანიშვნის საკითხს.

„რადიო თავისუფლების“ ევროპის ბიუროს რედაქტორი აცხადებს, რომ, ყველაფრის გათვალისწინებით, საქართველოს, მოლდოვასა და უკრაინას შორის მოლდოვამ, შეიძლება, საუკეთესო შედეგი აჩვენოს რეკომენდაციების შესრულების თვალსაზრისით.

27 ივნისის ასტროლოგიური პროგნოზი

ვერძი

ხელსაყრელი დღეა, გარემოებები თქვენს სასარგებლოდ ვითარდება. შესაძლოა, ყველაზე რთული პროექტებიც კი ადგილიდან დაძრათ, ამიტომ პრობლემების ნუ შეგეშინდებათ. შეხვედრები და საქმიანი მოლაპარაკებები სასურველ შედეგს გამოიღებს. ოჯახის წევრის რჩევა ძველი პრობლემის მოგვარებაში დაგეხმარებათ.

კურო

რთული პრობლემის გადასაჭრელად დროს და ძალისხმევას არ დაიშურებთ, მაგრამ შრომა 27 ივნისს, დიდი ალბათობით, ვერ მოგცემთ იმ შედეგს, რასაც ელოდით. გირჩევთ დამშვიდდეთ და მოთმინება მოიკრიბოთ – მალე პრობლემა თავისთავად, თქვენი მონაწილეობის გარეშე მოგვარდება.

ტყუპები

ამ დღეს სიტუაცია თავად უნდა აკონტროლოთ და მნიშვნელოვანი საკითხების გადაწყვეტა არავის ანდოთ. უფროსების და სხვა გავლენიანი პირების მხრიდან მოსალოდნელი ზეწოლის ნუ შეგეშინდებათ – საკუთარი პოზიცია ნებისმიერ ფასად უნდა დაიცვათ.

კირჩხიბი

მრავალმხრივი ტენდენციებით გამორჩეული დღეა, ამიტომ თქვენი განწყობაც სწრაფად იცვლება. მნიშვნელოვანი საქმეების დაწყება ან სერიოზული საუბრები სხვა დროისთვის უნდა გადადოთ, რადგან ამ დღეს ყურადღების კონცენტრირება გიჭირთ და საქმის დასრულება არ გამოგივათ. ეცადეთ, თქვენ გარშემო მიმდინარე მოვლენები აკონტროლოთ – შესაძლოა, გეგმების სასწრაფოდ შეცვლა დაგჭირდეთ.

ლომი

გაზრდილი ემოციური ფონი მუშაობასა და სწორი გადაწყვეტილებების მიღებაში ხელს გიშლით. თავს გაღიზიანებულად გრძნობთ და უმნიშვნელო წვრილმანსაც კი წყობიდან გამოჰყავხართ, რაც გარშემო მყოფებთან ურთიერთობაზე უარყოფითად აისახება. ეცადეთ, ფული ეკონომიურად ხარჯოთ – მალე დიდი თანხა დაგჭირდებათ.

ქალწული

აკონტროლეთ საკუთარი ფინანსები და ფულს უსარგებლო ნივთებზე ნუ დახარჯავთ. დროა ფინანსური ვალდებულებების დაფარვაზე იზრუნოთ – ეს ურთიერთობების გაძლიერებაში დაგეხმარებათ. პირად ცხოვრებაში რთული პერიოდი გელით – დაუფიქრებელი საქციელის გამო შესაძლოა, პარტნიორთან დაძაბული ვითარება შეიქმნას. ეცადეთ სიტუაცია გულწრფელი სინანულით გამოასწოროთ.

სასწორი

სავარაუდოდ, ამ დღეს გეგმების შეცვლა და გარემოებებთან მორგება მოგიწევთ. ეცადეთ, სიმშვიდე შეინარჩუნოთ და შექმნილი სიტუაციით ისარგებლოთ. დროა, ჯანმრთელობას მეტი ყურადღება მიაქციოთ – სუფთა ჰაერზე სეირნობა ან ძილის წინ მედიტაცია დაგეხმარებათ თავი უკეთ იგრძნოთ.

