ოჯახის სიწმინდისა და მშობლების პატივისცემის დღესთან დაკავშირებით, მეუფე შიომ ქაშვეთის ტაძარში დოქსოლოგია აღასრულა, რის შემდეგაც სამების საკათედრო ტაძრის მიმართულებით მსვლელობა გაიმართა.
მანამდე საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის ლოცვა მრევლს გადასცა.
ოჯახის სიწმინდის დღედ 17 მაისი უწმინდესმა ილია მეორემ 2014 წელს გამოაცხადა.
მე მადლობას ვუხდი, რა თქმა უნდა, გვარების დასახელების გარეშე, იმ ოპოზიციონერ დეპუტატებს, რომლებმაც მხარი დაუჭირეს შესაბამის კანდიდატებს. გაგრძელდება პროცედურები და იმედი გვაქვს, რომ საბოლოო ჯამში მოვახერხებთ იუსტიციის უმაღლეს საბჭოში ხუთივე წევრის არჩევას, – ამის შესახებ ჟურნალისტებს „ქართული ოცნების“ თავმჯდომარემ, საპარლამენტო უმრავლესობის ლიდერმა, ირაკლი კობახიძემ განუცხადა.
„მოხარული ვართ, რომ უკვე არჩეულია იუსტიციის უმაღლესი საბჭოს 3 წევრი. მათ დააგროვეს 90-ზე მეტი ხმა. ჩვენ გვქონდა მსგავსი ტიპის მოცემულობა სახალხო დამცველის არჩევის დროს. მიუხედავად იმისა, რომ არავითარი კითხვის ნიშანი არ არსებობდა ლევან იოსელიანის კეთილსინდისიერებასთან, კომპეტენციასთან, მიუკერძოებლობასთან დაკავშირებით, რადიკალურმა ოპოზიციამ არათუ არ დაუჭირა მას მხარი, არამედ პირიქით, წარმოებდა ბულინგი იმ ქალი დეპუტატების წინააღმდეგ, რომლებმაც ოპოზიციიდან დაუჭირეს მხარი იოსელიანის კანდიდატურას. იქაც იგივე მიზეზი იყო – რადიკალური ოპოზიცია ყველაფერს აკეთებს იმისთვის, რომ ჩვენმა ქვეყანამ კანდიდატის სტატუსი არ მივიღოთ. დღესაც ეს იყო მორიგი ტესტი – მე მადლობას ვუხდი, რა თქმა უნდა, გვარების დასახელების გარეშე, იმ ოპოზიციონერ დეპუტატებს, რომლებმაც მხარი დაუჭირეს შესაბამის კანდიდატებს. გაგრძელდება პროცედურები და იმედი გვაქვს, რომ საბოლოო ჯამში მოვახერხებთ იუსტიციის უმაღლეს საბჭოში ხუთივე წევრის არჩევას“, – განაცხადა კობახიძემ.
პარლამენტის პლენარულ სხდომაზე გამართული კენჭისყრის შედეგად, იუსტიციის უმაღლესი საბჭოში არსებული 5 არამოსამართლე წევრის ვაკანსიიდან მხოლოდ სამი ვაკანსია შეივსო.
კენჭისყრაზე წარდგენილი დანარჩენი კანდიდატებიდან (კენჭი სულ 29 კანდიდატს ეყარა) ასარჩევად საჭირო 90 ხმა ვერც ერთმა კანდიდატმა ვერ მოაგროვა. ორი ვაკანტური ადგილის შესავსებად კი მეორე ტური გაიმართება, სადაც ოთხი – სხვებთან შედარებით მეტი მხარდაჭერის მქონე კანდიდატები გადავიდნენ. ეს კანდიდატები არიან რუსუდან კვინიკაძე (89 ხმა), გოგა კიკალაშვილი (89 ხმა), ლევან ნემსაძე (88 ხმა) და ნინო ნიშნიანიძე (87 ხმა).
როგორც პარლამენტის თავმჯდომარემ შალვა პაპუაშვილმა განაცხადა, მეორე ტური დღეს ან მომდევნო სხდომაზე გაიმართება.