მორიელი

ახლობელ ადამიანებს თქვენი რჩევა და მხარდაჭერა სჭირდებათ. ეცადეთ, ყველასთვის დრო გამონახოთ, მაგრამ ნურც საკუთარი საქმეებისა და პასუხისმგებლობების შესახებ დაივიწყებთ. თქვენი საინტერესო იდეები სათანადოდ არ დაფასდა, რაც ძალიან გაბრაზებთ. მოთმინება გამოიჩინეთ – მალე თქვენ მიმართ დამოკიდებულება შეიცვლება.

მშვილდოსანი

ამ დღეს ურთიერთობა ადვილი და სასიამოვნო იქნება. ეცადეთ, შესაძლებლობით ისარგებლოთ და საჭირო კავშირები დაამყაროთ. გამორიცხული არ არის, რომ ვიღაც თქვენი იდეებით დაინტერესდეს და ახალი თანამოაზრეები იპოვოთ. ყველა საქმის ერთდროულად კეთების ნაცვლად სჯობს, ყურადღება ერთ, მაგრამ ყველაზე მნიშვნელოვან საქმეზე გადაიტანოთ.

თხის რქა

ამ დღეს წვრილმანებზეც კი მწვავედ რეაგირებთ, ამიტომ შეცდომის თავიდან ასაცილებლად მნიშვნელოვანი საქმეების მოგვარება სხვა დროისთვის უნდა გადადოთ. კოლეგებთან დისკუსია დიდ დროს წაგართმევთ, მაგრამ უშედეგოდ დასრულდება, ამიტომ ჯობს, დრო უფრო საინტერესო საკითხებს დაუთმოთ.

მერწყული

საყვარელ ადამიანთან ურთიერთობა შეიძლება პრობლემებმა და ორმხრივმა პრეტენზიებმა გააფუჭოს. ეცადეთ, პრობლემები წარმოქმნისთანავე მოაგვაროთ და კონფლიქტის განვითარება თავიდან აიცილოთ. გირჩევთ, გადაწყვეტილების მიღებამდე ოჯახის წევრების აზრით დაინტერესდეთ და მათი სურვილები გაითვალისწინოთ. სავარაუდოდ, ხანმოკლე ფინანსური სირთულეები გელით.

თევზები

ნუ გაჯიუტდებით. ეცადეთ, კომპრომისული გამოსავალი მოძებნოთ. ამით პარტნიორის გულს მოიგებთ და ანახვებთ, რომ თქვენთვის მისი აზრი მნიშვნელოვანია. ეცადეთ, ემოციები აკონტროლოთ, რათა რაციონალური, კარგად გააზრებული გადაწყვეტილება მიიღოთ. მოერიდეთ საყვარელი ადამიანების კრიტიკას.

ლატვიამ რუსეთის მოქალაქეების განცხადებების მიღება ყველა სახის ვიზაზე შეაჩერა 

ლატვიამ შეაჩერა რუსეთის მოქალაქეების განცხადებების მიღება ყველა სახის ვიზაზე, – ამის შესახებ ლატვიის საგარეო საქმეთა სამინისტროს განცხადებაშია ნათქვამი.

ლატვიის საგარეო საქმეთა სამინისტროს ცნობით, „რუსეთში შიდა პოლიტიკური მოვლენების არაპროგნოზირებადი განვითარების გამო“ რუსეთის მოქალაქეების განცხადებების მიღება დროებით შეჩერებულია.

„რუსეთში საშინაო პოლიტიკური მოვლენების არაპროგნოზირებადი განვითარების გამო 2023 წლის 26 ივნისიდან რუსეთის მოქალაქეებისგან ყველა სახის ვიზაზე განაცხადის მიღება შეჩერებულია“, – აღნიშნულია განცხადებაში.