„კოლეგებს ჯერ კიდევ აქვთ დრო იმისა, რომ მეორე ტურისთვის ჩამოყალიბდნენ“, – განაცხადა შალვა პაპუაშვილმა.
აღსანიშნავია, რომ განახლებულ კენჭისყრაზე პლენარულ სხდომათა დარბაზში ოპოზიციის ძირითადი ნაწილი არ იმყოფებოდა.
იუსტიციის უმაღლესი საბჭოში არჩეულია სამი არამოსამართლე წევრი. 90 ხმაზე მეტი ტრისტან ბენაშვილმა (93 ხმა), გიორგი გზობავამ (91 ხმა) და ზურაბ გურასპაშვილმა (93 ხმა) მიიღეს.
თითქმის ორი წელია იუსტიციის უმაღლეს საბჭოში 5 არამოსამართლე წევრის თანამდებობა ვაკანტურია. პარლამენტის მიერ არჩეულ იუსტიციის უმაღლესი საბჭოს არამოსამართლე წევრებს უფლებამოსილების ვადა ჯერ კიდევ 2021 წლის ივნისში ამოეწურათ. საბჭოში 5 არამოსამართლე წევრის თანამდებობა ვაკანტურია მას შემდეგ, რაც საბჭოს არამოსამართლე წევრებს: – ნაზი ჯანეზაშვილს, ირმა გელაშვილს, ლევან გზირიშვილს, ზაზა ხარებავას და შოთა ქადაგიძეს უფლებამოსილების ვადა გაუვიდათ. შესაბამისად, 2021 წლის ივნისიდან იუსტიციის უმაღლეს საბჭოში 15 წევრის ნაცვლად, მხოლოდ 10 წევრია.
„ქართული ოცნების“ უმრავლესობას პარლამენტში სულ 84 ხმა აქვს.
ვიდრე კონცენტრირებული ვართ უკრაინაზე, არ უნდა დაგვავიწყდეს საქართველო და მოლდოვა, ისევე როგორც სხვა პარტნიორები, რომლებიც რუსეთის ზეწოლას და დაშინებას განიცდიან, მათ შეუძლიათ, ჰქონდეთ ჩვენი მხარდაჭერის იმედი, მათ შორის ევროკავშირის წევრობის გზაზე, – ამის შესახებ ჩეხეთის პრეზიდენტმა, პეტრ პაველმა რეიკიავიკის სამიტზე განაცხადა.
მისივე თქმით, სრულ მხარდაჭერას უცხადებს კოსოვოს მისწრაფებას, გახდეს ევროსაბჭოს წევრი შეძლებისდაგვარად სწრაფად.
„ბევრი ჩვენგანი იმყოფებოდა უკრაინაში, თავად იხილა ომის საშინელება და ვიმედოვნებთ, რომ ევროპაში ომს აღარასდროს ვიხილავთ. ევროსაბჭომ ვერ შეძლო ამ ომის შეჩერება და არის ისტორიული გამოწვევის წინაშე. გადამწყვეტი მნიშვნელობა აქვს რუსეთის და მისი ხელმძღვანელებისთვის პასუხისმგებლობის დაკისრებას. სამართალი უნდა დადგეს ამ უაზრო ომის მსხვეპლებისთვის. ამ კუთხით, ჩეხეთი მხარს უჭერს საერთაშორისო სისხლის სამართლის სასამართლოს გამოძიებას და სპეციალური ტრიბუნალის ინიციატივას უკრაინის წინააღმდეგ აგრესიის დანაშაულში პასუხისმგებელი პირების დასჯისთვის.
ვიდრე ჩვენ კონცენტრირებული ვართ უკრაინაზე, ჩვენ არ უნდა დაგვავიწყდეს საქართველო და მოლდოვა, ისევე როგორც სხვა პარტნიორები, რომლებიც რუსეთის ზეწოლას და დაშინებას განიცდიან. მათ შეუძლიათ, ჰქონდეთ ჩვენი მხარდაჭერის იმედი, მათ შორის, ევროკავშირის წევრობის გზაზე. ასევე, მსურს, გამოვიყენო შესაძლებლობა და სრული მხარდაჭერა გამოვუცხადო კოსოვოს მისწრაფებას, გახდეს ევროსაბჭოს წევრი შეძლებისდაგვარად სწრაფად“, – განაცხადა პეტრ პაველმა.
ჩვენ კარგად ვიცით ქართველებმა, რა ფასი აქვს ომს და რა ფასი აქვს მშვიდობას, – ამის შესახებ საქართველოს პრემიერ-მინისტრმა ირაკლი ღარიბაშვილმა ევროპის საბჭოს სახელმწიფოებისა და მთავრობების მეთაურების სამიტის ფარგლებში გამართულ გენერალურ დებატებზე სიტყვით გამოსვლისას განაცხადა.
როგორც მთავრობის მეთაურმა აღნიშნა, ხელისუფლება ყველაფერს აკეთებს იმისათვის, რომ უწყვეტი მშვიდობა არსებობდეს ქვეყანაში.
„უპირველეს ყოვლისა, მინდა ვთქვა, რომ ძალიან ვამაყობ, რომ ვიღებ მონაწილეობას ევროსაბჭოს სახელმწიფოსა და მთავრობების მეთაურთა მეოთხე სამიტში. მინდა მადლობა გადავუხადო მასპინძელ ქვეყანას, ასეთი შესანიშნავი ღონისძიების ორგანიზებისთვის. მინდა ასევე ვთქვა, რომ ჩვენ ერთგულნი ვართ ადამიანის უფლებების, დემოკრატიის ფუძემდებლური უფლებების. დღეს ჩვენ ევროპაში ერთ-ერთი ყველაზე მნიშვნელოვანი გამოწვევის წინაშე ვიმყოფებით, რომელიც გულისხმობს უკრაინაში რუსეთის აგრესიას, რომელიც არღვევს გაეროს, ჰელსინკის და სხვა დეკლარაციებს. საქართველო მტკიცედ უჭერს მხარს უკრაინის ტერიტორიულ მთლიანობას და სუვერენიტეტს და ჩვენ კარგად გვახსოვს, ის სრულმასშტაბიანი ომი, რომელიც რუსეთთან გვქონდა 2008 წელს. ჩვენ ძალიან დიდი დანაკლისი გვქონდა სიცოცხლის და ტერიტორიების 20%-ის კუთხით. ჩვენ კარგად ვიცით ქართველებმა, რა ფასი აქვს ომს და რა ფასი აქვს მშვიდობას. მას შემდეგ, რაც დავიბრუნეთ დამოუკიდებლობა და რამდენიმე ომი გავიარეთ, ჩვენ ვაცნობიერებთ რა შედეგი მოაქვს ომს და ამიტომ, მეტად ვაფასებთ მშვიდობას. ჩვენი მთავრობა, რაც ხელისუფლებაში იმყოფება, ყველაფერს აკეთებს იმისათვის, რომ უწყვეტი მშვიდობა არსებობდეს ქვეყანაში. დღევანდელი სამყარო იცვლება, წესრიგი იცვლება, და ამ სირთულეებიდან გამოსავალს მარტო ვერცერთი ქვეყანა ვერ იპოვის. ამიტომ, გვჭირდება ერთობლიობა და ერთად ყოფნა. ერთად ყოფნით შევძლებთ ამ მიზნების დაკმაყოფილებას. მეგობრებო, ბოლო წლებში დემოკრატიებმა ბევრი გამოწვევა იწვნიეს. ამ გამოწვევების მიუხედავად, საქართველო მტკიცე და მედეგია და ჩვენი მთავრობა ერთგულია იმ ვალდებულებებისა და ძირეული ფასეულობებისადმი, რომელიც გულისხმობს თანაბარუფლებიანობას, ადამიანის უფლებებს, სამართლის უზენაესობას, საბაზრო ეკონომიკის განვითარებას ქვეყანაში. ეს ჩვენი მრავალმიზნობრივი და მრავალასპექტიანი მიდგომა გულისხმობს სასამართლოს სისტემის, საარჩევნო სისტემის, გამოხატვის თავისუფლების უზრუნველყოფას, მდგრადობას და პტროგნოზირებადობას”, – განაცხადა პრემიერმა.