სამოქალაქო სოლიდარობამ აჩვენა, რომ ნებისმიერი შანტაჟი და შიდა ამბოხის მოწყობის მცდელობა მარცხისთვის არის განწირული – პუტინი

რუსეთის პრეზიდენტის თქმით, შეიარაღებული ამბოხის პირველივე წუთებიდან, მისი უშუალო დავალებით, იდგმებოდა ნაბიჯები იმისთვის, რომ სისხლისღვრა თავიდან აეცილებინათ, ამის შესახებ ვლადიმირ პუტინმა საკუთარ ვიდეომიმართვაში ისაუბრა.

პუტინმა, საზოგადოებასთან ერთად, მადლობა გადაუხადა “ვაგნერის” ჯარისკაცებს, რომლებმაც მიიღეს “ერთადერთი სწორი გადაწყვეტილება – არ წავიდნენ ძმათა მკვლელ სისხლისღვრაზე”.

“დღეს გაქვთ შესაძლებლობა, გააგრძელოთ სამსახური რუსეთში, გააფორმოთ კონტრაქტი თავდაცვის სამინისტროსთან, ან სხვა ძალოვან სტრუქტურასთან, ან – დაბრუნდეთ თქვენს ახლობლებთან. ვისაც სურს, შეუძლია ბელარუსში წავიდეს. ჩემი დაპირებები შესრულდება. ვიმეორებ – არჩევანი თქვენია, თუმცა დარწმუნებული ვარ, ეს იქნება იმ რუსი მებრძოლების გადაწყვეტილება, რომლებმაც საკუთარი ტრაგიკული შეცდომა გაიაზრეს,” – თქვა პუტინმა.

მან, ასევე, მადლობა გადაუხადა ბელარუსის პრეზიდენტს, ალექსანდრ ლუკაშენკოს გაწეული ძალისხმევისთვის სიტუაციის მშვიდობიანად გადაწყვეტისთვის, თუმცა განმარტა, რომ გადამწყვეტი როლი საზოგადოების ერთიანობამ ითამაშა.

“სამოქალაქო სოლიდარობამ აჩვენა, რომ ნებისმიერი შანტაჟი და შიდა ამბოხის მოწყობის მცდელობა მარცხისთვის არის განწირული,” – განაცხადა პუტინმა.

მიმართვის დასრულების შემდეგ კი, როგორც კრემლის პრესსამსახურის ხელმძღვანელმა, დმიტრი პესკოვმა განაცხადა, პუტინი ძალოვანი უწყებების წარმომადგენლებთან მართავს შეხვედრას – მათ შორის არიან თავდაცვის მინისტრი შოიგუ და “ეფ-ეს-ბეს ხელმძღვანელი” ბორტნიკოვი.

პრეზიდენტმა „საარჩევნო კოდექსში“ ცვლილებებს ვეტო დაადო

საქართველოს პრეზიდენტმა ვეტო დაადო „საარჩევნო კოდექსში“ მიღებულ ცვლილებებს, რომლითაც იცვლება ცესკო-ს თავმჯდომარისა და წევრების არჩევის პროცედურა, – ინფორმაციას საქართველოს პრეზიდენტის ადმინისტრაცია ავრცელებს.

როგორც პრეზიდენტის ადმინისტრაციის მიერ გავრცელებულ ინფორმაციაშია ნათქვამი, მოქმედი რედაქციით, დამოუკიდებელი და ზეპარტიული თანამდებობის პირი, საქართველოს პრეზიდენტი აცხადებს კონკურსს და ქმნის კანდიდატთა შესარჩევ კომისიას. შერჩეულ კანდიდატებს პრეზიდენტი წარუდგენს პარლამენტს.

„ცვლილებების მიხედვით კი, კომისიის შექმნა, კანდიდატთა შერჩევა და წარდგენა მოხდება პარლამენტის თავმჯდომარის მიერ, არჩევა კი პარლამენტის უბრალო უმრავლესობით, რაც ერთპარტიული გადაწყვეტილების მიღებას ნიშნავს.