მას შემდეგ, რაც 2012 წელს მოვედით ხელისუფლებაში, ჩვენი მთავრობა ეფექტურ პოლიტიკას ახორციელებს და ჩვენი ხედვა არის ასახული დინამიურ ქმედებაში, – ამის შესახებ საქართველოს პრემიერ-მინისტრმა ირაკლი ღარიბაშვილმა ევროპის საბჭოს სახელმწიფოებისა და მთავრობების მეთაურების სამიტის ფარგლებში გამართულ გენერალურ დებატებზე სიტყვით გამოსვლისას განაცხადა.
მთავრობის მეთაურის თქმით, საქართველო იქცა სამაგალითო დემოკრატიად მთელს რეგიონში.
„ჩვენ გავაუმჯობესეთ, როგორც სასამართლო სისტემა, ასევე საარჩევნო სისტემა. ეს არის ჩვენი განვითარების დღის წესრიგის შემადგენელი ნაწილი. სასამართლო სისტემაში და ასევე, საარჩევნო სისტემაში მოხდა საკანონმდებლო ცვლილებები, იმისათვის, რომ უზრუნველყოფილი იყოს ადამიანის უფლებების დაცვა.
რაც შეეხება მედიის უფლებებს, გამოხატვის თავისუფლებას, ეს ყველაფერი გათვალისწინებულია ჩვენს დღის წესრიგში. გამჭვირვალობა და გახსნილობა არის ჩვენი ხელწერა. საქართველო არის ლიდერი აღმოსავლეთ ევროპის და ცენტრალური აზიის ქვეყნებში ამ ასპექტების მიხედვით.
საერთო ჯამში, საქართველო იქცა სამაგალითო დემოკრატიად მთელს რეგიონში და დადებითი შეფასება გვაქვს მიღებული საერთაშორისო დონეზე ამ ასპექტების მიხედვით”, – განაცხადა პრემიერმა.
დიდი „ბასტი-ბუბუ“ ხდება პარლამენტში. რამდენიმე ოპოზიციონერმა ჩუმად დააჭირა ხელი „ოცნების“ სასარგებლო იუსტიციის უმაღლესი საბჭოს წევრობის რამდენიმე კანდიდატს და დარბაზიდან გავიდა, – ამის შესახებ „მოქალაქეების“ თავმჯდომარე, დეპუტატი ალეკო ელისაშვილი სოციალურ ქსელში წერს, რითაც იუსტიციის უმაღლესი საბჭოს წევრობის კანდიდატების არჩევას ეხმაურება.
ელისაშვილის თქმით, ახლა მიმდინარეობს გარკვევა, ოპოზიციიდან ვინ დაუჭირა მხარი იუსტიციის უმაღლესი საბჭოს კანდიდატებს.
„დიდი „ბასტი-ბუბუ“ ხდება პარლამენტში. რამდენიმე ოპოზიციონერმა ჩუმად დააჭირა ხელი „ოცნების“ სასარგებლო იუსტიციის უმაღლესი საბჭოს წევრობის რამდენიმე კანდიდატს და მერე დარბაზიდან გავიდა. მე და ქეთი თურაზაშვილს არც არავისთვის დაგვიჭერია მხარი და არც დარბაზიდან გავსულვართ. მიდის ახლა გარკვევა ვინ დააჭირა და ვინ არა. ან დაჭერა რა იყო, ან დარბაზიდან გავარდნა. „ბასტი-ბუბუა“ მართლა“, – წერს ელისაშვილი.
ცნობისთვის, იუსტიციის უმაღლესი საბჭოს არამოსამართლე წევრობის კანდიდატთაგან ე.წ. კვალიფიციური უმრავლესობით არჩეულია 3 არამოსამართლე წევრი – ტრისტან ბენაშვილი, გიორგი გზობავა და ზურაბ გურასპაშვილი.
კენჭისყრა ფარული იყო და მათ მხარდასაჭერად ხმები ასე დაფიქსირდა: 93-91-93.
მას შემდეგ, რაც ოპოზიციამ პლენარულ სხდომათა დარბაზი დატოვა, კენჭისყრა შეჩერდა.
სამწუხაროდ, ოპოზიციის რამდენიმე წარმომადგენელი გაიყიდა და დახურულ კარს მიღმა, ფარულად გაურიგდა „ქართულ ოცნებას“, რომ იუსტიციის საბჭოში კლანის მფარველობისთვის შეეყვანათ ადამიანები და არა იმისთვის, რომ საჯარო ინტერესი იყოს დაცული სასამართლო სისტემაში, – ამის შესახებ „ლელოს“ წევრმა, ანა ნაცვლიშვილმა პარლამენტის პლენარული სხდომის დატოვების შემდეგ ჟურნალისტებს განუცხადა.
სხდომა, რომელზეც იუსტიციის საბჭოს წევრების არჩევის კენჭისყრა იმართებოდა, ოპოზიციის რამდენიმე წარმომადგენელმა, მათ შორის ანა ნაცვლიშვილმა, მას შემდეგ დატოვა, რაც პარლამენტმა სამ კანდიდატს მხარი დაუჭირა.
როგორც ნაცვლიშვილმა აღნიშნა, სხდომის დაწყებამდე ოპოზიციაში უმრავლესობა შეთანხმებული იყო და მზად იყვნენ, რომ პოლიტიკური კონსენსუსი შემდგარიყო და გაგრძელებულიყო საუბარი „ქართულ ოცნებასთან“.
„ორი წლის განმავლობში საქართველოს იუსტიციის უმაღლესი საბჭო ფუნქციონირებდა კონსტიტუციური ლეგიტიმაციის გარეშე, ვინაიდან პარლამენტი, „ქართული ოცნება“ ხელოვნურად ბლოკავდა არამოსამართლე წევრების არჩევას. ჩვენ არაერთხელ დავსვით ეს საკითხი დღის წესრიგში და ოპოზიციის მოთხოვნის შემდეგ დაიწყო კანდიდატების შერჩევის პროცესი. გასული წლის დეკემბერში მათ ჰქონდათ მცდელობა პროცედურული ხრიკით, რომ ეს საკითხი დღის წესრიგიდან ამოეგდოთ, ჩვენ ეს შევაჩერეთ. დღეს ულტიმატუმის რეჟიმში მათ დაიწყეს საკითხის კენჭისყრაზე გამოტანა. ჩვენ არაერთხელ განვაცხადეთ და დავუფიქსირეთ უმრავლესობას, რომ ეს საკითხი უნდა გადაწყვეტილიყო პოლიტიკური კონსენსუსით, ჩვენ მზად ვართ და მზად ვიყავით რომ იუსტიციის საბჭო დაკომპლექტებულიყო მაღალკვალიფიციური და კეთილსინდისიერი კადრებით. ასევე, დავაფიქსირეთ კენჭისყრის დაწყებამდე მნიშვნელოვანი გზავნილი, რომ ოპოზიცია, უმრავლესობა ოპოზიციაში ვიყავით შეთანხმებული და ვიყავით მზად, რომ პოლიტიკური კონსენსუსი შემდგარიყო და გაგრძელებულიყო საუბარი „ქართულ ოცნებასთან“, დაგვესახელებინა ჩვენთვის მისაღები კანდიდატები და მათ დაესახელებინათ თავისთვის მისაღები კანდიდატები“, – განაცხადა ანა ნაცვლიშვილმა.
მისი თქმით, იუსტიციის უმაღლესი საბჭოს წევრების არჩევის თემა ეს არის ერთ-ერთი მთავარი თემა 12 რეკომენდაციის შესრულების ნაწილში და ეს თემა მოითხოვს პოლიტიკურ კონსენსუსს.
ნაცვლიშვილის განცხადებით, კონსენსუსის ნაცვლად, „ქართულმა ოცნებამ“ ფარული გარიგება დადო რამდენიმე ოპოზიციონერთან.
„სხვა შემთხვევაში რეკომენდაცია შესრულებულად არ ჩაითვლება. ჩვენ ვთავაზობდით მათ ღია მოლაპარაკებებს და პოლიტიკურ კონსენსუსს. „ქართულმა ოცნებამ“ არ მოისურვა პოლიტიკური კონსენსუსი, მათ მოისურვეს დახურულ კარს მიღმა დალაგება და გარიგება რამდენიმე ოპოზიციონერთან. სამწუხაროდ, ოპოზიციის რამდენიმე წარმომადგენელი გაიყიდა და დახურულ კარს მიღმა, მალულად, ფარულად გაურიგდა „ქართულ ოცნებას“, რომ იუსტიციის საბჭოში კლანის მფარველობისთვის შეეყვანათ ადამიანები და არა იმისთვის, რომ საჯარო ინტერესი იყოს დაცული სასამართლო სისტემაში. ამიტომ, ეს არ არის პოლიტიკური კონსენსუსი, ეს არის ფარული გარიგება, რომელიც „ქართულმა ოცნებამ“ დადო რამდენიმე ოპოზიციონერთან. ვინაიდან კენჭისყრა რეგლამენტით იყო ფარული, შუა კენჭისყრის დროს, გაცხადდა რა, რომ ეს იყო ფარული, რეგლამენტის და კონსტიტუციის სულისკვეთების და 12 რეკომენდაციის სულისკვეთების საწინააღმდეგო ფარული გარიგება და მოსყიდვა, ოპოზიციის უდიდესმა ნაწილმა განვაცხადეთ, რომ ჩვენ ვტოვებდით დარბაზს იმისთვის, რომ გაცხადებულიყო, ვინ გაიყიდა ოპოზიციიდან. მათ შეწყვიტეს კენჭისყრა. შესაბამისად, ნათელია რომ „ქართულ ოცნებას“ 12 რეკომენდაციის შესრულება და პოლიტიკური კონსენსუსის გზით სიარული არ შეუძლია. ისინი გარბიან პოლიტიკური პროცესიდან მათთვის ხელსაყრელი და გასაგებია მხოლოდ ფარული, ბოროტი ზრახვებით ნაკარნახევი გარიგებები, ვაჭრობა და არა პოლიტიკური კონსენსუსი. სამარცხვინოა, რომ ოპოზიციის რამდენიმე წევრი მათ ამ ძალიან ბინძურ თამაშში შეჰყვა. ჩვენ დავტოვეთ დარბაზი და ყველასთვის გასაგები გახდა, ვინ არ მონაწილეობდა ამ პროცესში“, – განაცხადა ანა ნაცვლიშვილმა.
პარლამენტმა იუსტიციის უმაღლესი საბჭოს სამი არამოსამართლე წევრი აირჩია. დღევანდელ პლენარულ სხდომაზე კენჭისყრის შედეგად, ხმების საჭირო რაოდენობა მოაგროვეს ტრისტან ბენაშვილმა (93 მომხრე – ნული წინააღმდეგი), გიორგი გზობავამ (91 მომხრე, ნული წინააღმდეგი) და ზურაბ გურასპაშვილმა (93 მომხრე, ნული წინააღმდეგი). იუსტიციის უმაღლესი საბჭოს არამოსამართლე წევრის ასარჩევად სულ მცირე 90 ხმა იყო საჭირო. შესაბამისად, საბჭოს წევრების ასარჩევად საჭირო იყო როგორც უმრავლესობის, ისე ოპოზიციის ხმები. საერთო ჯამში, კენჭი უნდა ეყაროს 29 კანდიდატურას. კენჭისყრები ტექნიკური შესვენების შემდეგ განახლდება.
პარლამენტმა იუსტიციის უმაღლესი საბჭოს სამი არამოსამართლე წევრი აირჩია. დღევანდელ პლენარულ სხდომაზე კენჭისყრის შედეგად, ხმების საჭირო რაოდენობა მოაგროვეს ტრისტან ბენაშვილმა (93 მომხრე – ნული წინააღმდეგი), გიორგი გზობავამ (91 მომხრე, ნული წინააღმდეგი) და ზურაბ გურასპაშვილმა (93 მომხრე, ნული წინააღმდეგი).
საერთო ჯამში კენჭი უნდა ეყაროს 29 კანდიდატურას. იუსტიციის უმაღლესი საბჭოს არამოსამართლე წევრის ასარჩევად სულ მცირე 90 ხმაა საჭირო. შესაბამისად, საბჭოს წევრების ასარჩევად საჭიროა როგორც უმრავლესობის, ისე ოპოზიციის ხმები.
ოპოზიციის ნაწილმა კენჭისყრის დროს დარბაზი დატოვა, რის გამოც კენჭისყრები შეწყდა და ტექნიკური შესვენების შემდეგ გაგრძელდება. საპარლამენტო უმრავლესობის წარმომადგენლებმა აღნიშნეს, რომ საბოტაჟია ოპოზიციის მოქმედება, ჩააგდოს კანდიდატები.
ამჟამად იუსტიციის უმაღლეს საბჭოში ხუთი წევრის ადგილია ვაკანტური.
საქართველოში უკრაინის საქმეთა დროებითი რწმუნებული ანდრეი კასიანოვი ოთხწლიანი მუშაობის შემდეგ საქართველოს ტოვებს.
ამის შესახებ კასიანოვი სოციალურ ქსელში წერს.
„მთელი ამ წლების განმავლობაში თქვენთან ერთად ვცდილობდი მაქსიმალური ძალისხმევა გამეწია საქართველოსთან უკრაინის მეგობრული და ურთიერთსასარგებლო ურთიერთობების განმტკიცებისა და განვითარებისთვის.
რუსეთის მიერ უკრაინის წინააღმდეგ გაჩაღებულმა ბრუტალურმა ომმა კიდევ უფრო გააძლიერა ჩვენი ხალხების მეგობრობა და კიდევ უფრო გაგვაერთიანა საერთო მტრისა და ოკუპანტის – ფაშისტური რუსეთის წინააღმდეგ.
მთელი ცხოვრება განმავლობაში მემახსოვრება ქართველი მოხალისეების მამაცური და სულიერი სწრაფვანი, შემართება და შეუპოვრობა, რომლებიც იარაღით ხელში იბრძვიან ჩვენი ქვეყნების თავისუფლებისა და დამოუკიდებლობისთვის.
ხოლო ათიათასობით უკრაინელის მეხსიერებაში, რომლებიც იძულებულნი გახდნენ დაეტოვებინათ სახლები რუსი ოკუპანტების ზეწოლის ქვეშ, სამუდამოდ დარჩება ქართველი ხალხის სითბო და სტუმართმოყვარეობა, რომელმაც მათ მისცა თავშესაფარი, უზიარებდა ყველაფერს, რომ უკრაინელი ბავშვებისთვის ყოფნისა და განათლების ღირსეული პირობები უზრუნველეყო“, – წერს კასიანოვი.
კასიანოვი მშვიდობას და წარმატებას უსურვებს საქართველოს.
„საქართველოდან მივდივარ, მინდა, ყველას გისურვოთ მშვიდობა, კეთილდღეობა, ჰარმონია, ერთიანობა, წარმატება, ბედნიერება და კეთილდღეობა. მტკიცედ ვარ დარწმუნებული, რომ უკრაინასა და საქართველოს არა მხოლოდ საერთო ისტორია, არამედ ნათელი საერთო მომავალი აქვთ ევროპელი ერების ერთიან მეგობრულ ოჯახში. ჩვენი ქვეყნების ევროკავშირსა და ნატო-ში გაწევრიანების სტრატეგიული მიზანი ძალიან ახლო მომავლის საკითხია“, – წერს კასიანოვი.
რადიკალური ოპოზიციის წარმომადგენლებმა თავის სახე ბოლომდე აჩვენეს, – ამის შესახებ „ქართული ოცნების“ თავმჯდომარემ, ირაკლი კობახიძემ პარლამენტის პლენარულ სხდომაზე განაცხადა, სადაც იუსტიციის საბჭოს წევრების ასარჩევად კენჭისყრის მიმდინარეობისას, ოპოზიციის ნაწილმა დარბაზი დატოვა.
მისი თქმით, უერთდება მამუკა მდინარაძის მოწოდებას, ტექნიკური შესვენების გადმოცხადებასთან დაკავშირებით.
„მეც შევუერთდები მამუკა მდინარაძის მოწოდებას, კარგი იქნება ტექნიკური შესვენება გამოვაცხადოთ. იმავეს გავიმეორებ პრინციპში – ერთი ეს არის 12 პუნქტის შესრულების საბოტაჟი და მეორე, ხშირად საუბრობენ ხოლმე ცალკეული წარმომადგენლები კონსტიტუციასთან დაკავშირებით. როგორც ჩანს, მათ არ ახსოვთ, რას ნიშნავს თავისუფალი მანდატის პრინციპი და ჩვენმა ევროპელმა კოლეგებმა შეხედონ, როგორ ესმით ოპოზიციონერ კოლეგებს 12 პუნქტის მიმართ პასუხისმგებლობა და როგორ ესმით კონსტიტუციით, საერთაშორისო სტანდარტებით დადგენილი თავისუფალი მანდატის პრინციპი. რადიკალური ოპოზიციის წარმომადგენლებმა თავის სახე ბოლომდე აჩვენეს. გთხოვთ, კიდევ ერთხელ რომ ტექნიკური შესვენება გამოცხადდეს, რათა შემდეგ მოხერხდეს სხდომის გაგრძელება“, – განაცხადა ირაკლი კობახიძემ.
პარლამენტმა ამ დროისთვის იუსტიციის საბჭოს სამი არამოსამართლე წევრი აირჩია, ოპოზიციის ნაწილმა კენჭისყრის დროს დარბაზი დატოვა.
ის, რაც ახლა დარბაზში ვიხილეთ, ეს არის პირდაპირი საბოტაჟი, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.
როგორც შალვა პაპუაშვილმა აღნიშნა, „დოკუმენტაციებს რომ თავი დავანებოთ, ეს არის საქართველოს კონსტიტუციური ინსტიტუციების საბოტაჟი“.
„ეს არის სახე იმ უპატივცემულობისა, რომელიც გამოიჩინა რადიკალურმა ოპოზიციამ თავისუფალი მანდატის მიმართ და პირდაპირ ეთერში გამოჩნდა, როგორ ხდება ჩაშლა საქართველოს ევროპული ინტეგრაციის პროცესისა, პირდაპირ სახელებით, გვარებით, სახეებით დავინახეთ ადამიანები, რომლებიც შეეცადნენ, რომ საბოტაჟი მოეწყოთ. ამიტომ ტექნიკური შესვენება იქნება და მე ოპოზიციას მოვუწოდებ, დაფიქრდეს, რას აკეთებენ. ტექნიკურ შესვენებას მოგცემთ იმისთვის, რომ დაფიქრდეთ. სამი კანდიდატი არჩეული არის, ორი ვაკანსია არის კიდევ დარჩენილი და ყველას მოგიწოდებთ, დაფიქრდეთ იმ მაღალ პასუხისმგებლობაზე, რომელსაც თქვენი მანდატი ითვალისწინებს“, – განაცხადა შალვა პაპუაშვილმა.
პარლამენტში დღეს იუსტიციის უმაღლესი საბჭოს წევრების ასარჩევად კენჭისყრები იმართება, ამ დროისთვის არჩეულია სამი წევრი, რომლებმაც მხარდაჭერა ოპოზიციის წარმომადგენელთა ნაწილისგანაც მიიღეს. იუსტიციის უმაღლესი საბჭოს არამოსამართლე წევრის ასარჩევად სულ მცირე 90 ხმაა საჭირო. შესაბამისად, საბჭოს წევრების ასარჩევად საჭიროა როგორც უმრავლესობის, ისე ოპოზიციის ხმები. სამი წევრის არჩევის შემდეგ, ოპოზიციის ნაწილმა სხდომათა დარბაზი დატოვა.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