100 ხმის ნაცვლად, თავმჯდომარისა და წევრების 76 ხმით არჩევა აუქმებს კონსენსუსზე დაფუძნებული გადაწყვეტილებების მიღების საჭიროებას და ზრდის პოლარიზაციის რისკს.

ვეტო სწორედ ამ კონსენსუსის შენარჩუნების მიზანს ემსახურება“, – აღნიშნულია პრეზიდენტის ადმინისტრაციის მიერ გავრცელებულ ინფორმაციაში.

როგორც ადმინისტრაციაში განმარტავენ, პრეზიდენტი პარლამენტს სთავაზობს, რომ ცესკო-ს თავმჯდომარე და წევრები არჩეული იქნენ არანაკლებ 90 ხმით, როგორც ეს სახალხო დამცველის შემთხვევაში მოხდა.

„ეს აუცილებელია არჩევნებისა და საარჩევნო ადმინისტრაციისადმი ნდობის შესანარჩუნებლად და გასამყარებლად“, – ნათქვამია პრეზიდენტის ადმინისტრაციის მიერ გავრცელებულ ინფორმაციაში.

სასამართლომ თამარ ბაჩალიაშვილის საქმის ყოფილ გამომძიებელს პატიმრობა შეუფარდა

თბილისის საქალაქო სასამართლომ თამარ ბაჩალიაშვილის საქმის ყოფილ გამომძიებელს, სერგო შუბითიძეს აღკვეთის ღონისძიების სახით პატიმრობა შეუფარდა. სასამართლომ ბრალდების მხარის შუამდგომლობა დააკმაყოფილა.

პროკურატურამ სასამართლოს აღკვეთის ღონისძიების სახით პატიმრობის გამოყენების შუამდგომლობით მიმართა. ბრალდების მხარემ სასამართლო პროცესზე შუამდგომლობის ერთ-ერთ მიზეზად მიმალვის საფრთხე დაასახელა.

ადვოკატი აღკვეთის ღონისძიების სახით 5 000-ლარიან გირაოს შეფარდებას ითხოვდა. როგორც ბრალდებულმა, სერგო შუბითიძემ სასამართლო პროცესზე განაცხადა, არსად მიმალვას არ აპირებს და გამოძიებასთან ითანამშრომლებს.

როგორც ბრალდებულის ადვოკატმა დღეს განაცხადა, სერგო შუბითიძე წაყენებულ ბრალს აღიარებს. მისი ინფორმაციით, შუბითიძეს შეეშალა, როდესაც თქვა, რომ ბაჩალიაშვილის ტელეფონი გასუფთავებული მიუტანეს და დალუქა.

ადვოკატის განმარტებით, ბაჩალიაშვილის საქმეზე არაერთი მობილური ტელეფონი ამოიღეს და მისი დაცვის ქვეშ მყოფს ბაჩალიაშვილის ტელეფონი სხვა მობილურ ტელეფონში აერია. სასამართლო პროცესზე აღნიშნული ფაქტი დაკავებულმა სერგო შუბითიძემაც დაადასტურა.

 

პროკურატურამ თამარ ბაჩალიაშვილის საქმის ყოფილი გამომძიებელი სერგო შუბითიძე 25 ივნისს დააკავა.

სერგო შუბითიძის მიერ ერთ-ერთი ტელეკომპანიისთვის მიცემული ინტერვიუს საფუძველზე, თბილისის პროკურატურის საგამოძიებო სამმართველოში გამოძიება მტკიცებულებათა შესაძლო ფალსიფიკაციის ფაქტზე 2 მაისს დაიწყო.

საქართველოს გენერალური პროკურატურის ინფორმაციით, დაკავებულს ბრალდება საქართველოს სისხლის სამართლის კოდექსის 370-ე მუხლის პირველი ნაწილით წარედგინება, რაც მოწმის მიერ ცრუ ჩვენების მიცემით მართლმსაჯულებისთვის ხელის შეშლას გულისხმობს.

1...1,9481,9491,950...2,310Page 1,949 of 2,310
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი